香港人對日式料理要求越來越高,日本餐廳亦開到成行成市,呢間屹立係尖沙咀黃金地段接近半世紀既日本餐廳,可謂香港最早期提供高質日本家庭式料理既餐廳之一,可惜依然不敵租金同成本上升壓力,將於七月光榮結業。餐廳保留日本傳統家庭式料理既味道,店主更堅持每日空運新鮮時令食材到餐廳,好多在港日本人同熟客仔都識得預約黎食。其中招牌料理包括「鯖魚箱壓壽司」,鯖魚經醋醃製,魚肉夠彈仲充滿濃郁醋香。招牌炸雞亦沿用創辦人八尾先生既秘製食譜,新鮮雞隻外脆內嫩又多汁,非常吸引。仲有咖喱牛肉烏冬等用上十幾種配料秘製咖哩汁,充滿「大阪」風味。咁有誠意又堅持既小店,趁佢結業前一定要去試一試! ▲箱壓壽司係壽司的雛形,非常傳統。呢款鯖魚箱壓壽司的鯖魚經醋醃製,魚肉有彈性,而鯖魚上既白昆布,仲可以提升鯖魚既鮮味添! ▲炸雞沿用創辦人八尾先生從日本帶來的特製食譜,炸雞即叫即制,外脆內嫩,同外面食到既唐揚炸雞感覺唔同! ▲「咖喱牛肉烏冬」由十幾種食材同香料調制既咖喱湯,香濃不膩,充滿「大阪」風味! ▲「日本和牛鍋湯」都係必食料理,湯底選用比一般白糖甜三度既三溫糖調配,令湯底更鮮甜,配牛肉更夾更滋味! 大阪日本料理 地址:尖沙咀亞士厘道14號亞士厘大廈地下電話:2376 3323營業時間:12:00-15:00 / 18:00-23:00 文字來源:香港人遊香港/圖片來源:大阪日本料理...
酒店自助下午茶向來受歡迎,呢間酒店仲一次推出N款以鮮果為食材既甜品buffet,一個價錢可以食盡多款精美甜品,水果迷一定唔可以錯過啦!包括夏天大熱既榴槤,「榴槤慕絲蛋糕」仲食到啖啖榴槤果肉同慕絲、「香蕉奶蓋奇亞籽杯」以原隻香蕉打成慕絲奶泡,健康美味、仲有「芒果3.6奶凍」、「奇異果乳酪慕絲蛋糕」和「紅桑子水信玄餅」等,鮮果種類真係多不勝數,鮮甜又消暑!除左甜點,仲有一系列好適合夏天食既鹹點,包括「煙三文魚青蘋果合桃沙律」、酸甜開胃既「韓式柚子雞中翼」、「夏威夷菠蘿烤雞薄餅」等等,全部都清新開胃!當然亦唔少得冷盤例如冰鎮海鮮拼盤、多款即切日式刺身、中式點心、同埋透心涼既Dreyer’s雪糕等,完全為炎炎夏日急速降溫! ▲酒店既甜品自助餐以多款鮮果入饌製作成甜品,為炎炎夏日解暑! ▲「芒果3.6奶凍」清新而不甜膩,精緻又消暑,可以食多幾杯都唔怕肥! ▲野莓酸甜清新,配上細細件蛋糕非常夾 ▲「藍柑橘酒士多啤梨啫喱杯」睇個顏色已經夠晒鮮艷繽紛,味道同樣夠晒夏天! ▲自助餐亦有多款冷盤、刺身同熱食等等,可以滿足晒唔同人既要求,cp值極高! ▲唔想食自助餐的話,酒店亦有「夏日沙灘樂園」下午茶set供應,共有11款美食,例如前菜包括芒果山藥龍蝦藜麥沙律、吉列蝴蝶蝦伴刁草乳酪汁、鮮蝦帶子蕎麥冷麵配胡麻醬、迷你和牛芝士竹炭漢堡等,仲有甜點芒果拿破崙、香蕉奶蓋奇亞籽杯等等,同樣吸引! 香港百樂酒店 Park Cafe 地址:尖沙咀漆咸道南61-65號香港百樂酒店電話:2731 2100供應日期:2019年7月4日至9月1日 3pm – 5pm 「仲夏鮮果派對」下午茶自助餐星期一至五 成人$218 小童$188 / 星期六、日及公眾假期 成人$238 小童$208 「夏日沙灘樂園」下午茶星期一至五 (1位)$178 (2位)$298 / 星期六、日及公眾假期 (1位)$198 (2位) $338 文字來源:香港人遊香港 / 圖片來源: 香港百樂酒店Park Cafe...
