位於中環較偏位置的隱世Cafe風格別具特色!在Cafe外已經可以看到掛滿杯子的玻璃窗,外牆色調文藝感十足!而店舖入面更加充滿Vintage感覺!整間Cafe播滿由黑膠機傳出的RocknRoll音樂,店內在裝潢和擺設上都花了不少心思,有很多復古氣息的黑膠唱碟、海報、衣服和古董等。
位於屯門碼頭嘅小茶角,主打牛角包為主,特別之處是會以牛角包crossover burger, 牛角包入面配上唔同餡料,入口口感豐富。最出名嘅「屯門牛」更加係大家嘅首推!小茶角亦提供手調飲品,飲品選擇比想像中多。店舖細細,位置唔多,大概只有10-12個位,所以想食都可以早啲嚟買!店舖內有部分位置對住海景,一邊望住個海,一邊食牛角包,真係好chill好relax! ▲ 屯門牛 ($45): 牛角包夾住煙肉、蛋、磨菇、芝士同蕃茄,份量好足! ▲ 牛角包食落非常之鬆脆,亦好飽肚,高分推介! ▲ 牛魔王 ($62):厚厚嘅牛肉同滑蛋,再加芝士, 牛肉咬落好juicy,配合配菜唔怕太油膩! ▲ 單骨雞翼 ($28): 超惹味嘅雞翼 !食落去係濃濃嘅椒鹽味道! ▲ 醉藍星空 ($33)(左) :呢隻藍色真係好靚好清新!打卡一流,味道唔會太甜! 抹茶拿鐵加珍珠 ($31) (右):幾香濃,珍珠亦好彈牙! 文字來源:香港人遊香港 / 圖片來源 :@ling.thefoodie、@momoleunglky...
大坑呢個小社區隱藏左唔少特色個性小店,就好似呢間有兩公婆開設烘焙小店,主打法式烘焙高質麵包,以牛角包、肉桂卷等酥品做皇牌。店主更加係法國實習,將法國正宗做麵包手法帶回香港!呢度出品牛角包,人人食過都大讚!牛角包牛油濃香,表面夠脆,而且內裡呈蜂巢狀,極其鬆軟! ▲士多啤梨口味牛角包同樣吸引,層次分明,咬一啖奶香四溢,加上淡淡十多啤梨果醬。 ▲杏仁味牛角包,牛角包法國貴族係昔日專享,其香氣全球foodie愛好,呢度既牛角包呈尖頭狀。牛角包以發酵牛油製作,其香無比。 ▲切開牛角包橫切面,就會見到蜂巢狀切面 ▲Raisin Snail($25)提子包 ▲Plumcot Brioche($28)/ Raisin Snail($25)兩款都係經典麵包款! ▲小店主售傳統法式包點,非常高質! 文字來源:香港人遊香港 / 圖片來源:@jovielam、@bz_foodie、@dr.dannychow、@g_love2eat、@gozgozgoz、@phileep16...
小編發現韓妹真係好鐘意食麵包,最近首爾狎鷗亭巷子有間法式麵包居然大排長龍,為既係呢個打卡一流既藍莓乳酪牛角包,加上法式的裝修,一秒飛左去了歐洲!呢間麵包店都係以深黑色高尚設計,店鋪出面放左幾張竹編椅子,感覺雅緻精緻,天氣良好仲可以坐係店外同朋友一邊享受陽光一邊吃下午茶。麵包都係高質出品,各式各樣牛角包出烅後飄出陣陣香味,再淋上yogurt根本係視覺享受,外賣包裝麵包仲會感覺高尚既用黑色紙袋,再上面夾個小鐵夾,超風格方式成為招牌特色! ▲店內空間比較小,除去麵包架只有八人座位,天氣好既可以坐出面既竹編椅子! ▲除左招牌藍莓yogurt牛角包之外,仲有好多款其它麵包!有杏仁牛油牛角包、朱古力牛角包、香草牛角包等也是大家大推麵包,味道又正宗又好食! ▲店內飾品櫃都係人氣麵包既模型,就咁睇以為佢係高貴既名牌手袋! ▲麵包師傅用最高級法國牛油、麵粉製作麵包,烤焗出來帶着滿滿的牛油香。藍莓乳酪牛角包以大理石紋理最為吸睛,係打卡必點。 ▲杏仁黃油牛角包,一片香脆杏仁加上酥軟牛角包,咀嚼中體驗舌尖飛舞 ▲士多啤梨牛角包,牛角包夾雜超多士多啤梨,牛角包通常都有盒子裝住,方便外賣唔會壓扁。 ▲外賣會用個黑色大袋裝住,加上銀色小夾,以免途,麵包翻出黎,呢個安排都幾貼心。 버터풀앤크리멀러스(Butterrful Creamorous) 地址:서울 강남구 언주로172길 59 1층營業時間:1100-1800 (麵包售罄會提前關門),星期日休息 文字來源:香港人遊香港/圖片來源:@butterfulbakery、@hyeerim、@ujeong.lee、@buggy_manachai、@yezeeing...
