呢間台式芋圓小店爆紅,大陸版既ig小紅書都有好多人介紹佢,全因為佢性價比真係好高!除左有甜品食,仲會有滷肉飯、香酥排骨飯呢d熱食。招牌綜合剉冰好有台北Feel,入面有齊有齊地瓜圓、芋圓、西米、薏米、珍珠、小丸子、紅豆同仙草,蕃薯味地瓜圓、芋頭味芋圓食落煙煙韌韌。 ▲招牌綜合剉冰 ($35)西米、紅豆、芋圓、地瓜圓、大紅豆、芋頭、珍珠、小圓子、薏米。超多配料配埋牛奶冰底 ! ▲嫩仙芋奶凍($30)芋圓味濃,珍珠彈牙 ▲香酥排骨飯,排骨表面炸到熱辣辣 ▲滷肉飯個汁夠味,油香十足 甜圓坊 地址:深水埗基隆街205號地下電話:23679555營業時間:12:00-23:00(星期二休息) 文字來源: 香港人.遊香港/圖片來源: kosan_hkfoodjournal、alicebelle_31、eatmorechu、dino1004...
元朗近年開左好多間點心店,對於呢間宵夜點心店似乎有點淡忘,不過有好多人都默默支持呢度嘅盅飯同懷舊點心,不過最近店家宣佈,佢地只會做到2月尾,元朗街坊知道左都覺得好可惜! ▲呢間點心店係元朗已經30年有多,每日24小時營業。 ▲咸蛋肉餅飯($30)蒸飯好似好淋,澆上豉油熱辣辣真心正! ▲糯米雞、金錢肚、排骨($18)呢度唔分大中小點,全部劃一價錢,由朝到晚都有得食! ▲鵪鶉蛋燒賣($18)呢個膽固醇超標既點心真係又邪惡又好味! 嘴兒甜 地址: 元朗教育路37號5舖地下電話:24742207營業時間:24小時營業 文字來源: 香港人.遊香港/圖片來源: heliosobsidian、sorlo_otto、mingyu_1003、chwkakit...
小編住新界西,對於打住元朗旗號係其他地方開飲食表示唔欣賞,原來店主為左紀念佢爸爸50年代元朗既合隆冰室,門面好闊又好懷舊,呢度豬雜款式都好集全!豬膶、粉腸、大腸、豬肺呢d緊係有!不過講到必食,新鮮既冰鎮墨魚頭爽口彈牙,叫碗麵之餘仲一定叫埋呢個前菜。 ▲係灣仔開左仿懷舊既裝修既潮州粉麵店,即使入夜都仲好多人去食! ▲冰鎮墨魚頭,灼過再經冰鎮,口感爽脆,配日式醬油及Wasabi食 ▲脆門鱔魚皮($18_碟)自家炸鱔魚皮,入口脆口,滾油炸得脆脆,而且仲冇油膉味! ▲豬雜河(細:$29/大:39)湯底飲唔出有味精,湯底有芫荽、中芹碎,食豬雜點d惹味辣椒油,更帶出豬雜原味! ▲自家製既菜鋪都係必食! ▲豬潤+鮮牛脷油麵(雙併:$34)豬潤灼得岩岩好,口感爽滑! 元朗合隆潮州粉麵 地址: 灣仔德仁街3A-3B號地下營業時間: 10:30–21:00電話: 2889 1618 文字來源: 香港人.遊香港/圖片來源: kadyfung、workhard.buyhard.hongkong、cheegigi、kent.swim、hhsuhk.mrandmrsh...
大角咀附近好多地盤同裝修工人,呢間野正正係路邊出名快靚正既雙蛋香茅豬扒飯,份量夠多大大碟,加埋個豉油汁撈飯真係一流!唔想食大碟飯可以食雜錦湯檬同撈檬系列,不過呢度係冇冷氣,怕熱既秋冬先好去! ▲越南拼盤 ($42)拼盤內有扎肉、春卷、炸雞翼同酸辣青瓜 ▲雙蛋香茅豬扒飯($45)兩隻太陽蛋水汪汪咁,加埋勁入味嘅香脆既香茅豬扒,都好正! ▲雙蛋香茅豬扒飯($45)香茅豬扒好入味,混入熱飯加上豬扒油,大大碟好岩麻甩佬 ▲大角咀做野既朋友一定要試,不過注意呢度冇冷氣既! 得龍粉麵茶水檔 地址:大角咀洋松街67號地下B舖電話:94063599營業時間:星期一至六 7:30-21:00 星期日休息 文字來源: 香港人.遊香港/圖片來源: thank.god.its.foodie.hk、ying0815、mrhome0212、deniseleeabab...
