每個少女曾有做公主嘅憧憬,入迪士尼睇童裝公主裙,心裏存在一個羨慕。呢間位於首爾麻浦區嘅人氣Cafe, 有提供公主換裝服務,迪士尼公主角色服裝都好齊全,仲會免費提供假髮、頸鏈、皇冠和高踭鞋等等配飾,令你公主夢願望成真,去韓國玩唔好錯過。 ▲如果入到去花多眼亂,唔知揀邊樣好,店員都會好主動幫你挑選假髮、頸鏈、皇冠和高踭鞋 ▲變身做公主後,當然搵靚位影夠佢啦!店內好貼心,有夢幻場景之餘,提供補光燈和自拍棍,影相冇難度 ▲唔好顧住做公主,記得嚟點飲品,變身做公主嘅有半價優惠 ▲店內除咗迪士尼公主系列,仲有女神系列和晚禮服系列 ▲選擇1小時可換兩套服裝,而2小時可換4套服裝,價錢因應自身選擇嘅禮服而定,平均價格由15000至25000韓園 「JADE MUG X YUMI’S DRESS ROOM」...
動物控要注意喇,首爾呢間浣熊主題cafe就唔可以錯過!呢度有3隻頑皮可愛浣熊,仲有可愛既哥基狗,有好多外國遊客亦專誠到訪,睇到圓碌碌又純真眼神,隨即融化你既心喇。入場卷有2款,一款係8000韓幣不含飲料,另一款係10000韓幣,包含一杯飲料,入去之前可以將隨身物件擺放係免費儲物櫃入面,溫馨提示,耳環項鍊等裝飾品就要收好喇,如果唔係好易誤傷架! ▲呢度可以揀有飲料或者冇飲料既入場劵,飲料選擇只有基本款咖啡。 ▲小浣熊生性調皮,佢地會伸出爪子亂翻,小心飲品被打翻! ▲小浣熊喜愛躺在高處休息 ▲需要留意浣熊偶爾有怕生和保持警戒心狀況 ▲浣熊天然呆萌樣令人猶生一股幸福感 ▲大家觸碰佢時唔好好大力呀! ▲除左百厭既小沅熊之外,哥基都係客人最愛,乖巧溫馴深得芳心 Raccoon Cafe 맹쿤 地址:首爾市麻浦區西橋洞358-2...
又到左士多啤梨既季節,好多cafe期間限定甜品又火熱起黎,由上年年頭hit 到年尾既呢間甜品店,位於弘大弘益公園附近小巷子裏,店面有上下兩層,寬敞舒適。呢間cafe店主同時經營水果批發,因此店主以各地適季水果為主題,製作唔同口味既甜品。首選厚厚既士多啤梨梳乎厘班戟,面層仲有一層厚厚既雪白鮮忌廉,周圍伴碟既有片片紅噹噹既草莓,顏值高又可愛,令好多少女心都即時爆發! ▲呢間位於弘大既cafe叫「858」,意思係8大營養成分+5種水果顏色+8種健康功效,而且店主同時經營水果批發,所以可以拎到韓國適季水果最新鮮貨源。 ▲招牌食物一定係「士多啤梨梳乎厘班戟」,由於係即叫即做,需時20分鐘先會有食物。鬆軟既pancake加上雪白鮮忌廉,以片片士多啤梨點綴! ▲士多啤梨梳乎厘班戟係全年都有得食啊,Pancake亦有蓬鬆空氣感,上面忌廉唔係死甜,淡淡甜味清新。 ▲士多啤梨梳乎厘班戟夾層都藏有士多啤梨,上台時候特別有濃濃士多啤梨香氣! ▲士多啤梨奶昔,適季鮮水果果汁都好有人氣,士多啤梨加上牛奶 ▲芒果汁,夏天最推薦芒果既餐點! 858 팔오팔 地址: 10:00~23:00(點餐截至21:30) ※梳乎厘12:00~可點餐營業時間:11:00–18:00電話: +886 3 388 0206 文字來源:香港人遊香港/圖片來源:@858cafe...
