呢間位於荃灣新開嘅台式小店,店內走簡約風設計,透過木系色調配上粉紫色,裝潢充滿少女心~必試小店招牌芋泥紫薯,兩種餡料口感軟糯、綿密,帶些少微甜,好吃又不膩。另外個肉鬆芋泥就更適合小編啦,微甜的芋泥配上鹹香的肉鬆味道非常合拍。怕齋食吐司唔夠飽?試埋個台式魯肉飯配溏心蛋,魯肉飯肥而不膩,肉香四溢,再咬一口溏心蛋,半熟透有流心效果的蛋黃,再啜一口珍珠奶茶,簡直完美!鍾意食台式小食嘅你不妨一試! ▲台式魯肉飯配溏心蛋、甜不辣(午市價錢:$75),配埋一杯自選珍珠奶茶。溏心蛋非常出色,半流心質感咬落滿滿幸福感!仲有炸嘅甜不辣,好有咬口~ ▲芋泥肉鬆吐司($40),滿滿嘅芋泥和紫薯餡夾心,睇落感覺非常夢幻,食落口感順滑帶有小小甜,食曬兩舊都完全唔覺得膩~ ▲芋見紫薯吐司 ($45),鬆脆的肉鬆配上軟腍腍的芋泥餡,呢個味道非常豐富,帶有鹹味嘅肉鬆配上芋泥,口感和味道非常合拍~ ▲招牌炭焙烏龍珍珠奶茶(圖左:$35),奶茶充滿甘香烏龍茶味配上口感 蔫韌的珍珠,甜度恰到好處!茉莉綠茶(圖右:$23),keep fit嘅你揀呢杯就啱啦,味道一點也不遜於珍珠奶茶,啖啖茉莉香味而不苦澀~ 文字/圖片來源:香港人遊香港...
呢間位於荃灣的燉湯店好有在家食飯嘅感覺,主打熱辣辣的燉湯和客飯,而且所有一系列養生有益的藥善燉湯都由店主的中醫爸爸提供配方,補身啱晒。燉湯有針對不同功效,好似准杞圓燉日月魚具有保肝益腎、清肝明目和改善視力眼乾功效,原盅燉湯湯頭清甜,仲非常足料。另外呢度既籠仔蒸飯都好惹味,好似蒜香開邊蝦蒸飯,蝦的數量不少仲啖啖飯都有蒜蓉香超香口,份量夠大份足夠細食嘅人2人分享。 ▲蒜香開邊蝦蒸飯($58),籠仔蒸飯份量足,細食嘅話可以2人分享。蝦比較細隻但啖啖飯都有蒜蓉香好惹味。 ▲七味椒鹽魚豆腐($38),豆腐外脆內軟椒鹽味重,適合配飯食。 ▲淮杞圓燉日月魚($58),燉湯味道清甜,非常足料。具有保肝益腎、清肝明目和改善視力眼乾功效。 ▲寧神益智助眠湯($58),具有寧神定驚和改善失眠功效,非常適合繁忙緊張香港人飲用。 四季湯館 地址:荃灣大壩街5-7號仁蕙苑地下06號舖 電話:9061-9012 營業時間:11:30-22:30 文字:香港人遊香港 / 圖片:香港人遊香港、四季湯館...
荃灣區餐廳轉得都幾快,不過有一間位置唔係上佳既港式雲吞麵做左10幾廿年,全因出品啱街坊口味,佢地既雲吞,冇因為希望嘩眾取寵地包到好大,一粒擺入口到啱啱好!而雲吞麵湯底,係用曬乾蝦殼、大地魚、白豆、陳皮等材料熬幾個鐘,可以話係正宗傳統港式味道。 ▲會做即炸鯪魚球既麵店比較少,鯪魚球一碟有8個,粒粒都好似乒乓波咁大,所配蜆芥既薑絲、蔥絲同蜆都好足料。鯪魚球炸得金黃香脆,食落都幾彈牙! ▲水餃麵,蝦肉比例相稱,內餡蝦肉彈牙,加上豬肉、筍、木耳唔會好膩,而且水餃皮薄而不爛,真正皮薄餡靚! ▲一碗雲吞麵有六隻雲吞,不過就唔係好大粒。 ▲爽滑鯇魚皮,魚皮到半生熟都幾考功夫,要做到又爽又脆又滑都幾難得。 彬記粥麵專家 地址:荃灣大陂坊6A號地下電話:24140670營業時間:14:00 – 01:30 文字來源:香港人遊香港/圖片來源:@rt_foodies、@stelliewong、@rayhowm、@mydailyfoodhk...
