荔枝角美食 抵食日本菜居酒屋 期間限定鹿兒島Fair 呢間位於荔枝角的日本菜居酒屋推出了期間限定鹿兒島Fair,由即日至2月29日舉行。今次更聯乘鹿兒島縣農政部推廣鹿兒島優質美食食材,由經驗豐富的日藉主廚木村潤一郎主理,使用鹿兒島的當季食材設計出限定餐單。鹿兒島資源豐富從海上到陸上都是美食寶庫,當中包括黑毛和牛鹿兒島和牛、全日本產量第一鰤魚、加入綠茶葉飼料長大肉質鮮嫩的鹿兒島茶美豚、以及薩摩芋和金柑等特産。除了鹿兒島美食,充滿日式風情的居酒屋還提供多款串燒、天婦羅、清酒等,仿如置身日本。 ▲鹿兒島油甘魚刺身 ,厚切油甘魚味道鮮甜帶爽口。 ▲鹿兒島鯛王壽司,鯛王鮮甜夠新鮮。 ▲茶美豚金桔沙律,選用加入綠茶粉和甘薯飼養的鹿兒島茶美豚,豚肉肉質嫩滑味道濃郁。沙律還加入鮮甜的鹿兒島金柑,金柑可以連皮生吃,整體清新開胃。 ▲鹿兒島產甜薯天婦羅,甜薯由如其名非常香甜。鹿兒島產障泥烏賊天婦羅,外層粉漿鬆脆而烏賊肉質軟腍。 ▲味噌茶美豚五花腩脆米紫菜卷,紫菜粉漿炸得又薄又脆配上油脂甘香五花腩肉和味噌口感層次豐富。 ▲鹽燒鹿兒島南國元氣雞腿肉,雞腿皮煎得脆口不油膩,腿肉保留豐富肉汁和嫩滑口感。 ▲茶美豚肉鍋,豚肉肉質嫩滑味道濃而各野菜都吸收湯汁精華味道更鮮。 ▲水信玄餅,晶瑩剔透的水信玄餅配上黃豆粉再淋上黑糖糖漿,味道微甜又清爽。 鵜舞 Umai 地址 : 荔枝角長義街9號D2 Place一期地下2號舖電話:2743 8011 文字/圖片:香港人遊香港...
呢間位於尖沙咀的日本築地市場過江龍日本料理店,推出了兩款親民價Omakase套餐,分別是串燒和壽司。串燒方面特別選用本地的三黃雞,其雞味濃郁且肉質嫩滑。一共有10款雞肉串燒,包括免治雞肉串、雞翼、雞柳、雞頸肉、雞下腿、雞皮、雞尾、雞心、雞肝、雞腎。
這間位於旺角的日本壽司小店,廚師發辦「藤壽司」套餐,有八貫壽司、野菜豆乳湯、水信玄餅,及紅豆蓉熊仔餅甜品,賣相精緻,打卡必點!另外,為慶祝開業一周年,餐廳推出優惠,消費滿$300送日本海膽手卷一客,$600送2客,滿$800再可享全單九折優惠,優惠只限今個月!
成大半年但仍然未有得飛,真係好掛住日本啲魚生同其他美食啊!如果真係想止吓個「和風」癮,可以去呢間鮨一日本料理,食返個海鮮丼先啦!呢度嘅壽司同出面嘅唔同,啲壽司已經係豉油色,只需沾少少Wasabi就可以食!其中千層海膽飯一定係必食之選, 海膽飯最上層鋪滿咗大量海膽,下面有拖羅蓉同壽司飯。另外會提供紫菜比你包住海膽嚟食,海膽好新鮮,食落去好香甜!加上海膽上面嘅金箔,令到成件事高級十倍! ▲ 千層海膽飯 ($298): 一啖海膽一啖飯,你會發現海膽多過飯! ▲ 日本A5和牛刺身丼 ($398) :可能大家都食過和牛燒肉,或其他和牛菜式,唔知和牛刺身丼你又有冇興趣呢? 和牛刺身口感超軟嫩,入口即融! ▲ 池魚王 ($268): 珍貴嘅刺身部位,都要靠師傅刀工先可以切得咁薄。口感勁軟滑,食落有陣魚油香味! ▲上十貫目 ($238) : 壽司飯係醬油顏色 ,唔使再額外點豉油都夠晒味道! ▲甲羅燒 ($98): 蟹膏勁鮮甜,撈埋生蛋黃食就更加香滑! ▲刺身拼盤:每款刺身有兩片,一個人都可以食晒八款! 文字來源:香港人遊香港 / 圖片來源: @littlefoodcravershk 、@kingfoodies 、@ riri.foodie.na 、@yoyohomei...
呢間喺元朗嘅日本餐廳新開冇耐,採用日式和風裝修風格,令人覺得自己好似置身日本,好舒服!餐廳提供各種日式定食、拉麵和烏冬等,主打當然係日式丼!鍾意 厚切刺身嘅你,一定鍾意呢道「一拖三」,分別係三文魚、白身魚、吞拿魚同牡丹蝦。除咗刺身切得夠厚,亦好新鮮! 三文魚籽控都唔可以錯過「魚目混珠」, 三文魚籽鋪喺飯面,有爆丼效果!另外海膽手卷都係必食,勁鮮甜! ▲ 一拖三 ($128):一拖三分別係三文魚、白身魚、 吞拿魚同牡丹蝦 。刺身超厚切,份量好足,而且好新鮮! ▲ 海膽手卷 ($58): 海膽大大件放喺飯上面,賣相已經好吸引,而且勁鮮甜,完全冇苦澀味! ▲ 魚目混珠 ($148):入面有角切三文魚、三文魚籽、蟹肉、比目魚裙邊、墨魚籽、牛油果,全部鋪喺飯面。 三文魚籽又圓又大粒,有爆丼嘅效果! ▲ 吉列蠔 ($18):炸得夠脆,好有口感! ▲ 日式和風裝修令人覺得自己置身日本! 文字來源:香港人遊香港 / 圖片來源 :@9eathk...
