呢間位於旺角的高質火鍋店,主打花膠雞火鍋,湯底濃厚足料,足足有一斤花膠和半隻雞。除了湯底足料外,店內海鮮更非常生猛新鮮,全部係海鮮缸內即叫即撈,海鮮併盤每天不同,由廚師選最靚的海鮮俾大家。而手切安格斯牛肉亦非常推薦,牛肉極高質,手切牛肉既嫩滑牛味又重,非常好食。 ▲大笪地花膠濃湯雞鍋 ($218),隨鍋有香濃湯底配半隻雞,另會用碟上一斤花膠。 ▲湯頭非常鮮甜,記得未落野前飲返兩碗先。 ▲海鮮拼盤:全部係海鮮缸內即叫即撈,而且仲好高性價比,今日就有大大隻的蠔、聖子皇、鮑魚、花甲皇。 ▲手切安格斯牛肉 ($188) :厚薄適中,油花均勻,牛肉肉質嫩滑,而且牛味重,非常好食! ▲西班牙豬肉片 ▲蟹粉蝦餃皇($58):由師傅自家製作,粒粒都係人手包,用上原隻蝦仁和手打豬肉製作。 ▲蟹籽墨魚滑滾($78):墨魚滑加入墨魚軟骨,食落口感爽彈,而且份量好足。 文字 / 圖片:香港人遊香港...
呢間位於旺角的西餐廳主打日式梳乎厘班戟、窩夫,提供多款不同味道選擇好似有Tiramisu、抹茶等。當中Tiramisu味有2層厚厚的班戟,空氣感十足又軟綿綿又有彈性而且蛋香味濃,加上Tiramisu醬、燕麥和松子仁增加咬口,配上咖啡糖漿和新鮮藍莓和士多啤梨伴碟,減少罪惡感。除了甜品仲有主食一樣吸引,冬陰公意大利飯吸收晒濃湯味再淋上冬陰功醬汁入口充滿草菇香、椰汁味、檸檬葉等回味無窮。 ▲Tom Yum Gong Risotto($180) ▲意大利飯質感非常好,軟硬適中而且每粒飯都吸收晒濃湯味再加上冬陰功醬汁再提升味道層次感,入口有草菇香、椰汁味、檸檬葉等味道。大蝦爽口、魷魚粒都不少。 ▲Maple Bacon Cheese Burger($96) ,麵包鬆軟有烘底有牛油香,有安格斯牛肉、楓葉漿煙肉和芝士。牛肉肉味香濃又夠厚,煙肉煎得脆身有咬口,加上番茄、生菜和甜甜酸酸醬汁好惹味。 ▲Tiramisu pancake($112) ,2層厚班戟加上Tiramisu醬,表面加了燕麥松子仁增加咬口。班戟蛋香味重,空氣感十足軟綿綿又彈,配上咖啡糖漿都不會太過甜加上有新鮮藍莓和士多啤梨伴碟,減少罪惡感。 ▲焦糖脆脆奶昔($62) ,奶昔質感幼滑,焦糖味濃郁而且甜度剛好唔會過膩,而每一粒焦糖脆脆都好脆和有香濃蜜糖味。 文字 / 圖片:香港人遊香港...
位於旺角呢間泰式餐廳由上至下都係一班90後嘅後生仔打理,其中一個負責人更有一半泰國血統,所用的醬料香料都泰國入口夠正宗。呢到主打泰式海南雞飯,雞肉滑嫩仲啖啖肉唔會肥,雞皮又爽彈配自家製泰式辣醬,酸酸辣辣好惹味,而且份量絕不孤寒大大份,仲有3款飯可供選擇黃油飯、白飯和豬油飯夠晒邪惡。另一必食網蝦春卷,即叫即炸的春卷外層薄網超級鬆脆,炸到連蝦尾都食得。 ▲招牌泰式無骨海南雞飯($45) :雞肉滑嫩啖啖肉唔會肥,雞皮又爽彈。自家製泰式辣醬,酸酸辣辣好惹味。 ▲仲有3款飯可供選擇黃油飯、白飯和豬油飯。油飯不會太油份量多,但少了雞香味。 ▲網蝦春卷($18/4件) :即叫即炸,外層薄網超級鬆脆,炸到連蝦尾都食得。中間除了蝦肉外還有些香芋,增加香味。 ▲炸雲吞蝦($24/4件) :粒粒炸雲吞都卜卜趣,中間蝦肉夠新鮮彈牙,配甜酸醬一絕。 ▲小店內放了一幅搶眼真香港人壁畫,超用心製作。 文字 / 圖片:香港人遊香港...
