之前由於疫情嚴重,信芯園農場的太陽花花海一度暫停。好彩最近有所放緩,農場決定再度開放,為大家繼續帶出希望和光明。由即日起開始會重開,開放給公眾人士,不需要預約。今次的黃色向日葵花海分兩期,首批花海已盛開8成,預計到月尾完便會完結,而第二期花海將會在另一邊花田綻放。
位於元朗錦田的壁畫村,充滿本地特色!村內擁超過40副各具特色的壁畫,除咗欣賞壁畫之外,大家更可以喺水尾村的天空之鏡和樹屋影相打卡!全部都可以免費入場就可以欣賞到,內文附交通攻略,即睇內文詳情喇! ▲盈匯坊環境非常舒適,大家可以喺入面嘆番個下午茶先出發探索壁畫村。 ▲錦田壁畫村暫時擁有46副作品,有啲畫喺車仔檔口上,以貓貓為主題。 ▲有些壁畫就畫在紅磚墻上。 ▲以色彩繽紛的圖案拼湊成錦田村標誌的面貌。 ▲當中有一副副以花卉為主題的繪畫。 ▲大家可以帶埋你個愛寵嚟一齊影相打卡~ ▲呢副壁畫就係位盈匯坊內的第一幅,大家出發前不妨留意下~ ▲每幅壁畫有唔同的畫風,呢份就好有中國傳統醒獅特色。 ▲錦田村內有個景點,平湖,更有港版「天空之鏡」之美譽。 ▲樹屋位於水尾村遊樂場側,樹根縱橫交錯的盤踞於此地多年,給予遊人一種神秘的魔力。 文字/...
踏入新一年,祝大家牛年花開富貴、身體健康!元朗信芯園農場佔地2萬呎,一片浩瀚的百合花、劍蘭花海和花花隧道,呢度已經由早前的大熱太陽花搖身一變成為色彩鮮豔的花海,遊客入場只需$50即可入場賞花,而入場費可全數用作買花,情人節當天入場的情侶更可以獲得祈願牌一個,先到先得,送完即止! ▲花花夢幻隧道,紅色紫色的花組成,超有氣氛。 ▲心形打卡位,旁邊仲有部小提琴,情侶嚟打卡非常適合。 ▲仲有藤椅,大家可以帶埋小型寵物或小朋友過嚟坐上去影相。 ▲另外一個花花隧道打卡位。 ▲粉紅色百合,大家進入嚟參觀時記住唔好拉扯任何花朵。 ▲劍蘭花海,一片紅噹噹。 ▲年初三進場的情侶更可以獲贈祈願牌一個對。 ▶備註: 1. **必須**使用公共交通工具(九巴76K及紅色小巴17石湖圍落車)經青山公路進入農場,村內不設泊車位。2. 請聽從農夫及工作人員指示,單車不可進入,必須停放在農場之外。3....
每年大棠紅葉轉紅時,都有好多行山人士、攝友甚至係打卡友蜂擁而至。因為呢度係全港最大最靚既楓香林,近日已經變左橙紅色楓葉影相送果真係超靚!而為左唔好影響到元朗大棠居民交通,當局已安排假日特別港鐵巴士車次,點對點接載賞楓既行山人士,亦希望大家前往時間,盡量乘搭交通工具,以免令道路擠塞。 ▲近日大棠楓香林已轉紅,好多遊人都黎呢度打卡,不過留意返楓香林位置其實係有少少行山徑,落左車之後都要行30-40分鐘,大家就要注意穿著運動或輕便衣著較佳。 ▲楓樹既顏色分為A/B/C/D級,漁農處網頁每星期五就更新一次,最新錄得B級,即係話樹葉已由黃轉紅,相信呢幾日更會轉成A級! ▲好多攝友都帶哂長鏡影靚葉! ▲仲有唔少人會帶埋狗狗前往! ▲大家記得自己垃圾自己帶走!不過紅葉就屬於大自然既,影完相就唔好帶走喇! 楓香林@大棠山道 地址:大棠山道 交通資訊:於元朗乘港鐵巴士K66號或紅色小巴,在大棠山道巴士總站下車並沿車路步行上山約60分鐘到達楓香林。 特別交通安排❗️港鐵巴士於2020年12月5日至2021年1月17日期間,逢星期六、日及公眾假期,將安排路線K66A特別班次來往朗屏站至大棠山道。❗️大棠山路巴士站(往朗屏方向)將會在往朗屏方向的K66A運作期間暫停使用,詳情如下: (a) 於2020年12月5日、6日、12日、13日、19日、20日及2021年1月1日、2日、3日、9日、10日、16日及17日下午4時正至下午7時正; 及(b) 於2020年12月25日、26日及27日上午9時正至下午7時正。❗️大棠山道介乎避雨亭至大棠山道停車場的路段將於2020年12月5日(星期六)至2021年1月17日(星期日)逢星期六、日及公眾假期上午七時至晚上七時間歇性封閉,禁止所有車輛進入。 >>更多交通安排<< 其它注意事項: ❗️請戴好口罩,注意個人衛生,保持社交距離。❗️人多互讓,注意安全,特別注意行車道上的車輛/單車。❗️請勿採摘或踐踏植物,共享自然美景。❗️保持郊野清潔人人有責,楓香林沿路不設垃圾桶,自己垃圾自己帶走❗️請盡量使用公共交通前往 文字來源:香港人遊香港 /圖片來源:@minifat0102、@johnaukk、@mankit2106、@everyday.oreo...