位於尖沙咀既三餐冰室,「三餐」顧名思義就係香港人最基本既三餐溫飽,呢度既經典常餐、焗飯、扒餐、西多等等選擇多多,份量出名大件夾抵食,夠晒每日解決三餐需要,同時能夠重拾香港懷舊之味!呢度既頹飯一D都唔頹,升級成三餐肉三蛋,食完一定好滿足!新鮮出爐既焗飯份量亦驚人,「招牌牛魔王焗飯」係牛仔骨拼咖喱牛腩,份量足之餘,D汁滿到瀉晒出黎!鐵板餐同樣具視覺衝擊,大大塊又厚又多汁既肉扒,配以薯條雜菜,仲有羅宋湯,係最經典既港式晚餐!而冰室既裝修都好有特式,牆上壁畫出自本地插畫師之手,畫出香港70,80年代既屋邨生活,仲有香港人最熟悉既路牌等等,充滿香港人情味! ▲牆上既壁畫來自香港本土插畫師,呈現香港70,80年代既屋村,同埋以經典路牌帶出冰室既地點,創意十足! ▲被稱為頹飯既餐蛋飯,有成三塊餐肉、三隻雞蛋,雖然唔係好健康,但間中食下都好滿足! ▲招牌牛魔王焗飯,即係黑椒牛仔骨拼咖喱牛腩,分量夠大又多汁,滿足晒食肉獸! ▲招牌海南雞飯都絕不欺場,雞肉嫩滑配炒飯,晚餐時段都只係$56,仲配有中湯+熱飲 ▲冰室又點少得經典常餐,沙嗲牛麵大家由細食到大,仲有火腿炒蛋、牛油多士、港式奶茶,少一樣都唔得! ▲下午茶叫個「香葱厚蛋咸牛三文治烘底」,只係$38仲包熱飲,蛋味同葱完美配合,加埋鹹牛肉既口感,滋味十足! ▲經典鐵板餐一定係好多香港人至愛,招牌鐵板牛柳餐 $128,有黑椒汁、洋葱汁、燒汁或蒜蓉汁可以選擇,仲配餐湯、多士、薯菜、熱飲,非常抵! 三餐冰室 地址: 尖沙咀漆咸道南115號 (漆咸圍交界)電話: 2130 9302營業時間:11:30-22:30 文字來源:香港人遊香港 / 圖片來源:三餐冰室...
