紀念慶祝 - 香港人遊香港

尖沙咀過江龍餐廳：【倫敦牛油果主題餐廳駐入K11 牛油果特色漢堡＋抹茶班戟】-Avobar

呢間英國倫敦SuperFood人氣餐廳，過江龍嚟咗香港開店，主打牛油果創新菜式，有牛油果醬配多士，牛油果特色漢堡，將半隻牛油果取代傳統麵包，餡料用龍蝦鉗肉和其他蔬菜配合。另外係香港店限定嘅香煎鱈魚蘑菇意大利飯私心推介，加入咗黑松露和白蘑菇令粒粒飯好香濃，件件鱈魚經過香煎，魚肉鮮味提升。 ▲牛油果蕃薯撻，用黃心蕃薯做餅底，配自家特製嘅牛油果醬，加咗小小辣椒，食到甜嘅蕃薯後帶出微微辣味 ▲招牌Avo Toast，醬料非常豐富，有牛油果青檸醬、牛油果醬、牛油果片，小編大讚最好食係牛油果青檸醬 ▲香煎鱈魚蘑菇意大利飯 ▲加入黑松露和白蘑菇，啖啖鱈魚經過微微香煎過，食落肉質好滑，飯粒更creamy ▲牛油果特色漢堡，餡料係炸紅扁豆蕃薯餅，配埋蕃茄和紅菜頭 ▲牛油果龍蝦特色漢堡，用原隻牛油果取代傳統麵包，夾住龍蝦肉，仲有其他配菜夾埋一齊食好清新，唔會有罪惡感 ▲呢款菜式一早放咗芝士汁一齊上檯，唔夠味道可以加 ▲抹茶班戟，表面放咗原條焦糖香蕉，班戟口感好軟棉棉，散出陣陣抹茶香氣 Avobar 地址：尖沙咀梳士巴利道18號K11...

Cafe 屯門區紀念慶祝

屯門Cafe：【#真香港人小店！招牌焗黑麥啤慢煮咸豬手】- Byob Coffee Roaster

屯門呢間Cafe，好多去過嘅人都話好有文青氣息。佢每一道菜都係即叫即整，其中招牌菜焗黑麥啤慢煮咸豬手就需要等35分鐘，外皮卜卜脆，煮得非常入味，亦唔會話好肥膩。另外佢嘅意粉都好受歡迎，比如話黑松露雜菌意粉就有好香嘅黑松露味，大蝦闊條麵嘅大蝦爽口彈牙，蕃茄忌廉蟹肉寬條麵嘅蟹肉份量都好足。鍾意去Cafe嘅朋友，絕對唔能夠錯過呢間本土小店呀！ ▲焗黑麥啤慢煮咸豬手($138)，外皮香脆，肉質彈牙，仲配有蜜糖芥末醬令味道更豐富，而且又夠大份，兩個人share食都冇問題。 ▲黑松露雜菌意粉($68)，加咗好多黑松露，未食已經被佢嘅香氣搞到流哂口水，而且配咗兩條竹筍，口感清爽，好適合一啲鍾意食菜多過食肉嘅人。 ▲蕃茄忌廉蟹肉寬條麵($88)，蟹肉份量十足，食落啖啖都有蟹肉，再加埋酸酸甜甜嘅蕃茄汁，非常開胃。 ▲大蝦寬條麵店($78)，大蝦煮得啱啱好，唔會煎過頭，食落爽口彈牙，而且份量十足，食完包你覺得滿足。 ▲煙三文魚沙律($78)，想食得清淡啲嘅話，可以試下佢嘅沙律，酸酸甜甜好開胃。 ▲牛油果華道夫沙律($68)，近年好多人都推廣牛油果對身體嘅好處，依款沙律就受到唔少客人歡迎，牛油果夠新鮮，擺盤又非常精美，而且份量仲好足添！ Byob Coffee Roaster 地址：屯門青桃徑5號文翔大廈地下2A號舖營業時間：星期一至日...

