今次介紹既呢間居酒屋除左有多款清酒提供之外，仲有多款日式主菜、小食、串燒等提供。呢度既石板燒有一人餐，就算一個人黎呢度食都唔洗怕尷尬啦!石板燒有三款牛肉供選擇，不吃牛的話也可以點選海鮮餐。除左一人石板燒餐之外，仲會有二人日式火鍋餐提供，分別有梅$488、竹$588、松$688，主要係牛肉等級既分別。居酒屋裝修好日式，頂上掛住大大小小既日式燈籠，暫時因為疾情去唔到日本都可以食住呢間止痕先。 ▲ 二人竹套餐-澳洲M7和牛脊壽喜燒($588):前菜2款、沙律、串燒2串、什錦天婦羅、四色刺身、鍋物、燒飯團茶漬飯。呢個套餐都幾飽肚嫁，和牛脊雪花好令，食落去富有牛味，有種入口即溶既感覺。 ▲ 石板燒日本A5和牛($188 150g): 想食近期大熱既石板燒可以點一份食，自己燒的，和牛品質唔錯，有口感，油脂分佈又平均。 ▲ 玉子燒卷: 蛋好滑，好有蛋味，用日本生雞蛋煎果然唔同啲，喜歡玉子燒既人唔好錯過呢款小吃。 ▲ 雙色拼盤: 有蝦同三文魚，蝦好大隻好鮮甜，蝦頭也有蝦膏，而三文魚刺身都厚切的。 ▲ 什錦天婦羅($68): 分別有大蝦、茄子、南瓜。炸粉唔算太厚，食落去亦都唔會太林身，炸得幾好。 文字來源：香港人遊香港 / 圖片來源 :...
Hana 華小料理屋一直都出名食高級和牛壽喜燒！由於冇得堂食，Hana推出超抵壽喜燒外賣自取，$358起就可以食到澳洲純和牛或日本佐賀和牛，兩大盤和牛加埋足足360克！套餐仲有前菜、日本鮮雞蛋、野菜拼盤、稻庭烏冬，同自家調製嘅壽喜燒醬汁，Hana仲有教學教埋你點整正宗嘅壽喜燒，你只需要準備一個鍋，好貼心！ ▲ 二人前套餐分別可以揀澳洲純和牛 ($358) 或日本佐賀和牛($488) ▲ 套餐仲有前菜、日本鮮雞蛋、野菜拼盤、稻庭烏冬，同自家調製嘅壽喜燒醬汁！ 圖片來源：Hana 華小料理屋...
黎到京都有時間有錢淨既話不妨黎試下呢間開左有成一百五十年歷史和牛壽喜燒老店，係呢間店除左食到入口即溶既和牛之外，仲可以享受到有專人整埋壽喜燒比你食，全程坐住等就有得食啦！不過呢間老店既和牛壽喜燒套餐都唔平嫁，建議客人揀午市時間去食，因為有Lunch Menu足足比起晚餐時間食平一半嫁! 同埋夜晚去食好多時都唔可以Walk In到，要預約，但午時就可以Walk In到。呢間老店裝修好日式同埋係有百年京都風格既設計店內是塌塌米裝修，客人需要先除鞋到店內。 ▲Lunch Set( 7722 yen) 得一種牛選擇，除左壽喜燒，客人仲可以選以鐵鍋烤肉、牛肉涮鍋等食法添。黑毛和牛片每人得兩塊，每塊都好大塊，和牛油花好均勻。 ▲店員會幫客人整埋，先用牛油脂粒塗滿個鍋面，再加上獨家秘製甜醬油落去煮，一路煮一路勁香，好想快啲食！ ▲店員整好果陣會叫客人放落生蛋漿到點黎食，因為咁樣可以令到D和牛食落更加滑！ ▲食左一塊和牛果陣，店員仲會比埋白飯同前菜比你，前菜仲會有牛肉碎比你撈係白飯度食，如果好食既話客人仲可以買一位牛肉碎回家當手信。 ▲套餐會最後有埋飯後水果，水果款式會因應季節轉換，今次食既係蜜瓜，又甜又多汁。 ▲店內裝修好日式風格。 ▲店員會著上傳統和服幫客人即場煮晒成個壽喜燒。 三嶋亭本店 地址:〒604-8035京都市中京区寺町三条下る 營業時間:11:30-22:30 電話:075-221-0003...