香港應該有唔少人鍾意食牛!不過香港最常見嘅都係打邊爐食肥牛、燒肉,或者鋸扒!唔知大家喺香港食過吉列牛未呢?吉列豬扒就食得多,仲要係自己動手燒嘅吉列牛喺香港真係唔常見,而秘就係其中一間啦! 除咗普通就咁沾咗麵包糠嘅牛之外,秘仲有得食「黑松露吉列牛」,如果你鍾意食黑松露,應該都會鍾意呢個秘製吉列牛!唔想再烚下烚下食牛肉?不如試吓吉列牛啦! ▲ 板燒吉列牛 ($108):選用美國安格斯牛肉,再沾上日式麵包糠! ▲ 每面燒十秒,約七成熟就食得! ▲ 秘•燒黑松露吉列牛 ($148):係用新鮮黑松露整成,牛肉同黑松露其實都好夾! ▲ 浦燒原條鰻魚飯定食 ($116):如果同檯有唔食牛嘅朋友,可以選擇叫鰻魚飯! ▲仲有香港好少見嘅日本果汁同汽水,真係好似去咗日本咁啊! 文字來源:香港人遊香港 / 圖片來源:@chillformation 、@food_loversdiary、@ morefoodbabies...
通常諗起情人節主色,第一時間聯想到粉紅色,邊個話架?!呢間紐約過江龍Tiffany Blue為主色嘅Cafe為今年情人節推出5道菜,餐前小食準備伊比利亞火腿配蘆筍奶凍。前菜有兩款選擇,有北海道帶子薄片刺身配頂級魚子醬、日本柚子高湯配香煎鵝肝,主菜有北海道海膽意粉和慢煮黑松露雞,選用雞肉慕絲嘅雞肉捲和雞腿肉,將兩者慢煮至軟腍入味,散發獨特的松露芳香。最後甜品係關鍵,迷你 Blue Box 蛋糕,由佛手柑玫瑰慕絲、紅桑子士多啤梨內餡及杏仁蛋糕製成,質感軟滑,味道酸甜,伴上雪糕增添一點清涼滋味。 ▲成個情人節晚餐前菜二選一,有日本柚子高湯配香煎鵝肝和北海道帶子薄片刺身配頂級魚子醬,另一道係椰菜花濃湯,主菜有北海道海膽意粉和慢煮黑松露雞,甜品係迷你版Tiffancy Blue 禮物盒蛋糕 ▲日本柚子高湯配香煎鵝肝和北海道,先將鵝肝煎至金黃香脆,有入口即融嘅口感,散發甘腴香氣,配搭日式柚子高湯,中和咗鵝肝嘅油膩感 ▲北海道海膽意粉,鮮甜滑溜嘅海膽配搭巴馬臣芝士忌廉汁,均勻地掛上扁意粉,味道濃郁 ▲迷你 BlueBox 蛋糕,造型仿效 Tiffany & Co. 嘅經典禮物盒。呢款蛋糕平日係限量預訂,糕點團隊特意為情人節創作出迷你版本,選用佛手柑玫瑰慕絲、紅桑子士多啤梨內餡及杏仁蛋糕製成,質感軟滑,味道酸甜有致,伴上雪糕增添一點清涼 The Tiffany Blue Box Cafe 地址:香港九龍尖沙咀北京道 1 號大堂 208 號鋪營業時間 : 9:00 – 22:00預約方式按此 文字來源:香港人遊香港/圖片來源:The Tiffany Blue Box Cafe...
芫荽係一樣好神奇嘅食物,有啲人好唔鍾意,食麵嗰陣都要特登叫走芫荽,有啲人就好鍾意,可以一大碗咁食都得。鍾意食芫荽嘅你,不妨可以去呢間日本過江龍拉麵店,佢嘅招牌芫荽辣麻味噌拉麵有超多芫荽,保證芫荽控可以食返夠本。另外,因為呢間拉麵店主打麻辣拉麵,每款拉麵可以揀不辣、小辣、中辣、高級辣以至鬼增辣等5種辣度,同時亦可以揀小麻、中麻、高麻以至鬼增麻等4種麻度,絕對可以滿足到一眾鍾意食辣嘅人。 ▲芫荽辣麻味噌拉麵($110),揀鬼增辣嘅話仲需要加多$15,芫荽多到咁,味道亦都當然非常香,清新嘅芫荽配埋麻辣味噌,味道層次非常豐富。 ▲特製辣麻味噌拉麵($120),比其他款嘅拉麵更加辣,而且用代表鬼增辣嘅黑色碗裝住,鍾意食辣嘅人不妨挑戰一下。 ▲辣麻味噌拉麵($90),湯底夠濃郁,加埋肥厚多汁嘅叉燒,真係非常邪惡。 ▲紅色碗即係代表高級辣。 ▲炒豆芽菜辣麻味噌拉麵($100),白碗就係代表不辣、小辣或者中辣。 鬼金棒香港 地點:銅鑼灣謝斐道530號地舖電話:2481 3383營業時間:星期一至日 11:00 – 00:00 文字來源:香港人遊香港/ 圖片來源:@6neufff、masahkeats、geegeeeating、carmentsui、foodie_rainbow...