尖沙咀新開歐陸式風冰室,餐廳佔地2,000呎,以歐陸火車站嘅花園為主題,為不能出遊的香港人,帶來一點歡樂,更設室外露天座位。嚟到冰室一定係食茶記嘢?呢度有中西fusion菜式,包括意式巴馬臣拉絲芝士烤雞配經典港式波浪薯條,仲有茶樓先食到嘅傳統錦鹵炸雲吞,茶記必食燶邊餐蛋飯、黃沙豬潤麵都有! ▲餐廳常餐,黃沙豬潤配厚切午餐肉,黑松露炒蛋千層多士,麵底轉出前一丁毋須加錢。 ▲豉油燶邊雙蛋厚切午餐肉珍珠米,簡單好味! ▲冰室招牌菜式意式巴馬臣芝士烤雞,經典意式家常美食仲有港式波浪薯條,仲有拉絲芝士~ ▲襟撈雲吞,用上成張A5紙大咁大開雲吞皮,餡料有蝦及豬肉,配上自家製嘅海鮮叉燒酸甜醬,酸酸甜甜好開胃! 文字來源:香港人遊香港/圖片來源:@saison.hk...
尖沙咀的海傍餐廳推出全新「德國慕尼黑啤酒節」主題晚餐,套餐主打多款歐陸式輕食,有德國香腸、香脆豬手、啤酒煮青口、醃鯡魚、酸椰菜及馬鈴薯沙律等等,甜品就有蘋果卷配自家製雪糕,仲包埋一杯自選手工啤酒。餐廳環境非常chill,食物固然重要,呢度擁有多個露天座位,可以用餐時飽覽維港景色! ▲德國拼盤,包括德國香腸、豬手、煙燻三文魚、醃鯡魚,配菜方面就有醃青瓜、薯仔沙律和自家製蝴蝶餅麵包。 ▲送自選手工啤酒一杯,由本地手工啤酒廠「鬼佬啤酒」製作,啤酒配德國香腸、豬手先係德國最經典的美食搭配。 ▲蘋果卷配自家製新鮮雪糕(圖左上),雪糕用澳洲牛奶製作而成,雪糕有多款口味,包括:雲尼拿八角、士多啤梨芝士蛋糕、紅桑子奶茶及黑朱古力等等。 ▲除咗德國啤酒節套餐之外,大家仲可以試埋呢個人氣龍蝦包,值得一試! ▲露天座位,入座時候將會安排大家坐起露天區域,邊歎美食和欣賞維港夜景,十分休閒寫意。 ▶ 備註:價錢:每位HK$380,另加一服務費供應日期:2020年10月23日、24日供應時段:18:00、18:30及19:00必須提前預訂:按此 文字來源:香港人遊香港...
呢間位於尖沙咀的餐廳係太子良心店青花亭的新搞作,店內以竹做主題,寓意不必依賴他人,都可以彎而不折來祝福年青人。呢到餐牌好搞鬼,睇完有時都唔知食咩好似「鱈魚粟粟你好嗎」、「雲吞~他他要進來了」、「阿妹進來了」等,好彩下面會有解釋。當中的你真係西多士,是西多配雲尼拿雪糕,中間係濃濃花生醬切開會流晒出嚟超吸引。而鱈魚粟粟你好嗎,是黑鱈魚配爆谷係因為主廚睇電影時食爆谷突然覺得爆谷的甜和魚的鮮好夾所以就有呢味菜式,口感好獨特。 ▲鱈魚粟粟你好嗎($258):即係粟米汁加黑鱈魚柳配爆谷。粟米汁和香草的突出魚的鮮甜配爆谷的甜和口感好獨特。 ▲你真係西多士($82):西多配雲尼拿雪糕,中間係濃濃流心花生醬,超吸引。 ▲雲吞~他他要進來了($86):薑蔥醃三文魚他他,炸脆咗的雲吞片配橙味乳酪醬。 ▲如果太多豬豬味加啲菠蘿正到痺($268):美國豬鞍配菠蘿牛油汁酸酸甜甜,肉嫩多汁。 ▲薑撞豆腐($54):薑、豆腐和牛奶,口感滑溜,仲可以美顏。 ▲清熱酷,你值得擁有($49):含有青瓜的梳打,清熱解毒一流。 文字:香港人遊香港 圖片:wishao.hk...
