自選車仔麵就食得多,車仔魚生飯真係聽到都令人好期待!魚生食材新鮮足料,仲要d飯係無限添加!自選丼飯豐儉由人,佢地有近40款材料比你揀,帆立貝、油甘魚呢d都係自選車仔餸最受歡迎!不過注意喇呢個午市優惠限定係只限旺角分店,尖沙咀朋友仔就冇得食喇! ▲厚切五式藍鰭吞拿魚丼(特價時段$150)大拖羅、中拖羅、火炙吞拿魚、碎蔥吞拿魚及赤身 ▲佢個飯底有飯素唔會好寡,自選丼飯油甘魚、吞拿魚、三文魚子、北寄貝 ▲自選丼飯:甜蝦、三文魚籽、油甘魚腩、活赤貝,樣樣都用料新鮮! ▲極上海鮮丼(特價時段$150) 鉄火堂(旺角) 地址:旺角登打士街36號恆威商業中心地下營業時間:12:00-03:00 文字來源:香港人.遊香港/圖片來源:@sleepy_hay、@jack.ccc、@kathy0719、@n_annie_y...
吉列豬扒真喺大人細佬都咁中意。好味嘅吉列豬脆卜卜好香口,味道仲一流,不過要整得好味就好睇廚師嘅技巧同心機啦!呢間位於中環嘅小店主打由鹿兒島三元運到嘅豚肉,而且用上全日本食材。廚師將豚肉切得大細一致,切斷邊緣上嘅筋膜,令炸時不會捲起,加上鹽同黑椒等調味,再沾上蛋漿,最外層再裹一層麵包糠就可以落油鍋炸啦!炸出嚟嘅豚肉外層鬆脆,未食都可以見到裏面肉汁非常豐富。如果想一次過試多款豚肉,可以試下佢哋嘅Porker Set,呢款定食包含咗西冷及牛柳兩款扒,配埋薯蓉、湯、白飯同椰菜絲,包你食完捧住個肚! ▲PORKER定食$220-有前菜、湯、白飯、薯蓉、椰菜絲、西冷及豬柳,超大份。 ▲吉列熟成豚西冷咖哩$200-豬柳大大塊,咖哩汁好有日式FEEL唔喺太甜,少少辣! ▲豚肉炸得好夠火喉,外面軟脆,裏面仲喺嫩滑多汁,正! ▲滑蛋吉列熟成豚蓋飯-軟糯嘅日本飯上,放上招牌吉列豚西冷、雞蛋、祕製醬汁及洋蔥,配上豚肉味噌湯及漬物,你一定會中意! Porker 地址︰中環威靈頓街55號地庫時間︰12:00 – 1430、18:00 – 2300,逢星期日休息電話︰67065298 文字來源:香港人.遊香港/圖片來源:@sukimpy、@justfood_hk、@hkfoodiesilvana、@cammygm...
將軍澳呢個美食荒漠又有清泉喇!以呢個雞蛋簡單食材做主題,仲特意選用日本空運無菌蛋,變化成半熟玉子蓋飯、醬油流心蛋同風太陽蛋。旋風滑蛋就最考功架,廚師需要夾住鍋中央蛋漿快速轉圈,少d技巧都會失敗!食完飯好多人都會order佢地梳乎厘班戟做甜品,班戟極之厚身,輕柔質感食落鬆軟無比! ▲咖哩豬扒蛋包飯 ,日式咖哩甜而不辛,厚切吉列豬扒份分量十足,炸過既吉列豬扒入口肉質嫩滑。 ▲菠菜奶油三文魚飯配半熟玉子蓋飯 香滑蛋汁加菠菜奶油醬汁上包住粒粒白飯軟嫩細緻,蛋香十足。 ▲吉列蝦配半熟玉子蓋飯,旋風炒蛋係先將蛋漿從鍋內炒成旋風,口感嫩滑,配上吉列蝦一滑一脆! ▲梳乎厘班戟富輕柔質感﹐加上楓糖糖漿同鮮忌廉一齊食就最啱! 玉子造屋 地址: 將軍澳唐德街B03C將軍澳中心營業時間: 11:30–22:00電話: 2395 8844 文字來源:香港人.遊香港/圖片來源:@ricltf、@my_ankh、@angusor0926、@love_meow_meow...
最近有間日本料理店新出Art Menu,將藝術融於菜式中,化作一道道如畫作般嘅精緻料理,碟碟都以花入饌,睇得又食得,賣相雅緻外味道亦配合得天衣無縫。餐廳採用嘅食用花,全部都係嚟自本地農莊,可以配襯唔同食材!壽司飯入面會混入墨魚汁,令鮮味更突出,而每件壽司頂亦有一棵食用花,襯托出最好嘅魚鮮味,今次相機實會食到好飽! ▲「拖羅」源自日語意思是吞拿魚肥美的魚腩部位 ▲以食用花入饌,賣相雅緻外,味道亦配合得天衣無縫。 ▲新推出Art Menu,將藝術融於菜式中,化作一道道如畫作般的精緻料理 ▲碟碟都以花入饌,好鬼靚! Kuro Japanese Cuisine 地址:銅鑼灣登龍街1-29號金朝陽中心2期Midtown 28樓電話:28826898時間:12:00 – 00:00 文字來源:香港人.遊香港/圖片來源:Kuro Japanese Cuisine...
