都會海逸酒店西餐廳於三至四月份隆重推出「環宇百味匯海珍」海鮮主題自助晚餐!除了有齊即開生蠔、熟凍蝦、藍青口、小龍蝦、雪花蟹腳、翡翠螺與熟龍蝦等海鮮之外,同時亦有多款廚師團隊悉心炮製的海鮮熱葷。特別推介菜式包括充滿東南亞風味的龍蝦三重奏,分別以韓式泡菜、中式爆炒及泰式咖哩煮成的龍蝦,每款都好惹味,同時有不同的滋味。推介菜式還有香草忌廉汁煮藍青口,利用白酒、牛油及新鮮香草,令藍青口鮮味更突出。
這間意大利百年經典品牌,剛在北角開了第4間分店。餐廳裝修以意大利佛羅倫斯的春季象徵「紫藤花」為主題,田園風的佈置,一串串紫藤花組成的紫色長廊,打卡一流!食物方面,主打經典意大利菜,必食推介是西西里島海鮮沙律配經典意式油醋汁,有帶子、海蝦、青口、八爪魚及紐西蘭鑽石蜆,食材超豪華,新鮮味美!
外賣邊爐都係唔少人在家抗疫嘅選擇嚟,呢間海鮮外賣專門店主打全世界不同海鮮,包括日本、美國、蘇格蘭、加拿大、俄羅斯等地的龍蝦、活鮑魚、象拔蚌、帶子等。用家仲可以提出處理要求,例如切片、打魚鱗、去骨、開邊等都可以預先處理好。而且為了安全更會使用美國食用級慮水器淨水清洗。專門店有不同人數的套餐選擇,有選擇困難症嘅人仲可以叫個「貓哥發辦」由店舖幫手決定,分分鐘有驚喜。 ▲超豪華阿拉斯加蟹套餐($2388/2人份) :包括阿拉斯加蟹、波士頓龍蝦、南非活鮑魚、日本大元貝、沙巴龍躉、鬼蝦和貝貝福袋。 ▲阿拉斯加蟹夠大隻。 ▲加拿大象拔蚌可預先切片。 ▲鄉村上之西與加餐($4688/4人份) :包括頂級西澳龍蝦、加拿大象拔蚌、南非活鮑、東星班、蘇格蘭聖子王/日本大元貝、貝貝福袋。 ▲日本元貝大隻新鮮。 ▲東星班可預先切片。 ▲一天前下單,每晚19:00截單。滿$1000免費送貨。提供Bruno/Tefal租爐服務。 小貓釣魚 海鮮外賣速遞 網址:https://m.facebook.com/catchya.seafood/電話:9048-3175 文字:香港人遊香港...
海鮮控注意啦!東涌天際萬豪酒店最近重開自助餐,自助餐提供不少冰凍海鮮和刺身。除了每晚也提供生蠔、鱈場蟹腳、麵包蟹、牡丹蝦刺身、藍青口、翡翠螺和海蝦,星期五、六及日更有波士頓龍蝦、上湯龍蝦鉗、鮑魚汁扣海參,全部都係回本之選。女士們食多幾舊海參美顏之外,更可以食多兩碗「平民燕窩- 紅棗燉桃膠」,同樣有排毒、美顏之用。 另外搵緊Staycation朋友留意!由即日至2020年8月16日,單次消費滿HK$500或以上,即可獲得住房禮券乙張,可考慮食完自助餐即時入住酒店,房價有50% Off,仲可以免費房型升級和延遲退房至下午三點的升級禮遇。而未能即時入住酒店朋友仔,亦可於14日內以50%折扣預訂「Breakfast Delight」房間套餐 (預訂代碼:S4B),每張券可最多連續入住3晚。 