尖沙咀嘅新商場K11 Musea啱啱開咗冇耐,匯集咗好多本地同埋國際品牌,成為新嘅打卡熱點。其中呢間Artisan Lounge有號稱全城最貴嘅下午茶,皆因兩個人一齊叫一set下午茶就至少要$728。佢嘅下午茶又叫懸浮下午茶,會用一個三層金屬架裝住甜點同鹹點,並且將個架懸浮吊起,感覺奢華高貴。除此之外,食物都採用咗唔少矜貴食材,例如鹹點入面嘅魚子醬包點,唔只有高級魚子醬,上面仲鋪咗金箔,睇得又食得! ▲餐廳位於商場嘅中庭,屬於半開放式,而且仲擺放咗唔少植物做裝飾,令人感覺好似喺庭園入面享受下午茶咁。 ▲Artisanal Afternoon Tea Set ($728/2位),三層架嘅上面兩層係甜點,最底層就係鹹點,傳統嘅英式下午茶都係由底層開始食,由下至上,由鹹至甜。 ▲鹹點有魚子醬包點、吞拿魚薯片、伊巴利亞火腿蜜瓜、法式血鴨包、青瓜三文治同紫薯撻,甜點就有甜粟棒棒、香檸馬德蓮、迷你馬卡龍、朱古力棒、法式鮮花奶凍、軟香芝士杯、工匠朱古力、自家烘焙鬆餅同埋忌廉及自家玫瑰果醬。 ▲魚子醬包點,有股淡淡鹹香嘅海水味,仲加埋金箔,真係點都要相機食先。 ▲自家農場田園沙律($188),除咗下午茶之外,仲可以叫其他嘢食,想食得健康嘅話,可以試下呢個沙律,入面嘅蔬菜由Artisan嘅自家農場每日新鮮運到,口感清爽。...
好多人都鍾意食藍莓,唔只因為營養價值高,而且藍色仲畀人一種浪漫嘅感覺,好多甜品都會加入藍莓,非常受女士歡迎。呢間位於佐敦嘅四星級國際酒店,入面嘅Tasca Bar最近就新推出咗一款「藍莓雲呢拿下午茶」,運用淡淡嘅雲呢拿香味,突出新鮮藍莓嘅清甜味道。成set下午茶嘅甜點包括有藍莓慕斯蛋糕、意式奶凍、藍莓雲呢拿撻、法式焦糖燉蛋、藍莓紙杯蛋糕,仲有最受香港人歡迎嘅港式雞蛋仔配雲呢拿雪糕。鹹點方面就有黃金薯蝦同迷你和牛漢堡,再加兩杯自選飲品。喺一間四星級酒店入面享受以藍莓為主題嘅下午茶,真係諗下都覺得浪漫呀! ▲藍莓雲呢拿下午茶($268/2位,另加一服務費),有齊甜點同鹹點,仲有兩杯自選飲品,供應時間係每日下午3點至5點半。 ▲藍莓慕斯蛋糕,紫藍色嘅慕斯,入口軟滑,加埋藍莓嘅香甜,真係睇見都流口水。 ▲港式雞蛋仔配雲呢拿雪糕,雞蛋仔係好多香港人嘅至愛,雪呢拿雪糕又係唔少人都鍾意嘅口味,兩樣嘢加埋襯到絕。 ▲藍碟花檸檬冰,客人可以叫呢款飲品,口感清甜,同其他甜品同鹹點都好夾。 香港九龍諾富特酒店 Tasca Bar 地址:佐敦彌敦道348號香港九龍諾富特酒店1樓 電話:3965 8789...
