黎深水埗食豬潤都會聯想起維記,但係呢間人氣食店都變左網紅店,好多時都要排隊,其實深水埗食豬潤有另一間,一樣出名同好味既食店,豬潤比更厚切,湯底味濃濃。另一個不得不提既圓型西多,比其他既更軟棉鬆軟,真係有梳乎厘既空氣感架! ▲西多士($34)外型係圓形,做法先將蛋白打發成至挺身,之後再慢慢混入蛋黃再打,最後才把麵包去沾蛋漿,再以低溫慢炸至金黃。 ▲西多士($34)西多士係即叫即製,要等20分鐘以上 ▲豬潤麵($34)有成1CM厚切豬潤食落爽滑!湯底唔會好濁,好多人都一飲而盡! ▲豬潤牛肉麵($34)豬潤覺得寡得滯可以配埋牛肉,咁樣湯底就較濃。 ▲南乳豬手粗麵($34) 豬手處理得乾淨,用乾䓤頭、蒜茸爆香金黃,再落南乳醬,炆到軟淋入味。 漢發麵家  地址:深水埗大南街192號電話:23807068營業時間:星期一至六 07:30 – 17:15,星期日休息 文字來源: 香港人.遊香港/圖片來源: jeffylfm、sillysillya_foodie、ms.hearts_kitchen...
蘇媽蘇媽係深水埗開左一段時間勁受歡迎,不過正所謂有競爭先有進步,最近隔一條街就有好類近食店進駐。褻點內容都好相似,做到分流作用。裝修陳設都富馬拉特色,辣死你嗎椰漿飯用藍色碟豆花取其顏色,影相打卡色彩繽紛!另外檳城福建蝦麵都好相近當地口味,值得一試wo! ▲辣死你嗎椰漿飯($55):藍花飯、參巴醬、椰絲、椰菜絲、紅洋蔥,一定要將配料mix埋先食到最佳口味! ▲檳城福建蝦麵($50):用蝦殼熬煮鮮甜湯汁,配上自製辣椒醬料,甜中帶點微辣,掛上麵條好好食! ▲馬來拉茶拉得越長,起泡越多 ▲呢間馬拉菜館同蘇媽蘇媽好似,唔知係抄襲定係巧合? 捌哥.捌哥特色馬拉茶啡廳 地址:深水埗汝州街188號地下電話:22536911營業時間:11:30 – 22:00 文字來源:香港人遊香港/圖片來源:@dkcl007、@itsdonaldwong...
呢間位小店主打糕點烘培,喺區內好受街坊歡迎,佢哋有兩款鎮店之寶拔絲蛋糕及冰鎮砵仔糕!拔絲蛋糕總共有四款台式經典口味包括綠茶、朱古力、牛油同埋芝士,全部口味都落咗秘制黃金肉絲,所以撕開時有好靚嘅拔絲效果,老闆特意選用天然新鮮材料製造,而且低糖健康,另外首創嘅冰鎮砵仔糕口感煙煙韌韌,仲要好透心涼! ▲新鮮出爐拔絲蛋糕! ▲細細隻嘅拔絲蛋糕鬆軟好味,只要輕輕一撕,就可以見到好靚嘅拔絲效果 ▲冰鎮砵仔糕存放喺4度以下嘅雪櫃保持溫度,見到都覺得透心涼。 ▲新推出水蜜桃味冰鎮砵仔糕 榮家糕點烘培店 地址︰深水埗桂林街50A號2舖時間︰12:00 – 22:30電話︰6698 0228 文字來源:香港人.遊香港/圖片來源:榮家糕點烘培店...
深水埗就最多平價小店,呢間店面設計夠簡潔,賣既係大堆頭意粉,全部都係平民價三十幾蚊,簡直係窮人恩物!卡邦尼意粉同蕃茄煙肉意粉 都係大大碟,意粉軟硬度適中,醬汁一d都唔hea,仲做得非常惹味,不得不提佢地碎蛋沙律牛角酥配薯角,碎蛋沙律仲多到好似爆發出黎咁﹐非常抵食! ▲卡邦尼意粉($38)醬汁邪惡得黎調配得宜 ▲香辣海鮮意粉($45) ▲碎蛋沙拉牛角酥配薯條($39)外脆內鬆軟既牛角包加上清新牛角酥 ▲All-Day-Breakfast-($88)非常豐富,吉列炸蝦、吉列豬扒、豬柳漢堡、BBQ煙肉、牛乳炒蛋、沙律菜、薯餅、蜂蜜牛角酥、熱紅茶 Majesty 地址:深水埗福華街15號地舖營業時間:11:30 – 22:30 文字來源:香港人.遊香港/圖片來源:@tournesol_blue、@kiri.kiyu、@foodforfuun、@dorarathy...
燒味呢d咁貼地既食物係香港人都食過,食到放題玩到咁大?深水埗一間燒味店大大隻寫住快靚正,最近仲出左$68下午茶放題,唔夠食仲可升級任食燒鵝、乳豬、西多士!真係好有gimmick,食到你唔食為止!不過燒味呢家野唔健康,都係少食為妙喇! ▲$68放題任食燒味包括燒肉、叉燒、油雞、切雞、燒鴨及燒排骨。 ▲14:30-18:30,一小時內可以任食各款燒味及白飯粉麵,附送一杯飲品。早放工既黎食個early dinner 都抵呀! ▲平時20幾蚊既飯都好大碟 ▲燒肉皮非常酥脆,肉質肥瘦平均! ▲加$20可升級任食燒鵝、乳豬、西多士及炒粉麵。 快靚正燒味粉麵茶餐廳 地址:九龍深水埗基隆街383-385號電話:2728 3009優惠期:至2018年10月09日一至五14:30-18:30,一小時內可以任食各款燒味及白飯粉麵,附送一杯飲品。條款及細則:* 優惠適用於星期一至五14:30-18:30(公眾假期/中秋節會暫停放題),最後下單時間為17:30* 優惠須受有關條款及細則約束* 詳情請與店舖職員查詢 文字來源:香港人.遊香港/圖片來源:@mjqueen7e、@supersupergirlhk、@moonmoonsin...
深水埗有間小麵店, 刀削麵同薯粉香辣程度令人好驚艷!集合左十幾款辣椒及自家香料,令食客的舌頭「燃」起來。辣椒油係四川重慶麵食的精華所在,麵身彈牙,掛上辣椒油同香料,鐘意食辣真係唔可以錯過!食完辣粉食返個軟滑紅糖涼粉,加上山渣碎提升口感! ▲重慶小麵配滷蛋($26+$5) – 湯底鹹香帶濃重爽辣蒜香味,湯面紅油及乾辣椒辣得刺激,小麵亦見煙韌彈牙。 ▲燃情刀削麵配 紅糖冰粉($35)有花生、炸醬都幾惹味,味道初初主要由花生和炸醬主導,後勁愈食愈辣! ▲麻醬雞絲涼麵($26) 唔想食辣既朋友可以試下呢個清新選擇。 ▲紅糖冰粉有助解辣,啫喱狀冰粉係植物種子黎,加上山楂乾、提子乾、冰凍糖水,真係好正! 山城小麵 地址: 塘尾大埔道70號營業時間:11:30–21:00電話: 2336 0605 文字來源:香港人.遊香港/圖片來源:harux666, phoebesoupnoodle, daily.storyyy,_c.longgg.tf...