依家就係首爾最凍既時間,好多當地人都會好似香港人咁約埋一齊食暖鍋,不過佢地比較喜愛煮成一鍋,部隊鍋就係一個好好既例子。如果唔食辣既朋友仔,又想係嚴寒天氣晚上食到暖笠笠再返酒店訓覺,可以選擇黎呢間位於弘大既「二代祖薯仔排骨湯」,order 一個薯仔排骨湯,再同同行好友飲酒吹水吃飯,氛圍好似融入當地人咁,點多人份仲視覺效果非常澎湃,建議加埋泡麵一齊食,無論係馬鈴薯定排骨都非常入味,而重點精華在於骨肉分離既排骨同埋濃濃既湯底,飲完真係唔覺得凍喇! ▲馬鈴薯排骨湯:大W39,000/中W35,000/小W30,000 (加點排骨 16,000) ▲無論order大、中定細馬鈴薯排骨湯,都有好多件勁大件既排骨,而漂浮白色球體就係薯仔,少少辛辣唔會好重味! ▲上台時有大易量胡椒、香料同芝麻葉 ▲上台之後會一路加熱令配料更入味!沸騰熱湯相當吸引,熱騰騰既湯令人飲完一啖會有追飲感覺! ▲煲滾左之後薯仔排骨湯最主打就係大骨肉排!骨頭好大,但係肉都唔少! ▲大骨肉排滾到軟爛一絲絲,想食到更有層次味道可以點黃芥末醬一齊食! ▲呢間食店係24小時營業,幾時都咁多人,個時間fit哂夜機去首爾或者係血拼到夜晚既朋友! 二代祖馬鈴薯排骨湯...
仁寺洞係遊韓國必去既旅遊點,佢獨特既老街風情同傳統韓屋甚有特色,而家仁寺洞仲起左個新地標,將仁寺洞既傳統同現化代結合,旋時又成為打卡熱點!「你好仁寺洞」係新落成既大型商場,門口擺放左大型LINE人物人仔超吸晴,行入去就係LINE SHOP同人氣BT21商店,商品都好齊,BTS迷必去!地下一層而家仲有小黃人Minions特展,有多個互動遊戲區、打卡影相位、巨型充氣香蕉公仔、超大波波池等等有排玩,比你重拾童真!商場亦有好多唔同文創品牌例如筆控最愛既Monami、文具控最愛既Your Goods等等,仲有多間韓式餐館、甜品店、Coffee Shop,一次過滿足晒遊客多個願望! ▲今年新開幕既「你好仁寺洞」旋即成為新地標,亮華既外牆設計充滿現代化,尤其夜晚黎打卡特別夢幻華麗! ▲「你好仁寺洞」現代化既外牆設計,同仁寺洞傳統街道相映成趣,舊新融合,別具特色! ▲新商場佔地甚大又好逛,有多間特色商品、文創品牌、咖啡廳等等都可以係呢度搵到! ▲連BTS迷必逛既BT21 SHOP呢度都有!商品仲好齊全添! ▲由而家到出年三月,地下一層仲做緊Minions特展,有多個打卡位夠你玩足成日! ▲最有特色可以話係呢個巨堅波波池,無論你係大朋友定小朋友都歡迎你入內玩,重拾童真! ▲韓國本地文創品牌Your...
貓奴們去首爾旅行,除左係Daiso買好多主子用品之外,首爾江西區頗有人氣呢間cafe,空間好大,分為室外和室內,方便大家一路食野同影相打卡!黎到就可以同好多貓貓一齊戶外庭園享受午後美好時光。呢度有超可愛30-40隻貓貓圍繞住陪你,貓貓無拘無束隨處亂晃、睡覺、步調悠閒自在,仲可以飲住coffee 歎日落陪貓貓們超療癒。 ▲室外有超大面積既庭園,設有大石、木架、樹木等,有幾十隻貓貓同你一齊飲野! ▲好多人都會預備好席地而坐,同貓貓零距離接觸。 ▲呢度有好多唔同種類貓貓! ▲日落西下氣氛更好 ▲貓貓邊外長廊同座椅之上 ▲貓貓就係草地上訓午覺! ▲花叢之中都有機會搵到貓貓蹤影! ▲貓貓任摸唔嬲! 貓咪庭院 고양이정원...
