中環美食2024|Lokman中環開波鞋主題啡吧 頭巾兵團出動!Lokman(楊樂文)@MIRROR與友人合資開設結合街頭文化、波鞋及潮流主題咖啡吧「 SOLEBREW」!新店選址中環蘇豪士丹頓街,樓高2層的「Cafe&Bar」展示多達100對珍藏波鞋,大家到時可以去波鞋牆打卡。新店以朝啡夕酒為概念,日頭歎啡、夜晚品酒,提供精品咖啡、Bagels輕食及主題調酒,其中咖啡豆更由隊長Lokman親手挑選。愛啡之人一定要去啦! ▲兩層高SOLEBREW以藍色為主調,朝啡夕酒為概念。地面的咖啡吧提供堂食及外賣,由早上7時30分至下午4時為Cafe Time,提供咖啡、Bagel等輕食,下午5點至半夜2時改為 Bar  Time,特製原創調酒及佐酒小食。沿藍色樓梯向下走到地庫,另設座位及VIP專用區域「The Vault」,空間感十足。 ▲店內展出多達100對珍藏波鞋,分別於地面設有「波鞋牆」及地庫陳列出數款傳奇藏品,如「Air Jordan 1 OG 1985 Chicago」及「Louis Vuitton Don Kanye Patchwork」等。 ▲其中咖啡豆更由隊長Lokman親手挑選,例如來自洪都拉斯莫卡莊園的咖啡豆,特點是經威士忌酒桶發酵處理,入口時威士忌餘韻混合雲呢拿香味。 ▲另外輕食有Cheese & Smashed Potato Bread with Bolognese Sauce($72)、Lotus Biscoff Bagel with Movenpick Ice Cream $106。 ▲席間調酒師表演花式調酒,大玩泡泡煙,極具視覺效果。另一主打特調「Smokin’ Jazzman」則以帶有燻製木香的茶系威士忌調製,層次鮮明豐富。 SOLEBREW 地址:中環士丹頓街23號地面及地庫G/F & B/F, 23 Staunton Street, Central營業時間:【Cafe】 7:30am – 4pm|【Bar】5pm-2am|4pm-5pm 休息時間交通:港鐵中環站步行約8分鐘 圖片&文字:香港人遊香港...
西營盤美食2024|西營盤得意拉花咖啡小店 香港拉花咖啡眾多,但客製拉花卻非常少見。而西營盤有間隱世Cafe主打客人可以客制想要的咖啡拉花,無論邊個卡通角色都可以神還原!例如有蠟筆小新、安妮亞、Kuromi、姆明、Q版鬼滅之刃、迪士尼Duffy等等,超打卡able!除了咖啡外亦提供甜品如特濃朱古力布丁、酥皮撻、草莓千層酥等,有興趣嘅朋友不妨去試下啦! ▲「 帽子先生的咖啡烘焙店」由店主一人主理,憑著精緻的拉花技巧吸引一班咖啡控,無論是卡通人物或是動物都難唔到店主,例如、迪士尼人物Duffy、蠟筆小新、宮崎駿動畫角色等等都輕鬆神還原! ▲大口仔、姆明、Pokemon ▲得意八哥、Q版鬼滅之刃、安妮亞。 ▲除了咖啡外亦提供甜品如特濃朱古力布丁、酥皮撻、草莓千層酥、伯爵茶巴斯克蛋糕等,部分甜品新鮮製作限量供應,大家可以先聯絡店家查詢。 帽子先生的咖啡烘焙店 地址:西營盤德輔道西294號寶立閣地下營業時間:星期一至五08:00-20:00;星期六至日09:00-18:00 圖片來源: @lattehatist 文字:香港人遊香港...
