油街實現藝術空間邀請三名藝術家參與「油街焦點」項目，分別在三個新舊展覽空間，展出以數碼科技及物料裝置為媒介的最新作品展覽。其中唐納天的「幻石」在展場內搭建超現實的地景，並透過聲音、燈光及表演，引導觀眾踏上一次似是而非的旅程。另一展覽有蔡世豪的「謐‧衝」，在前身為遊艇倉庫的油街倉庫展覽空間內，透過360度投影海灘場景、急速稠密的都市影像、自然海浪聲和電子音樂的節拍，建構獨特的空間。內地藝術家陸揚的「獨生獨死香港體驗中心」展覽則在三月十八日開幕。以上展覽為期五個月，萬勿錯過。
近日爆紅罐頭豬LuLu將於11月4日將會於北角 Bun’s2020 登場！以LuLu 豬美式復古快餐店風格配合復古滾軸溜冰場，真係非常之IG-able！滾軸溜冰場內的每一個角落更加佈滿了各款貼有LuLu豬百變搞怪樣！如果想找尋特別又貼近潮流嘅打卡位，一定要進入快閃店！
這間主打上海點心外賣的小店在北角開業七年，小店的生煎包及鍋貼均為必食招牌菜，其中生煎包最花工夫，標榜用開店以來就培植的老麵種，並按港人喜好改良，特別將生煎包做到一口一個，方便又滋味！
北角現超療癒3,000呎紫色花海仙境！今個盛夏，北角匯以福岡紫藤花園為藍本打造《紫‧在北角匯》花夏祭，當中有大量打卡位，包括全港首條20米長港版紫藤隧道、紫色綉球花海、3大巨型紫蝶雕塑、紫藤許願樹同蝶紫花廊，加上各種紫調燈飾等，將北角海旁渲染成紫色夢幻國度！希望疫情之下，大家都可以放鬆心情！即日至10月4日喺戶外海旁漫步兼賞花，好似去咗日本旅行咁！ ▲ 以福岡河内藤園打造嘅港版紫藤隧道，長超過20米，設計成月牙形，以營造360度無死角嘅連綿不斷花路效果！ ▲ 一串串披垂搖曳嘅紫花簾幕，打卡好夢幻！ ▲ 「紫海花田」： 燦爛盛放嘅一大片深淺紫色綉球花同小天使花海燦爛盛放 ，四方八面被紫花簇擁！ *限聚令下「紫藤隧道」及「紫海花田」之特別進場安排：1) The Point by SHKP會員可憑100積分換領「紫藤隧道」及「紫海花田」園區入場證乙張，慿證可於自選之指定日子內 (早上10時至晚上10時期間)最多二人同行免費進入上述景點乙次，每次為5分鐘；2) 二人限聚令實施期間，每節時段全條隧道及全個花田均只限2人同時進入，全程亦必須戴上口罩；3) 會員可登入 「新地商場」手機應用程式 — 北角匯之「活動」頁面細閱入場證換領詳情；4) 如遇雷雨或天氣不佳，上述景區將暫停開放，有關詳情及最新資訊可留意商場Facebook專頁之公佈；5) 市民亦可現場免費登記成為The Point會員，即可獲贈500分迎新積分，憑當中100分可換領上述入場證。 ▲ 「蝶舞水夏」裝置：三個分別高2米至2.5米嘅巨型紫蝶雕塑，沿流線形嘅翅膀不定時噴灑水氣為你消暑降溫！ ▲ 喺室內嘅紫藤許願樹下許個願！ ▲ 「蝶紫花廊」：走上一樓，花拱門、草地、木檯長椅、植物盆栽全部都係紫色！ ▲ The Point by SHKP會員如果其中文姓名中含「紫」字或英文姓名中含「Purple」字，可在即日起免費獲贈一株紫花小盆栽；而其他會員亦可於北角匯消費滿HK$200換領！ 《紫 ‧ 在北角匯》花夏祭日期：即日至10月4日地點：北角匯二期地下戶外海濱公園內及一期地下正門及1樓長廊 文字來源：香港人遊香港...
