葵廣有咁多野食,要多年屹立不倒真係要有返咁上下功架!呢間主打水餃同米線既食店,好多人食過都覺有滿有媽媽既味道!佢地每日新鮮包3000隻水餃,口味有韭菜鮮肉餃及椰菜鮮肉餃兩款選擇!餃子皮薄餡香味濃,令人回味無窮! ▲鄧媽媽老闆原來唔係姓鄧,係來自「dumplings」的廣東話諧音!餃子可揀煎、放湯或紅油抄手都可以! ▲鄧媽媽招牌炸豬扒醃得入味,煎得幾香! ▲鮮烚鮮肉餃子韭菜/椰菜(5隻$25;8隻$34;12隻$44) 每日用本地新鮮豬肉做,有韭菜鮮肉餃及椰菜鮮肉餃兩款,隻隻飽實滿足,味道甘甜濃郁。 ▲鄧媽媽同隔離一泡而紅係姊妹店,鮮蠔肉碎泡飯$46 係潮洲食法,用上新鮮鯪魚同多種材料熬製成湯底。除咗有蠔仔、肉碎,仲有細冬菇同蛙蛙菜,加埋莞茜同胡椒粉,完全提升成個香味。 鄧媽媽過橋水餃 地址:葵芳葵富路7號葵涌廣場2樓C41號舖Shop C41, 2/F, Kwai Chung Plaza, 7 Kwai Foo Road, Kwai Fong港鐵葵芳站 D 出口電話:24226000 文字:香港人.遊香港/圖片來源:sitfanny0914、junericee...
隻隻爆晒餡🔥 京香餃之前喺堅道開店,年前業主收舖結業,最近竟然低調喺西環重開,京香餃一向評如潮,就連蔡瀾都讚好。佢哋嘅餃子隻隻都爆晒餡,大大隻夠實在,招牌羊肉餃餃子皮薄煙韌,羊肉味道鮮,食一碗就夠哂飽,可以話喺全港數一數二! ▲老闆畢生炮製餡料,畢太包餃子,好評如潮,連蔡瀾都讚好。 ▲自家製的山楂茶能幫助人體增強抵抗力 ▲京香餃主打餃子,亦有麵食冷盤小菜。 ▲招牌羊肉餃皮薄煙韌,羊肉鮮、京葱香 京香餃 地址:西環西營盤皇后大道西 418 號地下電話:2803 0887時間:11:00 – 21:30 文字來源:香港人.遊香港/圖片來源:京香餃...
試埋南乳豬手😍 呢間位於沙田嘅小店主打❣心機崩沙腩,極受附近街坊歡迎,崩沙腩每日限量供應,一到lunch時就會現人龍,牛腩軟腍彈牙牛味濃👍🏻,腩中帶筋,軟腍之中帶點嚼口😍,鐘意食牛腩嘅朋友,一定要黎試吓!另外南乳豬手亦係另一招牌菜,豬手炆得非常腍,但唔會支離破碎,好考功夫, 入口完全唔覺得油膩,毫無罪惡感,南乳味剛剛好,😚食到欲罷不能❣ ▲崩沙腩麵入口最煙韌彈牙,屬於牛橫隔膜,肥瘦適中,有咬勁,清湯也很有水準。 ▲豬手真係好腍,入口即溶好似好有骨膠元咁。 ▲小編推介必食崩沙腩同南乳豬手。 ▲崩沙腩仲可以選擇配飯食。 豐園牛腩粉麵 地址 :沙田京瑞廣場1期地下G45號舖電話:21486693時間:11:00 – 21:00 文字來源:香港人.遊香港/圖片來源:互聯網...