太子美食2023|太子玩味美日式Cafe推限定餐牌 位於太子呢間玩味風西日式餐廳開業至今已有1年,室內裝潢走美式復古風,擺放不少懷舊傢俬及得意玩具,成為不少文青人士打卡熱點。而為了慶祝一週年,特意推出以「The Journey」為主題的限定晚市餐牌,將喜歡遊玩並曾旅居美國與日本的店主旅行途中遇到的所見所聞融入美食當中。而美食包括峇里島風味的前菜蟹肉他他配搭芒果、迷你辣吞拿魚筒,主菜以日本鹿兒島為主的薩摩地雞慢煮雞卷、黑豚豚角煮等,甜品則以意大利與瑞士馬特洪峰雪山為靈感的海鹽奶蓋Tiramisu,每道菜味道極佳之餘賣相非常精緻,處處見到店家的用心。如果夜晚想慶祝或者打個靚卡,不妨試吓呢間餐廳! ▲位於太子的玩味風格西日式餐廳 Chill Pill,2022年初秋開業至今,有趣鮮明的美式懷舊復古室內設計,成為不少文青人士打卡熱點。 ▲而為了慶祝一週年,特意推出以「The Journey」為主題的限定晚市餐牌,將喜歡遊玩並曾旅居美國與日本的店主旅行途中遇到的所見所聞融入美食當中,接着分成「舍」、「岸」、「野」、「屋」四大場景。當中「舍」以美國加州為靈感製作南瓜湯、法包配自家製鹹蛋牛油,以Chill Pill 金寶湯罐盛着,美式復古造型充滿趣味。 ▲「The Shore 岸」:峇里島風味的前菜蟹肉他他配搭芒果、迷你辣吞拿魚筒、橘香八爪魚,並以石春及海星、貝殼盛着上桌,充滿清爽氣息。 ▲「The Field 野」:主菜以日本鹿兒島為主的薩摩地雞慢煮雞卷、黑豚豚角煮等菜式,來自鹿兒島的薩摩地雞脂肪含量低,將雞肉打成蓉並混入蔬菜,伴以日本紫薯蓉及柚子酸汁,開胃健康。豚角煮用帶甜味的關東煮湯底熬煮4小時,肉質嫩滑,入口即融。 ▲「The Lodge 屋」:甜品則以意大利與瑞士馬特洪峰雪山為靈感的海鹽奶蓋Tiramisu,以雪地裝飾重構意大利山峰小木屋享用甜品的場景,更特別將Tiramisu製成雪球形狀,打卡一流! ▲每位客人用餐前都有一小杯柚子酒享用,而特飲方面推出無酒精特飲 Mocktail,「Hazy Daily」 以桃、蜜糖、日本乳酸飲料、蝶豆花及梳打調製,呈夢幻紫藍色;「Sunrise Shack」以玫瑰荔枝作基調,混入蘋果及茉莉花茶,口感清爽。 ▲Chill Pill另一道人氣甜品「宇治抹茶牛角窩夫」平日都可以享用,牛角窩夫以雞蛋仔造型出圈,絕對要打卡! Chill Pill 地址:太子洗衣街167-175A號嘉德大廈地舖營業時間:11am –...