呢間位於尖沙咀嘅Cafe,環境舒適光猛,走日式木系清新路線主打純素甜品輕食咖啡。小店所有食物不含雞蛋和牛奶,適合近年越來越多人加入純素飲食。食物選擇都不少有Bagel、墨西哥卷、蛋糕、窩夫等。而且份量都好足料,好似純素柚子蟹肉牛油果Bagel,用了半個牛油果再加不少柚子、羽衣甘藍、蕃茄、青瓜等,味道帶酸甜好開胃清新。仲有純素蛋糕,個個都造型美觀可滿足愛甜嘅人,素食都可以好豐富。 ▲純素無花果藍莓蛋糕,無花果清甜仲有獨特的迷迭香好清香。 ▲純素柚子蟹肉牛油果Bagel,份量好大材料包括有素蟹肉、柚子、羽衣甘藍、蕃茄、青瓜等,味道帶酸甜好開胃。 ▲純素綠茶窩夫,窩夫香脆生果份量都不少。 ▲Iced Matcha Latte,外觀層次分明,因是素食店可用燕麥奶或荳奶。 ▲自家品牌咖啡,方便帶回家品嘗。 文字來源:香港人遊香港 / 圖片來源:vegocoffee...
素食人士有口福啦,今次尖沙咀係6月中新開既呢間純素咖啡店係早前係灣仔好出名果間,轉左做日式裝修,現時試業中有期間限定餐牌,分別有全日早餐、意粉、薄餅、炸物小吃、窩夫和純素蛋糕可以食,仲有呢度連咖啡都係純素嫁! 試食餐牌會包一杯花茶或凍泡茶,又或者以半價價錢轉其他特色飲品。咖啡店大約只可以坐10人,每日有三款素食蛋糕可選擇。 ▲ 超級早餐 ($108餐):未來豬柳、薯格、蕃茄、鷹嘴豆泥 、牛油果、沙律、貝果。太多料好豐富,塊豬柳對於一個喜歡食肉既人都食唔出其實唔係真肉黎。 ▲綠茶紅豆純素蛋糕(原個$450,可切件賣$38 一件): 一件素食蛋糕,綠茶味道食落好濃味,有少少帶茶既苦澀味,蛋糕邊焗到好脆口,蛋糕內亦有紅豆粒。 ▲抹茶窩夫配雜果、糖漿及忌廉($88餐):其實係無加雞蛋既窩夫,食落去窩夫都脆邊,共有4件。 ▲五大素球蕃茄意粉 ($74餐): 其實係有五件素雞球,雞球都係用左素肉整,而每粒都加上栗米粒,意粉汁既蕃茄醬都算濃味。 ▲鷹嘴果醬牛油果配酸種麵包 ($60餐): 鷹嘴果醬食落去口感濃滑,又清爽既檸檬香味,而個麵包食落都酸酸地幾開胃嫁,麵包上仲有牛油果同無花果添! 文字來源:香港人遊香港 / 圖片來源 : @agy__ss、@mr.ivanlee、@misskitb、@veganizehk、@caketionary_hongkong...
喺尖沙咀鬧市中,居然有間超隱世日式街坊小店?隱藏喺小巷自成一角嘅寧靜小店東京食堂,舖頭座位數唔多,但係都吸引咗大量食客排隊!餐牌大部分都係日式定食,lunch最低$4x 就有交易,性價比高又抵食!不得不提呢度嘅原條蒲燒饅魚,表面微焦,燒汁入味,魚肉厚身,口感彈牙,絕對必試!如果唔想食成條,亦都可以叫半條試下,再留肚食其他日式小食! ▲ 原條蒲燒饅魚 ($128) : 鰻魚燒得恰到好處,咬落去軟綿綿,同鰻魚燒汁配合得宜! ▲ 鐵板牛舌 ($46) : 牛舌都幾香口,配埋檸檬汁酸酸甜甜,好夾! ▲ 大阪燒 ($108):都唔錯,材料豐富,中間有蔬菜和煙肉! ▲ 燒棉花糖 ($20):燒到燶燶地,好甜,好適合做甜品! ▲ 蜜糖一口甜薯 ($20) : 小蕃薯嘅香甜配上蜜糖嘅清甜,日本餐廳必食小食之選! 文字來源:香港人遊香港 / 圖片來源 :@not_eat_nw_wind、@crabslife150、@foodcoholic_hk...