疫情影響,令大家都減少聚會,香港半島酒店推下午茶+蛋糕set外賣速遞服務,經典下午茶鬆餅可以送上門,等大家唔駛出街都食到五星級甜品,除左下午茶set之外,蛋糕系列都可以直送到家,大熱款式包括拿破崙蛋糕、馬逹加斯加朱古力蛋糕、伯爵茶檸檬蛋糕,外賣蛋糕仲可以加入心意卡。而件裝糕點都可以用到呢個外送服務,如果想買散水餅可以考慮下。 ▲午後茶聚($1,838)經典鬆餅(原味)- 12 件、經典鬆餅(提子乾)- 12 件、士多啤梨果醬、自家製奶油、半島下午茶茶包 – 3盒、雜錦黑朱古力片 – 24片 – 2盒 ▲經典下午茶及鬆餅( $108):經典鬆餅(原味)- 12 件、經典鬆餅(提子乾)- 12 件、士多啤梨果醬、自家製奶油、半島下午茶茶包 – 3盒、雜錦黑朱古力片 – 24片 – 2盒 ▲拿破崙蛋糕($488) ▲除左原個蛋糕之外,訂件裝蛋糕都可以用呢個外送服務。 ▲馬逹加斯加朱古力蛋糕($588):採用最上乘可可豆製作,朱古力海綿蛋糕配上夾心黑朱古力脆脆、牛奶朱古力及雲呢拿慕絲加上黑朱古力忌廉,香醇幼滑!  ▲鮮果忌廉蛋糕($488)簡單香滑忌廉蛋糕加上時令水果 ▲半島自家食譜製作藍莓芝士蛋糕($60),滲入檸檬芳香 ▲士多啤梨卷($60)以鬆軟蛋糕外層,包著輕滑香濃忌廉,加入士多啤梨,清甜果香四溢,香軟綿密質感,齒頰留香。...
夏天來臨又黎到水果大豐收既季節,例如大家都好喜歡既台灣,近期最hit就係香甜多汁既愛文芒。盛產季節台灣屏東愛文芒外型圓混飽滿,甜度仲可達20度以上,由於愛文芒果肉飽滿,非常適合製作甜品。而今次旺角帝京酒店花月庭,使用台灣「盧家芒果」農場出品愛文芒,炮製多款受人熱捧甜點及鹹食,小編最愛以勁厚肉芒果打造杯裝甜品同Mossie 蛋糕,濃郁芒果香滋味十足呀! ▲以鮮甜厚肉既芒果入饌可塑性非常高,製作美食包括蛋糕、泡芙、一口多士等,芒果迷真係唔可以錯過! ▲芒果同甜品以新鮮愛文芒果炮製多款香甜誘人茶點 ▲愛文芒脆玄米煉乳一口多士,一口多士淋上煉奶後及加上愛文芒果粒,一啖一件滋味非常。 ▲愛文芒果蝦球酥盒,以愛文芒果、熱情果蓉打成果味濃郁加上原隻海蝦! ▲愛文芒果配芒果咖哩,將香濃芒果汁加入咖哩係完美組合。 ▲芒果越南米紙卷,食落輕新自然! ▲愛文芒果熱情果慕絲蛋糕,將愛文芒果蓉製成慕絲,將熱情果製成清涼果凍釀入蛋糕之中,微甜再酸。 愛文芒果拿破崙 ▲仲有雪糕任食! 文字/...