南區紀念慶祝

香港仔生蠔：【生蠔迷+肉食控必到！歎盡$10隻生蠔+威靈頓牛柳！】- 蠔灘 Oystime

黎到香港仔中心附近，離遠都已經大大個勁搶眼既招牌Oystime，故明思義，原來係間生蠔主題西餐廳，依家仲做緊$10/1隻生蠔，仲可以無上限任嗌，最適合柯打一大盤生蠔同親友共享！食完生蠔，一定要試下西餐廚稍精心準備既晚餐Menu，唔止据扒咁簡單，連英國菜威靈頓牛柳、西班牙黑毛豬都有得食，一大班人食飯，點少得啤啤佢，只要預先同店員要求，就可以印製自訂圖案係啤酒泡上面，泡製驚喜冇難度！ ▲每日精選生蠔（$10/隻）生蠔每日新鮮運到，生蠔來自南非、愛爾蘭、法國等地。 ▲各位生蠔迷不能錯過手掌咁大既生蠔，佢係愛爾蘭卡靈福德Carlingford 珍寶蠔，好有霸氣！蠔身肥大肉厚，海水味十足！ ▲來到主食威靈頓牛柳，主廚為左食得健康一點，以雜菌及巴馬火腿，代替鵝肝醬，牛柳顏色鮮嫩，食落多汁。 ▲西班牙黑毛豬（$148），豬肉肉質軟稔，油香肉嫩。 ▲大蝦配龍蝦汁意粉，每份意粉都有2隻越南大蝦，扁意粉向上一拉，意粉掛滿滿滿龍蝦汁，醬汁香氣撲鼻，原來係加入左蝦殼熬成，所食落特別濃香入味！ ▲朱古力心太軟配雪糕：切開呢度自家製既朱古力蛋糕，流心朱古力漿紛湧而出，擺盤極美，配上一越南咖啡口味既雪糕。 ▲相片生啤：配Hoegaarden啤酒，可以將自己心水圖案印落啤酒泡上，隨時為食客帶來唔少驚喜！ ▲相片咖啡：除左啤酒屋泡可以印刷之外，咖啡都可以做到呢個效果！ ▲蠔灘 Oystime環境寬敞，weekend過黎hea 一個下午，都係個好選擇！ ▲蠔灘 Oystime室內環境用左工業風設計，都係文青水泥牆及玫瑰金屬。 ▲一轉入香港仔南寧街，就見到呢個大大個既招牌！蠔灘 Oystime 地址：香港仔南寧街13-23號香港仔中心第一期1樓2號舖電話：2620 0168 文字 / 圖片來源：香港人遊香港...

大埔區紀念慶祝

大埔生蠔：【#真香港人小店！周庭推介大埔生蠔西餐廳！】- Oyster King

由民主女神周庭BB推介既，店內又有連儂牆，緊係好多人追捧，老闆表示被懲罰到做到手軟！呢間位於大埔八號花園地下主打生蠔西餐廳係間小店，最近呢個月都成日full house，想walk-in食真心唔容易！佢地既生蠔來自唔同產地，法國、南非、愛爾蘭等地，各有特式鮮甜肥美。另一方面碳燒牛扒、羊架都係黎到必食既item，炭燒肉眼扒有助鎖住肉汁，牛肉質感就會焦香得黎豐盈多汁！ ▲生蠔來自蘇格蘭、南非、法國等地，品種都幾多，隻隻都肥美得黎Creamy嫩滑，食落帶海水咸香鮮味 ▲美國頂級安格斯肉眼配紅酒燒汁：10安士安格斯肉眼非常重磅，炭燒至五成熟，肉眼牛排表面帶來焦黑網格烤紋，未食都聞到濃濃誘人既焦香﹐食落牛味香濃！ ▲煎焗澳洲羊鞍扒配紅酒忌廉汁，炭燒澳洲羊鞍扒同樣5成熟，不過相對色澤比肉眼牛扒嫩一點。羊鞍扒完全冇多餘肥肉，細嫩無筋，羊羶味完全冇。 ▲朱古力心太軟係跟set甜品之一。切開香濃幼滑朱古力蛋糕，朱古力溶岩漿流出黎！蛋糕食落鬆軟可口，溶岩漿香甜。 ▲蘋果撻都係跟set甜品之一，肉桂粉為蘋果撻增添了另一番風味，廚師雖然好忙，但都不忘係甜品碟上寫字！ ▲店內外都有連儂牆，好多同聲同氣既香港人都狠狠地懲罰呢間小店。 Oyster King 地址：大埔安慈路2號八號花園地下4號舖電話：22468282營業時間：星期一至二、星期四至日 12:00...

紀念慶祝

西九海景餐廳：【180度維港景！慶祝紀念日好去處！10道菜時令食材廚師發辦！】- PANO

大家放假唔係抗疫在家，就係去戶外露天地方鬆一鬆，西九龍文化區要草地有草地、要海景有海景，仲有好西食！呢間坐擁全港最優越180度維港景色 PANO，主廚曾經係半島酒店工作，出品Asian French 料理食物質素有保證。所謂Asian French，原來係主廚以自己經驗同味蕾，再加入本地及亞洲優質素材及烹調元素，烹調出迎合香港人口味既法國菜！今次呢個Tasting Menu以當日時令食材廚師發辦，一次過可以食足10道菜，真係大滿足！ ▲今次推出廚師發辦Tasting menu有10道菜（$1188）或7道菜（$888）選擇，以本地食材加入西式食法，炮製創意法國料理！餐廳環境舒適，絕對係聚會慶祝生日/紀念日好地方。 ▲Tasting menu上菜前必試自家製蜂蜜牛油配麵包！ ▲前菜Amuse...