一眾牛肉飯忠粉好消息嚟啦!日本連鎖牛丼專門店すき家Sukiya(食其家)新分店今日於油麻地開幕!開幕當天起,凡選購主餐(堂食或外賣)的首2000名客人,將獲贈開幕紀念環保購物袋一個!油麻地嘅街坊又多間平價高質餐廳選擇喇! ▲主打平價牛肉飯,更有分大$39,中$29,細$25價錢,按照每位食客唔同飯量嚟選擇! ▲贈開幕紀念環保購物袋,SUKIYA香港官方Facebook宣布開幕當日首2000位顧客惠顧即可獲得購物袋一個,各位粉絲切勿錯過。 ▲外賣menu,可能有啲粉絲要翻工趕唔切去食,不過可以睇下張外賣menu揀啱就買翻屋企食啦! ▲日式咖喱套餐,除咗招牌牛丼之外,仲有咖喱套餐、鰻魚丼、烤雞丼和雙拼丼多款選擇! 文字來源:香港人遊香港...
今次介紹既呢間居酒屋除左有多款清酒提供之外,仲有多款日式主菜、小食、串燒等提供。呢度既石板燒有一人餐,就算一個人黎呢度食都唔洗怕尷尬啦!石板燒有三款牛肉供選擇,不吃牛的話也可以點選海鮮餐。除左一人石板燒餐之外,仲會有二人日式火鍋餐提供,分別有梅$488、竹$588、松$688,主要係牛肉等級既分別。居酒屋裝修好日式,頂上掛住大大小小既日式燈籠,暫時因為疾情去唔到日本都可以食住呢間止痕先。 ▲ 二人竹套餐-澳洲M7和牛脊壽喜燒($588):前菜2款、沙律、串燒2串、什錦天婦羅、四色刺身、鍋物、燒飯團茶漬飯。呢個套餐都幾飽肚嫁,和牛脊雪花好令,食落去富有牛味,有種入口即溶既感覺。 ▲ 石板燒日本A5和牛($188 150g): 想食近期大熱既石板燒可以點一份食,自己燒的,和牛品質唔錯,有口感,油脂分佈又平均。 ▲ 玉子燒卷: 蛋好滑,好有蛋味,用日本生雞蛋煎果然唔同啲,喜歡玉子燒既人唔好錯過呢款小吃。 ▲ 雙色拼盤: 有蝦同三文魚,蝦好大隻好鮮甜,蝦頭也有蝦膏,而三文魚刺身都厚切的。 ▲ 什錦天婦羅($68): 分別有大蝦、茄子、南瓜。炸粉唔算太厚,食落去亦都唔會太林身,炸得幾好。 文字來源:香港人遊香港 / 圖片來源 : @wiwaporn167、@enixmong、@lopuiwa814、@iiu.sss...
