位於沙頭角鹿頸谷埔村,落小巴都要再行45分鐘,周未當個遠足郊遊,行累了就到呢間隱世士多叫一籠海蜆,一支啤酒,同友人吹下水,以沙灘挖來蜆,吐沙清洗後以竹簍盛載清蒸,加數片薑,成品鮮味十足! ▲海蜆($100)係由附近泥灘挖出,就地取材,加數片薑蒸,已十分鮮甜!加上食時係望住呢個無敵海景,煩惱隨風吹走左! ▲白灼墨魚($110)使用上本地墨魚,切片蘸日本芥辣鮮味十足! ▲鹿頸谷埔呢條郊遊路線非常受歡迎,松記士多係行山客一個checkpoint,呢度既景觀真係無敵呀! ▲白切走地鷄($220/隻):雞味唔算豐富,肉質彈牙 松記士多-海鮮及私房 地址: 粉嶺沙頭角谷埔村營業時間: 11:00–18:00電話: 2679 9148 文字來源:香港人遊香港/圖片來源:@wwwwaiki、@moonmoonmak、@yoyo333520...
位於沙頭角的禾田喜山的種植園舊年先開幕,除左傳統農莊導賞團,呢度仲引進左好多新設施適合一家大細齊齊玩。最吸引莫過於全港最長的 70米高山滑草和高卡車,刺激得黎又安全。大片草地上又點少得可以比你翻滾的大型吹氣球、保齡球,仲有彈床、繩網、沙池等等多種設施比小朋友玩。玩到餓餓地想BBQ又得,仲有不同的水耕導賞團、蜜蜂區、蠶蟲館等比小朋友親親大自然。咁多野玩,只要一個價錢就可以全日任玩真係好抵啊! ▲全港最長的高山滑草區係園內最受歡迎設施,前段地形高低地伏,中後開始全速下波,小朋友都岩玩架 ▲刺激遊戲又點少得腳踏高卡車,仲可以同朋友仔來一場賽車賽 ▲唔怕暈的朋友可以試下呢個泡泡足球,係大型吹氣球內點碌都得 ▲水耕導賞團有專業導賞員講解,比小朋友認識各種時令蔬菜水果和植物 ▲玩到餓餓地仲可以BBQ食餐飽 ▲注意目前園區不接受walk-in, 想去的朋友記得預約啦!全日任玩任食都只係$220(成人)/$200(小童) 禾田喜山種植園 預約電話: 6010 5978 (潘小姐) / 5118 1740 (洪先生 – 團體專線)地址:新界沙頭角塘肚村 (沙頭角農莊旁)交通:上水乘坐55專線小巴或78K巴士,於塘肚站下車行5分鐘來回旅遊巴服務 (限星期六、日及公假) ; 九龍塘至禾田喜山 (來回$48/位, 可於網站一併訂購)網址:www.wadakiyama.com (網上預約)營業時間:星期五、六、日及公眾假期 10:30-16:30 (團體可另行預約) 圖片及文字來源:香港人遊香港、禾田喜山種植園...
[博客授櫂分享: 童你去玩GoGoWithHim] 親子活動除咗吃喝玩樂之外,生活體驗對小朋友成長係重要嘅一環。係粉嶺坪輋一帶,有一個富有人情味嘅農莊,透過工作坊讓父母和小朋友親身見識魚菜共生技術。 整體活動相當充實,有親手捉青蛙、戒玻璃樽做花樽、用吸管做綿羊仔裝飾等。親親大自然既有環保意義,絕對一個唔錯的假日親子活動之選。 ▲等待煮熟午餐前,財哥帶著大家去觀察魚菜共生的設備 ▲看小朋友多投入!原來魚在腮排泄,因含亞蒙尼亞,可製造細菌,所以可以用來養菜。細菌分為漂流細菌和消化細菌兩類,漂流細菌如:大腸桿菌不是益菌,而消化細菌則是益菌 ▲小朋友一看到魚糧便雙眼發光 :p 財哥亦很大方地讓小朋友盡情餵魚 ▲ 財哥帶我們到處看魚菜共生的設備,有剛才大型的設備,也有小型的 ▲表面係青苔,原來是去捉青蛙!! ▲言談間得知,原來財哥有一個夢想。他相信魚菜共生不但是理念,也是可以幫助已不能下田的退休農夫找回耕種樂趣的好方法!他希望賺到的錢用來實踐他的理想(到底是什麼?待你們到訪時親自問財哥吧 ^^),更希望為村內長者做點事情,讓他們生活有寄托。當財哥分享的時候,我有種肅然起敬的感覺…若你願意停下來聽聽財哥的分享,很快會理解他是一個有理想的老實人,不計較的,亦很為人設想...