尖沙咀美食2024|米芝蓮法國餐廳ÉPURE推出花卉主題下午茶 各位女士們又多個打卡好去處啦!坐擁米芝蓮一星的現代風法國餐廳推出全新花卉藝術,於露天花園擺放了兩個色彩斑斕的裝置,並巧妙地融入下午茶當中。大家可以一邊欣賞維港的迷人景色,一邊品嚐新推出的法式下午茶,包括經典法式火腿三明治、煙三文魚配薯仔及法式馬卡龍等,每道小食都非常精緻!而且食完仲可以於花園裡慢慢打卡,感覺好似穿越電影裡法國宮廷貴族的花園派對場景,好有浪漫情調,仲唔快啲約閨蜜去打卡啦! ▲標誌性的露台花園將升級為The Blooms by É PURE,以精心設計的花卉裝置藝術及色彩斑斕的花卉,營造充滿春日活力且優雅的氛圍。 ▲是次場地由創意總監、時尚界風雲人物Joyce Ma的愛孫 Natalya J. Ho主理。 ▲Natalya 更特意設計了兩個創新裝置藝術,分別為《The Enchanted Mirror》和《TheEnchanted Bench》,令浪漫的用餐空間瞬間成為拍照打卡熱點。 ▲全新法式下午茶可以品嚐各種由廚師精心炮製的法式小食和糕點,包括經典法式火腿三明治、煙三文魚配薯仔及法式馬卡龍等。想追求更佳體驗的食客可挑選The Royal版本,煙三文魚配薯仔配上矜貴的魚子醬,另有鮮甜的法式龍蝦包與黑松露芝士三文治,配上清爽香檳。 The Blooms by É PURE 下午茶時段:下午3時至5時30分價錢:下午茶由 HK$598 起(兩位用)另收 10%服務費訂座:+852 3185 8338(電話)/ +852 5545 2133(WhatsApp)地址:尖沙咀海港城海洋中心4樓403號店鋪 文字:香港人遊香港...
將軍澳美食2024|將軍澳新開椰子主題甜品專門店 將軍澳新開咗間以椰子為主題的甜品店,主打每日新鮮即製天然無添加,甜品以椰子奶凍同椰水凍為主,配搭不同類型的水果和配料,而飲品就有椰子水、椰奶、奶蓋同咖啡系列,選擇都相當多。打卡之選推介榴蓮UFO,表面鋪滿芒果同D24榴蓮,裡面係透明滑溜溜的椰水凍同小丸子,另外加埋椰奶夠曬香濃!另外仲有牛仔很芒椰子凍、楊枝甘露椰子凍等,每款都超足料,甜品控絕對要去試! ▲將軍澳新開咗間以椰子為主題的甜品店,新店裝潢加入太空主題元素。 ▲甜品以椰子奶凍同椰水凍為主,配搭不同類型的水果和配料。椰皇UFO係打卡之選,表面鋪滿足料芒果同D24榴蓮,原個椰皇入面裝住椰水凍同小丸子,椰水凍食落微甜口感清新,加埋椰奶就更加濃椰子味。 ▲楊枝甘露椰子凍底層係香滑嘅椰子凍,充滿濃郁嘅椰香味,再添上滿滿嘅芒果同金柚,兩者味道相當地夾。而牛仔很芒椰子凍就加上加上牛油果乳酪,層次分明,味道酸酸甜甜。 ▲而飲品就有椰子水、椰奶、奶蓋同咖啡系列,而平時最鍾意飲奶蓋飲品可以加奶蓋芋圓椰子水,呢度嘅奶蓋特別地加咗椰絲,一杯有齊椰肉、椰奶凍同芋圓,口感豐富,而且三色小芋圓食落夠曬煙韌! 椰子星球 地址:將軍澳寶琳新都城中心一期2樓205-206號舖營業時間:星期一至五11:30 – 22:30;星期六至日10:30 – 22:30 圖片來源: @pieee 、 @i_am_hungry_too 文字:香港人遊香港...
荃灣美食2024|荃灣街訪熱捧70年老字號民豐粉麵行糯米糍 荃灣有一間多年粉麵行老店,專賣麵粉類製品,高峰時期會有50個客人在麵行開門前排隊等候,非常熱鬧!唔好以為只係賣手打粉麵,原來佢地最出名嘅竟然係自家製糯米糍,口味有傳統花生同芝麻味選擇,每日即場包糯米糍,每個都大大粒,皮薄又超爆餡,咬開食到砂糖嘅沙沙口感,外皮亦非常軟糯!前日元宵節亦有在荃灣元宵市集設置攤位,還推出全新限定開心果口味糯米糍,可以食到粒粒開心果內餡,仲獲得關注組大推!好希望佢哋可以將開心果糯米糍變成常駐產品啦! ▲創立於1953年的民豐粉麵行麵、水餃、湯圓都非常出名,講求全手工,而且員工全部都是女性。 ▲自家製糯米糍,口味有傳統花生同芝麻味選擇,每日即場包糯米糍,新鮮同拎到手暖暖地。外賣盒是用正宗紅白印字,相當懷舊氣息。 ▲每個都大大粒,皮薄又超爆餡,咬開食到砂糖嘅沙沙口感,外皮亦非常軟糯! ▲前日元宵節亦有在荃灣元宵市集設置攤位,還推出全新限定開心果口味糯米糍,會見到果仁磨得好碎,仲可以食到粒粒開心果內餡,希望日後都可以食到呢款糯米糍! 民豐粉麵行 地址: 荃灣荃灣街市街35號地舖營業時間:星期一至日08:30 – 22:00 圖片來源: @yung_foodkee 、 @flogwithme 、 @daiwailiz 、@hktablefor2 文字:香港人遊香港...
