呢間開喺天后嘅頭啖湯,用得湯字做招牌, 頭啖湯主打超濃郁無味精椰子雞煲,天然嘅清甜味滲入口腔,充滿椰香嘅雞煲好味又足料,重點係無味精,飲埋湯都唔會覺得好口乾,相信一定能夠滿足注重湯底嘅香港人。基本打邊爐配料,例如肥牛、炸魚皮、菜都超級新鮮,抵食又好味! 頭啖湯同時提供不同醬料畀食客,可以自己任意調配最啱自己嘅醬料 ! ▲ 主打超濃郁無味精椰子雞煲,幾清甜夠足料! ▲ 新鮮生蠔,小心唔好淥太耐! ▲ 港人最愛炸響鈴! ▲ 介紹椰子雞食法 ▲ 香脆炸魚皮 ▲ 另一滋味選擇:半隻重慶麻辣雞煲 ($138) ▲ 多款醬料任你配搭 文字來源:香港人遊香港 / 圖片來源 :@foodevilx、@foodsearcher_samsam...
Hana 華小料理屋一直都出名食高級和牛壽喜燒!由於冇得堂食,Hana推出超抵壽喜燒外賣自取,$358起就可以食到澳洲純和牛或日本佐賀和牛,兩大盤和牛加埋足足360克!套餐仲有前菜、日本鮮雞蛋、野菜拼盤、稻庭烏冬,同自家調製嘅壽喜燒醬汁,Hana仲有教學教埋你點整正宗嘅壽喜燒,你只需要準備一個鍋,好貼心! ▲ 二人前套餐分別可以揀澳洲純和牛 ($358) 或日本佐賀和牛($488) ▲ 套餐仲有前菜、日本鮮雞蛋、野菜拼盤、稻庭烏冬,同自家調製嘅壽喜燒醬汁! 圖片來源:Hana 華小料理屋...
呢間喺旺角嘅海鮮火鍋專門店提供多款特色鍋底,主打招牌卜卜蜆鍋同龍蝦海鮮鍋,足料之餘,全部湯底都好濃郁!特別係龍蝦海鮮鍋,主角龍蝦大大隻,另外仲有好多隻大海蝦,海鮮下面係大量娃娃菜、冬菇同雞髀菇等!湯頭亦好鮮甜,滲透哂落龍蝦度,食落啖啖肉好滿足! 另外佢嘅至尊牛拼盤都好吸引,用三層架上枱,打卡都好正!牛肉非常鮮嫩,牛花分佈平均,油脂飽滿,有安格斯、牛肩胛、牛頸脊、吊龍同埋牛柳粒,真係忍唔住流哂口水! ▲ 招牌龍蝦海鮮鍋 ($298): 龍蝦大大隻,又啖啖肉! 仲有好多海蝦同蜆,食落好彈牙鮮嫩,而且好鮮甜,成個海鮮鍋非常足料! ▲ 海鮮底下仲有大量 娃娃菜、冬菇同雞髀菇等 ,湯底極濃郁! ▲...
人氣台灣火鍋放題店再開分店,近日正式進駐尖沙咀,餐廳以正宗台灣湯底、特色地道食材為賣點,加上餐廳提供精選牛肉,由特級安板斯牛至M5澳洲和牛都有,所以一直非常受歡迎。新分店更推出全新的午市套餐,分別是「 60分鐘一人一鍋定量午餐 」和「90分鐘午餐吃到飽 」。「 60分鐘一人一鍋定量午餐 」共有8款午餐可供選擇,另設有自助火鍋配料吧和飲品吧,亦可以追加更多付費食品同飲品! 而「90分鐘午餐吃到飽 」有三種放題套餐,分別係「精選嫩牛吃到飽」、「特級安格斯吃到飽」、「極上和牛吃到飽」,仲可以加$30 升級海鮮任吃!餐廳即日起至 2020 年 9 月 13 日所有套餐一律 88 折,而試業期內午市吃到飽套餐更可任食鴨血,售完即止。 ▲「 60分鐘一人一鍋定量午餐 」: 共有8款午餐可供選擇,另設有自助火鍋配料吧和飲品吧,亦可以追加更多付費食品和飲品! ▲牛乳起司鍋 ▲紅燒牛骨鍋 ▲台灣濃香番茄鍋 ▲「90分鐘午餐吃到飽 」:肥牛油脂豐富,仲可以加$30 升級海鮮任吃! 文字來源/ 圖片來源:香港人遊香港...