放假當然希望放空乜都唔駛諗,同朋友/另一半一齊吹下水,放空一下,望住個海景發下呆再飲下茶食件餅,過個寫意既下午!帝景酒店位於青山公路汀九橋之下,最近迎合夏日主題,推出日式和風Tea Set,可以邊歎海景,邊享受午後美味!Tea Set 包括6個下午茶甜品及4款咸點,全部都取材清新自然,而飲料配以草莓梳打特飲及蜜桃梳打,食完真係令人頓時暑氣全消! ▲夏日悠悠下午茶($280/兩位)美食以日式為主題,有4款咸點包括龍蝦沙律包、青蘋果蟹肉撻、蟹籽煙三文魚 配 酸忌廉迷你熱香餅、吉列巴馬腿炸蝦 配 金蜜瓜醬;而甜點則有日式柚子芝士蛋糕、靜岡抹茶紅豆慕絲蛋糕、意大利芝士餅、木糠布甸、英式鬆餅 配 香檸果醬及6款咸點! ▲蟹籽煙三文魚 配 酸忌廉迷你熱香餅,選用鮮味十足的挪威煙三文魚,配上蟹籽及迷你熱香餅,鬆軟又帶咸香口感 ▲龍蝦沙律包,龍蝦鮮美,擁有多層次口感。 日式柚子芝士蛋糕輕盈鬆軟,以日本高知縣柚子肉及柚子醬入饌,充滿清香;靜岡抹茶紅豆慕絲蛋糕則以日靜岡抹茶粉製成,一入口抹茶香氣怡人 ▲木糠布甸由忌廉、餅乾等材料逐層冷凍而成。 ▲草莓梳打及蜜桃梳打,兩款水果特飲十分適合為悶熱天氣降溫,以草莓、蜜桃果蓉加入梳打水,洋溢著清新果香,入口清涼,消暑又解渴。 文字來源:香港人遊香港 / 圖片來源:帝景酒店...
經KLOOK預訂仲有75折! 香港港麗酒店樂聚廊與英國純天然化妝品牌Chantecaille合作,由即日至2020年8月31日期間推出「Wild Beauty親暱自然美」下午茶,$558兩位食11款茶點外,還免費得到價值$2,430的野生保育純天然護膚品,讓饗客踏上一趟豪華滋味之旅,同時更能喚起賓客對非洲瀕臨絕種動物的關注。有興趣朋友可以經KLOOK預訂仲有75折! KLOOK訂購網址:https://www.klook.com/zh-HK/activity/40476-lobby-lounge-hong-kong/ 護膚品品牌Chantecaille被譽為天然美妍產品專家,為呼應Chantecaille注重野生保育品牌理念,是次下午茶就由行政總廚Chef Claudio Rossi以非洲草原為題,配合時令水果及素材,繪製一系列下午茶鹹點及甜點。 除了鬆餅,甜點陣容共有6款,包括豹紋黑芝麻法式小圓餅、杏仁開心果焦糖布丁撻、蜜桃薰衣草奶油蛋糕、酸甜有度的士多啤梨及檸檬拿破崙蛋糕、以獨立奉上的蜜桃Melba Cup配雲呢拿忌廉和印有非洲大象的牛油曲奇。而鹹點則有意式醬汁鳕魚、迷你菠菜撻、青瓜作外環包裹的忌廉芝士菠菜三文治和香草番茄扁麵包、巴馬火腿甜包及煙三文魚及魚籽多士。 ▲由行政總廚Chef Claudio Rossi以非洲草原為題的下午茶...
上次搶唔到嘅朋友,今次機會黎啦!仲唔快啲set定鬧鐘! 上次香港麗思卡爾頓酒店 Ritz Carlton推岀的低至六折住宿餐飲禮卷,大受好評!今次Ritz Carlton再度加碼,於6月18日早上11時推岀第二輪的住宿餐飲禮卷,而且酒店將於6月22日推岀全新的限量St Germain下午茶。上次食過嘅朋友,今次再book都可試新野! 搶購網址:https://bit.ly/2Y87BBS ▲全新限量St Germain下午茶,以花為主題,設計出四款鹹點及五款甜品。是次下午茶當中的一款甜點和一款鹹點均以St Germain接骨木花利口酒製作。 ▲ St Germain出產全球第一支法國接骨木花利口酒,每一支皆由多達1,000朵新鮮、以人手採摘的接骨木花釀製而成。而《紐約時報》封St Germain接骨木花利口酒為過去十年推出的最具影響力雞尾酒材料之一。 ▲ (下) St Germain 鴨肝醬法式蘑菇泥及紅桑子果醬配軟包三文治 :鴨肝醬中廚師以St Germain接骨木花利口酒代替砵酒或蘇玳,三文治上更加上一顆以St Germain接骨木花利口酒造的啫喱,精緻之餘為點心添上芬芳氣息。 ▲搶到優惠券的朋友可以考慮單點今次的St Germain cocktail 。(左)Summer Meadow雞尾酒帶有奪目的紫色造型,以St Germain接骨木花利口酒和Ungava氈酒為基酒,加入蝶豆花苦艾酒,再以菠蘿乾和荔枝作裝飾。(右)Berries Elixir雞尾酒以紫蘇葉和士多啤梨片作裝飾,當中的St Germain接骨木花利口酒、清酒、檸檬汁、士多啤梨果蓉和香檳交織出清新夏日氣息。...