日本好去處2023|東京近郊超夢幻粉紅花海 位於東京近郊的國營常陸海濱公園以壯觀花海聞名,春天有水仙、鬱金香,夏天有遍地藍色粉蝶花。而一到秋天就有3萬株以上的掃帚草,外型毛蓬蓬軟呼呼勁可愛,整片粉紅色地氈的景色是楓葉及銀杏見頃期之前必看的絕景!不過花期持續性較短,想去嘅朋友要留意官方網站最新動態啦! ▲位於東京近郊的國營常陸海濱公園一到秋天就有3萬株以上的掃帚草。而此刻的掃帚草還沒完全轉紅,所以有粉紅色花海的壯觀景象。 ▲夏天的掃帚草綠毛蓬蓬軟呼呼,秋天則是紅噗噗,現在初秋轉粉色,整個變色過程可愛。 ▲邊個角度打卡都一流,而且距離東京只有1小時半車程,交通便利。 ▲不過花期持續性較短,想去嘅朋友要留意官方網站最新動態啦! 國營常陸海濱公園 地址:茨城縣日立那珂市大字馬渡大沼605-4營業時間:9:30-17:00(逢星期一休息)價錢:成人(高中生以上)700円、65歲以上460円,中學生以下免費入場交通:從JR「勝田站」東口2號公車站搭乘公車,於「海濱公園西口」或「海濱公園南口」下車,約17~23分鐘,或從JR「勝田」站搭乘計程車約15分鐘官網資訊:https://hitachikaihin.jp/ 圖片來源: @hobopeeba 文字:香港人遊香港...
中環好去處2023|中環隱世型格打卡酒吧 如果見到呢種風格嘅室內設計,就知道係出自澳洲著名設計師Ashley Sutton之手,呢間The Iron Fairies是設計師曾在澳洲西部礦場的工作經歷啟發了鐵仙子的靈感,因此裝潢和傢俬用無數木件鐵器製作,但天花板則掛滿漫天蝴蝶,非常唯美,一柔一剛形成鮮明視覺效果,許多人都會慕名而來打卡!另外酒吧當然唔少得人氣雞尾酒,例如果味香甜的熱情果冧酒、藍莓黑醋栗香甜烈酒等,店員會將甜酒和煙霧的玻璃樽倒落酒杯到,打卡一流! ▲澳洲著名設計師Ashley Sutton曾在澳洲西部礦場工作,可以看到室內裝潢和傢俬加入鐵的元素。 ▲天花板掛滿標誌性的蝴蝶,以萬計的蝴蝶翩翩起舞。 ▲推出自家製酒樽,復古感十足。 ▲酒吧提供調酒大師 Joseph Boroski...
中秋節2023|四大室內打卡好去處 今日就係中秋節,但怕悶又唔想出戶外?呢4個室內好去處就啱曬大家!包括可以見到巨型月亮及星星主題裝置、3米高巨型玉兔出沒、大型月亮配上發光兔仔以及由插畫家設計可愛動物角色Kingyo Neko金魚貓、Torododo抱抱犬及魚喵系列兔星星都會以多款應節造型鬼馬登場!最啱一家大細團圓打卡,一齊留下美好中秋回憶。 ▲The LOHAS康城:有3米高巨型玉兔出沒,係月亮下擺好pose等大家拍照! ▲PopCorn:巨型月亮及星星主題裝置將會在PopCorn室外中庭花園炫亮登場,每到傍晚裝置便會閃耀亮燈。 ▲圍方:商場首次聯乘3位插畫家創作可愛動物角色 Kingyo Neko 金魚貓、Torododo 抱抱犬及魚喵系列兔星星,並會以多款應節造型於圍方中庭鬼馬登場,不妨帶同家中毛孩主子前來甜蜜打卡。 ▲青衣城:青衣城2期天台花園會有2米高巨型月亮,更會有多隻充滿光影效果的「發光兔仔」遍佈整個花園平台,絕對係中秋好去處! 港鐵各大商場主題裝置詳情 PopCorn中秋共聚賞月裝置 日期: 即日起至10月21日地點: PopCorn室外中庭花園 The LOHAS康城巨型玉兔圓月慶中秋裝置 日期: 即日起至10月21日地點: The LOHAS康城3樓中庭 青衣城中秋限定賞月活動 日期: 即日起至10月2日地點: 青衣城2期天台花園 圍方 「圍」系中秋 日期:...
