呢間旺角多國菜放題店有200款式食物,搜羅日、泰和西式風味菜式,組合成創意新派料理,有多款壽司刺身、天婦羅,更有生蠔、芝士龍蝦和多款即烤串燒等等。依家佢為左答謝醫護 /大學生 /消防 /記者對香港既貢獻,仲推出左半價優惠,而個優惠期係直到贏為止,小編第一次見到個優惠期,希望期限快d完… ▲放題包括一般燒物、串燒,芝士燒蠔等。 ▲壽司軍艦都有得揀,雖然唔係極上刺身級,都叫食得過! ▲刺身就可以不妨一食再食!有生蝦、甜蝦、北寄貝、三文魚等。 ▲燒蝦、海鮮等 ▲其它熟食、天婦羅選擇都幾多。 ▲海膽、軟殼蟹手卷 ▲除咗Movenpick,仲有Häagen-Dazs選擇 極上•帝王水產 地址: 旺角西洋菜街 1 號兆萬中心 9 樓營業時段:12:00 – 00:00電話:2111 1821半價優惠期限:直到贏為止.指定證件優惠條款及細則:* 凡持有醫護 /大學生 /消防 /記者証件人士可享此優惠* 每日頭20位合資格人士可享用此半價優惠* 20位限額過後持有效証件者亦享八折優惠* 優惠受細則條款約束* 詳情請向店員查詢(21111821) 文字來源:香港人遊香港/圖片來源:極上•帝王水產、@smart_enjoy_life...
呢間甜品店又有限定優惠喇!依家只要堂食滿$78,再加98蚊就可以任食日本直送水果甜品同雪糕,60分鐘內都瘋狂任食,放題食盡9款甜品包括日本超人氣既水果三文治、草莓千層班戟等,每人仲可以食埋半個北海道網紋或森蜜連雪糕,蜜瓜控絕對唔可以錯過,因為平日食都要200蚊左右,所以係好抵食!如果唔想食咁多,小編絕對推薦全新登場既梳乎厘班戟系列,今次就有北海道蜜瓜,真係好吸引呀! ▲+$98就可以任食日本直送水果甜品,包括有水果三文治、啫喱杯等。 ▲任食甜品仲包括芒果班戟 ▲水果芝士撻亦係好受歡迎既餐點之一。 ▲千層水果班戟,以彩虹色層層相間,吸睛度非常高! ▲士多啤梨芝士蛋糕 ▲order放題每人仲有一客北海道蜜瓜士多啤梨雪糕,蜜瓜有2款-北海道赤肉蜜瓜、日本青肉蜜瓜,隨當日既入貨為準。 ▲今次放題一次過可以食足9款甜品,當中包括水果三明治 、鮮果Jelly 杯、鮮果撻、鮮果蛋糕,仲唔夠不妨order多個蜜瓜班戟! ▲士多啤梨梳乎厘班戟配日本直送特濃士多啤梨軟雪糕 ($108) 酸酸甜甜清新味道配軟雪糕,酸甜感覺一流! ▲ 芝士乳酪梳乎厘班戟 ($78)輕芝士加乳酪打成芝士忌廉! ▲ 北海道蜜瓜梳乎厘班戟($118) 水果味道同梳乎厘可以互雙昇華! Kingsley Café and Meal 地址:旺角彌敦道700號T.O.P商場3樓315號舖 文字/圖片來源:香港人.遊香港...
位於灣仔碼頭既築地山貴水產一向主打新鮮海產和刺身。依家正值生蠔當造季節,最近佢地又重推$188任食生蠔放題,由即日起至4月尾,客人於築地山貴堂食惠顧任何食品或者飲品滿$200,就可以加$188享用由日本兵庫縣直送既真蠔放題。真蠔既肉質肥厚,蠔身的鮮甜味道,再加上微微的海水味,令人一試難忘!更重要係,今次既優惠係星期一至日既任何時段都可以用,假期有時間不妨去望住海景嘆生蠔! ▲只要喺餐廳堂食惠顧任何食品或者飲品滿$200,就可以加$188享用由日本兵庫縣直送既真蠔放題。 ▲主廚會用日式方法去處理新鮮真蠔,開蠔後會加入秘製酸汁、辣蘿蔔蓉同埋香葱調味,令蠔的鮮甜味道得以昇華。 ▲特選壽司盛($298):築地山貴水產既皇牌壽司盛!有齊牡丹蝦、吞拿魚腩 、海膽、赤貝、三文魚籽、油甘魚、金線鯛仲有兩款季節精選。 ▲山貴丼($118):海鮮丼推介依個!有10款唔同既魚生粒同三文魚籽,簡直係大滿足! 真蠔放題@築地山貴水產 地址:灣仔灣仔碼頭2樓電話:39745609營業時間:12:00 – 21:00限定日期:3 月 25 日至 4 月尾,星期一至日任何時段均可享用,限時 90 分鐘 文字來源:香港人.遊香港/圖片來源:築地山貴水產...