今個十月Emack & Bolio’s推出期間限定雪糕裝飾與你狂歡萬聖節!萬聖節可能是一年中最令人毛骨悚然而又充滿樂趣的一天,而雪糕界的著名品牌Emack&Bolio’s宣佈將由10月18日起至31日期間於全港4間分店推出萬聖節限定的雪糕裝飾,希望為所有雪糕愛好者、一家大小和朋友帶來視覺及味覺的雙重震撼,一同狂歡萬聖節。 ▲Emack&Bolios將由10月18日起至31日期間於全港4間分店推出萬聖節限定的雪糕裝飾 ▲之前亦有期間限定月兔雪糕特別雪糕 ▲希望為所有雪糕愛好者、一家大小和朋友帶來視覺及味覺的雙重震撼 ▲購買兩球任何口味的雪糕,配上指定特色脆皮雪糕筒款式,便可選擇並免費獲贈兩款萬聖節雪糕裝飾。 Emack&Bolio’s地址: 中環閣麟街26號地舖尖沙咀美麗華廣場1期地下G38 號舖灣仔利東街囍匯地下G09及G10號舖荃灣荃新天地1期UG19號舖 文字來源:香港人.遊香港/圖片來源:Emack&Bolio’s...
荃灣新村街擁有兩間荃灣最具名氣的茶餐廳,除左嘉樂冰廳,仲有呢間茶餐廳,好多人黎呢度都會叫常餐食,所配既火腿燴意粉或叉燒意粉,番茄汁甜酸度都剛好,汁唔算多勝在夠濃,燴既係粗意粉,同平時食有d唔同! ▲抵食午餐包括牛油多士、叉燒意粉同火腿煎蛋($35) ▲特餐($36)有牛油多士、餐肉通粉、火腿奄列,而餐肉通粉用上圓罐餐肉切上一整片。 ▲秘密食法仲有用常餐既半生熟荷包蛋拌入燴意粉,意粉除左掛上番茄汁外,仲有包上一層薄薄蛋漿! ▲鮮茄牛飯($45) 蘭香茶餐廳 地址 :荃灣新村街36號地下電話:24987509 文字來源:香港人.遊香港/圖片來源:@bbuunnnnyy、@gniyuis、、@wahdiu_lasing、@foodie_corgi...
食肉獸召喚🍖🤭!荃灣呢間餐廳最近就推出咗個期間限定嘅肉類大戰自助餐,有齊黑毛豬同埋和牛任食,價錢都只係300幾蚊,絕對超值,當中有超過十五款都係主廚特別為呢次肉類大戰炮製,必食酥皮黑毛豬、和牛壽司及黑毛豬肉骨茶,回本之作又點少得任食生蠔,生蠔全部都係嚟自法國,新鮮好味!一於去食餐勁! ▲召喚食肉獸們! ▲Anchors以優質黑毛豬及和牛烹調嘅特色佳餚作為期間限定主題 ▲有超過十五款期間限定肉類菜餚,另外仲有海鮮盤同生蠔任食 ▲和牛經過長期分隔及交配,繁殖出專門品種,食落極具風味 Anchor’s Seafood and Beer House 地點:荃灣油柑頭青山公路汀九段123號汀蘭居地下電話:29451138 文字來源:香港人.遊香港/圖片來源:香港人遊香港...
鐘意食台灣野既朋友唔可以錯過呀!荃灣呢間台食店又有芋圓甜品食,好多人食完肉燥飯都會叫返個黑糖芋圓仙草凍2號share食!黑糖芋圓甜品有齊仙草、芋圓、紫米、綠豆,糖水底更加入左鮮奶同涼粉,甜而唔膩,而芋圓同珍珠口感都非常煙韌,令整個糖水的口感大大提升! ▲主廚紅燒牛肉麵$68 紅燒牛肉湯底濃郁,牛肉鮮味十足,麵條掛上湯超好味!牛肉亦煮得超稔,而且份量不少 ▲台式肉燥飯$35 肉燥飯肉汁好味,肉香味濃,肉粒肥美,明顯烹煮時加左紅蔥頭爆香! ▲黑糖芋圓仙草凍2號$38,有仙草、芋圓、紫米、綠豆及黃蕃薯芋圓、紫薯芋圓同芋頭芋圓。無論仙草或芋圓,都煮得岩岩好呀! ▲黑糖芋圓鮮草凍$33 滿滿一大碗好足料!除配料之外,黑色都係仙草黎,食哂一碗都好飽。 叁茶陸飯 地址:荃灣青山公路388號中國染廠大廈中染新城1樓117號舖電話:23501638營業時間:11:00 – 23:00 文字來源:香港人.遊香港/圖片來源:@nyukshan、@lybosa、@daniel_yu、@oovikioo...
好滋補~ 椰子雞湯功效一直被認為係女性的滋補佳品,可以益氣養血、美容養顏,位於荃灣嘅呢間火鍋店新出夏日限定優惠,由即日起至5月15日,椰子雞湯鍋只需$98,湯鍋以原個椰青水去煮雞,雞肉變得更加清甜😋,有益又好食! ▲由即日起至5月15日,椰子雞湯鍋只需$98 ▲手切頂級安格斯牛肉 ▲珍寶帶子海膽漢堡剌身 ▲食物新鮮,佐料餐具齊全,淨係湯料都足料入晒味 常滿雞煲火鍋 地址:荃灣二陂坊25號地下電話:25682229時間:17:30 – 02:00 文字來源:香港人.遊香港/圖片來源:常滿雞煲火鍋...