夏天最適合就係同陽光玩遊戲!小編今次介紹呢個文青打卡懶人包,係一個鐘意訓到自然醒既朋友仔介紹既!2點半開始踏住兩個轆出發,加上依家共享單車大行其道,有得做運動出下汗之餘,又有得扮下偽文青打卡! 🚲懶人包第一站:日系文青必影上水梧桐河+大水管 由上水站出發,沿落馬州單車路到梧桐河,河川十分靜謐,氛圍都好似日本鄉郊一樣!沿河邊繼續踏,就會到達大水管所在地!水管道會輸送到不同水塘,以穩定香港食水供應。 ▲梧桐河寧靜既一面 ▲影相加埋日系filter,加上四野無人,大水管個位置係上水站至羅湖站之間,而梧桐河及雙魚河交界水管,建於地面部份較多,接駁位縱橫交錯,都有唔少人會黎呢度踏單車、影相,隔幾分鐘背景就有火車經過,構圖即時豐富左! 上水大水管 地址:梧桐河及雙魚河交界 🚲懶人包第二站:$13豆腐花放題 雖然係文青打卡懶人包,點少得食食食?識食一定要食埋「羅太豆腐花」,皆因呢度有全港唯一豆腐花放題!$13可任吃豆腐花,再任飲豆漿,或許豆腐花溝豆漿都得,得左!$13豆腐花放題真係抵食到冇朋友,而且十分新鮮(豆品廠現場即製),口感及味道完全不可比擬。 羅太豆花 地址: 古洞快景路營業時間:...
[駐場博客 @ 賞山樂山]Nice to meet you! Welcome to Hong Kong!還記得讀中學時,有一條題目是「((英文)你的朋友來香港,你會帶他到什麼地方?」當時只會想起帶他去海洋公園,迪士尼樂園,但是經過這幾年的行山經驗,我覺得應該要帶外國人行山!機會終於來了。 路線特色:1. 千多級樓梯上九龍坑山,望大埔一帶 2. 乾涸的流水響水塘 不得不佩服外國人的體格,他們上九龍坑山的千多級樓梯,並不感到氣喘,反而我們也需要停下來休息。 ▲上次來這裡,也沒有發現這個矮小的標高柱。 ▲康樂園。 ▲在一個晨運園地望大埔一帶,可惜天色不好。 ▲竟然上山可以玩到鞦韆 已經上了1214級,過了晨運園地,便開始踏入泥地,此時聽到外國朋友一句「Great!」,原來這些泥路才合他們心意 ▲玉秀峰,但不知道這是否官方名稱 ▲見到第一站終點:九龍坑山的發射塔了,但前面仍有數之不盡的樓梯 ▲回望曾經行過的樓梯 ▲到達山頂後,便是舒適的馬路,加上是落山路,走得比較快 ▲這個涼亭是一個分岔路口的休息點,涼亭後方可以落樓梯往流水響水塘或鶴藪水塘,我們下一站是乾流水響水塘。之前都知道已經乾塘,但都只是從網上資料所知,今次親身目睹,才感到驚訝,不相信旱季是唯一一個原因,即時也在想:「需要落多少雨,才可以回到昔日儲水量?」 ▲沿馬路走,離開流水響水塘的車閘,會見到迴旋處,其中一個方向往鶴藪水塘,我們繼續往這個方向行 ▲細心才可以發現到牠 ▲鶴藪水塘,雖然水源比流水響水塘多,但其實水位低了不少 ▲見到鶴藪水塘後,轉左沿馬路行到盡頭,會見到鶴藪水塘家樂徑的入口,沿路走直至見到往沙螺洞的方向;見到沙螺洞和後面的九龍坑山了;根據維基顯示,沙螺洞是香港唯一的淡水濕地,雖然現已荒廢,但已列為香港二級歷史建築 ▲上次來的時候,沒有這麼多雜草,變得更加荒涼了 ▲很特別的品種...
食埋豆腐花黎個Field trip! 上水塱原濕地係本港現存最大片、最完整既淡水濕地。由400多塊農地組成,包括了西洋菜田、通菜田、沼澤、蓮田、等濕地。負責保育既組織長春社不時都會係塱原濕地農莊舉辦環保活動,令市民認識更多有關自然生態。 ▲香港油菜花,每年2月至4月是花期,天氣溫暖令花開得更美 ▲一大片金黃色既油菜花田令人有錯覺唔似置身於香港。 ▲沿路風景優美真是一個拍攝好地方 ▲要捕捉蜜蜂同小黃花,就要花d心機喇! 塱原濕地 地址: 上水河上鄉交通:前往塱原濕地可以由上水站外乘51K(往河上鄉總站) 文字來源:香港人.遊香港/圖片來源:塱原濕地開心有機農場、c.wnt、haru.o_q...
[駐場博客 @ 小牛牛快樂行山郊遊相集by Chan Keung]屏南石澗位於八仙嶺郊野公園東北,南涌一帶。源起自屏風山及龜頭嶺一帶,最終於南涌出沙頭角海。屏南被譽為九大石澗其中一條,由於路況較易行,適合初溯澗人士。 不過建議必須由有經驗行石澗人士帶領及陪同,方可嘗試!屏南石澗上遊遠離民居所以溪水特別清秀,沿途風光秀麗 ,有許多野生植物和小昆蟲。屏南石澗又有多個大小壺穴,據報由小石塊長期旋轉打磨而成。此外有多個大小瀑布,其中以草裙瀑最為壯觀。溯完石澗可以由南涌郊遊徑折返南涌。 注意事項:⚠沿途沒有補給,請帶備足夠食水和補充食物⚠溯澗始終有一定危險性,必需由有經驗人士帶領及陪同⚠自己垃圾自己帶走,保護大自然生態,你我有責。 ▲草裙瀑氣勢磅礡 ▲南涌張屋 ▲天氣悶熱不得不下水浸過涼快 ▲部分路段需要手腳並用攀爬 ▲溪水清澈見底...