文青風嘅cafe就去得多,但行型格路線嘅cafe就真係未去過!呢間開喺旺角廣華街嘅Black coffee裝修以黑色為主調, 連所有嘅杯杯碟碟都係用哂黑色,鍾意黑色嘅你一定要嚟朝聖!Black Coffee開業到而家,吸引大量食客排隊,連平日都大排長龍,想食就要早啲排隊啦!佢嘅pancake質感都夠濕潤,又幾厚身,cream都夠幼滑,層次十足!鬆餅控絕對唔可以錯過!仲有其他意粉咖啡畀大家選擇,食物環境質素都幾高分,超級推介! ▲ 香橙片日式梳乎厘鬆餅 ($88) :香橙味係比較少見嘅配搭,鬆餅厚得嚟又有空氣感,而香橙片偏甜! ▲ 千層酥日式疏乎厘鬆餅 ($82):蛋香十足,夠香濃,質感軟棉棉,糖漿幾甜,唔需要落太多。而千層酥就好鬆化,夾埋香滑嘅忌廉啱啱好, ▲...
Why 50坐落上環,主打一系列三文治同咖啡,環境唔大,但畀人嘅感覺好舒服。除咗因為裝修之外,陣陣咖啡香亦令人好陶醉。 Why 50 最出名係佢哋嘅brunch,朝早瞓過龍都可以嚟嘆個早午餐,真係好寫意!Hey Char Siu齋睇粵拼大家應該都會知道係叉燒, 有冇諗過叉燒同多士都可以match埋一齊?煣合咗中西fusion嘅 Hey Char Siu 以半肥瘦嘅...
貓山王榴槤布甸+抹茶荔枝D24榴槤卷! 呢間尖沙咀Hotel ICON出名以馬來西亞直送嘅榴槤做甜品,最近再推個榴槤下午茶令榴槤控可再次品嚐啖啖榴槤香。今次下午茶甜品包括貓山王整榴槤布甸、抹茶荔枝D24榴卷、榴槤斑蘭糯米糍、金榜榴槤芝士蛋糕、D101榴槤爆谷泡芙等。仲有一系列鹹點包括有黑松露蟹肉多士、忌廉蘑菇脆米通。另外最吸引就係可以2小時任食自家制D101和D24榴槤雪糕,真係令人「榴槤忘返」。 ▲貓山王榴槤布甸,布甸充滿濃郁榴槤味,而且非常creamy。 ▲抹茶荔枝D24榴槤卷,入口先有淡淡的抹茶和荔枝清香之後榴槤再出榴槤香。 ▲榴槤斑蘭糯米糍,煙煙靭靭的糯米糍包住滿滿的榴槤肉。 ▲金榜榴槤芝士蛋糕,芝士和榴槤控制恰到好處沒有搶去對方嘅味道,鹹鹹嘅芝士香中帶出榴槤味道。 ▲D101榴槤爆谷泡芙,泡芙中充滿榴槤忌廉,一口咬開忌廉馬上爆出。 ▲馬來西亞貓山王榴槤,香、濃、甜。 ▲榴槤斑蘭千層蛋糕,一層斑蘭一層榴槤,配合不錯。 ▲D24榴槤蛋捲和自家制D101和D24榴槤雪糕,D24榴槤蛋捲點上榴槤雪糕將榴槤味double up,超濃味。 ▲忌廉蘑菇脆米通,米通香脆可口配上香濃忌廉蘑菇醬。 文字 / 圖片:香港人遊香港...