天后美食2023｜天后福岡日式滑蛋丼專門店 天后有間新開的日式滑蛋丼專門店一開業已長期爆滿，假日至少排隊半小時。店鋪雖然小店但充滿日式木系風格，而老闆娘親身到日本搜羅各式各樣的餐具，包括餐廳所用的碗碟、餐具、器皿，非常用心！而呢度最出名就係招牌黄金黑豚豬扒PAN丼，以日本福岡的炸豬扒飯為靈感，以原個小鐵pan為器皿上菜，食物能夠保持熱辣辣，仲要滑蛋呈半熟狀態口感嫩滑，用黎撈飯一流！小店仲有另外特色就係火鍋系列「星嵐飛鳥鍋」，以小木盒的豆腐鍋盛放著牛乳雞肉鍋，牛乳味香濃突出，光是賣相已經非常有日本傳統風味！ ▲每日限定招牌黄金黑豚豬扒PAN丼，以日本福岡的炸豬扒飯為靈感，以原個小鐵pan為器皿上菜，食物能夠保持熱辣辣。 ▲仲要滑蛋呈半熟狀態口感嫩滑，用黎撈飯一流！而豬扒夠曬厚身，炸得酥脆。套餐包日本麵豉湯同前菜，午餐只需$89就可以享用！ ▲日本滑蛋牛丼（$72）蛋汁微甜，加埋新鮮嫩牛肉食味道一流！ ▲小店仲有另外特色就係火鍋系列「星嵐飛鳥鍋」，以小木盒的豆腐鍋盛放著牛乳雞肉鍋，入面亦亦有冬菇蔬菜，牛乳味香濃突出，更可自行加牛乳湯底，超滿足！ 星嵐 (天后) 地址：天后清風街1A-1B號美城花園大廈地下KL-3號舖營業時間：12:00 – 22:00 圖片來源： @little_mushroom_foodhunter 、 @hkfoodpage 文字：香港人遊香港...