Beauty Bowl好多時都係中環OL專屬,九龍區好似冇乜,七彩既Beauty Bowl外觀已經好吸引,估唔到佢係好健康!呢間fusion菜小店開左一陣已經深得少女中女們喜愛!一碗Beauty Bowl份量都唔少都有好多蔬果健康食材,蔬果更加切成一片片更加食慾,女仔食一碗當lunch都冇問題! ▲Avocodo Grill Cheese Toast 滿滿牛油果打成醬加上燒過既芝士。 ▲牛油果砌成一朵盛開玫瑰 配超級流心温泉蛋,加上紅菜頭醬,又好睇又好食! ▲繽紛面層舖滿雞蛋、蘿蔔、紫蘿蔔、紅菜頭鷹咀豆泥、紫白菜同藜麥配蜜糖芥末,底層就係羽衣甘藍同菠菜等。 ▲Spicy Salmon Poke bowl ,三文魚顏色豐富,底下配壽司飯! SHAO 地址:何文田梭椏道15-15A號典雅大廈地下4號舖 文字來源: 香港人.遊香港/圖片來源: shaohongkong、alluneedis.food...
呢間無論係旅客、街坊都勁Like既蝦子撈專門店係區內老字號,早年仲入左米芝蓮推介美食,因此下午都係座無虛席。佢既古法製竹昇麵以鴨蛋做全蛋麵,無論係撈麵定湯麵都彈牙十足。尤其係即每日鮮炒蝦籽撈實在咸香十足,橙色蝦子除左吸睛之外,味道非常甘香濃郁!爆滿蝦子彈牙撈麵加上一碗清香鮮甜的大地魚湯真係好正! ▲好多食客都大推佢地醃製酸白蘿蔔,免費放在檯上添加 ▲雲吞麵($32)雲吞內餡混合豬肉、蝦肉的內餡,感覺紮實,食起上來鮮甜爽口彈牙!再加上用8小時調製既大地魚+豬骨湯真係好正 ▲麵家主打竹昇麵,麵質爽口彈牙食落完全冇梘水味! ▲蝦籽撈麵($38)蝦籽夠哂香,原來係每日新鮮炒製,絕對唔用隔夜貨,而且比客人都唔會好吝嗇. ▲南乳豬手(淨食:$60)既外皮爽口彈牙! 劉森記麵家 地址:深水埗桂林街48號地下電話:23863533 劉森記麵家 地址:長沙灣元州街162-188號天悅廣場C-B5舖 文字來源:香港人.遊香港/圖片來源:@lyng2、@daiwaiu、@bx9024...
呢間外賣店估唔到幾有質素,日式便當有唔少選擇!識食一定要食芝士蛋包飯,蛋皮薄薄一層,內裡更芝香豐富既芝士,滿滿芝士仲輕易拉到芝!仲會淋上燒汁、紫菜粉、沙律醬同木魚絲,令入面個飯相當入味! ▲和風餃子配唐揚炸雞便當($38)仲平過快餐店既餐點係窮學生之選,雖然和風餃子同唐揚炸雞都係外來貨,但都炸得外皮金黃脆卜卜咁。 ▲和風牛肉拼照燒雞扒便當 ($38 )蛋包飯和風醬好夠味,好快食哂成個飯! ▲芝士蛋包飯 +$8 薄薄蛋皮包實飯粒,加入了芝士,特別香,而且仲可以充做到流心效果! ▲呢間店鋪係唔少街坊中學時代回憶,便當都非常抵食! 鳴門日式蛋包飯專門店 地址:石硤尾偉智街38號福田大廈地下42號舖電話:93663453營業時間:11:00 – 21:00 文字來源:香港人.遊香港/圖片來源:@abuziku、@joan_foodnlife、@behfurnacesan、@rcloud148...