呢間火鍋店專門店真係好專門,全間店絕大部份都係賣牛肉加少量其他海鮮、蔬菜和豬肉。每日供應二十多款牛隻不同部位的肉仲要好叼轉罕有,好似五花趾、牛駝峰、橫隔肌、匙柄、牛腩心、牛朴肉、胸口膀、吊龍伴等,有些還限量供應。當中罕有的吊龍伴是牛頸後面包裹腰脊兩旁的牛肉即是肉眼邊緣部分,只佔牛的1%。因油脂豐富,肉汁相對充足,入口甘香軟滑。除咗堂食仲有外賣8折優惠提供2人份和4人份套餐,已包括湯底、牛肉拼盤、海鮮、蔬菜拼盤、小食和麵,可以買返屋企慢慢安全打邊爐。 ▲吊龍伴:即是肉眼邊緣部分,只佔牛的1%,油脂豐富,肉汁相對充足,入口甘香軟滑。 ▲牛駝峰:是頸背間肉,油香肉味平均。 ▲俄羅斯牛側胸肉:俄羅斯和牛是自由放養,以粟米為食糧,無添加激素同抗生素,所以內質非常好,塊塊油脂分布平均,嫩滑香口,超重牛味。 ▲滑尾龍:新鮮嫩牛加上濃郁蛋汁,輕輕一燙(大約6秒),入口鬆化多汁。 ▲外賣套餐的牛肉拼盤有俄羅斯牛側胸肉、西班牙雪花胸肋、橫隔肌、五花趾、牛駝峰、匙柄、肩胛翼板。 ▲二人火鍋外賣套餐$288:套餐包理想點”鮮”湯底、四款牛肉:橫隔肌、五花趾、牛駝峰、匙柄、鮮蔬拼盤(娃娃菜、金菇、蜂巢豆腐、芋絲)、炸魚皮一份、公仔麵及稻庭烏冬、飲品兩支 文字:香港人遊香港 圖片:hkfoodjournalist、616hotpot...
呢間位於旺角的高質火鍋店,主打花膠雞火鍋,湯底濃厚足料,足足有一斤花膠和半隻雞。除了湯底足料外,店內海鮮更非常生猛新鮮,全部係海鮮缸內即叫即撈,海鮮併盤每天不同,由廚師選最靚的海鮮俾大家。而手切安格斯牛肉亦非常推薦,牛肉極高質,手切牛肉既嫩滑牛味又重,非常好食。 ▲大笪地花膠濃湯雞鍋 ($218),隨鍋有香濃湯底配半隻雞,另會用碟上一斤花膠。 ▲湯頭非常鮮甜,記得未落野前飲返兩碗先。 ▲海鮮拼盤:全部係海鮮缸內即叫即撈,而且仲好高性價比,今日就有大大隻的蠔、聖子皇、鮑魚、花甲皇。 ▲手切安格斯牛肉 ($188) :厚薄適中,油花均勻,牛肉肉質嫩滑,而且牛味重,非常好食! ▲西班牙豬肉片 ▲蟹粉蝦餃皇($58):由師傅自家製作,粒粒都係人手包,用上原隻蝦仁和手打豬肉製作。 ▲蟹籽墨魚滑滾($78):墨魚滑加入墨魚軟骨,食落口感爽彈,而且份量好足。 文字 / 圖片:香港人遊香港...
呢間火鍋店最近推出咗一個牛魔王必叫嘅1公斤美國極黑和牛火鍋套餐。呢個套餐主角當然係1公斤的美國極黑和牛,和牛係由日本和牛及安格斯牛混種而成,牛味重和油花適中。除咗食牛加多100蚊仲會多23款配料有香濃酒味的阿嬤燒酒雞和不少台灣直送配料包括鴨血,澎湖鮮蝦滑,屏東水蓮菜,爆濃芝心丸等。湯底方面仲有10款口味選擇,好似御膳麻辣鍋、桃膠土雞美人鍋、一品酸菜白肉鍋、美白凝膚牛乳鍋等。套餐份量不少4-6個人都夠晒食。 ▲一公斤美國和牛火鍋外賣套餐$398。 ▲一公斤美國極黑和牛SRF,和牛係由日本和牛及安格斯牛混種而成,牛味重和油花適中。 ▲桃膠土雞美人鍋湯底,雞肉嫩滑夠味。 ▲桃膠有美顏作用。 ▲另加$100即多23款配料,包括澎湖鮮蝦滑,福州魚青滑、屏東水蓮菜,爆濃芝心丸、關廟麵等。 ▲阿嬤燒酒雞,酒香味濃肉嫩多汁。 ▲台灣鴨血,入口滑嫩細緻。 ▲美國豬梅花,豬味濃又不肥膩。 ▲麻吉燒,中間是花生餡,有點似食湯圓。 預訂需知 只設外賣自取服務,取餐時間為中午 12:00 至晚上 8:30 請於當天取餐時間內下單 收到訂單後即可於預約時間到分店領取 需於取餐最少一小時前落單 需自備煲具及餐具 文字 / 圖片:香港人遊香港...
旺角新開的新派潮州火鍋店「潮州鹵漢大飯店」,推出$188起任食放題,包括有和牛、湯底7選1、逾50款火鍋料、4款打冷小炒、啤酒無限飲等等。當中必試餐廳獨家首創滷水湯底,用上鵝及花椒、八角等香料製作,充滿鹹香味。此外,大家可另單點特色潮州小炒和生醃小食,3人以上更送花膠雞煲,一於約齊三五知己一齊去試下啦!