自選車仔麵就食得多,車仔魚生飯真係聽到都令人好期待!魚生食材新鮮足料,仲要d飯係無限添加!自選丼飯豐儉由人,佢地有近40款材料比你揀,帆立貝、油甘魚呢d都係自選車仔餸最受歡迎!不過注意喇呢個午市優惠限定係只限旺角分店,尖沙咀朋友仔就冇得食喇! ▲厚切五式藍鰭吞拿魚丼(特價時段$150)大拖羅、中拖羅、火炙吞拿魚、碎蔥吞拿魚及赤身 ▲佢個飯底有飯素唔會好寡,自選丼飯油甘魚、吞拿魚、三文魚子、北寄貝 ▲自選丼飯:甜蝦、三文魚籽、油甘魚腩、活赤貝,樣樣都用料新鮮! ▲極上海鮮丼(特價時段$150) 鉄火堂(旺角) 地址:旺角登打士街36號恆威商業中心地下營業時間:12:00-03:00 文字來源:香港人.遊香港/圖片來源:@sleepy_hay、@jack.ccc、@kathy0719、@n_annie_y...
最近旺角呢間無麵店日日都大排長龍,原來大家都係想試柳州酸辣螺螄粉,食過嘅客人都大力推介,老闆每日自拆螺肉、配以雞湯、豬骨湯、酸辣筍、酸豆角等熬成嘅湯底,香濃得黎帶點酸酸辣辣,非常惹味!另一款都好多人叫嘅係卜卜蜆花甲粉,店主好細心咁用熱鍋上,新鮮蜆滾出奶白色嘅湯底,蜆肉花甲本身嘅鮮甜,加上金菇菜、玉米、莞茜等配菜,食落清甜好味! ▲香滑嘅米線,配上香濃嘅湯底、-配埋螺絲肉、肉末、酸豆角 ▲同場仲有其他麵款可以揀 ▲卜卜蜆粉用上原隻蜆、再配上金菇菜、玉米莞茜等配菜 ▲個湯滾到奶白色,非常清甜。 無麵不歡-中華房粉麵 地址︰旺角通菜街1A -1L號威達商業大廈地下M號舖時間︰12:00 – 23:00電話︰67688854 文字來源:香港人.遊香港/圖片來源:無麵不歡-中華房粉麵...
呢間cafe 位於旺角女人街,估唔到都有高質蛋包飯!蛋包飯及日式咖哩都係亮點,選用香濃雞蛋,上台碟碟都嫩滑半熟狀態,仲有大大件人手打造安格斯牛肉漢堡或原條鰻魚選擇!而日式咖喱帶甘甜口味,後勁帶微辣,係用蔬菜慢煮。 ▲日式咖哩漢堡蛋包飯($98)漢堡係用安格斯牛肉打成,肉味香濃食落非常juicy!原來秘訣係將手打牛肉時將蛋白混和用黏,肉質就會軟腍! ▲日式咖喱牛腩蛋包飯($72)牛腩都炆到軟腍 ▲和風鰻魚芝士蛋包飯($98)燒汁鰻魚原條上,芝士、炒蛋配搭好夾。 ▲特色咖喱吉列豬扒蛋包飯($74)使用上天然健康飼養穀飼豬,唔怪炸完d肉質仲係嫩嫩的 桃子Cafe 地址:旺角通菜街22號地下電話:23313328營業時間:12:00 – 22:30 文字來源:香港人.遊香港/圖片來源:@barcaleo、@law_bobo、@follow9facetoeat...