呢間cafe 位於旺角女人街,估唔到都有高質蛋包飯!蛋包飯及日式咖哩都係亮點,選用香濃雞蛋,上台碟碟都嫩滑半熟狀態,仲有大大件人手打造安格斯牛肉漢堡或原條鰻魚選擇!而日式咖喱帶甘甜口味,後勁帶微辣,係用蔬菜慢煮。 ▲日式咖哩漢堡蛋包飯($98)漢堡係用安格斯牛肉打成,肉味香濃食落非常juicy!原來秘訣係將手打牛肉時將蛋白混和用黏,肉質就會軟腍! ▲日式咖喱牛腩蛋包飯($72)牛腩都炆到軟腍 ▲和風鰻魚芝士蛋包飯($98)燒汁鰻魚原條上,芝士、炒蛋配搭好夾。 ▲特色咖喱吉列豬扒蛋包飯($74)使用上天然健康飼養穀飼豬,唔怪炸完d肉質仲係嫩嫩的 桃子Cafe 地址:旺角通菜街22號地下電話:23313328營業時間:12:00 – 22:30 文字來源:香港人.遊香港/圖片來源:@barcaleo、@law_bobo、@follow9facetoeat...
觀塘呢間日式料理店主打烏冬,老闆同一家人都曾經去過日本四國學藝,仲重本於店內自設製麵機,每日新鮮自製烏冬,烏冬分冷熱兩大類,必試嘅海苔烏冬質感彈牙,老闆希望可以喺香港重現日本味道同口感,仲強調唔造港式日本菜。烏冬配料可以揀洋葱牛肉、天婦羅等等,價錢唔算貴,而有好多食客真係讚有日本味道🤤,最近老闆仲係長沙灣開咗分店! ▲店主曾經去過四國學藝,每日新鮮自製讚岐烏冬 ▲加入大麥粉及粗麥粒製作嘅烏冬就含有大量纖維 ▲烏冬分冷熱兩大類,可以配鰹魚湯、醬油、拌蛋等 ▲午飯時間大排長龍 鰹烏冬地址: 觀塘開源道60號駱駝漆大廈3期11樓O室 長沙灣元洲街450/464號寶華閣地下4號舖 文字來源:香港人.遊香港/圖片來源:鰹烏冬...
無論係山咁既牛肉蓋飯定牛肉油拌麵,都係沿用日本製法慢煮牛肉,慢煮牛肉好嫩亦有牛味 ,撈埋汁更惹味,尤其是係牛肉油拌麵,食落去口感豐富,質感creamy有d似卡邦尼! ▲乳白色沙律醬伴牛肉感覺冇咁肥膩,另外仲洋蔥配牛肉汁,撈飯食一流呀! ▲辛味牛布拉拌麵-70G $88、130克 $118、190克 $148 選用薄切美國牛肩胛肉,肉味濃、肉汁豐富。 ▲蓋飯牛肉可選130克 $88、190克 $118及巨無霸390克 $198,女仔食最輕量既130克已經好夠! ▲雲雨咖啡($38)巨大棉花糖像輕盈雲朵覆蓋在咖啡上,奶香及咖啡混合交融! 牛布拉麵 地址: 旺角彌敦道700號營業時間: 12:00–22:30 文字來源:香港人.遊香港/圖片來源:@waiwai_24、@ooshareoo、@nakata_tsang_1119、@bemymaggie...
熟食市場再次彈出隱世正野!有個日本大廚熱愛香港,係葵芳小區熟食市場開左間小小居酒屋,必試佢既靜岡蒸蛋,上台時係原煲上,茶碗蒸似梳乎厘口感,亦似蛋糕軟密幼滑,入口即溶。 ▲靜岡蒸蛋($42)同一般茶碗蒸唔同,大廚先將把雞蛋打發起泡,再將熱湯一口氣加進去,再蓋上碗蓋以水蒸,因此軟密幼滑 ▲炸蝦天婦羅烏冬($68) ▲居酒屋位於街市入面熟食市場,地方唔算大,偏偏就好多人慕名而來 ▲特厚炸豬扒丼($52),豬扒表面金黃香脆, 先試原味再沾咖哩食, 外脆內嫩豬扒肉質唔錯, 點咖哩食就多左份濕潤豐富口感。 滿足食堂 地址:葵涌和宜合道24號和宜合道熟食市場C6號舖營業時間:星期四至二: 12:00-15:00; 18;00-22:00 逢星期三休息 文字來源:香港人.遊香港/圖片來源:@plebeianfoodhk、@gwaaa_____、@lettywow333、@roadmanhk...
