茶果嶺,一個幾乎被遺忘既名字,裡面有一兩間碩果僅存既舊冰室,白色地磚、綠白牆身、實木卡位,成為該村街坊聚集既老地方,假日就有區外人黎懷緬下冰室情懷,下午茶黎到食件熱辣辣煉奶西多士,飲杯港式奶茶都好正! ▲冰室懷舊感彷如隔世,店內座位唔多,不過無論係鐵閘、吊扇、實木卡座、美女海報、白板餐牌都係文青打卡點。 ▲西多士$14 即叫即做,打蛋香煎,加上牛油同煉奶,脆而不油膩,上台前仲好貼心地先將西多士切成九宮格,食落既熱辣又香噴噴。 ▲餐蛋麵$16,完全唔花巧有住家感覺,價格亦非常親民!餐蛋麵係非常普通港式茶餐廳食物,餐肉同雞蛋同係用慢火煎成,太陽蛋因此煎到燶邊而唔會過火,中間蛋黃仲係水汪汪既樣子。 ▲茶果嶺村位於油塘與藍田之間,好多年青人都因為居住環境而搬出,現在只剩下幾戶老人家,村內有2間冰室為村民服務,而榮華冰室就係其中一間。 ▲鹵水雞翼尖13鹵水汁偏甜不過就醃得幾入味,連骨都非常腍,一碟有12隻之多! 榮華冰室 地址:油塘茶果嶺大街106號A營業時間:07:00 – 17:00 文字來源:香港人.遊香港/圖片來源:@jasonhvan、@joinalldots、@rally_plastic...
呢間古物店面積唔大,一進店古舊元素擺滿走廊,十足博物館陳列一樣!滿滿放著店主收藏各種Vintage,喜愛懷舊既朋友,一定會為之著迷!而且店內充滿懷舊色彩既各種皮箱、手袋、首飾、配件、鞋履、玩具,衣服也以復刻風格為主,一切通通吸著你眼球! ▲鴨巴甸街有唔少特色小店,一踏入店門,只見一件古典味極濃厚既英倫套裝。 ▲好多古物都係店主同國外朋友精心搜羅返黎。 ▲仲會見到蕭芳芳年輕時海報,真係好靚女呀~古舊元素擺滿走廊,像留聲機、小玩具、轉盤電話等。 ▲每個角落都係古舊氣氛極濃厚。 ▲店裡面擺放左一d非常珍貴七十年代衣飾、手袋、眼鏡及手錶!最令人震驚有70年代LV皮箱!仲保存得非常好。 Bang Bang 70S 地址:中環鴨巴甸街16A號1樓電話:6461 7448營業時間:1400-2000 文字來源:香港人.遊香港/圖片來源:互聯網...