呢間黎自法國巴黎既過江龍,被華爾街日報評選係法國巴黎牛角包,2016年就係台灣開店,除左牛角包之外,仲有好多歐式/法式麵包、bagel、千層肉批、法國多士等。所用麵粉原料都係由法國空運到海外分店,去到日本更擁有史無前例既人氣,一日仲可以賣出1000個以上!呢個品牌大膽創新,佢地將法國傳統牛角包結合無比既創意,加入唔同形態、唔同口味,佢地即將登陸香港喇,到時唔知又要排幾耐隊喇! ▲作為品牌既皇者牛角包﹐隻隻呈金黃色澤,原來用左急速冷凍麵團技術,呈現出層層麵團完美口感。 ▲黑芝麻牛角包,香濃既芝麻內餡香氣滲透。 ▲雲呢拿牛角包 ▲紅莓牛角包 ▲綠茶紅豆牛角包 ▲多款期間限定產品 Gontran Cherrier 地址:尖沙咀梳士巴利道18號 K11 Musea 開幕日期:預計2019年9月中 文字來源:香港人.遊香港/圖片來源:@eaublue、@petite_foodie、@lefooding、@yushijujin0800、@oradidolce]]>...
係香港地要食梳乎厘,一係就去高級酒店,一係就要去傳統西餐廳,不過都未必做得最好,大坑轉角呢間餐店主食同甜品Menu,小編係ig 睇好多甜品都特別加上 花蝴蝶做裝飾,少女味道出哂黎!薑汁梳乎厘很特別,梳乎厘岩岩出爐發到好高,加埋暖心薑汁自己淋上去配搭非常特別! ▲薑汁梳乎厘($138),薑汁同梳乎厘原來都幾夾!雪糕就係酸酸甜甜雜莓味!雪糕下加了仲有脆脆crumbles ▲蘋果金寶底層有甜蘋果,之後中間既係牛油、麵粉同糖混合粉團 ▲窩夫熱辣鬆脆,個餅卻好軟熟,又有豐富蛋香,加埋小編最愛Oreo冇得頂 ▲珍寶龍蝦仔牛角包,鬆軟既牛角包夾住滿到就黎瀉嘅龍蝦仔牛角包,龍蝦仔非常好爽口彈牙! The Pudding Nouvea 地址: 銅鑼灣京街17號營業時間: 12:00–23:00電話: 3585 7325 文字來源:香港人.遊香港/圖片來源:cherlili、sillysillya_foodie、cheriewsh、gg_ange...
深受台灣人歡迎嘅八月堂主打蜂巢牛角包,切開後呈蜂巢狀,喺台灣人被被稱為「殿堂級牛角包」,材料用上歐洲頂級牛油、日本麵粉同埋ISO認證雞蛋,質素有保證,而且八月堂仲會不時推出期間限定口味,例如三色派對牛角包、黑糖麻糬牛角包及焦糖布丁牛角包等等,最近八月堂香港Facebook專頁宣佈,九月中即將於香港開店!牛角包粉絲唔好錯過啦! ▲八月堂有「殿堂級牛角包」的美譽,主打蜂巢狀牛角包 ▲八月堂有「殿堂級牛角包」美譽,牛角包外表漲卜卜 ▲曜黑胡麻:用上黑芝麻的麵團,咬下有香濃的芝麻醬,可以話由外到內,再由內到外,都充滿芝麻味道! ▲不時推出期間限定口味,鍾意食牛角包嘅朋友仔不妨期待下! 八月堂 開幕:預計9月地址:香港康怡廣場(南)AEON STYLE 康怡 G11 文字來源:香港人.遊香港/圖片來源:五十咩、台南女孩凱莉...