這家位於尖沙咀的法國餐廳,推出任食放題優惠,加$188就可2小時任食法國頂級藍青口!即日起至6月29日期間,逢星期日至星期三,堂食惠顧一款主食($158起),再加$188,就可在2小時內豪歎頂級法國「睡青口」,又名活青口,被捕獲後置於低溫海水中,令青口進入睡眠狀態,肉質一流,鮮甜多汁。主食亦有9款可以選擇,包括頂級側腹牛排、香煎海鱸魚、龍蝦汁大蝦意粉,以及明太子意粉等。
人氣台灣火鍋放題店再開分店,近日正式進駐尖沙咀,餐廳以正宗台灣湯底、特色地道食材為賣點,加上餐廳提供精選牛肉,由特級安板斯牛至M5澳洲和牛都有,所以一直非常受歡迎。新分店更推出全新的午市套餐,分別是「 60分鐘一人一鍋定量午餐 」和「90分鐘午餐吃到飽 」。「 60分鐘一人一鍋定量午餐 」共有8款午餐可供選擇,另設有自助火鍋配料吧和飲品吧,亦可以追加更多付費食品同飲品! 而「90分鐘午餐吃到飽 」有三種放題套餐,分別係「精選嫩牛吃到飽」、「特級安格斯吃到飽」、「極上和牛吃到飽」,仲可以加$30 升級海鮮任吃!餐廳即日起至 2020 年 9 月 13 日所有套餐一律 88 折,而試業期內午市吃到飽套餐更可任食鴨血,售完即止。 ▲「 60分鐘一人一鍋定量午餐 」: 共有8款午餐可供選擇,另設有自助火鍋配料吧和飲品吧,亦可以追加更多付費食品和飲品! ▲牛乳起司鍋 ▲紅燒牛骨鍋 ▲台灣濃香番茄鍋 ▲「90分鐘午餐吃到飽 」:肥牛油脂豐富,仲可以加$30 升級海鮮任吃! 文字來源/ 圖片來源:香港人遊香港...
香港好似冇乜正宗嘅四川嘅串燒可以食,大部分都係港式燒烤。最近一間喺旺角廣華街嘅串串店—串爆就引起咗小編嘅注意!主打正宗成都串串,2小時無限任食,多達40種配料,蔬菜、丸類、肉類等等,配合麻辣口味,可以選擇辣度,有BB辣同唔辣,所以食唔到辣都唔洗擔心~ 仲可以任食各種風味小食,包括滷水雞翼尖、香辣無骨鳳爪、棒棒雞同埋蒜泥青瓜等等!食下辣真係好過癮! ▲ 見到咁多串串,真係好震撼!咁多款串串真係唔知試邊款先啦! ▲ 多款風味小食任食,有滷水雞翼尖、香辣無骨鳳爪、棒棒雞、蒜泥青瓜、 麻辣豬紅等! ▲ 滷水雞翼尖嘅滷水味好濃郁,好入味,啲皮都好嫩滑! ▲ 除咗小食,亦有湯麵任食,例如成都肥腸麵、麻辣牛肉麵、蕃茄牛肉麵,仲可以揀麻辣湯底或者豬骨湯底! ▲ 食物種類都唔少,蔬菜、丸類、肉類等等嘅都有,差唔多40款,仲有幾款任食風味小食,加$30就可以任飲各款汽水啤酒 ! 文字來源:香港人遊香港 / 圖片來源 :@uccc.2、@coupleeaters...
最近疫情真係反反覆覆,部份酒店依然維持新模式放題取代原有Buffet,好似尖沙咀呢間皇家太平洋餐廳柏景餐廳推出呢個All you can eat 放題已經一段時間,以海鮮環球美食做主題,有唔同款式既美食!每位食客一黎到已經品嚐到蟲草花圓肉杞子燉豬腱湯,以及波士頓龍蝦海鮮拼盤及特選刺身拼盤,部份刺身仲可以encore!而熟食方面,日式鵝肝燒飯糰、烤羊排、花膠頭抽炒珍菌、帶子炒鮮奶呢d都好值得試。 ▲以「放題紙」點餐,食物包括前菜、刺身及壽司、串燒、熱食等。仲有一系列健怡沙律、日式刺身壽司、滋味海鮮、燒烤美饌、亞洲風味美食、麵食、中式點心及精緻甜品等 ▲波士頓龍蝦海鮮拼盤,每位可享用波士頓龍蝦半隻。 ▲刺身拼盤包括大大隻牡丹蝦、三文魚、油甘魚、帆立貝等。 ▲蝦肉擁有鮮甜口味,令人食得過癮! ▲當中必食食材矜貴既花膠頭抽炒珍菌! ▲串燒系列包括海蝦、燒雞翼、粟米、牛舌等。 ▲串燒系列有唔少都係蔬菜選擇! ▲而放題餐點當中,亦有點心類別。 ▲滋味東風螺 ▲蒸扇貝 ▲蟲草花圓肉杞子燉豬腱湯係位上 ▲日式鵝肝燒飯糰 ▲飲料就係自助區自己拎。 ▲甜品方面,餐廳依家保留小蛋糕及小杯甜品! ▲仲有雪糕任食! 文字 / 圖片來源:香港人遊香港...