「Yum Cha 飲茶」呢間茶樓有好多款唔同嘅創意點心,吸引唔少外國遊客。臨近萬聖節,佢又推出咗一系列造型鬼馬嘅萬聖節限定點心,當中有外形好似眼球嘅蝦餃同埋手指造型嘅叉燒酥,迫真到令人有啲毛骨悚然。另外都有啲賣相得意嘅點心,例如木乃伊外形嘅臘腸包,個樣睇落有啲傻更更,唔會令人覺得恐怖,反而仲有啲萌添! ▲中指叉燒($49),將香甜嘅叉燒酥整成殭屍手指嘅樣,非常迫真,真係要鼓起勇氣先夠膽試。 ▲蝦靈入眼($49),唔同你講嘅話,可能你都未必知呢個係蝦餃! ▲木乃伊腸($49),香軟嘅麵團包住臘腸,再加一對精靈嘅眼精,呢隻木乃伊真係完全唔恐怖,甚至仲好可愛添! ▲鬼鬼祟祟($69),外層係骷髏骨外形嘅香脆酥皮,入面包咗芝士、雞粒、蘑菇同茄汁豆,口感豐富。 ▲小鬼吃泥($28),睇落真係同盆栽冇分別,其實上面嘅「泥土」係炒過嘅花生碎、黑糖、黃糖、曲奇碎同朱古力碎,再加埋煙韌嘅麻糬,估唔到「泥」都可以咁好食! ▲木蝦乃衣($89),又係一款造型萌爆嘅木乃衣點心,以麵包絲包住忌廉雞肉同鳳尾蝦炸至金黃色,好睇又好食。 ▲脆脆蝙蝠($76),蝙蝠造型嘅多士釀入咗彈牙嘅墨魚膠,再沾上白芝麻之後拎去炸,配合埋甜酸醬,非常開胃。 ▲一籠八戒($49),除咗萬聖節系列嘅點心之外,仲有其他恆常供應嘅點心,依款叉燒包同一般嘅叉燒包外形完全唔同,眼神楚楚可憐嘅豬仔,你捨唔捨得食呢? ▲睇住流奶($49),好似一隻外形蠢萌嘅黃色小生物,用筷子喺對眼下面戳一個洞,入面啲奶黃流出嚟,睇落就會好似隻生物喺到流口水咁,不過啲口水就係黃色嘅。 ▲紅都面埋($49),其實係紅豆麻糬包,正如佢嘅外表一樣,甜甜地,又有煙韌嘅口感。 ▲明太子蛋腸粉($49),腸粉入面包住明太子,唔只口感豐富,仲有一陣蛋香。 ▲椒鹽豆腐($59),除咗點心之外,仲可以叫其他小炒,例如呢個椒鹽豆腐,外脆內軟,食落非常香口。 飲茶 尖沙咀店 電話:27511666 地址:尖沙咀加連威老道20-22號瑞生尖沙咀酒店3樓 營業時間:星期一至五 11:30 – 23:00;星期六至日及公眾假期 11:00 – 23:00 中環店電話:37088081地址:中環德輔道中173號南豐大廈2樓1-2號舖營業時間:星期一至六 11:30 – 15:00、18:00 – 23:00;星期日及公眾假期 11:00 – 15:00、18:00 – 23:00 旺角店電話:28181099地址:旺角亞皆老街8號朗豪坊4樓7號舖營業時間:星期一至日 11:30 – 23:00 銅鑼灣店電話:23231288地址: 銅鑼灣羅素街8號英皇鐘錶珠寶中心2樓 營業時間:星期一至日 11:30 – 23:00 文字來源:香港人遊香港/圖片來源:@yumchahkg、2210777、devil.de.foodie、memoriescapturerhk、foodaholicbunny...
尖沙咀嘅新商場K11 Musea啱啱開咗冇耐,匯集咗好多本地同埋國際品牌,成為新嘅打卡熱點。其中呢間Artisan Lounge有號稱全城最貴嘅下午茶,皆因兩個人一齊叫一set下午茶就至少要$728。佢嘅下午茶又叫懸浮下午茶,會用一個三層金屬架裝住甜點同鹹點,並且將個架懸浮吊起,感覺奢華高貴。除此之外,食物都採用咗唔少矜貴食材,例如鹹點入面嘅魚子醬包點,唔只有高級魚子醬,上面仲鋪咗金箔,睇得又食得! ▲餐廳位於商場嘅中庭,屬於半開放式,而且仲擺放咗唔少植物做裝飾,令人感覺好似喺庭園入面享受下午茶咁。 ▲Artisanal Afternoon Tea Set ($728/2位),三層架嘅上面兩層係甜點,最底層就係鹹點,傳統嘅英式下午茶都係由底層開始食,由下至上,由鹹至甜。 ▲鹹點有魚子醬包點、吞拿魚薯片、伊巴利亞火腿蜜瓜、法式血鴨包、青瓜三文治同紫薯撻,甜點就有甜粟棒棒、香檸馬德蓮、迷你馬卡龍、朱古力棒、法式鮮花奶凍、軟香芝士杯、工匠朱古力、自家烘焙鬆餅同埋忌廉及自家玫瑰果醬。 ▲魚子醬包點,有股淡淡鹹香嘅海水味,仲加埋金箔,真係點都要相機食先。 ▲自家農場田園沙律($188),除咗下午茶之外,仲可以叫其他嘢食,想食得健康嘅話,可以試下呢個沙律,入面嘅蔬菜由Artisan嘅自家農場每日新鮮運到,口感清爽。 Artisan Lounge 地址:尖沙咀梳士巴利道18號K11 MUSEA 008-008A舖 電話:2601 3428 營業時間:10am-10pm 收費:Artisanal Afternoon Tea Set $690/2位、Musea Afternoon Tea Set $1,688/1位(於三日前預訂) 文字來源:香港人遊香港/ 圖片來源:@wansonia、kissycyf、wingbambi、artisanloungehongkong...