香港好去處2023|《我推的孩子》限定店登陸又一城 大熱動畫【我推的孩子】於九龍塘設首個香港官方期間限定店,場內設有1:1角色擺設,設有多個大型打卡牆,更有多款首次發售嘅精品。首次發售商品,包括阿奎亞和露比 BB公仔、藍芽喇叭、羽織和水樽等。除此之外更有人氣福袋,粉絲不能錯過!於期間限定店內購滿$1,000即可免費換領特別放映會門票兩張,【我推的孩子】特別放映會把直逼電影規格的動畫第九至十一話搬上大銀幕,門票數量有限,換完即止。 ▲設有 1 :1真人身高角色擺設,身穿偶像制服,站在舞台背景前的小愛甜美可愛,不難感受到她無可抗拒的魅力! ▲場內更有阿奎亞和露比BB時期的慶生場景貨架之餘,多個貨架和陳列櫃亦印上多位主角的圖像。 ▲BB公仔(附迷你手燈一枝)($230);藍芽喇叭 ($260) ▲羽織 ($250);水樽 ($80);抱枕...
西環好去處2023|堅尼地城海濱壯觀燈籠海 中秋節想浪漫啲?有海嘅地方絕對啱曬你!堅尼地城海濱一向係許多香港人或遊客的打卡熱點,而今個中秋有驚喜地佈置了十分壯觀的燈籠海,一串串可愛的傳統兔子燈籠掛滿天空,形成「兔子海燈籠陣」。入夜後全部燈籠發光,超級浪漫,非常適合一家大細或者情侶去打卡,留下難忘的中秋夜! ▲堅尼地城「卑路乍灣海濱長廊」將於9月29日至10月2日舉辦「堅農中秋夜市暨K-Fest 海濱音樂會」。活動設有超過 60 個攤檔,包括有小食、零食、茶、啤酒、果酒、生活用品等等,場內亦有音樂表演,身成活力滿滿的Music Town。 ▲大批市民於堅尼地城卑路乍灣海濱長廊共享中秋節日氣氛。 ▲傳統兔子燈籠形成一個可愛趣緻的「兔子海燈籠陣」,適合大小朋友一同前來打卡。 ▲仲有水母燈籠,外型獨特,加入了光纖物料製作而成,形成「光纖燈海」,有新鮮感之餘也令整個維港海濱更添活力。 堅尼地城「卑路乍灣海濱長廊」 地址:堅尼地城海旁卑路乍灣公園交通:港鐵堅尼地城站B出口路線:沿士美菲路走到海旁,步行8分鐘...
Tiramisu控注意!呢間主打韓式盒子現切Tiramisu嘅甜品店,一直都會推出多種特別口味嘅Tiramisu,而最近推出嘅新口味就好值得買嚟試吓!首先係泰西fusion芒果糯米飯Tiramisu,有齊鮮甜芒果、煙韌紫糯米飯同椰奶醬,仲有椰子脆脆令口味更昇華。如果想食返咖啡口味嘅,就不妨試吓生椰拿鐵冬甩Tiramisu,不失咖啡嘅甘香,又加上厚實椰奶嘅清甜⋯⋯
大埔好去處2023|偽濟州島之旅 大埔3層水泥風Cafe 今次唔洗去濟州島都可以係香港打卡!呢間位於大埔大尾篤的Cafe由上年一直籌劃到今年九月終於正式開業,小編率先試探環境,只能說好chill完全唔捨得離開!新Cafe由韓國人開設,所以到處都可以見到韓國cafe流行的水泥風以及紅磚設計,現代化的傢俬。無論吧台、洗手間都非常有空間感,重點係呢間cafe是三層連天台的建築,對面就係八仙湖林景,因此想打卡的話唔洗怕同人逼埋一齊!不過位置偏遠,想去的話可以係大埔墟站搭的士或者小巴會比較方便,自駕遊的話亦有停車場,提提大家試業階段暫時只有Croffle和飲品供應,分咗12點同4點時段開放。旁邊亦有餐廳大家可以食飽再去Cafe飲咖啡食甜品打卡都得! ▲Tamora cafe由韓國人開設,是走水泥風設計的三層建築,到處都可以見到濟州島的身影,完全係世外桃源。 ▲戶外有幾個打卡位,2點至5點拍攝時間最佳,陽光普照,5點時分更有日落,打卡一流! ▲二樓河三樓全落地玻璃,可以清晰地欣賞到八仙湖林景。 ▲試業階段暫時只有Croffle和飲品供應,如果攜帶狗狗可以坐室外和地下位置。 Tamora 地址:大埔大美督村46B號地舖至2樓營業時間:12:00-19:00(分了12點及4點時段) 圖片&文字:香港人遊香港...
