蒸嘅馬拉糕就食得多喇，脆嘅你又食過未？呢間深水埗小店除咗傳統中式點心之外，仲有唔少創意點心，好似小編最愛嘅脆皮馬拉糕，雖然係炸嘅，但係零油膩，外脆內軟，另外蒸飯全部都係即叫即蒸，飯粒分明唔會軟淋淋。小店堅持所有點心都係自家製，誠意十足👍 ▲脆皮馬拉糕 ($24)脆皮馬拉糕係原籠上，單看外表可能唔覺佢有咩特別，但咬落去就會知道佢整個外皮都係脆㗎！一問之下，先知道佢係炸出嚟的，食落口感外脆內軟，唔會過甜，，雖然係油炸，但可以話係零油膩，好好味！ ▲蒜蓉蒸開邊蝦飯 ($36)蒸飯一上枱已經聞到好香嘅蒜蓉味，飯面有三隻開半嘅蝦，肉質彈牙夠新鮮，用荷葉墊底嘅飯粒由於即叫即蒸嘅關係，粒粒分明，唔會焗到淋晒，大量蒜蓉粒超好送飯，係蒜迷之選！ ▲粒粒奶凍咖啡糕 ($16)點心店較為少見嘅甜品款式！咖啡味好濃，混入咗不少奶凍粒粒，整體好滑溜，$15蚊三件好抵食！ ▲“H”n“M”船 ($36) 其實係煙燻火腿芝士船，摺成船狀嘅麵包釀入咗大量芝士同火腿，一打開就可以見到拉芝嘅效果，脆卜卜嘅麵包加埋芝士，簡直係最佳嘅組合呀！ ▲XO醬炒蘿蔔糕 ($35)一上枱已經聞到好香，粒粒蘿蔔糕夠獲氣，配上XO醬帶點微辣又惹味十足，愛食辣嘅朋友建議可以點埋辣醬，味道更佳！ 周師傅點心 地址 ：深水埗北河街131號地下 文字來源／圖片來源：香港人.遊香港...
迎接2019，全部都係豬，新年飲個靚茶慶賀豬年最好不過。係豬年有旺角又有新搞作，將老少咸宜嘅中式傳統茶樓搬上朗豪坊，主場色當然係又少女又應節嘅Piggy Pink。最吸睛係放大版嘅小白兔棉花糖和彩色粒粒啫喱，童年回憶都返曬嚟。好快D約一班好友去打個靚卡。 ▲豬事茶居已經登陸係朗豪坊，熱騰騰嘅豬仔包點心等緊你 ▲張點心卡食點心必備，小點中點大點都唔同價錢 ▲童年去茶樓到甜品必叫嘅小白兔棉花糖和彩色粒粒椰絲啫喱 ▲唔止打卡，仲有蒸蒸日上執點心遊戲玩，考考你對飲茶情懷有幾深 ▲電子版互動遊戲步步糕升，緊張又刺激 ▲玩完遊戲後面有霓虹點心牆，記得影番張靚相 朗豪坊《豬事如意》賀新年 日期：1月24日至2月17日地址： 朗豪坊 4樓通天廣場 文字來源: 香港人.遊香港/圖片來源: 朗豪坊...
元朗近年開左好多間點心店，對於呢間宵夜點心店似乎有點淡忘，不過有好多人都默默支持呢度嘅盅飯同懷舊點心，不過最近店家宣佈，佢地只會做到2月尾，元朗街坊知道左都覺得好可惜！ ▲呢間點心店係元朗已經30年有多，每日24小時營業。 ▲咸蛋肉餅飯（＄30）蒸飯好似好淋，澆上豉油熱辣辣真心正！ ▲糯米雞、金錢肚、排骨（＄18）呢度唔分大中小點，全部劃一價錢，由朝到晚都有得食！ ▲鵪鶉蛋燒賣（＄18）呢個膽固醇超標既點心真係又邪惡又好味！ 嘴兒甜 地址： 元朗教育路37號5舖地下電話：24742207營業時間：24小時營業 文字來源: 香港人.遊香港/圖片來源: heliosobsidian、sorlo_otto、mingyu_1003、chwkakit...
邊個話華田係茶仔專屬？佢絕對可以融入飲茶點心當中！今次呢個酒樓繼續搞搞新阿華田甜酥、阿華田麻糬及阿華田千層糕，小編平日都好鐘意食千層糕，唔知華田加入千層糕又係咪正呢？真係好想試下！ ▲ 呢個酒樓再度推出阿華田點心 ▲千層糕製作工序繁複，大廚需準確拿-捏阿華田餡料的材料比例，確保與麵皮相間疊-起時保留餡料幼滑質感，又不失麵皮的鬆軟口-感，絕對是大廚的心機之作 ▲阿華田甜酥係傳統港式酥餅變秦版。鬆化香口中式酥皮，搭上阿華田幼滑內餡，口感豐富！ ▲阿華田麻糬表面鋪滿可可粉及阿華田脆脆，軟糯煙韌的麻糬皮，包裹著香濃細膩的阿華田餡-料。可口的阿華田脆脆配上Q彈麻糬，一脆一-軟，讓人食不停口。 阿華田點心限定日期：11月20日至12月24日 東海酒家地址：鰂魚涌華蘭路25號栢克大廈2樓電話：2887 7112 東海薈 （尖沙咀）地址：尖沙咀北京道1號11樓電話：2877 2938 東海薈．拉斐特（青衣）地址：青敬路33號青衣城1樓117號舖電話：2317 8889 文字來源：香港人.遊香港 / 圖片來源：東海薈...