小編有時出街食麵,想食餃子又想食牛腩,今日小編搵到個地方可以滿呎到2個願望!湯餃煎餃隻隻飽滿,餡靚足料味道出色!湯餃既話小編就會轉清甜既蟲草湯底 ,不過講到招牌清湯牛腩河 ,佢地牛腩肥瘦適中,油脂十足,蘿蔔清甜挺入味。 ▲淸湯腩($68)淸湯腩用上牛爽腩,即係牛肚皮附近,有塊薄軟膠質相連,腩肉一層肥一層瘦,佢個湯底充滿蘿蔔清甜香氣!連佘詩曼都like 爆! ▲椰菜豬肉餃拼馬蹄香芹菜豬肉餃 (共九隻 $45)煎餃煎得表面金黃,食落唔會太油膩,馬蹄香芹菜豬肉餃菜肉比例平均,而爽甜馬蹄食落令餃子更清新。 ▲醉雞($90)採用新鮮農場走地雞,雞肉入口嫩滑,配上頂級花雕酒,惹味非常。 ▲識食一定要+$8轉蟲草湯底,蟲草份量一d都唔吝嗇,飲落清甜滋潤非常順喉。 餃腩店 地址: 旺角豉油街88號電話: 2366 6668 文字來源:香港人.遊香港/圖片來源:@charmaine_sheh、@g.thefoodie、@hachiwaya、@tingfungig...
無論係山咁既牛肉蓋飯定牛肉油拌麵,都係沿用日本製法慢煮牛肉,慢煮牛肉好嫩亦有牛味 ,撈埋汁更惹味,尤其是係牛肉油拌麵,食落去口感豐富,質感creamy有d似卡邦尼! ▲乳白色沙律醬伴牛肉感覺冇咁肥膩,另外仲洋蔥配牛肉汁,撈飯食一流呀! ▲辛味牛布拉拌麵-70G $88、130克 $118、190克 $148 選用薄切美國牛肩胛肉,肉味濃、肉汁豐富。 ▲蓋飯牛肉可選130克 $88、190克 $118及巨無霸390克 $198,女仔食最輕量既130克已經好夠! ▲雲雨咖啡($38)巨大棉花糖像輕盈雲朵覆蓋在咖啡上,奶香及咖啡混合交融! 牛布拉麵 地址: 旺角彌敦道700號營業時間: 12:00–22:30 文字來源:香港人.遊香港/圖片來源:@waiwai_24、@ooshareoo、@nakata_tsang_1119、@bemymaggie...
黑糖珍珠開始飽和﹐next step會唔會係沙冰呢?朱古力品牌多多,形式仲千變萬化,好似oreo,橙餅,吉伯利,金莎,麥提莎,hershey”s呢d全部都可以變做沙冰!小店朱古力Bar有成20款,M&M’s 朱古力沙冰七彩繽紛、香蕉朱古力又勁夾!真係唔知揀邊樣先好! ▲MM’s朱古力沙冰,七彩MM’s朱古力,睇見都好開心 ▲呢個螢光Candy-Wall咁多格,話你知朱古力種類真係好多! ▲阿華田+麻糬+霹靂朱古力脆脆,小編覺得呢杯野飲可以當飯食煙韌嘅麻糬加上熟識既阿華田,霹靂朱古力口腔入爆炸,真心勁!霹靂朱古力脆脆(配料每款$3) ▲香蕉朱豬(香蕉朱古力沙冰)($35)用新鮮香蕉果蓉、黑朱古力醬同鮮奶加打成 ShakeShakeShake 地址:旺角廣華街1號仁安大廈地下14D號舖營業時間:星期一至日 11:00 – 23:00 文字來源:香港人.遊香港/圖片來源:@shakeshakeshake_hk...
仲有要試埋水果星球! 萌斷面即是在製作食物過程中,先構思好切面層次感,本尺對於果汁界都唔係新鮮事,不過佢地個奶昔拉花令原本色彩鮮豔奶昔更加繽紛同富藝術感!點可以唔提埋水果星球呢?球形水果果凍晶瑩剔透,非常吸睛。 ▲牛油果香蕉smoothie-HKD55。Smoothie賣相好靚,全天然健康水果,不過牛油果同香蕉都係飽肚野,order時就要留意返 ▲星球系列可揀配芒果西米/芒果汁涼粉/椰汁涼粉,有豐富水果,加上幾粒透明啫喱包住水果粒。 ▲香芒之戀($48)芒果味拉花奶昔,呢款水果奶昔拉花,係由日本興起,切面仲可以從玻璃杯見到成片新鮮水果做搭配,又好睇又好飲。 ▲榴槤星球配椰汁涼粉($43)榴槤星球正合榴槤控心意,果肉香甜綿密,不過絕對唔夠食呀! ▲綠茶芭菲賣相唔錯有幾層,紅豆粒粒渾圓大粒,加粟米片脆脆好有口感。 粒粒果甜品 地址: 旺角廣華街3號百利達廣場地下1號舖電話:23779388營業時間:15:00 – 01:00 文字來源:香港人.遊香港/圖片來源:@gastronomic_journey、@ddaarrlliiee、@waiwai_24、@opheee_...