香港美食2024|鳥貴族宣布進軍香港開分店 日本國民平價雞肉串燒專門店 又有日本過江龍美食進軍香港啦!日本著名烤雞肉串燒連鎖專門店鳥貴族宣布插旗香港同台灣,鳥貴族主打平價烤雞串、小食,適合上班族或者朋友聚會的必食餐廳。在日本國內更擁有多達600間分店,遍布東京、大阪、北海道、關東、關西、九州、沖繩等地,今次於香港開分店好期待啊!而全店不管串燒、小食、前菜、甜品和飲品都統一價錢賣328日圓(含稅360日圓,折合約港幣$19),希望到時係香港都可以食到同樣價錢的美食啦! ▲根據鳥貴族的官網資料顯示,為了擴大餐廳業務,將在香港及台灣開分店,並與香港四洲集團有限公司簽訂特許經營協議,契約締結日為2024年3月,相信不久就可以食到! ▲鳥貴族主打平價烤雞串、小食,鳥貴族主打平價烤雞串、小食,也有不同部位的雞肉串燒,包括雞翼、雞肝、雞心、雞皮、雞肉丸等,一碟兩串,每碟都只係港幣$19就食到,物美價廉! ▲當中招牌菜雞腿貴族烤和雞胸貴族烤,可自選使用秘製、鹽味或香辣醬汁。 ▲無論是雞肉、蔬菜等原材料都是100%使用日本國產出品。 鳥貴族 開業日期:待定開業地址:待定 圖片來源:FB@鳥貴族/YAKITORIYA TORIKIZOKU  文字:香港人遊香港...
佐敦美食2024|黑膠唱片主題fusion菜聯乘日式鐵板燒店 有冇想過海膽都可以做出創意料理?號稱「海膽料理達人」嘅樂師傅憑「18層海膽杯」打響名堂,並將日式鐵板燒玩出新花樣,不時會有驚喜表演打造創意fusion菜,有得食又有得睇表演!樂師傅會每日為預訂嘅客人預備新鮮頂級食材,並根據當日嘅食材自創菜式,包括有火焰海膽甲羅燒、龍蝦膏配竹炭烏冬、海膽雪糕配爆炸糖、A5和牛、日本蘭王蛋配椰菜花炒飯、焦糖沙巴龍躉等等,絕對物超所值!而且呢度仲要係黑膠唱片主題嘅日式鐵板燒專門店,牆上擺放師傅收藏的黑膠唱片,大家一邊享受美食之餘,仲可以收聽懷舊金曲,相當有情調! ▲季節前菜用漂亮的便當盒裝住,包括有磯煮鮑魚、櫻花蝦玉子燒、日本沙角、明太子薯仔沙律。旁邊擺放一壺青梅水。 ▲十八層海膽杯上層以北海道紫海膽、沖繩海葡萄、白飯魚脆片一同入口,下層有明太子、帆立貝、海膽、三文魚子、牡丹蝦等等超多材料。 ▲原隻鴛鴦海膽活龍蝦兩道食,一道是自家製海膽芝士焗龍蝦,醬汁由蝦頭中的蝦膏調配而成。另外係龍蝦膏配竹炭烏冬,啖啖濃郁鮮蝦味。 ▲火焰海膽甲羅燒配黑松露薯片,師傅會係你面前即燒,好似變魔術咁。 ▲酒燒帶子配檸檬汁,焦糖沙巴龍躉。 ▲五色燒野菜有柴魚燒茄子、甜甜的日本迷你番薯夾棉花糖、車厘茄、辣蘆筍、燒南瓜等。荔枝豚肉卷配爆豬花蜜。 ▲燒A5和牛配日本蘭王蛋配椰菜花炒飯,夾埋一齊就係流心太陽蛋黯然銷魂飯。 ▲特色紙包花膠蜆湯熱騰騰,有香醇花膠,嫩滑彈牙。樂師傅焦糖多士印有樂字。 ▲自家製海膽雪葩配爆炸糖,海膽味濃郁。 ▲師傅為了提高食物品質保證,每次只開放6人座位,雖然係小店但私隱度高,好適合慶生!另外呢度同時係黑膠唱片主題嘅日式鐵板燒專門店,牆上擺放師傅收藏的黑膠唱片,大家一邊享受美食之餘,仲可以收聽懷舊金曲,相當有情調! 樂鐵板燒 地址:佐敦偉晴街29-37號騏邦大廈地下6號舖(港鐵柯士甸站A出口, 步行約4分鐘)營業時間:星期一至日14:00 – 00:00預約電話:28858955/ Whatsapp 52719893 價錢:十八層海膽杯A5和牛廚師發辦 $1680/位 圖片&文字:香港人遊香港...
