大埔人氣糯米糍小店數月前不敵貴租宣布結業,大家都話好唔捨得,於是老闆娘決定喺同區熟食中心,繼續賣招牌糯米糍、芝麻糊等,糯米糍依然由店主每日喺鋪頭即包,花生黑芝麻餡夠哂香,,烤芝麻嘅香氣,配上超薄外皮,絕對會令人讚不絕口,記住記住而家每人每日最多限買12粒糯米糍! ▲花生黑芝麻糯米糍$7 1件、$18 3件。 ▲每人每次最多買12個,不過賣晒就無。 ▲每粒都圓圓滾滾,賣相非常吸引。 ▲新店搬到大埔墟街市嘅熟食中心。 滑嘟嘟 地址:大埔墟街市熟食中心二樓CFS29電話:9172 9433時間:10:00 – 20:00(星期二至五)、10:00...
呢間街坊小店最出名就係石磨腸粉,每一個功夫都絕對唔馬虎!老闆每日用石磨磨米漿,重覆磨六、七次,確保整出來嘅皺皮腸粉係夠晒細滑,再用埋竹筲去蒸,腸粉就唔會太水,食落口感比一般腸粉更薄更滑!日本櫻花蝦腸🦐、紫椰菜香菇腸同埋肉碎蛋腸🥚都係呢間小店嘅得意之作,唔係度度都食到嫁! ▲日本櫻花蝦腸嘅用料十足,拌上蔥花,帶住淡淡鹹香 ▲蛋腸帶住陣陣蛋香味,聞到都流晒口水 ▲紫椰菜香菇腸就啱晒素食嘅朋友 ▲發哥都係熟客仔 友口馥 地址:大埔北盛街33號電話:5541 6824時間:06:00 – 17:00,星期一休息 文字來源:香港人.遊香港/圖片來源:友口馥...