呢個黃金海鮮喇沙口味都幾新加坡feel,黃金喇沙湯底帶濃郁椰香,顏色紅噹噹又夾雜些奶白,大口食米粉同油麵摻摻,再咬螄蚶爆出鮮美湯汁!而且材料非常豐富有螄蚶、虎蝦、叻沙葉、豆卜、雞蛋、芽菜、魚片。虎蝦尺寸大隻多汁,爽口鮮甜。 ▲黃金海鮮喇沙 ($50)湯夠熱夠濃,有螄蚶,油麵溝米粉。 ▲黃金海鮮喇沙($50)材料豐富非常,兩隻大蝦取料新鮮,食落爽口鮮甜,魷魚爽口,而螄蚶就係香港好少見!湯底濃稠滑溜,豆卜索哂d湯汁! ▲肉骨茶($50)擁有胡椒同少許藥材味湯底,飲完真係一試難忘! ▲肉骨茶($50)豬肉鮮味十足,肥肉入口即溶,可謂白飯神偷。 迷湯肉骨茶專門店 地址: 鰂魚涌海堤街18號營業時間: 星期一至三、五 12:00 – 15:30/星期四12:00 – 15:30&18:00 – 21:00/星期六至日休息電話: 2325 0082 文字來源:香港人.遊香港/圖片來源:@find_my_meal_vanishing_abs、@0924freda、@foooodsnaps...
店鋪有個特別名字,意思係20蚊就有得食!售賣肉骨茶、斑蘭咖央多、馬來黑咖啡等馬來小食,而呢度都有幾款平飯得揀,係附近,30蚊既煎蛋肉餅飯或滑蛋叉燒飯已經好難搵得到,所以深得街坊喜愛! ▲蛋叉燒飯($30),店主故意叉燒切得細細粒,雞蛋滑溜、蛋味香濃。 ▲胡椒肉骨茶($35),有胡椒肉骨茶同鮮蝦胡椒兩款肉骨茶,微辣之後胡椒香味滲出。 ▲斑蘭咖央多($20),烘脆薄麵包、厚厚咖央、牛油配搭薄切方包,仲滲著啖啖班蘭香. ▲蛋炒豬腸粉(20元) ▲香煎脆邊蛋肉餅飯($30)老闆每日用新鮮半肥瘦豬肉調製,以豉油、糖、生粉調味,聽落十分簡單,加上搖搖欲墜既燶邊蛋,係簡單又好味既食物。 兩草 地址:銅鑼灣銅鑼灣道126號電話:27966868營業時間:11:00 – 15:00、18:00 – 20:00 文字來源:香港人.遊香港/圖片來源:@kiannboo、@huang.yuche...
呢間餃子店面績唔大,人多仲會非常迫夾,老闆原係東北人,佢所製作既餃子皮薄餡多,大大隻既餃子,內裡有豐富饀料同湯汁。牛肉餅又係另一個重點!牛肉餅內餡juicy、肉味香濃,外皮皮煎到黃金香脆。 ▲牛肉餅($15)牛肉餡餅即叫即製,一咬牛肉餅所有湯汁咇曬出黎 ! ▲三鮮餃($25/10隻)有蝦皮拌入豬肉再加埋韭菜同蛋﹐既濃味又幾健康! ▲椰菜木耳鮮肉餃子 ($25/10隻) ▲南瓜餅($6)表面沾了糖霜,食得出南瓜香,好有家庭式既味道。 興興餃子館 地址:土瓜灣浙江街27號地下G5號舖電話:90116996/90637503營業時間:11:00 – 00:00 文字來源:香港人.遊香港/圖片來源:kamwaiwai、miyaippp...
油麻地呢間食店最出名炸大大雞髀, 外層香脆又唔會好油膩, 女仔食唔怕肥。雞髀中間非常入味。雖然表面炸到好咁乾身,但裡面仲keep到嫩滑多汁,咬落去肉汁豐富又嫩滑,真係唔話得! ▲巴蜀生炸雞脾王煎蛋飯($42) ▲原來雞脾用菠蘿果醋汁醃雞髀醃3個鐘! ▲大大隻炸髀皮脆肉香,肉質Juicy非常,小編覺得雞髀配薯條($33)先係絕配! ▲小店人手同地方都有限,好多時賣哂就收工! 和順記 地址:油麻地碧街24號地鋪電話:9868 7962營業時間:7am-4pm 文字來源:香港人.遊香港/圖片來源:@chu_mui、minggt1、drerictsui、chu_mui...