韓國國民品牌Spao時不時都同唔少品牌合作,今次佢又出招啦,哈利波利聯名合作款第二彈!韓國天氣開始冷,所以今次推出既以保暖款為主!榮恩哈利同款睡衣神還原,仲有埋眼罩同拖鞋SET添,學院冷衫就有齊四色,就連「透明斗篷」毛毯都有兩款,毛絨絨咁質感非常好!仲有走英倫風既四隻羽絨,同大量帽Tee,哈利波特迷一定要入手,過番個暖笠笠既冬天!但留意番每次SPAO聯名新品都好搶手,相信今次都係一樣,要入手既就注意番10月25號門市就會上市啦!去搶啊! ▲今次spao又出招!當中呢款簡直係神還原榮恩哈利既睡衣款,非常可愛! ▲又冬天點少得呢款經典冷衫!香港既天氣都著得架! ▲有齊四色比你選,真係好想四件都入手啊! ▲毛絨絨既質感,真係睇見都覺得好癒療,摸上手一定好舒服! ▲今次連透明斗篷都有埋,真係好吸引! ▲冬天又點可以冇佢?攬住係被窩過番個暖笠笠既冬天吧! ▲連室內拖鞋都幫你準備埋,冬天仲洗出門口? ▲四色羽絨係香港可能未必需要,但買番件去韓國過冬天就必備啊! 韓國 Spao全線 新村店地址:서울시 마포구 신촌로 94 2-3F / 韓國首爾市麻浦區新村路94 (2-3/F)電話:02-338-9040營業時間:10:30 – 22:00 弘大店地址:서울시 마포구 서교동 354-1 / 首爾市麻浦區橋洞 354-1電話:02-338-9103營業時間:(星期一至五)11:00 – 22:00...
又到左秋天賞楓既季節啦!韓國楓葉全盛時候大概係10月底到11月,而呢間位於韓國光洲既餐廳絕對係全韓最佳賞楓餐廳!餐廳本身位於近郊位置,以白色為主調每個角落都係打卡位,而二樓既超大片落地玻璃,令人有如穿越到森林裡被滿滿的楓葉包圍,連呼吸都好似聞到樹木既味道咁,可以感受到滿滿的秋日氣息!餐廳本身提供咖啡、蛋糕等輕食,亦有主餐,仲設有室外座位,令你真正置身森林一樣享受美食!其實餐廳一年四季都有唔同景色,春天綠意盎然、冬天漫天白雪,下次去韓國不仿去感受下! ▲餐廳位於近郊地區,秋天楓葉盛開時,就好似置身森林被楓葉包圍一樣! ▲二樓既超大片落地玻璃,令餐廳採光極好之外,無論係餐廳內邊個角落都可以將景色一覽無遺! ▲室外亦設到座位區,令人更有置身園林既感覺! ▲夜晚黎一樣可以欣賞到不一樣的楓葉景色! ▲餐廳環境舒適,佔地甚大,就算唔係楓葉季節,同樣可以享受到綠意盎然既感覺 ▲除左美景又點少得美食!餐廳提供咖啡、蛋糕等輕食,亦有意粉等主餐,味道都非常唔錯,打卡一流 Smeltz Cafe 地址:경기도 광주시 오포읍...
之前係網上好hit既天堂階梯cafe,有好多地方仿效,台灣有,依家連韓國都有!好多人去厭左首爾可以去下其它近郊既地方,好似位於韓國忠清北道既清州市,都係文青好去處,該城市有唔少新興既cafe,而呢間人氣cafe有好多韓妹weekend都爭住去打卡影相放ig,坐擁一條純白天國階梯,藍天白雲之下,加上簡單線條既門框,影相效果真係100分! ▲黎呢間cafe既天堂階梯,登上階梯同雲端接壤打卡,已經係指定動作! ▲夕陽西下時份加上呢個天國階梯真係最靚既組合 ▲階梯位於天台,大家影相都要小心安全! ▲係樓高天台之中歎奶昔,係幾舒適既旅行方式 ▲天台有唔少戶外枱凳,一路飲野一路可以俯視韓國清州市內淳樸既風貌。 ▲cafe有幾層高,可以容納多人,不過weekens時大家要黎影相就要等下喇! 라비린스(LABYLINTH) 營業時間:10:00-2:00 地址:상당구 수동 112-146 Cheongju (忠清北道清州市上黨區壽岩路20號街10) 文字來源:香港人遊香港/圖片來源:omujini_416, comet, ssoh_h...