賣雞蛋仔😋 叫就叫做茄子的店,但小店原來唔係賣茄子,而係賣雞蛋仔👅!雞蛋仔全部都係選用日本雞蛋,蛋味特別濃,而佢哋仲成日推出口味嘅雞蛋仔,例如午餐肉、石板街、蜂蜜夾心‼️夠哂新鮮感‼️另外仲有好hit嘅梳乎厘班戟👅 ▲格仔餅好食,外脆内軟,可隨意加朱古力醬、花生醬、-楓糖漿或煉奶。 ▲醬爆蜂蜜夾心雞蛋仔每一粒都有呢個醬爆蜂蜜係入面 ▲午餐肉夾心雞蛋仔,大家試過未呢? ▲小店亦有供應梳乎厘班戟 茄子的店 地址:荃灣千色匯一期地下G024號鋪電話:2950 0238時間:12:00 – 21:00 文字來源:香港人.遊香港/圖片來源:茄子的店...
有任食生蠔! 荃灣呢間餐廳一直以270度海景自助餐打出名堂,最近佢哋仲出咗逢星期六日嘅Weekend brunch Buffet😍,其中要數回本首選一定係任食法國生蠔,生蠔係屬於芬大奇生蠔,肉質爽口,裙邊味濃彈牙,再加上鱈場蟹腳🦀,好滿足,同場當然仲有唔同熱食同甜品,係呢個超靚海景旁邊過一個Happy Weekend! ▲Anchor’s推出週末自助早午餐,各準備多款海鮮及中西美食 ▲大家可以係270度海景旁享受Weekend Brunch Buffet ▲餐廳特別呈上來自法國的生蠔,保證大家回味無窮 ▲除咗海鮮生蠔,餐廳亦有供應其他熱食 Anchor’s Seafood 地址:荃灣油柑頭青山公路汀九段123號汀蘭居地下訂座及電話:(852) 2945 1138價錢:成人$351 、小童 $175,另收加一 文字來源/圖片來源:香港人.遊香港...
荃灣呢間西餐小店最近就整咗個Balloon Set Dinner!除咗基本嘅前菜主菜之外,最特別嘅就係氫氣球甜品🎈氣球外層其實係以粟粉、魚膠等製成嘅糖漿,泵入氦氣後,只需輕輕一吸,你就可以即刻變聲,啱晒拍片打卡📷 ▲刺身三文魚凱撒沙律 ($72) 三文魚好肥美,魚味濃,好食!沙律菜好新鮮爽口,仲灑上咗蟹子,全部撈勻一齊食,正! ▲我地叫咗個晚餐,餐前小食 Hygge炸洋蔥圈 洋蔥切得好幼細,炸漿亦夠薄,夠脆身,重點係唔油膩!附送嘅黑醋牛油果醬同埋松露蛋黃醬好好味,個人特別喜歡牛油果醬,令到洋蔥圈感覺更清新,而松露沙律醬係即點即製,散發住淡淡嘅松露香,建議如果點唔晒啲醬可以留嚟搽麵包食! ▲餐湯係磨菇湯,可以食到粒粒蘑菇粒,一舨蘑菇湯都非常杰身,呢度就算適中,唔會太稠。 ▲美國安格斯T骨牛排 ($388) 牛排配菜好特別,係中西合壁,有秋葵、粟米仔、西蘭花同木耳。安格斯T骨扒好大塊而且厚身,邊邊煎得香脆,肉味算濃,加埋啲牛脂一齊食,可以感覺到牛油係你口入面打轉,好味道!不過建議唔好點太多汁,因為有少少咸同埋會搶左牛排嘅油香。 ▲飲品方面就點咗 柚子蘋果沙冰同蜜桃檸檬梳打 (各$56) 沙冰打得好幼滑,味道偏甜,柚子味比蘋果味更突出,愛甜嘅朋友應該會好喜歡,對比之下梳打味道較淡,蜜桃果漿係底、攪拌後會有淡淡蜜桃香,感覺好Fresh。 ▲最後我地叫咗個藍莓芝士餅 ($68) 做甜品,蛋糕上枱之前店員仲會俾一個氫氣球你,原來係食得㗎!用力一吸你就會即刻變咗minions聲 (因為入面泵咗氦氣),記住準備手機錄片,因為實在太好笑啦,哈哈!爛咗嘅波波其實就係糖漿,可以成個食咗佢,真係食得又玩得呀!而真正甜品芝士餅細細件,口感紮實,入口順滑。 Hygge 地址:荃灣荃灣大壩街5-7號仁蕙苑地下3-4號舖供應時間:星期一至日 12:00-23:30 文/圖片來源:香港人.遊香港...