呢間中環米芝連中菜館都爹利會館Duddell’s,食物出高質,環境舒適,好多達官貴人都喜愛呢個飯堂。平日晚市冇人均最少幾百蚊都落唔到樓,往年做優惠特價都要人均300蚊以上。不過一場疫情似乎打破左呢個傳統,星期一、二三到來,就可以歎到懷舊點心之夜放題,人頭收費都係$268,一個價錢就可以任食叉燒餐包、鵪鶉蛋燒賣、白糖糕呢d港式懷舊點心,任點任食真係大胃王必到! ▲平日就算係午市時間到訪呢間米芝連中菜,都已經要300蚊左右,今次平日晚上做放題真心抵食! ▲今次放題超過30款點心任君選擇,而且仲可以歎到凌晨12點,OT收工過黎都冇問題~ ▲當中唔少都係懷舊茶樓出品之點心! ▲一盅兩件飲夜茶 ▲蝦餃做到皮薄餡靚 ▲必食有鵪鶉蛋燒賣,邪惡度十足! ▲更神重現懷舊酒樓煎物點心車,此情此景令人懷緬二三十年既香港好時光,一盅兩件。煎釀三寶、蘿蔔糕、馬蹄糕呢d都係小編最愛! ▲蛋撻仔 ▲食店仿懷舊、白紙紅字點心紙。 ▲為迎合懷舊之夜主題都掛上懷舊式Menu 文字來源:香港人遊香港 / 圖片來源:@mouth.gelgel、@dra_lwm、@theforksandspoons852...
召喚串燒控!呢間位於銅鑼灣既串燒專門店,有唔同串燒放題套餐比你揀,食物種類都眾多,任燒多款時令海鮮+串燒,選擇超過50種!海鮮包括鮑魚、海蝦、海蜆、扇貝、象拔蚌、蟶子、生蠔,海鮮會提供個爐比你慢慢燒,而其他肉類及蔬菜串燒就有師傅燒埋俾你!呢間串燒專門店有提供學生8折等優惠,仲多次支援有需要手足,良心小店值得支持! ▲不串不散由下午茶時段開始,提供唔同套餐既串燒,最基本收費$128,不過就需要6點前入座,肉類同蔬菜串燒由廚房燒好。 ▲磯燒流水蝦+串燒放題($168/位-下午茶時段;),提供一個爐比你任燒流水蝦! ▲晚上最多人追捧都係磯燒6款海鮮+流水蝦+串燒放題($338),時令海鮮睇下有咩新鮮就有咩燒! ▲磯燒6款海鮮+流水蝦+串燒放題($338)當然唔少得啖啖肉既流水蝦! ▲而海鮮方面有鮑魚、海蝦、海蜆、扇貝、生蠔、象拔蚌仔、蟶子等輪流供應 ▲海鮮都係任燒任食,食完唔夠可以再order! ▲清酒煮蜆 ▲辣酒花螺都係人氣之選! ▲而肉類串燒就係廚房會燒比你,有牛舌、牛柳、雞軟骨、雞腎、雞翼呢d選擇。 ▲蔬菜串燒則有一口甜薯、翠肉瓜、燒娃娃菜等。 文字來源:香港人遊香港 / 圖片來源:@henhen__henry、@kyastkei、@tm_ning、@joycelaucf、@_journeyoftwo_、@cooking_moon_moon、@komacy...