81折買自助餐:按此 自助餐熱食方面,有「香煎鵝肝」、由正宗印度人煮的「印度咖喱」和「印度烤餅」、「牛肋扒」、「沙參玉竹燉湯」、「上湯龍蝦鉗」、用大澳蝦糕製作的「蝦醬蒸豬腩肉」等。 刺身方面包括三文魚、吞拿魚、牡丹蝦、鯛魚、八爪魚等。而必食甜品則有炸鮮奶、即叫即整pancake及六款不同口味的Haagen-Dazs雪糕 ,當中更包括最新推岀的哈蜜瓜和芒果口味。 ▲波士頓龍蝦充滿蟹膏。 ▲加拿大鱈場蟹腳肉質鮮甜。 ▲必食印度烤餅,非常薄脆,有入口即溶感覺。 ▲海鮮有波士頓龍蝦、新西蘭生蠔、加拿大鱈場蟹腳、麵包蟹、牡丹蝦刺身、藍青口、翡翠螺和海蝦等。 ▲沙參玉竹燉湯:有益氣生津、清心潤肺等功效,飲落清甜無味精,藥材味不重。 ▲鮑魚汁扣海參:海參絕對是高營養價值的海產,每次都好快就被食客清空。 ▲上湯龍蝦鉗:唔使慢慢拆肉,而且太大啖肉,必食之選! ▲蝦醬蒸豬肉腩:用上本地大澳嘅蝦醬 ▲香煎鵝肝:鵝肝兩面都煎香,有外脆內嫩的口感 ▲平民燕窩- 紅棗燉桃膠:糖水味道超級清潤,好養生!小編就食了三碗,但要注意不是人人都合適飲用,有腎病的朋友不宜飲用喔。 ▲另一回本之選,Haagen-Dazs 雪糕,而且最新嘅芒果和哈密瓜味都有! ▲甜品種類亦好多,而且非常有創意。 ▲加$138自由暢飲紅白酒及啤酒。 文字 / 圖片:香港人遊香港...
召喚串燒控!呢間位於銅鑼灣既串燒專門店,有唔同串燒放題套餐比你揀,食物種類都眾多,任燒多款時令海鮮+串燒,選擇超過50種!海鮮包括鮑魚、海蝦、海蜆、扇貝、象拔蚌、蟶子、生蠔,海鮮會提供個爐比你慢慢燒,而其他肉類及蔬菜串燒就有師傅燒埋俾你!呢間串燒專門店有提供學生8折等優惠,仲多次支援有需要手足,良心小店值得支持! ▲不串不散由下午茶時段開始,提供唔同套餐既串燒,最基本收費$128,不過就需要6點前入座,肉類同蔬菜串燒由廚房燒好。 ▲磯燒流水蝦+串燒放題($168/位-下午茶時段;),提供一個爐比你任燒流水蝦! ▲晚上最多人追捧都係磯燒6款海鮮+流水蝦+串燒放題($338),時令海鮮睇下有咩新鮮就有咩燒! ▲磯燒6款海鮮+流水蝦+串燒放題($338)當然唔少得啖啖肉既流水蝦! ▲而海鮮方面有鮑魚、海蝦、海蜆、扇貝、生蠔、象拔蚌仔、蟶子等輪流供應 ▲海鮮都係任燒任食,食完唔夠可以再order! ▲清酒煮蜆 ▲辣酒花螺都係人氣之選! ▲而肉類串燒就係廚房會燒比你,有牛舌、牛柳、雞軟骨、雞腎、雞翼呢d選擇。 ▲蔬菜串燒則有一口甜薯、翠肉瓜、燒娃娃菜等。 文字來源:香港人遊香港 / 圖片來源:@henhen__henry、@kyastkei、@tm_ning、@joycelaucf、@_journeyoftwo_、@cooking_moon_moon、@komacy...