呢間主題點心店不嬲都搞作多多,自上次小新主題大受歡迎之後,今次又引入得意又搞笑既熊本熊主題!配合熊本縣比人天然資既印象,今次取材既點心都主打天然健康,部份更以日本進口的蔬菜、水果、五穀雜糧為食材,小編至like cute 到爆既熊本熊灌湯餃,餡料又多又豐富,而且湯底係加入原粒瑤柱既高湯,真心正!一黎到餐廳門口,各位就忍唔住同佢既裝修陳設打卡,連餐具印上熊本熊圖案,真係好想帶埋佢地返屋企呀! ▲一黎到店鋪門口,就比佢地以紅黑分明既圖案裝飾吸引!每張台都配備打卡專用既紙牌! ▲出面既卡位位置就更醒神,大大隻既熊本熊同你一齊食點心! ▲今次既餐具都加入今次主題元素,真係好cute呀! ▲熊本熊奶皇流沙包 ($39)烘培後咸蛋黃加入好立克粉、煉奶同植物牛油,一咬開肯定流心十足! ▲微笑紫芋流沙包 ($49/2個) 由紫芋混合好立克粉、煉奶、植物牛油做成﹐迷幻紫色既威力,肯定吸引唔少香芋控! ▲黑松露潮州粉果 ($49/3隻) 透薄水晶外皮包裹著豬肉碎、蝦米、花生、法國黑松露等餡料。 ▲日本原隻鮑魚燒賣 ($79/2隻) 使用日本原隻鮑魚、本地鮮豬肉及越南大蝦,上面仲有形象可愛既熊本熊! ▲黑金流沙包 ($49/3個) 黑芝麻混合花生醬做出流沙效果,竹炭麵包有金色,貴氣十足! ▲熊本蜂蜜流心西多士 ($69)外層麵包炸至金黃鬆脆,使用中式奶黃流沙餡,手工糖霜餅乾超可愛!仲有不得不提加上既熊本縣進口香甜蜂蜜。 ▲咸牛肉芝士西多士 ($69)餡料用上咸牛肉、芝士同鮮嫩多汁澳洲安格斯牛肉 ▲金箔墨汁蝦餃 ($59/3隻) 以越南原隻大蝦、手切本地鮮豬肉混入秘製豬油渣製成,而黑色既外皮就係墨魚汁整成,同熊本熊相映成趣。 ▲日本原粒瑤柱灌湯餃($69)餃子皮裹著鮮豬肉、蝦肉等餡料。 ▲香煎熊本芋絲餅 ($49/3件) 用上日本芋頭,加入蝦米、臘腸等煎至金黃,有豐富膳食纖維。切到成個政府總部咁! ▲黑松露鮮雜菌燴飯 ($99 )以珍貴黑松露同各種菇類,素食者都岩食! ▲甜品方面,小編大推熊本芝麻奶凍 ($49)以日本北海道3.6牛乳、日本魚膠片、黑芝麻粉、鮮忌廉調製。 ▲真真假假西瓜糕 ($39/3件) 紅色部分用上天然西瓜汁,白色部分是忌廉加牛奶,「西瓜籽」則為蘭香子。 ▲原味椰皇 ($45)及小丸子椰皇 ($55)都係以日本雞蛋白加入椰皇椰水、北海道3.6牛乳整成 ▲原個菠蘿特飲 ($59)及原個西瓜特飲 ($59)果汁現打 點心代表 地址: 尖沙咀彌敦道100號L3 The One 電話: 2885 1345...