觀塘巧明街工業大廈真係超多好西食!自疫情之後,食肆都各出奇招推出特價優惠!BELLA SHINE一直用上高級食材、健康烹飪手法,售以平民價,令西餐餐點都有更見別致。肉食控必食呢個牛扒放題,成人價$258就可以120分鐘內先食波士頓龍蝦及鵝肝凍批多士作為前菜,再開turbo任食牛扒、黑豚肩扒,仲有餐湯、薯條無限添食,真係又抵又吸引,只要食足兩塊扒都已經回本,想再抵返條數,一定要tag身邊大胃王就一齊去挑戰下! ▲呢間隱世工廈最近新推2小時任食,澳洲安格斯肉眼扒及西班牙黑豚肩扒! ▲每份任食牛扒都配有沙律菜及薯條! 餐湯每晚都係廚師發辦,次次黎都可能有唔同驚喜! 前菜香草焗波士頓龍蝦及鵝肝凍批多士! ▲120分鐘可以任食美國安格斯肉眼牛扒及西班牙黑豚肩扒,星期一至四成人收費$238,而星期五、六則係$258 ▲如果牛扒放題都係唔夠食,加$78任食日本生蠔一定食到大滿足! ▲除左任食牛扒之外,其它美食都好愛歡迎,例如有呢個軟殼蟹咸蛋意粉,每條意粉都掛上濃濃咸蛋醬! ▲脆焗豬手表面皮脆,中間都保持到煙韌口感,肉質唔會變得乾柴,加埋烤蒜頭軟糯香甜! 文字來源:香港人遊香港 / 圖片來源:@hkfooddrill、@yvon_tam、@slimfoodiehk、@mrpigmisspanda、@hkpigfood852、@marylamlam...
美國過江龍人氣龍蝦主題餐廳Red Lobster主打龍蝦、海鮮菜式,不過地段問題次次都食得唔夠暢快!依家大家有福喇,Red Lobster即將推出6月限定198蚊任食6道菜放題,放題菜式都係人氣之作,包括濃郁大蝦意粉配龍蝦醬、夏威夷椰子蝦、爆谷蝦、招牌蒜蓉蝦、大蝦手工薄餅以及烤大蝦,當然招牌車打芝士鬆餅都係隨便任食,各位海鮮控真係唔好錯過! ▲小編特別推薦佢地既車打芝士鬆餅,又香又濃郁! ▲198蚊任食6道菜式- 夏威夷椰子蝦,層蘸上香口椰絲,伴以 piña colada 醬享用,好有夏日小島風情! ▲198蚊任食6道菜式-蒜蓉蝦,6款指定蝦菜式會跟埋一份米飯及蔬菜 ▲198蚊任食6道菜式-烤大蝦,呢度鮮蝦取貨自以持續方式捕獲漁農 ▲198蚊任食6道菜式-爆谷蝦(前)食落金黃香口 ▲198蚊任食6道菜式-大蝦手工薄餅,餐廳建議每位客人可先點選一款鮮蝦美食,差唔多食哂再點,咁就唔怕d野食黎到凍哂喇~ ▲想再盡興d,大家可以加$98 飲 Stella Artois 生啤! 文字來源:香港人遊香港 / 圖片來源:Red Lobster...
雞翼專門店愈開愈多,事實證明雞翼呢樣野真係冇人唔鐘意架!依家呢間位於中環既雞翼專門店逢星期六、日 Lunch Time就會推出2小時雞翼放題,期間可以任食12款炸雞翼,當中受歡迎既有水牛城醬雞翼、泰式甜辣醬雞翼、新加坡辣蟹味雞翼、黑芝麻蜂蜜海鮮味雞翼、黑椒檸檬雞翼,仲不時推出限定口味!黎呢度一定要去「一齊叫雞」既霓虹燈水泥牆打卡,證明一齊叫雞就係好兄弟! ▲Weekend一定要約埋一理雞翼控黎擦餐雞翼全餐,2小時雞翼放題($350)選擇包括水牛城醬雞翼、泰式甜辣醬雞翼、新加坡辣蟹味雞翼、黑芝麻蜂蜜海鮮味雞翼、黑椒檸檬雞翼、死神辣醬雞翼、燒烤味雞翼、紐奧良香粉雞翼、加州風味雞翼、田園風味雞翼、咖啡味雞翼。 ▲水牛城雞翼源自美國紐約州水牛城,味道香辣帶酸甜。 ▲黑椒檸檬雞翼 ▲上面海鮮甜醬味,下面:最辣死神醬 ▲咯咯拼盤共有三款大小,分別是12隻雞翼、24隻雞翼及28隻雞翼,可讓客人任意選擇不同味道雞翼,最適合一大班人分享。 ▲唔好錯過呢個打卡位!原來店主邀請左香港本地設計師Neillhw係牆上畫了黃色的金屬Wingman,打做呢間文青小店。 Wingman 地址:中環閣麟街 37-43 號祥興商業大廈6樓電話:3426 2418 Facebook:Wingman HK 營業時間:星期一至五12nn – 11pm ;星期六至日12nn – 4pm、6pm – 11pm 2小時雞翼放題限定時間:逢星期六、日 12pm – 4pm 文字來源:香港人.遊香港/圖片來源:@theninadiet、@wingman.hk、@the.munching.couple、karyachicken...