好多到訪日本大阪都會搵一餐食下乜乜水產,呢d水產店主要係食浜燒海鮮,以往日本漁村四面環海,漁民會在大海中撈海鮮,再用炭爐燒製海鮮,令鮮味保留,其爆破性鮮味足以讓人回味無窮,而呢個文化一兩年前都滲入左香港,位於尖沙咀呢間水產店最出名就係食蟹味噌甲羅燒,將松葉蟹蟹膏、蟹肉、蟹籽加埋原隻鵪鶉蛋,松葉蟹蓋內一邊攪一邊燒,3、4分鐘就食得,完全唔駛加調味料,保持原汁原味,一口蟹膏同鮮味,滿足感爆燈。店鋪11月仲多次將收益捐去立場新聞及星火同盟,係間良心店鋪,值得一再支持。 ▲蟹味噌甲羅燒 ($68)甲羅燒用味噌製過蟹膏,放入滿滿蟹膏、蟹籽等配料。 ▲蟹味噌甲羅燒 ($68)蟹膏混合濃稠蛋漿汁,放係烤爐上小火上加熱,不停攪拌三、四分鐘左右,蟹膏沸騰期間會蟹膏鮮香味,食落口感極其豐富。 ▲帶子磯燒($78)帶子肥大肉厚 ▲磯燒大蜆 ▲刺身五盛($280):五種刺身,包括三文魚、帶子、油金魚、吞拿魚、海膽,魚生厚切大大片口感十足 ▲日式甜醬牛肉鍋($108) 焱丸水產 地址:尖沙咀棉登徑23號華楓大廈地下5&6號舖電話:2654 8200/2651 9400/6962 1398營業時間:星期一至日 12:30 – 15:00、18:00 – 00:00 文字來源:香港人遊香港/圖片來源:@kapufood、@cooocooolam...
有時一大班人諗唔到食咩,可以考慮下食私房菜,今次介紹呢間私房菜位於尖沙咀,位置絕對有利。呢間私房菜係一棟大廈入面,在客廳放左三張大圓檯,而另外有兩間獨立房間,呢度既座位同菜式都需要預先預訂同埋落$500訂金。呢間一共有五個套餐提供,得套餐A係無海鮮,另外四個套餐都係有海鮮。今次小編食既係套餐C,六位客人份量。 ▲冬菇鵝掌花膠燴鮑魚:份量好多,鮑魚同花膠煮到好林身,而冬菇係勁入味! ▲當紅炸子雞:雞炸到個皮好脆,但肉質都幾滑! ▲花雕蛋白蒸蟹:呢個小編認為最好食,蟹肉多同好鮮甜,而蛋白蒸到好滑! ▲黃金大蝦: 每隻蝦都好大隻,蝦殻好濃咸蛋黃味,好惹味! ▲金銀蒜粉絲蒸元貝: 粉絲勁入味,好多蒜,每粒帶子都好大粒! ▲瑤柱西蘭花球: 去到尾聲先有呢個菜式,醬汁好多瑤柱絲,食落去有啲流。 ▲餐廳得呢5款套餐,有啲套餐要4位或6位起,套餐價錢是實價,不用再額外加一和茶錢。 薈萃軒 地址:尖沙咀彌敦道86-88號安樂大廈4樓B號舖 營業時間: 星期一至日18:30 – 22:30 電話: 52826528 文字來源/圖片來源:香港人.遊香港...
紅磡一間冰室有推出龍蝦鮑魚籠仔蒸飯,用荷葉佈底,將蒜蓉連海鮮和白飯一齊蒸,令每一啖飯有陣陣海鮮味,蟹鉗和原隻鮑魚都係新鮮。另外最值得一試係秘製牛乳滑蛋奄列叉燒飯,滑蛋烹調用咗冰室自家獨有秘方,令滑蛋表面光澤持久,滑蛋質感好juicy。唔想食飯嘅蛋控,可以叫個牛肉蛋蛋包,外表有滑蛋包住牛肉包,層次豐富。 ▲龍蝦鮑魚籠仔蒸飯($168),啖啖海鮮鮮味 ▲秘製牛乳滑蛋叉燒飯 ▲牛肉蛋蛋包 ▲朱古力棉花糖多士 ▲由金茶王沖製獨有港式奶茶 ▲88蚊港式手拉絲襪奶茶和鴛鴦 ▲除咗堂食有得飲,仲可以買樽裝奶茶 一仔冰室 地址:紅磡必嘉街92-112號紅磡灣中心地下9C號舖 營業時間:7:00 – 23:00 圖片及文字來源:香港人遊香港...