呢間位於銅鑼灣的人氣拉麵店,最近推出期間限定My Melody主題拉麵店。單看門口滿滿的粉紅色My Melody就已非常搶眼,拉麵店內更有超多My Melody打卡位,少女心大滿足!食物方面也推出了My Melody黃金蟹膏牛奶拉麵及特製沾麵,甚至魚片及紫菜也印有My Melody公仔,可愛到令人唔捨得食!
位於中環嘅拉麵店,餐廳裝潢以日式木系風格設計,油漆傢俬配深啡木,同時設有戶外座位。拉麵店屬於日本有超過150家分店的塚田農場副線,新裝修後變成居酒屋,增添多款小食,例如關東煮、炸雞等等,餐牌提供多款特色拉麵,有必試招牌慢煮雞髀醬油拉麵、熱賣番茄拉麵、蝦味噌拉麵、柚子拉麵! ▲慢煮雞髀醬油拉麵,係居酒屋招牌式拉麵,濃郁的雞白湯,配嫩滑雞髀和溏心蛋。 ▲蝦味噌拉麵,配以赤味噌、白味噌及波士頓龍蝦殼一同熬製,蝦鮮味十足,帶淡淡鹹香。每碗配上虎蝦,蝦肉結實彈牙,鮮味更上一層。 ▲番茄拉麵,配上雞肉絲、番茄、芝士,係店內最暢銷嘅一款拉麵。 ▲柚子拉麵,帶有淡淡的柚子香未,上面係築地雞肉丸和玉米。 ▲酒糟炸雞,以清酒酒糟及鹽漬為主要醃料,再以油炸至金黃香脆。 ▲壽喜燒串,日本冬季的主食將新鮮的蔬菜釀入和牛,再點上醬油和生雞蛋,味道非常鮮美~ 文字來源:香港人遊香港/圖片來源:@nojo.hk...
大館附近有唔少富有特色嘅食店!今次介紹呢間係以半酒吧形式嘅西式Fusion拉麵店,平時見開嘅拉麵店都係以日式為主。餐廳分咗室內同露天座位,裝修以木材同灰色為主元素,而餐牌就只印咗英文,一般放工時間都已經全餐廳室外座位坐滿晒喜歡飲酒嘅外國人,感覺上呢間拉麵店都幾有外國風味同氣氛 。除咗食拉麵店之外,仲有串燒、刺身飯、壽司、天婦羅同丼飯等等提供,而餐廳最出名的拉麵則是原隻豉油雞髀拉麵同蝦味麵豉拉麵 。 ▲ 𝚂𝚘𝚢 𝚂𝚊𝚞𝚌𝚎 𝙲𝚑𝚒𝚌𝚔𝚎𝚗 𝚁𝚊𝚖𝚎𝚗 ($138): 拉麵食落去口感彈牙,主角鴨脾食落去肉質好嫩滑唔老,湯底用咗雞肉雞骨煮成, 令到鴨脾食落好入味, 成個拉麵味道升華晒,美中不足嘅係隻蛋黃唔夠流心。 ▲ Spicy Minced Chicken Tossed Noodles($123):其實係一款撈麵,店員會另配一支辣油比客人可按照自己個人口味撈,值得推介嘅係個辣汁,同個麵好夾,麵有多款配料提供,有洋蔥粒、蔥粒、雞粒、紫菜同芫茜,食落去口感好豐富。 ▲Chicken Wings($48): 日式唐揚雞塊嚟,雞肉炸完都仲係香嫩多汁,而個雞皮炸得好脆,好啱客人配啤酒食。 ▲ Salmon with Avocado Don and Ramen Set ($163) :如果一碗拉麵唔夠飽嘅話,客人可以食刺身飯加拉麵套餐,呢款三文魚係一半火灸過,加埋好多片牛油果食,味道好清新。 ▲ 𝙵𝚛𝚒𝚎𝚍 𝙹𝚊𝚙𝚊𝚗𝚎𝚜𝚎 B𝚛𝚎𝚊𝚍 I𝚌𝚎-C𝚛𝚎𝚊𝚖 ($58): 呢款甜品其實係炸麵包加上三球雪糕,麵包脆炸食落去有少少微溫,加埋三球雪糕冰火感覺好得意。 文字來源:香港人遊香港 / 圖片來源:@chillchill_90sfoodiehk、@nojo.hk、@karlieokubo、@ grubhk...
Tsuta蔦係日本首間獲得米芝蓮一星推介嘅拉麵店,食物質素好有保證!為咗多謝大家嘅支持,Tsuta延長拉麵優惠,任何拉麵堂食同外賣都可享有買一送一!特別推介 尖沙咀店限定嘅味噌拉麵,湯底味道濃郁,以八丁味噌、雞同海蜆等材料熬足約九個鐘,好入味! 經過尖沙咀不妨買返碗試下! ▲ Tsuta蔦拉麵加推優惠!任何拉麵堂食或外賣買一送一! ▲ Tsuta蔦拉麵係世界第一碗米芝連一星拉麵,品質有保證! ▲ Tsuta豚骨湯拉麵 ▲ Tsuta 日式煎餃子 ▲ 招牌醬油拉麵 *優惠不能其他優惠卷共同使用 文字來源:香港人遊香港 / 圖片來源 :Tsuta蔦...
元朗新潮拉麵舖 香港的新潮食肆層出不窮,位於元朗,有一間拉麵店打破傳統,引入海鮮燒烤,拉麵同BBQ玩Cross over。有供應即開生蠔,每日在晚市時段只售200隻,$10蚊一隻。如果怕肚痛嘅,可以叫個碳燒拼盤($328)燒熟它,店內提供烤爐比你自己燒,全部都係海鮮,有蟹蓋、活蜆、活蠔、扉貝、赤蝦和時令海鮮,仲會有蠔肉蟹糕海膽粥和清酒煮活蜆,可以約朋友一齊食豪D。 ▲磯燒🍤海鮮拼盤二人份量($298)呢個全海鮮盛宴包括蟹蓋、赤蝦、活蠔、活蜆、時令海鮮、蠔肉蟹糕海膽粥、清酒煮活蜆,一上檯的海鮮拼盤賣相靚爆鏡!除咗有原本拼盤的海鮮和粥品外,仲有象拔蚌和鮑魚選擇,價錢係按店內決定的時價為準。有錢想再食豪D,仲有活阿拉斯加長腳蟹($1498-$2498)。 ▲蟹蓋的蟹膏有蔥花、蛋漿和蟹柳做配料,一路燒一路攪拌,令蟹膏味道更香滑,帶出鮮味。 ▲燒赤蝦時,可以加些 七味 粉去燒,會更加惹味。睇住扉貝燒到出煙,係好正嘅事。 ▲係大家最鐘意的生蠔,同手掌一樣大,未燒已經流哂口水,鮮味十足,口感豐富。 野川拉麵の深燒食堂 地址:元朗又新街40-48號榮豐大廈地下B號舖電話:3705 9833 文字來源:香港人.遊香港/圖片來源:nicxx_niczz、koko_yummy_food、jumpjumpjoanne...