泰國好去處2024|清邁山林療癒系玻璃屋Cafe 清邁作為泰國的第二大城市,是個充滿古城文化的地方。而本土設計公司Sher Maker翻修了一間位於清邁私人森林的Cafe,利用得天獨厚的大自然環境打造一間遺世獨立的咖啡店,建築團隊打造了一個六米高的半透明外幕窗簾,與原本的咖啡館建築相同高度,變成一個封閉空間,還利用鏡面覆蓋了現有建築物的外牆,來反射周圍的森林,營造錯亂的視覺效果,相信打卡效果亦一流!不過依家夜晚化身餐廳及酒吧,現場更有busking表演。如果想早上去歎杯咖啡就要留意官方營業時間啦! ▲本土設計公司Sher Maker翻修了一間位於清邁私人森林的Cafe,目的與大自然相融。 ▲建築團隊打造了一個六米高的半透明外幕塑料窗簾,與原本的咖啡館建築高度相同,再將既有建築的半徑在庭院內劃出半圈區域。希望創造一種新的邊界,讓訪客能自己打開窗簾才能進到建築物內,達到互動效果。 ▲Sher Maker用鏡子覆蓋了建築物的外層,以反射周圍樹林的景觀,有種與大自然生命相連的感覺。 ▲建築團隊也重新將室內進行了新的布局、添加濾光片,以減少進入建築物的光,整體氣氛的營造就是希望讓訪客可以有最突出的視野,從外部露台看到樹木及風景。 Boonma Café 地址: 85 Moo 5 Kingphai Soi 3 Suthep Mueang, Chiang Mai 50000泰國 營業時間:星期二至日 17:00 – 24:00(星期一休息)店家詳情:按此 圖片來源:designboom官網 文字:香港人遊香港...
太古美食2024|太古新開手工烘培專門店 Lubuds集團旗下有多間精品Cafe及餐廳一直受到本地人及上班族的喜愛,今次進軍烘培界,推出多款自家製麵包,包括有招牌牛角酥皮蛋撻、牛角包、爆餡忌廉千層吐司等,其中牛角酥皮蛋撻是一種結合了牛角酥皮和蛋撻兩種經典點心的美味甜點,外觀烤至金黃色,牛角酥皮層次感清晰可見,口感酥脆而內裡鬆軟,而蛋撻蛋漿味濃。另外呢度嘅烘培麵包每日新鮮出爐,如果去太古嘅朋友不妨去試吓啦! ▲Lubuds集團旗下新開「Baker by Lubuds」,主打精品烘培麵包,並登陸太古城。 ▲招牌牛角酥皮蛋撻是一種結合了牛角酥皮和蛋撻兩種經典點心的美味甜點。它的外觀呈現金黃色,牛角酥皮的層次感清晰可見,外層酥脆而內裡鬆軟。於每日9am、12pm、3pm新鮮出爐。 ▲蛋撻的內餡則是濃郁柔滑,帶有香甜的蛋香味,口感豐富。整體而言,牛角酥皮蛋撻結合了酥脆和綿密的口感,味道濃厚而不膩,是一道受人喜愛的甜點。 ▲除了招牌千層蛋撻外,其他酥點亦值得一試,必食牛角包、朱古力Brioche Twist、士多啤梨同香草味Cruffins等等。 Baker by Lubuds 地址:太古太古城道18號太古城中心3樓307號舖營業時間:8am – 8:30pm電話:2326 8832 圖片來源: @baker_lubuds 、 @foodaholicman 文字:香港人遊香港...
