阿智村位於長野縣西南部,每逢4月中旬至5月中旬,村內國道256號沿線周邊就有多達1萬株嘅花桃樹,被譽為「日本第一的桃源鄉」,花桃祭期間更推出夢幻嘅夜間點燈時段,日與夜各有風味! ▲花桃樹係由一般果桃樹變種而來,花色有白、有紅、有粉,比櫻花或梅花盛開時更加艷麗動人。 ▲每逢花季更會舉辦「花桃祭」,可以買到各種喺信州流傳嘅特產,或者係同花桃有關嘅特產,甚至連花桃樹樹苗都有得買! ▲欣賞完美麗嘅花桃之後,仲可以轉移陣地去月川溫泉鄉或者昼神溫泉鄉浸下溫泉添! ▲除此之外,阿智村仲以優美嘅星空著稱,係「日本最能見到璀璨星空地點」第一名,根據不同嘅季節而有不同嘅觀星團,由海拔1,400公尺嘅山頂望向一片星海,再加埋花桃祭特別推出嘅夜間點燈時段,非常浪漫! 阿智村 地址:〒395-0304 長野縣下伊那郡阿智村智里網站:http://hirugamionsen.jp/activity/hanamomo 文字來源:香港人.歎世界/圖片來源:_m_ms_diary、musasi0701、互聯網、http://hirugamionsen.jp/...
日本成日都會舉辦不同嘅大型食品展覽,邀請唔同嘅餐廳擺攤位,以肉食為主題嘅「肉フェス TOKYO 2018」就將於4月27至5月6號喺台場舉行!想一次過食晒唔同名店嘅肉料理,就千其唔好錯過喇! ▲每年都舉辦嘅「肉フェス TOKYO 」雲集多間肉食名店攤位,不收入場費,只需買食券就可以係場內各個攤位換領食物! ▲肉食種類繁多,有漢堡扒、燒肉、炸物、慢煮肉等等,全部都係各知名餐廳嘅拿手肉料理。 ▲除咗肉食,現場仲有甜品同啤酒供應添! ▲食野之餘,記住不忘欣賞埋表演呀,呢度每日不同時間都安排咗不同嘅樂隊在場演出,有興趣可以上番官網睇番佢地個時間表㗎! 「肉フェス TOKYO 2018」 期間:2018年4月27日-5月6日時間:10:00-21:00会場:東京都江東区江東区青海1-1-16「お台場特設会場 お台場青海地区P区画」 文字來源:香港人.遊香港/圖片來源:互聯網...
最近日本Instagram入面充斥著好多唔同嘅盆景相,睇真啲原來係甜品黎架!賣相相當精緻,難怪可以吸引咁多人慕名去打卡,地點就係港人常到嘅原宿區域,大家有機會都不妨去打一打卡啦! ▲位於日本原宿嘅「鶴亀樓」其實係一間居酒屋,但近期佢地推出咗幾款「盆景芭菲」而大受歡迎!鶴亀樓嘅裝潢本身已經充滿和式風味,唔只運用咗大量木材,就連屏風都印上日本風情嘅圖樣。 ▲抹茶芭菲(800円 未連稅)抹茶芭菲配上香甜嘅紅豆,另有原條雪條加迷你鯛魚燒,和風味十足,賣相爆曬分! ▲朱古力芭菲(800円 未連稅)大量朱古力雪糕同Cream加上一大片蜜桃,再配上幾條朱古力餅,和式外表配搭西式味道,卻沒有一絲違和感。 ▲雜莓香蕉芭菲(800円 未連稅)買種水果包括藍莓、士多啤梨、桃同香蕉,配上七彩嘅糖粒,少女味濃! 鶴亀樓 (已結業) 地址:東京都渋谷区神宮前4-27-2電話:03-5413-3947 文字來源:香港人.歎世界/圖片來源:互聯網...
喺東京都可以嘆到正宗台灣素食?健福主打台灣素食,雖然位於消貴較高嘅六本木區,但係佢地嘅素食套餐相當之經濟實惠,而且味道仲好好,性價比超高! ▲健福係六本木之丘附近唯一一間可以食到地道台灣素食料理嘅餐廳,由地下鐵日比谷線嘅「六本木」車站A1出口徒步約5分鐘即可到達。 ▲雖然六本木周圍都係高級嘅店舖,但係同樣身處該區嘅健福則以「又平又好食」而知名!午餐平均只需980 Yen就可以食到,性價比相當高。 ▲怕日本素食放蔥蒜的人也不用擔心,健福素食店嘅老闆係食素嘅台灣人,呢度嘅「素食」主要係指包含肉、魚、蛋類,甚至係氣味較濃烈嘅韭菜、大蒜等食材都唔用嘅素菜料理。 ▲人氣午間套餐分別有「青椒肉絲」、「回鍋肉」、「糖醋排骨」、「麻婆茄子」等等,有機會一定要試下喇! 中一素食店・健福 地址:東京都港区西麻布3−1−22 SAI BUILDING 4FL 文字來源:香港人.歎世界/圖片來源:互聯網...