呢間冰室完美示範左咩係「錯就要認」,早前有網友話佢地播tvb扮黃,好快老闆都出黎認錯播返Viu TV,此舉被網民不斷「懲罰」!雖然佢係近年先開,不過裝修就重現當年懷舊風格,而食物佢地就一直佢地係以大大份既食物做主打,打工仔都超鐘意!其中既三眼太陽蛋豬扒飯,就最飽肚最受歡迎, 嫩香既豬扒加上三隻水汪汪既太陽蛋黃汁,確係送飯一流既!除左碟頭飯之外,呢度一年四季都有得食煲仔飯,大家未入冬都食到,最近店主仲逆市係荃灣同深井開鋪,等多d唔同區既網民可以懲罰佢地。 ▲三眼太陽蛋豬扒飯($52),三隻靚靚煎蛋加上煎得香嫩既豬扒,再淋上甜醬油,係午飯補充元氣既好選擇! ▲三眼太陽蛋豬扒飯($52),雞蛋上面淋上甜豉油,當蛋黃汁液、甜豉油、豬扒3樣邪惡之最撈埋一齊,食落真係會令人好滿足! ▲蔥油雞扒飯($45)雞扒係用油炸,外皮脆而內肉嫩滑,蔥油將炸雞扒時逼出黎既油溶為一體。 ▲滑蛋叉燒飯($45)採用蛋味濃既湖北雞蛋,半熟蛋炒得好滑溜。 ▲窩蛋牛肉煲仔飯($72)呢度其中一大特色係一年4季都有得食煲仔飯,而且仲有好多款! 光榮冰室(尖沙咀) 地址:尖沙咀厚福街5-6號地下6號鋪 電話:24226555 光榮冰室(深井) 地址:深井深井村54-55號地舖 電話:24919550 光榮冰室(荃灣) 地址:荃灣兆和街18號地下 文字來源:香港人遊香港 / 圖片來源:@stephanie_caoo、@num.the.foodie、@hoeunice、@kikiwong918、@blossomhongkonglennonwalls、@bonaquawong...
呢間位於鬧市尖沙咀的餐廳空間感十足,令人感覺舒服自然。餐廳主打健康田園飲食,更有farm to table從本地或外國農場直送到餐桌。餐廳還會照顧素食者,提供素食選擇。當中羽衣甘藍巴馬火腿西柚合桃沙律,有機的羽衣甘藍配鹹鹹的巴馬火腿、酸酸微微的西柚和意大利黑醋,入口非常開胃。另外芝士磨菇釀雞翼,脹卜卜的無骨雞翼釀入滿滿的芝士蘑菇,芝士味香濃,雞皮更烤得香口惹味。 ▲羽衣甘藍巴馬火腿西柚合桃沙律($158):鹹鹹的巴馬火腿加上微酸的西柚和意大利黑醋,非常開胃。 ▲芝士磨菇釀雞翼($88):脹卜卜的無骨雞翼釀入芝士蘑菇,其芝士味香濃,雞翼皮烤得香口惹味。 ▲牛油果青瓜水牛芝士包意大利飯($178):大大個水牛芝士包住的牛油果青瓜意大利飯,口味清新。 ▲牛仔肉蘑菇寬條意大利麵($188):蘑菇香氣濃郁,牛肉軟腍。闊條麵超掛汁,麵條煙煙韌韌。 文字/圖片:香港人遊香港...