香港好去處2023|日本新興藝術家矢入幸一首設香港展覽 日本平面藝術新星矢入幸一今個月尾在香港舉辦首次個人展覽!呢位新星來頭唔少,曾與Beams 和Casetify等不同知名品牌合作,今年與來自韓國著名男子組合Super Junior的藝聲的個人演唱會設計了多款人氣周邊產品,將藝術帶入生活。今次展覽將18幅畫作串連成為一個寓言故事《獵人仨與金石傳》,他筆下的三隻GHOST依然成為人氣主角,大家可以係展覽中見到佢哋嘅身影!鍾意藝術嘅朋友唔好錯過! ▲日本平面藝術新星矢入幸一於9月28日至10月22日在香港舉辦首次個人展覽,主題為《獵人仨與金石傳》。 ▲今次展覽將18幅畫作串連成為一個寓言故事,他筆下的三隻GHOST依然成為人氣主角。 ▲矢入幸一的創作風格受到50年代西方卡通的影響,擅長以復古的卡通風格和單色調作畫,成功令他在新生代藝術家中間脫穎而出。 ▲矢入幸一曾與Beams和Casetify等不同知名品牌合作。同時,他在今年與來自韓國著名男子組合 Super Junior 的藝聲合作,為他的個人演唱會設計了多款人氣周邊產品,將藝術帶入生活。 矢入幸一「獵人仨與金石傳」展覽...
荃灣好去處2023|1800呎日本浴衣體驗寫真館!情侶相/閨蜜相/全家福/個人照 寵物免入場費 想著浴衣唔使再飛到日本啦!荃灣呢間日系寫真體驗館就係專門提供浴衣同埋日系場景畀大家影相打卡。寫真體驗館佔地1800呎,仲有多款浴衣、飾物同木屐等任君選擇,浴衣的風格款式多,無論係走清純元氣風,或成熟路線,都可以搵到適合嘅款式。而且唔止人可以著浴衣打卡,寵物都可以㗎,寵物仲要係免收入場費。另外,都唔使擔心唔識著浴衣,因為全程都會有專人協助穿衣。環境方面,店家好用心咁打造咗幾個日系場景,例如燈籠背景、日式庭園等。 ▲可以約埋一班好朋友嚟影,位於天台的寫真館日光超充足。寫真館亦有提供攝影服務,完全係一條龍式! ▲影個人照都同樣好靚。化妝間會有齊用具畀大家打扮,但如果唔識自己set頭化妝,可以加購妝髮型服務。 ▲除咗人可以著浴衣打卡,寵物都可以,而且寵物仲要係免收入場費。快啲幫毛孩留低倩影! ▲有多款浴衣、飾物同木屐等任君選擇,風格款式多樣,走清純元氣風或成熟路線,都可以搵到適合嘅款式。 ▲有幾個和風背景可以比大家打卡,超有日式氛圍。 Natural Light Studio日系寫真體驗館 地址:新界荃灣柴灣角街30-32號京華工廠貨倉大廈13樓頂層A室營業時間:自行預約時間 浴衣及場地租用價錢(包人手著付):一人$400/1位(兩小時)二人 $300/1位 (兩小時)三人 $300/1位 (三小時)四人 $250/1位(三小時)五人 $250/1位(三小時)六人 $250/1位 (三小時) 文字來源:香港人遊香港/圖片來源:@naturallightstudio.hk...