平日配料夾包,多數諗起三文治和熱狗,而呢間小店以長條法包做越南軍艋,有9尺長,包內配料有8款咁多,有扎肉、烤肉、甘荀、蘿蔔、青蔥、芫荽、豬肉鬆和辣椒,加埋蛋黃醬和肝醬,飽足感十足,味道唔錯,有唔少人食過番尋味。如果食唔到9尺原條法包,小店有半個Size供應。軍艋越式法包更附送餐湯或蔬菜兩份,每日新鮮選購 ▲半個Size 4.5尺($30),份量依然足本 ▲如果想走一D配料,落單前要講聲 ▲原條9尺長越南包($50) ▲食法包有餐湯選擇,每日都唔同,其中一日供應忌廉蘑菇湯,味道啱啱好,蘑菇份量多 ▲唔飲湯可以選擇蔬菜兩份,全部係每日新鮮採購。呢間小店係店內貼文宣播反送中有關歌曲之餘,曾經捐錢比星火 蔥仔越南包 地址: 大角咀櫸樹街52號營業時間: 12:15 – 15:00 / 18:00 – 20:30 文字來源:香港人遊香港/圖片來源: @fatpiggyyyyy、@sara0222、@f_ffung、@hoszeeeee...
今次介紹呢間大角咀酒店餐廳係以萬花筒做主題設計,一出升降機門就進入左萬花筒,靚到有唔少客人會打卡一陣先再行入餐廳,穿過左個萬花筒隧道就到接待處。而餐廳入面既裝潢都係延續萬花筒風格,同埋天花掛滿左唔同顏色既乾花,呢間餐廳雖然細,但坐落去幾闊落,又多打卡位影相。講完餐廳既裝修後,再講一講呢度既食物,呢度既食物都幾特別,有兩款打卡甜款係必要叫,分別係在森林和原野同埋開啟潘朵拉盒子,又好食又睇得! 如果同行者有人生日,仲可以叫餐廳Order定甜品寫祝福句子添! ▲在森林和原野($158): 看似草既其實係抹茶餅碎,上面擺滿花形同菇形既糖同朱古力,而樹幹就係一件Tiramisu蛋糕,食落口感好幼滑! 淨係甜品既心思都絕對值得一試。 ▲富士山的雲端($82):係餐廳既招牌飲品,其實係一杯藍橙雲呢拿牛奶,富士山造型夠晒吸引。杯野飲比客人自製,首先要係白色泡沫中用飲管插個洞,然後將藍橙牛奶倒入去,再將泡沫浮頂。 ▲法式大頭蝦占米多 ($228): 大頭蝦好大隻,入面擺滿左蝦肉,蝦汁同埋蝦膏,可以將蝦肉沾上蝦汁然後放上去占米多士上面食! ▲開啟潘朵拉盒子 ($168):呢個甜品係限量供應,除左睇得食得,仲可以玩添,會有一個木鎚比客人打爛個糖衣,個糖衣望落似玻璃咁,而入面件撻好大件,絕對可以兩個人食。 ▲唔至餐廳內既裝修好靚,連碟同杯都好靚嫁! 每個座位都係打卡既好地方! ▲打卡位: 萬花筒牆身,有唔少客人為左呢間餐廳咁靚既環境黎嫁! 除左呢度,餐廳內仲有其他值得打卡既位置。 漫花燈火 OMG 地址:大角咀晏架街48號香港西九龍絲麗酒店1樓營業時間:星期一至日 12:00 – 22:30電話:27896805 文字來源:香港人.遊香港/圖片來源:@omghongkong...
[博客授權分享:跟著莫莉過生活]飛一轉去巴黎、米蘭、台北吃飯不是夢! 隨時離港洗滌一下心靈! 想去旅行又沒有大假嗎? 就去飛機主題餐廳 (扮) 離港一下!!The 747 Galley空中廚房, 店如其名以747珍寶客機為主題, 別以為只放一些飛機模型之類就叫飛機主題餐廳嗎? no no no! 這裡絕對有讓人出門旅行衝上雲宵的感覺! 有齊離境大堂、登記指示牌、令人置身機艙的逼真場景! ▲其實The 747 Galley不是主打親子的餐廳, 反而是讓大人聚會喝幾杯的餐廳酒吧, 不過看到是飛機主題餐廳就帶楊小寶來玩玩! ▲餐廳門口的登機指示牌超逼真的! 話說旅行時很多人會在登機指示牌前拍照呃Like! 還會更換不同目的地啊! ▲最吸睛的一定是機位座椅! 全店只有2組, 想坐就要訂位, 或是walk-in時踫運氣喔! ▲超寬敞的商務機位!! ▲抬頭一看, 原來還有行李櫃!! 超逼真的! ▲不特止, 這邊還有離境大堂! ▲The 747 Galley不是主打親子, 所以餐飲上不會有特別適合小孩的食物, 午餐有意大利麵和牛排之類~ 價錢由$58-$118, 有餐湯、主菜、飲料。 *此文章由跟著莫莉過生活授權分享,原文網址:親子餐廳 |【主題餐廳】衝上雲宵 飛機主題餐廳@THE 747 GALLEY The 747 Galley  地址: 大角咀嘉善街39號地下營業時間: 12:00-24:00...
大角咀附近好多地盤同裝修工人,呢間野正正係路邊出名快靚正既雙蛋香茅豬扒飯,份量夠多大大碟,加埋個豉油汁撈飯真係一流!唔想食大碟飯可以食雜錦湯檬同撈檬系列,不過呢度係冇冷氣,怕熱既秋冬先好去! ▲越南拼盤 ($42)拼盤內有扎肉、春卷、炸雞翼同酸辣青瓜 ▲雙蛋香茅豬扒飯($45)兩隻太陽蛋水汪汪咁,加埋勁入味嘅香脆既香茅豬扒,都好正! ▲雙蛋香茅豬扒飯($45)香茅豬扒好入味,混入熱飯加上豬扒油,大大碟好岩麻甩佬 ▲大角咀做野既朋友一定要試,不過注意呢度冇冷氣既! 得龍粉麵茶水檔 地址:大角咀洋松街67號地下B舖電話:94063599營業時間:星期一至六 7:30-21:00 星期日休息 文字來源: 香港人.遊香港/圖片來源: thank.god.its.foodie.hk、ying0815、mrhome0212、deniseleeabab...
新加坡以白斬文昌雞而馳名,呢間小店老闆來自新加坡,每日新鮮自家製海南雞飯,雞同飯都超高質,海南雞口感肉厚而嫩,油飯富雞油味,味道濃郁,加埋佢地既黑醬油、辣醬同埋薑蓉,製作認真一d都唔馬虎! ▲白雞飯套餐($65):有雞有飯有湯有菜,呢個價錢都幾抵!跟餐湯仲要係細肉骨茶。 ▲海南雞飯($58):係去左骨,首先雞皮變成啫喱狀,好爽口!雞肉非常嫩滑,睇落幾夠厚肉,食得非常滿足!老闆每日用上2.5斤重的龍崗雞,然後用斑蘭同香茅既熱湯浸熟。 ▲海南雞飯($58):佢地油飯食得出油香,完全冇油膩感! ▲肉骨茶係正宗馬拉藥材味,豬肋肉炆至軟腍。 文華雞飯 (新加坡) 地址:大角咀中匯街17號地下電話:2301 4266 營業時間:11:30am-10pm(星期三休息) 文字來源:香港人.遊香港/圖片來源:@kithing108、@ti.lifestyle、@stevenyan7359、@stenoodie...