港版鐵板三文治你又試過未呢?呢間本地薑HAND3AG主打創新鐵板三文治,麵包用上日本麵粉,經過烘烤之後,口感香脆,配搭多款唔同餡料,甚至連一條條嘅拉麵都可以成為餡料! 加上獨特醬料,真係夠晒特別同有創意! 賣相吸引可以打卡之餘,食落去啖啖都係滿滿嘅食材,令人一試上癮! ▲賣相吸精,睇得又食得! ▲每份三文治都足料大份,咬落去口感極豐富! ▲3日3夜自家手切薯條  ($35) ▲歐陸監獄鐵板三文治 ($54) ▲餐廳設有兩款素食系列選擇! 素食系列: 祝君健康鐵板三文治 ($54) 文字來源:香港人遊香港 / 圖片來源:@amberber_au 、 @llllittlepig 、 @foodinhk...
喺尖沙咀鬧市中,居然有間超隱世日式街坊小店?隱藏喺小巷自成一角嘅寧靜小店東京食堂,舖頭座位數唔多,但係都吸引咗大量食客排隊!餐牌大部分都係日式定食,lunch最低$4x 就有交易,性價比高又抵食!不得不提呢度嘅原條蒲燒饅魚,表面微焦,燒汁入味,魚肉厚身,口感彈牙,絕對必試!如果唔想食成條,亦都可以叫半條試下,再留肚食其他日式小食! ▲ 原條蒲燒饅魚 ($128) : 鰻魚燒得恰到好處,咬落去軟綿綿,同鰻魚燒汁配合得宜! ▲ 鐵板牛舌 ($46) : 牛舌都幾香口,配埋檸檬汁酸酸甜甜,好夾! ▲ 大阪燒 ($108):都唔錯,材料豐富,中間有蔬菜和煙肉! ▲ 燒棉花糖 ($20):燒到燶燶地,好甜,好適合做甜品! ▲ 蜜糖一口甜薯 ($20) : 小蕃薯嘅香甜配上蜜糖嘅清甜,日本餐廳必食小食之選! 文字來源:香港人遊香港 / 圖片來源 :@not_eat_nw_wind、@crabslife150、@foodcoholic_hk...
素食人士有口福啦,今次尖沙咀係6月中新開既呢間純素咖啡店係早前係灣仔好出名果間,轉左做日式裝修,現時試業中有期間限定餐牌,分別有全日早餐、意粉、薄餅、炸物小吃、窩夫和純素蛋糕可以食,仲有呢度連咖啡都係純素嫁! 試食餐牌會包一杯花茶或凍泡茶,又或者以半價價錢轉其他特色飲品。咖啡店大約只可以坐10人,每日有三款素食蛋糕可選擇。 ▲ 超級早餐 ($108餐):未來豬柳、薯格、蕃茄、鷹嘴豆泥 、牛油果、沙律、貝果。太多料好豐富,塊豬柳對於一個喜歡食肉既人都食唔出其實唔係真肉黎。 ▲綠茶紅豆純素蛋糕(原個$450,可切件賣$38 一件): 一件素食蛋糕,綠茶味道食落好濃味,有少少帶茶既苦澀味,蛋糕邊焗到好脆口,蛋糕內亦有紅豆粒。 ▲抹茶窩夫配雜果、糖漿及忌廉($88餐):其實係無加雞蛋既窩夫,食落去窩夫都脆邊,共有4件。 ▲五大素球蕃茄意粉 ($74餐): 其實係有五件素雞球,雞球都係用左素肉整,而每粒都加上栗米粒,意粉汁既蕃茄醬都算濃味。 ▲鷹嘴果醬牛油果配酸種麵包 ($60餐): 鷹嘴果醬食落去口感濃滑,又清爽既檸檬香味,而個麵包食落都酸酸地幾開胃嫁,麵包上仲有牛油果同無花果添! 文字來源:香港人遊香港 / 圖片來源 : @agy__ss、@mr.ivanlee、@misskitb、@veganizehk、@caketionary_hongkong...