去日本食壽司,不少人第一時間都會想到美登利,登利壽司店主打經濟實惠而且高質素嘅魚生,材料大部分都由日本直送,又選用山形縣飯粒及瀨戶內紫菜,平時係日本一般一要至少排半小時!小編今次率先試左佢地既重點推介,真係樣樣都材料新鮮呀! ▲日本大熱壽司店梅丘寿司の美登利之前已經確認會喺香港開分店 ▲大拖羅壽司、中拖羅壽司同赤身壽司,肉質各有不同,大拖羅當然係最肥美,入口即溶! ▲元祖原條穴子壽司($78)佢仲長過部iphone真係好霸氣!要將海鰻去骨烤焗,保持日本店既風味真係非常難得! ▲大赤海老壽司,蝦肉味道比甜蝦更鮮甜爽口 ▲特級筋子壽司,筋子其實係卵巢薄膜包覆魚卵,特別味濃! ▲蟹三貫,有生熟松葉蟹腳同蟹膏 ▲蟹肉蟹膏沙律($45/半份;$85/全份) ▲海鮮茶碗蒸 梅丘壽司の美登利 地址:旺角雅蘭中心2樓202號開幕日期:2018年11月2日 文字來源:香港人遊香港/圖片來源:美登利 & 香港人遊香港...
喺香港地要搵靚豬雜食絕對唔容易,呢間位於屯門嘅豬大王最近開分店開到去旺角啦!佢哋金牌八寶麵有齊晒八款材料包括豬膶、豬腰、豬肺等等,佢哋嘅喺豬雜非常新鮮,加上熬咗十幾個鐘嘅豬骨湯底,真喺好正!另外亦可以試吓招牌豬扒撈麵,豬扒即叫即整,厚身得嚟食落好Juicy! ▲皮蛋芫茜肉片湯飯-天氣悶熱,湯飯就啱晒無咩胃口嘅你啦!你仲可以隨意選擇各種豬嘅配料,味道非常鮮甜美味,值得一試。 ▲即叫即整嘅招牌豬潤麵,豬骨濃湯湯底! ▲金牌八寶麵-豬肉、豬腸、豬肺、豬腰、豬肚、豬潤、豬肉片、豬肉丸等八寶,各個部位口感都吾同,你一定會中意姐! ▲炸雞中翼-外皮香脆,裏面肉質仲保持得非常嫩滑,非常受客人歡迎! ▲皇牌豬扒撈麵-自家秘製嘅皇牌豬扒口感鬆軟,肉汁豐富,非常惹味! 豬大王 地址︰旺角黑布街99號昌明大廈地下C號舖時間︰12:00-22:00電話︰90816670 文字來源:香港人.遊香港/圖片來源:蝦佬...
旺角呢間壽司食堂開業以嚟,都有唔少朋友推介,佢哋喺香港首間以「當店精米」為主打嘅餐廳,門口特意設置兩部精米機,為咗客人提供最新鮮嘅白米。精米入口更有米香,粒粒分明!而佢哋嘅米飯漢堡非常受歡迎、兩邊米都煎到香脆,食落帶少少辣味,餡料由松葉蟹肉、三文魚、牛油果、生菜、芝士等組成,入口層次分明!另外手握壽司亦有好高水準! ▲丸十壽司喺香港第一間「當店精米」餐廳,為客人提供最新鮮的白米 ▲海鮮配上當店精米,一試愛上! ▲配埋新鮮嘅材料,整出嚟嘅丼飯非常讚。 ▲壽司師傅發辦為你整時令美味嘅海鮮壽司 丸十寿司 日本食堂 地址︰旺角亞皆老街8號朗豪坊12樓13號舖時間︰12:00-23:00電話︰31880978 文字來源:香港人.遊香港/圖片來源:丸十壽司日本食堂...