今次介紹台中呢間小店專門賣雪花冰係標榜無添加製作，有多款口味提供，包括季節性限定水果、花生、芝麻、抹茶、星巴克咖啡口味等。如果唔岩口味都唔緊要，客人可以客製化自己想要既配料同冰既口味。呢間小店位置距離豐原最出名既廟東夜市行過去好近，有機會去行廟東夜市不妨掃完街食番個冰降下溫！ ▲火龍果牛奶冰(新台幣139): 呢個雪花冰係牛奶口味，倒上火龍果站，旁邊仲有一粒粒既火龍果肉同埋珍珠，成個冰好香火龍果味。 ▲芒果牛奶雪花冰(新台幣180): 呢個口味相對上普通左啲，冰係芒果牛奶味，上面仲有一球芒果雪糕，簡直係芒果迷必食。 ▲榴連忘返雪花冰(新台幣239):最近推出左每日100份既榴連雪花冰，冰底係用泰國榴連果肉製成，唔怪得個冰食落去好重榴連味，仲食到榴連肉。最特別係用榴連皮黎黎裝住啲冰。 ▲珍珠奶茶冰(夏天期間限定 新台幣120): 呢個冰底係用錫蘭奶茶製成，好香奶茶味，仲會跟埋幾塊餅乾同一球雪糕。珍珠食落去都好彈牙，食呢個冰果陣好似飲緊杯珍珠奶茶！ ▲草莓雪花冰: 呢個比起其他口味更為普通，有勁多粒士多啤梨係個冰入面！ 嚴雪 雪花冰專賣店 地址：台中市豐原區信義街28-1號營業時間：12:00-22:00電話：(04)2524-1940 文字來源：香港人.遊香港／圖片來源：@chuneco、@greedy_little_witch、@ yansnow_ice...