去日本食壽司,不少人第一時間都會想到美登利,登利壽司店主打經濟實惠而且高質素嘅魚生,材料大部分都由日本直送,又選用山形縣飯粒及瀨戶內紫菜,平時係日本一般一要至少排半小時!小編今次率先試左佢地既重點推介,真係樣樣都材料新鮮呀! ▲日本大熱壽司店梅丘寿司の美登利之前已經確認會喺香港開分店 ▲大拖羅壽司、中拖羅壽司同赤身壽司,肉質各有不同,大拖羅當然係最肥美,入口即溶! ▲元祖原條穴子壽司($78)佢仲長過部iphone真係好霸氣!要將海鰻去骨烤焗,保持日本店既風味真係非常難得! ▲大赤海老壽司,蝦肉味道比甜蝦更鮮甜爽口 ▲特級筋子壽司,筋子其實係卵巢薄膜包覆魚卵,特別味濃! ▲蟹三貫,有生熟松葉蟹腳同蟹膏 ▲蟹肉蟹膏沙律($45/半份;$85/全份) ▲海鮮茶碗蒸 梅丘壽司の美登利 地址:旺角雅蘭中心2樓202號開幕日期:2018年11月2日 文字來源:香港人遊香港/圖片來源:美登利 & 香港人遊香港...
旺角呢間壽司食堂開業以嚟,都有唔少朋友推介,佢哋喺香港首間以「當店精米」為主打嘅餐廳,門口特意設置兩部精米機,為咗客人提供最新鮮嘅白米。精米入口更有米香,粒粒分明!而佢哋嘅米飯漢堡非常受歡迎、兩邊米都煎到香脆,食落帶少少辣味,餡料由松葉蟹肉、三文魚、牛油果、生菜、芝士等組成,入口層次分明!另外手握壽司亦有好高水準! ▲丸十壽司喺香港第一間「當店精米」餐廳,為客人提供最新鮮的白米 ▲海鮮配上當店精米,一試愛上! ▲配埋新鮮嘅材料,整出嚟嘅丼飯非常讚。 ▲壽司師傅發辦為你整時令美味嘅海鮮壽司 丸十寿司 日本食堂 地址︰旺角亞皆老街8號朗豪坊12樓13號舖時間︰12:00-23:00電話︰31880978 文字來源:香港人.遊香港/圖片來源:丸十壽司日本食堂...
札幌No. 1 蝦湯拉麵!尖沙咀無敵海景旗艦店! 呢間拉麵店於2009年發跡於北海道札幌🇯🇵️,之前就喺灣仔開咗第一間分店,最近尖沙咀旗艦店終於開幕,仲有得坐住海景位嘆拉麵,必試甜蝦湯底拉麵,每一鍋湯頭用成15公斤嘅甜蝦蝦頭熬製🦐,將蝦頭內嘅蝦膏精華完美融入湯中,行過門口都聞到陣鮮味!而家仲有新店限定特濃蝦汁拌麵全球首度登場,日本都食唔到架! ▲一幻拉麵尖沙咀店呢個海景坐位係網紅打卡熱點黎,坐擁維多利亞港全景! ▲採自然光影相打卡最perfect! ▲一幻拉麵於2009年發跡於北海道札幌,最特別就係鮮蝦熬製嘅湯頭 ▲今次仲有海外限定「一幻叉燒飯」 ▲來自北海道,以蝦湯底馳名的一幻拉麵再開分店,今次選址尖沙咀作香港旗艦店。 ▲特濃蝦汁叉燒拌麵,連總店都沒有供應。 ▲餃子($35 /5隻) 一幻拉麵 地址﹕尖沙咀海港城海運大廈地下OTG 59號舖 電話﹕31051199 時間﹕11:30 – 23:00 文字來源:香港人.遊香港/圖片來源:一幻拉麵店、HarbourCity...
日本平價天婦羅丼飯連鎖店「天丼てんや」自1989年於日本東京八重洲開幕至今已有30年歷史,日本共有200多家分店,海外都有10幾間分店!12月係係人稱美食荒漠既青衣城開幕,天丼てんや於平成元年喺東京築地開立,一直在日本極具人氣,小編勁推招牌淺草海老天丼,每碗仲有3隻黑虎蝦,加上日本進口芥花油與丼飯醬汁,6款丼飯定價最低$49就試到日本道地美味,CP值爆燈! ▲海老穴子天丼($82) 穴子(即鰻魚)、黑虎蝦、蟹柳,仲有蔬菜如南瓜、四季豆、本菇。 ▲天婦羅蕎麥麵定食($78) 食完熱辣辣既天婦羅可以配埋涼浸浸既蕎麥麵,感覺真係好正! ▲呢個日本八重洲過江龍,研發出一部專做天婦羅油炸機,仲拎埋專利,炸天婦羅時穩定油溫於攝氏一百八十度,亦設紅外綫功能,做到酥脆口感。 ▲一定趁熱食黑虎蝦肉非常彈牙! ▲呢間天丼店一開幕就成為美食荒漠之清泉! 天丼Tenya 地址:青衣青敬路33號青衣城地下G02號舖電話號碼:90200287營業時間:星期一至日11:00 – 15:45;17:30 – 21:45 文字來源:香港人.遊香港/圖片來源:@joyjoywai、@cathyleung816、@solitarygourmett、@tarokono、@s_bb_sarah...