呢間旺角小店推出外區直送外賣服務,除了旺角街坊,其他區的支持者都可以上網訂餐啦。雖然不是區區送,但絕大部份的區例如觀塘區、沙田區、荃灣區、港島區、元朗屯門、將軍澳區都有。上網落單方便快捷,即叫即做即call車送到客人手上,首次落單仲有85折優惠。唔洗去排隊都可以輕鬆食到招牌台式肉蛋多士、芋圓、地瓜球、黑松露芝士飛驒牛竹炭漢堡等。 ▲招牌芝士肉蛋三文治,芝士溶晒和蛋汁多到爆晒出嚟。 ▲自家製三色圓糖水包括有芋圓、地瓜圓、紫薯圓,煙煙靭靱有咬口。 ▲手工芋泥球,即叫即炸熱辣辣,有多款餡料選擇包括鹹蛋黃、豬肉鬆。 ▲黑松露大啡菇意粉,大大個啡菇厚切多汁。 送貨地區參考:https://m.facebook.com/HakPoAlley/ 訂餐網址:https://hakpoalley.boutir.com/?fbclid=IwAR3UeM8iwVz9KbpB7H-Bogg9JZ0gas-Ws86udwMU0dTVjG6VxuloApI_4w8 文字來源: 香港人.遊香港/圖片來源:黑布小巷...
好受香港人歡迎嘅Isaac Toast終於開第二間分店,仲聯同主打韓國街頭小食嘅全新品牌Soul Food Truck,一齊喺旺角開新舖!新舖除咗繼續保留Isaac Toast韓國總店多款經典吐司之外,仲推出限定「三養地獄辣雞吐司」,食過呢隻牌子嘅麵都知道佢辣得嚟又帶啲甜味,唔知配吐司食會係咩感覺呢?另外, 新舖另一個特色就係有唔少韓國街頭必食小食,仲要係由韓藉廚師製作!當中韓式傳統手工糖餅喺香港比較少見,熱愛韓國美食嘅各位總對唔可以錯過! ▲三養地獄辣雞吐司 ($44): 旺角店限定口味!以Isaac Toast 秘製醬汁再配搭三養招牌地獄辣醬 ,辣中帶點甜! ▲邪惡新味 Deep Cheese 系列吐司 ($44/$51):呢個系列芝士嘅份量非常多,咬落每一啖都有芝士同煙肉,覺得唔夠「邪惡」嘅仲可以加埋薯餅食! ▲Soul Mari: 紫菜包飯都可以搞搞新意思!分別以墨魚同蝦以及泡菜餐肉加炸雞組成嘅兩款紫菜包飯,以炸雞做紫菜包飯都係第一次見,應該都幾夾! ▲韓式手工糖餅 ($19/23): 由韓藉廚師即叫即做,呢段時間想回憶韓國味道嘅絕對唔可以錯過! ▲新店優惠:夏日熱辣辣,飲返杯特飲就最好不過啦!買滿$24就可以優惠價加配飲品,一邊食一邊飲,雙重享受! 文字來源:香港人遊香港 / 圖片來源:@isaactoast.hk、@irenefish...
識食一定食海鮮煲仔飯!食店好少會有海鮮煲仔飯供應,因為以海鮮來做煲仔難度極高,要拿捏時間準確,才可避免海鮮過熟,師傅表示為此特別訂製了共 9 個爐頭的電爐來煮煲仔飯。生米落水後,再放上粉絲,然後再加入海鮮配料。海鮮煲仔飯有金銀蒜粉絲開邊蝦、陳皮鮑魚仔、粉絲象拔蚌等不同口味,連辣酒東風螺煲仔飯也有。 ▲餐廳自稱全港首創海鮮煲仔飯,呢個陳皮鴛鴦鮑魚煲仔飯($88),用上鮑片同新鮮鮑魚,陳皮香更帶鮑魚鮮! ▲金銀蒜粉絲開邊蝦煲仔飯($84),開邊蝦呢個選擇都好受歡迎!金銀蒜包括有生蒜同炸蒜,蒜味香口。開邊蝦都算新鮮。 ▲豉汁帶子煲仔飯($88),豉汁惹味地帶出帶子味道,撈飯亦非常惹味! ▲呢度煲仔飯火喉好夠,鐘意食飯焦就正喇! 銓滿記餐廳小廚 地址:旺角新填地街419號萬福大廈地下電話:3760 8855營業時間:07:00 – 00:00 文字來源: 香港人.遊香港/圖片來源: @foodmagnets、@mr_foodie__、@esthernok...