主頁 新界 西貢區

將軍澳美食:【海濱Chill住食西班牙菜!香濃西班牙海鮮飯+飽肚西班牙蛋餅!】- Pastis Tapas

呢間位於將軍澳海濱長廊旁的西班牙餐廳,室內空間充足和以經典藍白色花紋圖案瓷磚裝飾牆壁令其西班牙感覺十足,而且仲有戶外空間好chill好舒適。西班牙菜當中最熟悉一定係西班牙海鮮飯,用上大圓形平鐵鑊西班牙風味十足,飯上鋪滿不少海鮮包括有青口、蝦蜆、魷魚圈等非常豐富,飯粒充滿海鮮味。別外西班牙蛋餅蛋香味濃配上辣肉腸和洋蔥夠香口,蛋餅仲要夠厚實係飽肚之選。

將軍澳Cafe:【復古工業風海景咖啡店!歎燒大啡菇粟米杏仁沙律/煙三文魚賓尼酸酵迪多士!】-Urban Coffee Roaster

將軍澳又新開一間全新海景Cafe,佔地3,000呎!店內裝潢主打復古工業風,檯凳主打軍綠色和銅鐵設計,好有復古風味!食物方面主打輕食及精品咖啡,近期新菜式以素食為主,包括炒野菌菠菜配賓尼迪蛋、牛油果配無花果多士、燒大啡菇粟米杏仁沙律和香煎玉米糕配自家製辣番茄醬,肉食方面有煙三文魚賓尼迪配酸酵多士和香煎三文魚扒配野菌汁等等,最後,店舖更設有窗邊位可以睇到靚靚海景,邊睇住海景邊chill下!

將軍澳Cafe:【人氣咖啡店進駐將軍澳!佔地逾4,000呎!設自家烘焙工房!歎新鮮出爐蛋糕/蛋撻!】-NOC Papillons & Bakery

呢間人氣咖啡店近日終於進駐新界區,選址將軍澳!新分店佔地4,000呎,採用落地大玻璃及純白色調,採光度非常好,今次更設有自家烘焙工房,客人就可以每日都可以食到新鮮出爐嘅甜品喇!店舖提供多款輕食、甜品及飲品,包括煙熏三文魚酸種吐司、法式焦糖布丁班戟、巴斯克芝士蛋糕和巴西莓希臘乳酪。

西貢Cafe:【人氣咖啡小店!必試自家製威士忌雪糕+特調咖啡酒!】-Hushush ice cream Coffee

位於西貢食街嘅人氣咖啡小店,呢度出名嘅自家製雪糕會因應季節而轉換口味,為求雪糕時刻保持新鮮以及對味道嚴格監控,店舖有多款雪糕都係有酒精成份,例如日本濁酒Nigori、紹興花雕酒、冧酒和威士忌等等,味道非常特別~除咗甜品之外,都有多款鹹食例如Bagel和吐司之類,最後,當然唔少得試埋店舖嘅特製咖啡,如Togouchi戶河內威士忌咖啡或試試Mr.Black咖啡利口酒。

期間限定:【將軍澳食爆膏大閘蟹放題!88分鐘瘋狂任食!任食大閘蟹+蟹粉鴨血+蚵仔滷肉飯】

呢間位於將軍澳海濱旁的戀上台式料理餐廳推出了88分鐘瘋狂任飲任食大閘蟹放題,大閘蟹隻隻爆膏,蟹膏金黃飽滿,甘甜香濃又軟滑。除了可以無限追加大閘蟹外仲有多款大閘蟹菜式任食和台式飲品任飲,包括有一口蟹粉鴨血、蟹粉水餃、生滾大閘蟹粥、蚵仔滷肉飯、蟹粉花支丸、台式腸蟹粉糯米飯等。當中一口蟹粉鴨血除了本身麻辣醬汁夠惹味外再加上蟹粉係面大大增加邪惡度。而蚵仔滷肉飯的蚵仔更粒粒肥美飽滿,飯粒充滿香濃滷肉味。飲品方面珍珠奶茶、芝士奶蓋、水果茶、啤酒等都無限任飲。餐廳更有露天位,夠晒feel。

熱門標籤

熱門分類

Close Bitnami banner
Bitnami