紀念慶祝銅鑼灣

銅鑼灣美食：【大大鍋鮮甜青口配薯條！充滿歐洲氣氛高質比利時菜！】- Belgos

係利園附近有間充滿歐陸氣氛嘅酒吧，招牌嘅藍色霓虹光管加上擺係行人路上嘅餐枱，感覺十分Chill！菜式就主打比利時菜，當然有最經典嘅青口配薯條，青口煮得剛剛熟，味道鮮甜，再配埋香脆薯條一流！呢度青口仲有特別啲嘅口味，例如泰式、四川醬汁等。其他菜式有漢堡包、比利時薄餅同一系列比利時啤酒等。 ▲比利時菜必食嘅青口配薯條 ▲長方形嘅比利時薄餅 ▲仲有好多款式嘅前菜小食 ▲梗係要飲返杯比利時釀嘅啤酒 ▲門口充滿歐陸氣氛 Belgos 地址：銅鑼灣園三期G11-G15電話：2111 1197 文字來源：香港人遊香港 / 圖片來源：@belgoshk、@ladyv.me、@gwanloveee、@hkfoodmood、@foodie_winniepang811...

中西區紀念慶祝自助餐

中環酒店半自助餐：【180度開揚景勁chill！手切生牛肉他他+勁鮮甜清酒煮蜆+任食甜品】- Popinjays

位於中環前身為政府辦公大樓改建的美利酒店，其頂樓的餐廳擁有180度的開揚靚景，中午時分有半自助餐提供。前菜採用自助形式，有即場手切肥美Parma ham、基本的煙熏三文魚、沙律菜、芝士拼盤等。當中推介一袋袋的清酒煮蜆，因封鎖了肉汁，令其鮮甜美味得以保留還帶少少酒香，非常美味。另外，主菜的手切牛肉他他，牛肉新鮮嫩滑配上帶酸的醬汁非常醒胃。這餐廳的下午茶甜品引來不少人來打卡，享用這午餐就可以無限任食其甜品，不用就住就住啦！ ▲即場手切Parma ham，肉質柔軟脂肪比例剛好，鹹香不會太重。 ▲清酒煮蜆，一袋袋包好的蜆用上清酒一同煮，因封鎖了肉汁，令其鮮甜美味得以保留還帶少少酒香，非常美味。 ▲煙熏三文魚，三文魚肥美嫩滑入口帶少少煙熏味道。 ▲芝士拼盤，有幾款芝士迎合任何人。 ▲青豆濃湯入口有陣陣香濃的青豆味和質地幼滑。 ▲手切生牛肉他他，牛肉新鮮嫩滑配上帶酸的醬汁非常醒胃。幼身薯條炸得香脆不油膩夠乾身配牛肉一流。 ▲香煎比目魚配檸檬醬汁，魚皮煎得香脆可口而魚肉比較有咬口配檸檬醬汁微微帶酸和清香相配得宜。 ▲精緻的懸浮新鮮雜果配芒果汁蛋白糖霜，芒果汁香甜配新鮮什果甜度剛剛好。 ▲甜品有多款選擇，有馬卡龍、芝士蛋糕、千層蛋糕、青蘋果味閃電泡芙等。...

Cafe 紀念慶祝

九龍塘多國菜：【#真香港人小店！浸大良心地中海風情！富士山可愛造型特飲+香脆牛肉意大利包】- Bistro Bon

大學餐廳一向比人未必好食既印象，但BU嘅同學仔好幸運校園有間既好食又有良心嘅餐廳，主打一系列地中海同亞洲美食。餐廳環境開揚闊落，有個開放式廚房可以睇到廚司們廚藝。餐廳的牛肉菜式都比較出名，好似威靈頓牛柳係要預約先食到。想即刻唔想等嘅話都可以試下費城牛肉意大利包，牛肉條上鋪滿已焗溶晒嘅芝士好吸引而且意大利包焗到非常香脆。餐廳仲有個富士特飲，以富士山造型為藍本賣相相當吸引。 ▲富士山特飲，以富士山造型為藍本賣相相當吸引。白色的泡泡加上藍色的波子汽水味的梳打。 ▲費城牛肉意大利包，牛肉條上鋪滿已焗溶晒嘅芝士勁吸引而且意大利包焗到非常香脆。 ▲牛肋條飯，牛肋條入口軟腍而且沒有牛騷味。 ▲蟹肉意大利飯，意大利飯帶少少咬口，蟹肉不多，味道偏淡。 Bistro Bon 地址：九龍塘聯福道32號吳多泰博士國際中心下電話：2628-0330 文字/ 圖片來源：香港人遊香港...

