Tags 喇沙

喇沙

熱門文章

鰂魚涌馬來西亞菜:【馬拉人讚好嘅純正菜!超足料螄蚶蝦湯喇沙!】- 小娘惹

呢間鋪面唔大嘅馬來西亞小店,每日只開3個鐘,但係鋪頭永遠都座無虛席,只因受到佢地嘅招牌娘惹菜吸引。老闆兼大廚Kelvin入行30年,做過多間酒店同私人會所,仲曾經係半島酒店做過廚師,可以話係信心嘅保證。雖然鋪頭只有幾十款菜式,但Kelvin絕對唔會鬆懈,每款都會做到最好,例如娘惹海鮮喇沙、巴東牛肉、海南雞飯等等。老闆娘June則負責店鋪嘅設計,全間都油上粉紅色同粉藍色,充滿住娘惹風格,實吸引到一眾女生打卡影相。半年黎,呢間小店多次支持社會運動,參與罷工、捐款,真係值得支持!

深水埗喇沙:【西九美食廣場勁多配搭嘅喇沙!food court 食檔連儂牆勁搶眼!】- 喇沙專門店

小編對重口味食物不嬲都幾鐘意,係深水埗做野既朋友仔話比小編知,原來西九龍中心有間food court 專食喇沙既!而且仲有好多唔同配料配搭,唔係淨係蝦咁簡單,可以配牛脷、豬扒、雞扒等。雖然位於food-court,佢既喇沙湯一D都唔馬虎,有齊魚片、豆卜、雞蛋,真係足料!麵亦掛上喇沙湯,湯底有淡淡椰香味,值得一試!大家等緊野食果時,仲可以去店鋪自帶既連儂牆,寫低你既心意喇!

佐敦自助餐:【400蚊食到高質蟹宴自助餐!貴妃/蜘蛛/松葉麵包/花蟹!】-普慶餐廳

佐敦酒店即日起推出咗高質蟹宴主題自助餐,引入5款品種頂級螃蟹,有貴妃、蜘蛛、松葉、麵包和花蟹輪流供應。配合高質蟹嘅鮮味,大廚仲秘製8款獨特醬汁蘸食,提升蟹肉嘅獨特風味。除咗食蟹肉,仲有即叫即開新鮮生蠔、青口和蝦等等。而蟹粥更係必食,次次好快就要fill,蟹肉嘅鮮味精華係粥水到,啖啖鮮味十足。

【東區至正!星馬地道黃金喇沙摻摻 !】

呢個黃金海鮮喇沙口味都幾新加坡feel,黃金喇沙湯底帶濃郁椰香,顏色紅噹噹又夾雜些奶白,大口食米粉同油麵摻摻,再咬螄蚶爆出鮮美湯汁!而且材料非常豐富有螄蚶、虎蝦、叻沙葉、豆卜、雞蛋、芽菜、魚片。虎蝦尺寸大隻多汁,爽口鮮甜。

熱門標籤

熱門分類

【西貢必試新店!鹹蛋黃炸髀】

呢間新開嘅小店主打招牌即炸巨型魔髀,魔髀呎吋比一般常見嘅大至少兩個碼,雞髀大隻厚肉,連醃味都需要比平時多一倍時間!炮製方面會用猛火迫出雞脾多餘油份,再用慢火炸到金黃色,雞皮炸得非常脆薄,咬開後雞肉充滿肉汁,食落口感好過癮,再加埋新加坡直放嘅咸蛋黃醬,真係食到停唔到口!另外佢哋其他小食都值得一試,其中炸花枝丸新鮮彈牙、椒鹽豆腐爽香惹味! ▲火焰魔髀($30)-中意食麻辣嘅你一定唔少得。
Close Bitnami banner