港版鐵板三文治你又試過未呢?呢間本地薑HAND3AG主打創新鐵板三文治,麵包用上日本麵粉,經過烘烤之後,口感香脆,配搭多款唔同餡料,甚至連一條條嘅拉麵都可以成為餡料! 加上獨特醬料,真係夠晒特別同有創意! 賣相吸引可以打卡之餘,食落去啖啖都係滿滿嘅食材,令人一試上癮! ▲賣相吸精,睇得又食得! ▲每份三文治都足料大份,咬落去口感極豐富! ▲3日3夜自家手切薯條  ($35) ▲歐陸監獄鐵板三文治 ($54) ▲餐廳設有兩款素食系列選擇! 素食系列: 祝君健康鐵板三文治 ($54) 文字來源:香港人遊香港 / 圖片來源:@amberber_au 、 @llllittlepig 、 @foodinhk...
呢間位於鬧市尖沙咀的餐廳空間感十足,令人感覺舒服自然。餐廳主打健康田園飲食,更有farm to table從本地或外國農場直送到餐桌。餐廳還會照顧素食者,提供素食選擇。當中羽衣甘藍巴馬火腿西柚合桃沙律,有機的羽衣甘藍配鹹鹹的巴馬火腿、酸酸微微的西柚和意大利黑醋,入口非常開胃。另外芝士磨菇釀雞翼,脹卜卜的無骨雞翼釀入滿滿的芝士蘑菇,芝士味香濃,雞皮更烤得香口惹味。 ▲羽衣甘藍巴馬火腿西柚合桃沙律($158):鹹鹹的巴馬火腿加上微酸的西柚和意大利黑醋,非常開胃。 ▲芝士磨菇釀雞翼($88):脹卜卜的無骨雞翼釀入芝士蘑菇,其芝士味香濃,雞翼皮烤得香口惹味。 ▲牛油果青瓜水牛芝士包意大利飯($178):大大個水牛芝士包住的牛油果青瓜意大利飯,口味清新。 ▲牛仔肉蘑菇寬條意大利麵($188):蘑菇香氣濃郁,牛肉軟腍。闊條麵超掛汁,麵條煙煙韌韌。 文字/圖片:香港人遊香港...
呢間冰室完美示範左咩係「錯就要認」,早前有網友話佢地播tvb扮黃,好快老闆都出黎認錯播返Viu TV,此舉被網民不斷「懲罰」!雖然佢係近年先開,不過裝修就重現當年懷舊風格,而食物佢地就一直佢地係以大大份既食物做主打,打工仔都超鐘意!其中既三眼太陽蛋豬扒飯,就最飽肚最受歡迎, 嫩香既豬扒加上三隻水汪汪既太陽蛋黃汁,確係送飯一流既!除左碟頭飯之外,呢度一年四季都有得食煲仔飯,大家未入冬都食到,最近店主仲逆市係荃灣同深井開鋪,等多d唔同區既網民可以懲罰佢地。 ▲三眼太陽蛋豬扒飯($52),三隻靚靚煎蛋加上煎得香嫩既豬扒,再淋上甜醬油,係午飯補充元氣既好選擇! ▲三眼太陽蛋豬扒飯($52),雞蛋上面淋上甜豉油,當蛋黃汁液、甜豉油、豬扒3樣邪惡之最撈埋一齊,食落真係會令人好滿足! ▲蔥油雞扒飯($45)雞扒係用油炸,外皮脆而內肉嫩滑,蔥油將炸雞扒時逼出黎既油溶為一體。 ▲滑蛋叉燒飯($45)採用蛋味濃既湖北雞蛋,半熟蛋炒得好滑溜。 ▲窩蛋牛肉煲仔飯($72)呢度其中一大特色係一年4季都有得食煲仔飯,而且仲有好多款! 光榮冰室(尖沙咀) 地址:尖沙咀厚福街5-6號地下6號鋪 電話:24226555 光榮冰室(深井) 地址:深井深井村54-55號地舖 電話:24919550 光榮冰室(荃灣) 地址:荃灣兆和街18號地下 文字來源:香港人遊香港 / 圖片來源:@stephanie_caoo、@num.the.foodie、@hoeunice、@kikiwong918、@blossomhongkonglennonwalls、@bonaquawong...