食通天九龍家庭尖沙咀油尖旺區紀念慶祝自助餐

尖沙咀自助餐：【酒店聯乘百年老字號甄沾記！任食多款椰子＋榴槤美食！椰子雞湯/椰子糖雪糕/香脆炸榴槤】

尖沙咀酒店Hotel Icon 聯乘百年老字號甄沾記，推出椰子主題自助餐，以椰子入饌，製成不同熱食和甜點，包括泰式椰子南薑雞湯同香脆可口嘅脆炸椰絲雞柳，盡情感受亞熱帶風情 ! 酒店同時提供榴槤甜品，濃濃榴槤味滲入味蕾。仲有多款海鮮同熱食，正啊！ ▲ 脆炸椰絲雞柳 (左)、脆炸椰絲蝦球 (右) ▲ 泰式椰子南薑雞湯超香有驚喜！ ▲ 印尼椰漿飯 ▲ 必食自家製椰子糖雪糕 ▲ 椰子甜品充滿椰香！ ▲ 多款榴槤甜品 ! ▲ 海鮮 ▲ 新鮮嘅小龍蝦！文字/圖片：香港人遊香港...

食通天九龍油尖旺區紀念慶祝

佐敦美食：【好似身處喺森林入面！新式墨西哥尼泊爾fusion餐廳！】- The Jungle

開喺廟街嘅The Jungle主打墨西哥同尼泊爾美食，裝修特別，入到去好似去咗Jungle森林咁，燈光暗暗地，又幾有情調，啱哂三五知己一齊傾下計！食物選擇唔算多，大部分都係墨西哥同尼泊爾嘅特色美食，例如moomoo就係尼泊爾餃子，外型好似小籠包，配上酸辣醬夠哂開胃，好值得大家去試！所有staff都係外藉人士，全部都好nice好有禮貌！建議跟set叫，lunch平均一位都只係$78，仲包starter同soft drink，抵食！ ▲ 辣肉腸Pizza：pizza 足料，口感食落都幾豐富！ ▲ 蕃茄雞肉意粉：整體偏辣，唔食得辣嘅朋友記得要叫佢小辣！ ▲ Rib Eye：跟set 叫要加多$20...

食通天灣仔區火鍋紀念慶祝香港

天后美食：【#真香港人小店招牌超濃郁無味精椰子雞煲！天然嘅清甜味一試即愛上！】- 頭啖湯

呢間開喺天后嘅頭啖湯，用得湯字做招牌，頭啖湯主打超濃郁無味精椰子雞煲，天然嘅清甜味滲入口腔，充滿椰香嘅雞煲好味又足料，重點係無味精，飲埋湯都唔會覺得好口乾，相信一定能夠滿足注重湯底嘅香港人。基本打邊爐配料，例如肥牛、炸魚皮、菜都超級新鮮，抵食又好味！頭啖湯同時提供不同醬料畀食客，可以自己任意調配最啱自己嘅醬料 ! ▲ 主打超濃郁無味精椰子雞煲，幾清甜夠足料！ ▲ 新鮮生蠔，小心唔好淥太耐！ ▲ 港人最愛炸響鈴！ ▲ 介紹椰子雞食法...

食通天九龍尖沙咀油尖旺區紀念慶祝

尖沙咀美食：【仿佛置身日本小店！必食原條微焦蒲燒饅魚定食！】- 東京食堂

喺尖沙咀鬧市中，居然有間超隱世日式街坊小店？隱藏喺小巷自成一角嘅寧靜小店東京食堂，舖頭座位數唔多，但係都吸引咗大量食客排隊！餐牌大部分都係日式定食，lunch最低$4x 就有交易，性價比高又抵食！不得不提呢度嘅原條蒲燒饅魚，表面微焦，燒汁入味，魚肉厚身，口感彈牙，絕對必試！如果唔想食成條，亦都可以叫半條試下，再留肚食其他日式小食！ ▲ 原條蒲燒饅魚 ($128) : 鰻魚燒得恰到好處，咬落去軟綿綿，同鰻魚燒汁配合得宜！ ▲ 鐵板牛舌 ($46) ：牛舌都幾香口，配埋檸檬汁酸酸甜甜，好夾！ ▲ 大阪燒 ($108)：都唔錯，材料豐富，中間有蔬菜和煙肉！ ▲ 燒棉花糖 ($20)：燒到燶燶地，好甜，好適合做甜品！ ▲ 蜜糖一口甜薯 ($20) : 小蕃薯嘅香甜配上蜜糖嘅清甜，日本餐廳必食小食之選！文字來源：香港人遊香港 / 圖片來源：＠not_eat_nw_wind、＠crabslife150、@foodcoholic_hk...

Sign Up