[駐場博客小牛牛快樂行山郊遊相集by Chan Keung]新春趁住有幾天假期,除咗拜年之外,最好嘅活動梗係行山郊遊啦! 可惜呢幾天氣潮濕又大霧,登高攻頂冇著數,上到山頂白濛濛一片冇野睇不特止,仲好易迷路添。所以今次同大家短走一轉陰澳灣、鹿頸灣、長索。 春節假期,本來打算登高減減壓,可惜潮濕大霧,爬到上山頂又無野睇,路况又濕滑,都係精選短線比較好啲。 首先坐地鉄到欣澳站,出閘向前走幾十米,就見倒石堤壩,呢度就係起步點, 沿堤壩左面行,一直走十分十幾分鐘後,就到達盡頭,右轉入山徑,都係水泥路,一直走,好快就見到一個小石灘,靠近岸邊有多嚿浮木,有鐵鏈綁起半浮沉在水面上,呢度係龍友拍攝熱點。打完卡後就正式進入鹿頸村,呢度有村民養咗5~6隻唐狗,守住家園,不過唔洗擔心,佢哋好温純,直行渡過就可以了,再一直走就到達鹿頸小碼頭,經過小碼頭會走到一個連沙洲,呢度有啲似馬屎洲,鴨脷排,不過呢度比較細, 如果一直沿石灘邊繞過去,就到達長索,如果走到尾段就到達長索咀,呢度仲有一座小燈塔, 但係路況十分崎嶇小編唔建議大家冒險就過去探索呢個小燈塔呢! 其實喺連沙洲旁邊,仲有一條小路, 可以綑邊到達鹿頸灣,  如果唔想綑邊可以沿路折返,走到小型燒烤場,一樣可以到達鹿頸灣, 呢度係一個小沙灘 ,裏面部分佈滿垃圾,同埋有一啲畀人遺棄嘅獨木舟,一啲水上設施。 響呢度打完卡之後,就原路返回欣澳站,完成今次旅程, 全程約6公里,需時約3.5小時 注意事項:⚠ 踏上浮木必須小心⚠ 部分路段需要繞過海邊走,貝殼鋒利 須小心被刮傷⚠ 鹿頸村内飼養了五/六隻唐狗,性格 溫純,不用擔心⚠ 愛護郊野清潔人人有責,自己垃圾自己帶走 ▲陰澳灣有ㄧ排ㄧ排的浮木大部份都綑綁在ㄧ起這裡是龍友到此取景的熱點 ▲鹿頸村連接長索的連沙洲外型跟馬屎洲、鴨脷排極為相似 ▲陰澳灣海上浮木具香港小有特色 ▲隨風飄揚搖曳不停的狼尾草名字相信是取其外型 ▲鹿頸灣小沙灘環境優美可惜從潮汐帶來不小垃圾 ▲鹿頸村小碼頭旁邊棄置的木材 ▲鹿頸灣沙灘旁邊是小叢林充滿原始風味...
之前網上睇到呢個島既介紹,完全唔認得係香港黎,仲以為佢係日本乜乜島,係位於香港大嶼山東北的一座無人島-長索島,潮退時候,隱沒於海中沙堤便會呈現眼前,就由鹿頸村步行登島。小島高僅三十米,整個小島用一個多小時即可完成環島綑邊行(沿海岸邊而行) 注意:⚠沿路並沒有補給,宜備足夠糧水。⚠西北島角的燈塔附近有高崖,需要攀爬,相當耗體力,請量力而為。⚠如想經沙堤登長索島,請預早留意天文台潮汐漲退時間及預早返回鹿頸。 ▲出發前記得睇定潮漲潮退時間呀! ▲夕陽西下,斜陽映照令小島呈現金黃色,真係好迷人。 ▲村民以農業、漁業、伐木業為生。現時漁村僅餘下數戶以老年人為主的人家。陰澳灣殘留的梅花椿。 ▲成日搭車入東涌/機場都經過呢個地方,真係好寧靜好美麗。原來欣澳簏頸村係大嶼山東北部僅存的一個小漁村,數十年前曾經有數百戶居民。 ▲一到假日就有唔少遊人黎長索島遊玩。 ▲成日睇旅遊書都見到類似既景色,估唔到香港都有。 長索島 建議路線(1)去程/回程:荃灣乘96M小巴往青龍頭,青龍頭再乘往鹿頸街渡。(街渡查詢:9318 6461鍾先生) 建議路線(2):欣澳站→陰澳篤→鹿頸村→長索→鹿頸→陰仔灣→打棚埔→欣澳站...