摩斯漢堡有rice burger，唔知有冇小店既選擇呢？呢間位於北角既屋苑商場位置真心隱世，主打唔同口味既飯堡，全部都係即叫即製，飯堡總共有6款包括特厚雞扒、厚燒鰻魚玉子、餐肉玉子、肉汁漢堡、炙燒蟹柳蟹籽及吞拿魚蛋沙律。以壽司飯、紫菜代替麵包成為rice burger，內餡除左指定款式之外﹐仲配有生菜、蕃茄片及熱辣辣既芝士，比真正既漢堡健康得多，配飯堡最健康配搭就係佢地自製鮮榨果汁飲品，推薦草莓番石榴乳酪！ ▲炙燒蟹柳蟹籽飯堡（$35）以火槍燒蟹柳成微焦香，拌入自選醬汁、生菜，食落清新。 ▲厚燒鰻魚玉子飯堡（$48）蒲燒鰻魚非常厚身，玉子嫩滑香甜，自選醬汁有四款可以選擇：胡麻醬、黑芝麻、千島醬或青芥末，配上生菜蕃茄！ ▲香芒乳酪（$18）／草莓番石榴（$18）鹿角藥丸形狀樽十分可愛，兩個口味自製鮮榨果汁飲品都清新自然。 ▲肉汁漢堡（$40）中間夾有一大塊漢堡扒，夠哂Juicy，配合熱溶左既芝士，加上生菜、蕃茄中和油膩感 ▲沖繩黑糖有機豆漿，店家仲不時加入新產品 ▲自從6月社會運動之後﹐小店表明立場後多次撐罷工行動，係店入面建立連儂牆，不過生意就麻麻，大家要多d支持下呢d良心小店。 雪瀛手作 地址：北角電氣道 233 號城市中心地下 83 號舖電話：5740 1085營業時間：星期一至六11am-7pm，星期日休息 文字來源：香港人遊香港／圖片來源：@mkbowfoodies、@setsuei_tezukuri、@edgarian1984、@mandycheung0619...
今次介紹呢間上海菜係今年新開，餐廳裝修得好靚，擺放左唔少有型格擺設及簡約金色圖畫。客人一坐底就會有餐前小食，分別係微辣既青粒同埋醬油花生脆粒。餐單上既食物款式勁多，包括有有肉類、海鮮、豆腐、湯類、麵、包點、冷盤等等，淨係冷盤都超過20款，食物既價錢都唔係好貴。呢度午市仲有套餐添，價錢由五十多元到八十多元不等，仲有免收茶芥同加一! 餐廳好大比客人一種好舒適既感覺，坐位方面可以揀大廳位置，如果人多既話仲可以提早預約定間獨立房間包廂 ▲太元雞($108):太元雞其實姐係出面其他酒樓既炸子雞，但呢度太元雞既雞皮炸到好香脆，雞肉都嫩滑，上面仲灑上炸蒜同蔥花，另外仲會配埋個南乳醬比你點雞食，都幾惹味！ ▲金磚豆腐 ($78):金磚豆腐炸到長方形條狀，外皮炸到好香口同乾身，食落去有椒鹽味，而豆腐好香食落又滑。 ▲豆腐三文治($70): 豆腐勁滑同好香，中間會夾住啲餡，有豆同肉鬆，岩晒做前菜食! ▲妙齡乳鴿($28隻):妙齡乳鴿姐係年紀較細既乳鴿，同平時既乳鴿相比，妙齡乳鴿細隻少少同埋食落去啲肉嫩滑好多同埋好多汁！ ▲黃金熏蛋($15): 呢度既熏蛋有黃色溏心蛋黃，咬一啖就會有啲蛋黃汁流出黎，另外會係蛋黃上面撒啲五香淮鹽，食落去令到熏蛋更香同濃味。 太元樓 地址:北角電氣道233號城市花園1，2及3座部分平台地下 24-49號A及C號舖營業時間:星期一至日 11:30 – 23:00電話:36190198 文字來源：香港人.遊香港／圖片來源：@sumi_bb、@clarlkc...