自從出黎做野之外，除ot次數增加，飲到阿媽靚湯既燉湯就難上加難，呢間以一盅兩件既點心同 燉湯做主打，燉湯有幾款，原盅滋補燉湯款款都好足料，仲無添加味精同食鹽，覺得唔夠味既朋友可以自行添加食鹽！秋風起既假期落去食返件點心，飲啖靚燉湯實在係滋潤十足呀！ ▲栗子蟲草花花膠燉雞湯（$48），湯料勁多，有齊花膠、蟲草花、雞、新鮮栗子、桂圓，蟲草花更可以強化免疫功能，口感煙韌，呢個燉湯飲落味道清甜，滋陰潤肺。 ▲猴頭菇螺片燉瘦肉燉湯（$38），湯料有猴頭菇、螺片、淮山、蜜棗、杞子，呢個湯本身比較甜口，因為店主完全冇加食鹽，覺得味道唔夠既可以自行加鹽，呢個燉湯有滋補養顏之效。 ▲南瓜鳳爪排骨飯 排骨飯絕對係港人最愛，呢度蒸飯以荷葉包住蒸，選用靚鳳爪、排骨，配埋南瓜菜心，色彩繽粉！ ▲蒸廬 拼美點（＄55）有九件點心，平日高價既蝦餃、燒賣、馬蹄糕、紅棗糕都有，外型呈脹卜卜！叉燒包又鬆軟又好味！ 蒸廬 地址：沙田石門安群街3號京瑞廣場一期2樓225號舖電話：34603411 文字來源：香港人.遊香港／圖片來源：@mekography、@fanfaneating、@kiki_lwy、@cccecilll.c...
呢間位於尖沙咀嘅中餐館主打精緻點心同埋巧手小菜，之前都推出過優惠下午茶放題，大受歡迎，今次再度回歸推出限定期間點心放題，有30多款精緻點心供應，今次仲會加碼送出燕窩蛋撻及三式小食拼盤，招牌嘅黑蟹子小籠包、鮮蝦燒賣、瑤柱鮮蝦白菜餃，全部都可以任點任食！快啲約埋朋友一齊去歎點心！ ▲這麼多點心種類，如何選擇好？全部都要就可以啦！ ▲瑤柱鮮蝦菜苗餃、胡椒蘿蔔爽肚、掛爐叉燒包。 ▲點一龍下午茶點心放題。 ▲黑蟹子小籠包。 點一龍 地址：尖沙咀海港城港威商場地下G103店電話︰2175 3100下午茶點心放題價錢︰成人每位$178、小童每位$158時間︰逢星期一至四下午2時30分至5時30分期間供應(公眾假期除外，限時2小時)日期︰即日起至10月31日 文字來源：香港人.遊香港／圖片來源：點一龍...
[駐場博客 @ 賞山樂山］不知道從何時開始,行山前上川龍飲茶成為了一種習慣。山上有兩間茶樓,很多時都會去同一間,可能都是因為習慣了口味吧。 路線特色:1-上山飲茶,自己茶自己沖,自己食物自己拎2- 親自落田買西洋菜3- 輕鬆行引水道去城門水塘 在荃灣川龍街搭80號小巴往川龍,落車便會見到其中一間茶樓。自己找到位置後,便可以選擇喜歡的茶葉,沖一壺靚茶,然後去拿點心吃。通常來到都會吃鵪鶉蛋燒賣,西洋菜。 ▲行山前通常都會去「彩龍茶樓」，最近在荃灣見到有關「邂逅山川人」的宣傳,飲茶後順道去看看。其中一個景點在一間廢校內,地方細小,有幾個小展覽。 ▲入口 ▲除了廢校的展覽外,沿路也有不少指示牌介紹。 ▲在這裡落去繼續行程,會見到西洋菜田,這裡仍然是邂逅山川人的路徑 ▲剛好碰到一些學生在買西洋菜,小弟也忍不住買了一大袋。沿路行都是一條石屎路往城門引水道,主要都是落山路,很輕鬆便會到達引水道 ▲輕鬆的落山路 ▲來到引水道會見到一個路牌,轉左往城門水塘(選擇這條路),轉右往荃錦公路 ▲引水道輕鬆易走,間中有不俗的風景,下圖可見葵涌一帶 ▲圓玄學院 ▲城門隧道 ▲來到這個分岔路,已經到達城門水塘,往菠蘿壩方向便可以到士多休息,並且搭小巴離開 ▲順道看看城門水塘的儲水量,的確少了很多 小結: 炎熱的天氣提早來到,但又想行山,因此選擇這條路線,其實由川龍去城門水塘,有很多路線,有易有難,今次的路線可算是最容易了 難度: ＊(5＊為最難)需時: 3小時長度: 7公里 交通:起點: 由荃灣川龍街搭80號小巴往川龍終點: 由城門水塘搭82號小巴往荃灣川龍街 文字／圖片來源 ：賞山樂山...