仲有懷舊孖條唧唧冰 ! 呢間位於葵芳放題店性價比幾高,除了一般都有的刺身、壽司、串燒、炸物,仲有香港人最鍾意的火鍋真係照顧周到。刺身當中以象拔蚌最吸引,爽彈鮮甜。黑松露帶子壽司、三文魚刺身夠厚切,焗蠔夠熱肉夠滑。飲品款式又多選擇,其中暖維他奶和生啤真係夠晒誠意。甜品方面有兒時最愛的唧唧冰、孖條可以同人開心share! ▲象拔蚌刺身爽口彈牙、三文魚刺身夠厚切、甜蝦刺身夠鮮甜。 ▲壽司選舉款式不少,以黑松露帶子壽司味道比較突出。黑松露味香、帶子有厚度鮮甜。 ▲焗蠔有芝士和蒜香兩款,蠔肉比較細粒但夠味道。 ▲蜆肉粒粒飽滿。 ▲炸榴槤波波,榴槤餡非常重手,榴槤味香。 ▲炸香芋波波,芋頭味香濃。 ▲放題未夠喉仲有火鍋打。 ▲童年回憶唧唧冰、孖條,可以開心share。 ▲暖笠笠熱維他奶。 ▲任飲自助生啤機。 ▲飲品選擇都不少,汽水、茶、啤酒。 夢工房西日料理 地址: 葵芳葵義路2-10號新葵芳花園好爵中心商場1樓電話號碼: 26289636 星期一至日 11:30 – 15:30 午市成人$88 小童$68星期一至四 17:30 – 18:30 前入座成人$168 小童$128 長者$148                   18:30 – 20:30入座成人$188 小童$128 長者$148               ...
又想打邊爐又想食放題?旺角呢間任食店就可以一次過滿足曬你嘅願望!除咗火鍋配料、刺身、燒物、炸物等任食之外,佢仲有「造型火鍋」,倒入熱湯之後,造型湯底會慢慢溶化!造型湯底仲有多款選擇,Book位個陣記住同店員查詢喇! ▲火鍋湯底共有六款選擇,包括皮蛋莞茜、沙爹、冬瓜排骨、豬骨、豆乳海鮮、人蔘雞、蕃茄同重慶麻辣,加$68蚊仲可以揀4格湯底添!造型湯底十分可愛,聽聞仲有唔同造型,好似鴨仔、熊仔、狗仔等,建議Book位時可以問清楚 =] ▲店內有提供多款火鍋配料,好似火鍋配料就有蜆、海蝦、帆立貝同鯪魚滑,如果加錢食中日放題嘅話仲有生蠔、蟶子、東風螺、象拔蚌同墨魚滑選擇添! ▲出面仲有一個火鍋配料自助區,有蔬菜同丸類等配料,食幾多夾幾多! ▲升級嘅日式放題主要分刺身、壽司、炸物、燒物同沙律!刺身有成十幾款,而且仲好新鮮,另外壽司同燒物都好好味,特別係火灸類壽司,必點!呢個升級放題值得加! 飲品方面亦係自取,款式都算多,甜品方面有雪糕同一口甜品可以自取! 入座計 海鮮火鍋 海鮮火鍋+日式放題 14:30-16:59 $128 $178 17:00-17:59 $138 $188 18:00-20:59 $158 $198 21:00-21:59 $148 $188 22:00後 $138 $178 注:星期五至日、公眾假期及其前夕加收$10;另設加一 八鍋堂.中日火鍋專門店  地址: 旺角西洋菜街1號兆萬中心3樓301號舖營業時間: 14:00 – 00:00電話:2151 2838 文字/圖片來源:香港人.遊香港...