呢間主題點心店不嬲都搞作多多,自上次小新主題大受歡迎之後,今次又引入得意又搞笑既熊本熊主題!配合熊本縣比人天然資既印象,今次取材既點心都主打天然健康,部份更以日本進口的蔬菜、水果、五穀雜糧為食材,小編至like cute 到爆既熊本熊灌湯餃,餡料又多又豐富,而且湯底係加入原粒瑤柱既高湯,真心正!一黎到餐廳門口,各位就忍唔住同佢既裝修陳設打卡,連餐具印上熊本熊圖案,真係好想帶埋佢地返屋企呀! ▲一黎到店鋪門口,就比佢地以紅黑分明既圖案裝飾吸引!每張台都配備打卡專用既紙牌! ▲出面既卡位位置就更醒神,大大隻既熊本熊同你一齊食點心! ▲今次既餐具都加入今次主題元素,真係好cute呀! ▲熊本熊奶皇流沙包 ($39)烘培後咸蛋黃加入好立克粉、煉奶同植物牛油,一咬開肯定流心十足! ▲微笑紫芋流沙包 ($49/2個) 由紫芋混合好立克粉、煉奶、植物牛油做成﹐迷幻紫色既威力,肯定吸引唔少香芋控! ▲黑松露潮州粉果 ($49/3隻) 透薄水晶外皮包裹著豬肉碎、蝦米、花生、法國黑松露等餡料。 ▲日本原隻鮑魚燒賣 ($79/2隻) 使用日本原隻鮑魚、本地鮮豬肉及越南大蝦,上面仲有形象可愛既熊本熊! ▲黑金流沙包 ($49/3個) 黑芝麻混合花生醬做出流沙效果,竹炭麵包有金色,貴氣十足! ▲熊本蜂蜜流心西多士 ($69)外層麵包炸至金黃鬆脆,使用中式奶黃流沙餡,手工糖霜餅乾超可愛!仲有不得不提加上既熊本縣進口香甜蜂蜜。 ▲咸牛肉芝士西多士 ($69)餡料用上咸牛肉、芝士同鮮嫩多汁澳洲安格斯牛肉 ▲金箔墨汁蝦餃 ($59/3隻) 以越南原隻大蝦、手切本地鮮豬肉混入秘製豬油渣製成,而黑色既外皮就係墨魚汁整成,同熊本熊相映成趣。 ▲日本原粒瑤柱灌湯餃($69)餃子皮裹著鮮豬肉、蝦肉等餡料。 ▲香煎熊本芋絲餅 ($49/3件) 用上日本芋頭,加入蝦米、臘腸等煎至金黃,有豐富膳食纖維。切到成個政府總部咁! ▲黑松露鮮雜菌燴飯 ($99 )以珍貴黑松露同各種菇類,素食者都岩食! ▲甜品方面,小編大推熊本芝麻奶凍 ($49)以日本北海道3.6牛乳、日本魚膠片、黑芝麻粉、鮮忌廉調製。 ▲真真假假西瓜糕 ($39/3件) 紅色部分用上天然西瓜汁,白色部分是忌廉加牛奶,「西瓜籽」則為蘭香子。 ▲原味椰皇 ($45)及小丸子椰皇 ($55)都係以日本雞蛋白加入椰皇椰水、北海道3.6牛乳整成 ▲原個菠蘿特飲 ($59)及原個西瓜特飲 ($59)果汁現打 點心代表 地址: 尖沙咀彌敦道100號L3 The One 電話: 2885 1345 營業時間:11:00 – 23:00 文字 / 圖片來源:香港人遊香港...