觀塘美食2024|觀塘手工Gelato雪糕店 有一樣甜品無論春夏秋冬都一樣咁受歡迎,答案就係雪糕啦!而觀塘一向有好多隱世美食,今次介紹呢間觀塘嘅樓上舖主打手工意式雪糕,全部都係新鮮自家製,總共12款口味,每個月各有不同主題雪糕及固定的大熱口味雪糕,例如西西里開心果味、tiramisu、法式焦糖燉蛋味等等都係常駐口味雪糕,另外一些限定口味則有新年限定龍井茶、芝麻湯圓、鹹花生、奶油話梅、楊枝甘露味等,充滿港式傳統風味!好期待下個月新口味主題啊~ ▲雪糕店每個月都會轉換雪糕口味,2月限定的新年主題必試芝麻湯丸、楊枝甘露、明前龍井味、鹹花生、奶油鹹話梅、砂糖桔雪葩味,令人眼前一亮。 ▲最平$25單球就食到,龍年一定要食龍井味添添運氣~ ▲西西里開心果味、tiramisu、法式焦糖燉蛋味等等都係固定的口味雪糕。 ▲此外,一月份主題茶祭雪糕由於反應熱烈因此亦會回歸,包括有香濃帶回甘的3級濃度抹茶雪糕、焙茶、玄米茶味,還有帶佛手柑清香的伯爵茶味,不過當日會隨機供應一款口味。 Ganto HK 地址:觀塘成業街19-21號成業工業大廈13樓1326室WhatsApp: 6090 5848*可留意Ganto HK IG專頁公佈的每週開放時間 圖片來源: @gantohk 文字:香港人遊香港...
土瓜灣美食2024|土瓜灣新開慢活簡約小清新Cafe 建於1983年的高山劇場經過近年的翻修和擴建,現在已成為香港的粵劇中心。而最近劇場裡面亦開設一間新Cafe,主打All Day Breakfast、意粉及咖啡。重點係室內設計走落地玻璃窗,可以見到窗外山坡的景色。陽光從落地窗透進來採光度滿分,配上淺色系的桌椅以及擺放植物盆栽,整體感覺溫馨明亮。除了享用飲品美食之外,高山文化亦與不同文化伙伴合作,透過「廿一廿十」系列活動,讓大家在享用美食之餘,亦可藉文化活動培養藝術氣息。 ▲剛開幕不久的高山文化咖啡廳位於高山劇場新翼1樓裏,環境闊落,設計簡約,中午時分陽光從偌大的落地窗透進來,採光度滿分! ▲裝潢以淺木色跟白色為主,擺放鮮豔的植物並搭配窗外山坡的景色。 ▲All Day Breakfast (HK$128)擺盤有breakfast board的感覺,食材有沙拉、鴻喜菇、藜麥、sourdough、炒蛋、煙燻三文魚、慢煮雞胸肉、小番茄跟烤菠蘿,健康豐富! ▲Hazelnut Latte (+$25),Cafe的咖啡選項都可以選extra hot,推薦榛子味Latte,味道香濃。 高山文化咖啡廳 地址:香港紅磡高山道77號高山劇場新翼1樓查詢:6546 9053營業時間:每日上午11時至晚上8時 *憑當日高山劇場及新翼節目門票,購買任何非預先包裝食品及飲品可享有95折優惠 圖片來源: @eatingroooo 文字:香港人遊香港...
中環美食2024|中環英式復古風居酒屋 如果想同閨密聚會打卡,中環有間令人驚豔的日式居酒屋位於文華東方酒店裡, 獲評為亞洲50大酒吧之一,除了可以飽覽維多利亞港的風景,室內的英式復古裝潢更令人瘋狂想打卡!記得預約歐式梳化位,打卡一流,手感超好的絲絨質地,牆上掛滿復古畫,有超大歐式鏡面,好像穿越19世紀西方國家的感覺。呢度週末好適合慶生或同朋友慢慢Chill! ▲位於香港文華東方酒店25樓的The Aubrey,是一間充滿英國復古風的居酒屋。餐廳設計靈感源自日本文化,想營造出日本銀座居酒屋的獨有氛圍,近年獲評為亞洲50大最佳酒吧之一! ▲整體風格色調以紅、綠、棕色配搭,環境華麗優美,配上紅絲絨歐式梳化位、復古掛畫、格仔窗等等。 ▲週末的brunch總共有21款菜式,前菜已經有六款,包括生蠔、壽司、刺身、蟹餅、柚子味鹽枝豆等。Free-Flow Sandos可以任添的四款三文治分別有:雞扒、豬扒、火腿芝士同蝦,而主食有熱騰騰的蘑菇溫泉蛋炒飯,以黑椒調味為主。 ▲生日慶生亦很有儀式感,會將甜品擺喺Tea Set上面。而呢度居酒屋當然唔少得酒類,可以嘗試Earl Grey Martini Gin($148),有淡淡的伯爵茶香味配有強烈的angostura苦精, The Aubrey 地址:中環干諾道中5號香港文華東方酒店25樓營業時間:星期一至日 12:00-01:00預訂詳情:按此 衣著要求:請穿著時尚休閒服裝。敬請賓客避免穿著短褲(不論長度)、破洞牛仔褲、背心、人字拖和男裝涼鞋。 圖片來源: @hkhungryfoodie 文字:香港人遊香港...