荃灣出左名多野食,要點樣先可以突圍而出?呢間Cafe主打分子甜品,造型精緻得黎又好食,岩晒黎相機食先!餐牌上選擇仲有好多,分別有bagel系列、All Day Breakfast、意粉、沙律、咖啡、花茶等。全店座位得十幾個位,間鋪以啡同黑色作主調。全店得一個人負責落單同煮食等,所以都要有啲耐性等食物上菜。 ▲ 牛油果藜麥大蝦沙律($78):沙律擺得好靚,蝦肉口感彈牙又新鮮,牛油果份量都多,岩晒牛油果迷! ▲慢煮雞胸bagel($60):Bagel入面有忌廉芝士、沙律菠菜、雞胸。個包質感軟鬆,雞胸都唔鞋。 ▲蛋($65):蛋殼係白朱古力,蛋黃係芒果汁,旁邊個泡沫係有酒味,底下有球雪糕。 ▲蕉($55):分子甜品賣相好靚,前半條係焦糖香蕉,另外果半條係脆皮雪糕,蕉皮紋係店主自己畫上去添。 ▲班尼迪($78):分別有水波蛋、酸包、沙律、三文魚、煙肉,一切開隻蛋,啲蛋皇即刻流心出黎,夾埋啲煙肉一齊食好滿足。 ▲石($55):石頭既外殼係白朱古力,會有raspberry、black currant 作伴碟。客人要用隻長匙羹整開個朱古力外殼,就會有啲raspberry流心餡,食落去酸酸甜甜咁。 留白 地址:荃灣西樓角路202-216號荃昌中心昌寧商場地下12號舖 營業時間:星期二至日11:30-22:30 文字來源:香港人.遊香港/圖片來源:@iakich、@blank_cafe...
紅燒乳鴿夠入味! 呢間新開嘅小店主打紅燒乳鴿,每日開兩三個鐘就提早沽清,仲有客一買買十幾隻!佢哋出品嘅乳鴿皮脆肉嫩,每隻都以陳年滷汁浸熟過熱水,再掃上以麥芽糖等,掛起風乾三小時,有客落Order就即炸,鴿肉非常入味,完全唔需點鹽,另外仲可以試埋必食雞粥,夠足料,未食已經聞到好香噴噴! ▲外賣小店開業雖然只有半年,但已累積不少好評 ▲乳鴿又嫩又滑,雞粥足料,炒麵鑊氣夠! ▲乳鴿皮脆肉嫩,每晚平均賣出120隻 ▲乳鴿醃得好入味,而且吊乾水先嚟炸,全人手製造 高哥一cook 地址:元朗鳳攸南街9號好順利大廈1座地下1C&D號舖時間:17:30 – 23:30 文字來源:香港人.遊香港/圖片來源:高哥一cook...
屯門貝爾特酒店最近推出日韓風味主題自助餐,精選美食有麵包蟹、凍翡翠螺、雪場蟹腳(晚市限定)等冰鎮海鮮;燒澳洲西冷、德國油封香腸、烤羊扒配露絲瑪莉汁等熟食;期間限定加入日韓美食、關東煮、日式咖喱雞、韓式香辣芝士炒年糕、野菜天婦羅、七味烤多春魚、薑蔥霸王雞,而甜品更有任食Mövenpick 雪糕!由2023年3月29日21:00至4月10日23:59,於指定連結預訂貝爾特酒店:【週末日韓風味午市自助餐】或【星期五及週末日韓風味晚市自助餐】,可享4人同行 1人免費優惠,人均HK$298起(原價約HK$438)!
鐘意食台灣野既朋友唔可以錯過呀!荃灣呢間台食店又有芋圓甜品食,好多人食完肉燥飯都會叫返個黑糖芋圓仙草凍2號share食!黑糖芋圓甜品有齊仙草、芋圓、紫米、綠豆,糖水底更加入左鮮奶同涼粉,甜而唔膩,而芋圓同珍珠口感都非常煙韌,令整個糖水的口感大大提升! ▲主廚紅燒牛肉麵$68 紅燒牛肉湯底濃郁,牛肉鮮味十足,麵條掛上湯超好味!牛肉亦煮得超稔,而且份量不少 ▲台式肉燥飯$35 肉燥飯肉汁好味,肉香味濃,肉粒肥美,明顯烹煮時加左紅蔥頭爆香! ▲黑糖芋圓仙草凍2號$38,有仙草、芋圓、紫米、綠豆及黃蕃薯芋圓、紫薯芋圓同芋頭芋圓。無論仙草或芋圓,都煮得岩岩好呀! ▲黑糖芋圓鮮草凍$33 滿滿一大碗好足料!除配料之外,黑色都係仙草黎,食哂一碗都好飽。 叁茶陸飯 地址:荃灣青山公路388號中國染廠大廈中染新城1樓117號舖電話:23501638營業時間:11:00 – 23:00...