呢間咖啡店有3間分店,不過何文田呢間氛圍較悠閒寫意,假日就會有好多狗狗同主人一齊過黎食tea。店內空間面積唔係大,係店主夫婦共同設計,吧台設置由細碎花紋檯面交錯著白色磚牆,透明瓶罐展示住包餅。店內擺放書籍雜誌、盆栽綠植,裝裱起來寵物照片,增添上可貴悠閒情調。店內亦放左好多柴犬既元素,當然唔少得佢地既柴犬咖啡店長坐陣啦!店內 Houseblend 採用本地烘焙咖啡豆,而店主更多次參與拉花比賽,多次比賽得獎。 ▲閒時一杯咖啡配上肉桂麵包,都係件賞心樂事。 ▲半熟蛋煙三文魚多士及芝士三文治配薯條 ▲牛油果沙律三文治 ▲咖啡濃醇度十足,所選用咖啡豆都係國際大賽得獎,出品高質。 ▲柴犬咖啡店長不時會到店,大家假日到來就有機會見到佢喇!店主係愛狗之人,當然歡迎大家都帶埋狗狗一齊黎啦~ 文字來源:香港人遊香港 / 圖片來源:@sugarsatohk、@dreamercyrus、@kissy_kisy、@josi.ecya、@qiaoen_h、@blacksugar_coffee_hk...
想食北方山東風味小食同酸辣湯餃子,又唔一定要屈就自己食d自己唔想食既鋪頭既!小店係大角咀自成一角,疫症期間向街坊提供漂白水等物資。呢度舖仔細細,所以唔少人都係買外賣返去,又或者買生餃返去自己煮!黎呢度點少得食佢地墨魚荸薺煎餃,形象黑麻麻咁,但係內餡用大部份新鮮墨魚滑加上馬蹄,真係幾足料! ▲鮮肉煎餃 ($28/5隻)有白菜、西洋菜、韮菜、芹菜選擇。 ▲鮮肉白菜餃($45/10隻)內餡半肉半菜,餃皮厚薄均一 ▲墨魚荸薺餃 ($55/10隻)墨魚餃個皮係黑色,加入左新鮮墨魚汁。墨魚混入馬蹄新鮮打成餡料,同豬肉比較軟身,爽口有層次。 ▲鐘意重口味少火系可以揀酸辣湯水餃系列!酸辣湯墨魚荸薺餃 ($57) ▲墨魚荸薺餃好特別,好多朋友會買生餃返屋企自己煮。 ▲另一店內名物一定要數呢個羊肉餅($22),一切開d汁爆哂出黎。 文字來源:香港人遊香港 / 圖片來源:@siusiusiusiusiusiusiusiusiusiu、@speakoutforhk、@food.hayven、@jeffylfm、@foodie_talk 、@sdonglittler...
暫時未能出門旅遊,估唔到係香港都可以搵到彷如首爾咖啡小店,小店簡約純樸、雪白明亮,店主係韓國、香港混血,原本係韓國籃球聯賽KBL職業籃球員,開設韓式咖啡店亦係佢籃球以外另一夢想。唔提唔講大家未必知,JMT係韓國潮語「非常好食」意思,意味店主希望帶同韓國美味到香港。店主除左一心泡製韓式小食同咖啡,仲本著愛香港既良心做生意,係2019年10月,將某幾日收入捐款到立場新聞,令社會事件得到全面既報導。 ▲髒髒咖啡dirty coffee($58),以榛子咖啡做base,加上幾種韓國糖漿製成cream,然後灑上大量朱古力粉,咖啡多到滿瀉。 ▲髒髒咖啡dirty coffee($58)真係視覺效果滿分 ▲Spam Box(午餐肉薯條)($48):形像instagramable,以韓國品牌午餐肉先烘後焗,外脆內軟,咸香非常。 ▲JMT Smoothie($56) 以韓國直送材料沖製,綿密冰沙搭配可口零食,味道新穎有層次! ▲Baked marshmallow ($88)鐵板棉花糖配上全麥蘇打餅乾 ▲店內設有連儂牆,比大家表達下意見。 文字來源:香港人遊香港 / 圖片來源:@blueholic_hm、@yvonnewong5207735、@que.61、@travelvhy、@bb0618、@lwi.a_...
小店因位於柯布連道13號而得名,係間外賣小店,岩哂打工仔買早餐又或者Lunch返公司食!廚師非常有心機,時常都會研發新食品。呢度小店心機出品,絕對比起快餐店製作認真,尤其是滑蛋系列既出品,食過既朋友真係大讚,早餐必選芝豬豬蛋堡又或者 黑松露炒蛋三文治 ,而Lunch小店重現打卡名店滑蛋蝦仁飯,用料同製法認真,真係憑良心製作,大家食都食得安心! ▲黑松露炒蛋三文治 +烘底($24)蛋炒口感軟綿順滑,有一股蛋香味 ▲黑松露炒蛋三文治 +烘底($24)黑松露炒蛋通常炒到半熟侏持口感,如果想食熟d可以特叮向店員要求。 ▲午餐肉炒蛋三文治 +烘底($24)炒蛋大大份一d都唔吝嗇! ▲滑蛋蝦仁併餐肉飯 ($44)小店預先挑去蝦腸,加上招牌滑蛋,真係冇得輸。 ▲豬豬蛋堡($26)芝士岩岩溶化好似流緊出黎,雙層豬柳夠哂飽。 ▲豬豬蛋堡既包皮都會有微烘,唔同金拱門咁乾爭爭。 ▲小店門外更有文宣牆張貼post card 文字來源:香港人遊香港 / 圖片來源:@yorozuyahk、@hkyellow_eats、@timothycsy、@13takeaway、@foodieccc...
呢間小店陪伴左何文田26年,住係何文田既街坊對呢間店鋪唔會陌生,食過既都一致誠意推薦呢度既熱狗出品,依家尖沙咀都有得食喇!唔好以為簡單淨係得熱狗好Hea,呢度 有多達22款熱狗腸比你揀!多年來堅持自製番茄醬汁,酸甜入味可口。除左秘製蕃茄汁之外,仲可以配芥辣、酸瓜醬、沙律醬、BBQ醬! ▲熱狗小店係勝利道屹立左26年,如果係何文田長大既朋友一定認得佢! ▲柏林辣椒腸熱狗呢度腸仔係自家工場製造,全部即叫即製,食落熱辣辣非常新鮮! ▲肉醬熱狗 ($28)醬汁係可以自己揀有茄醬、芥辣醬、沙律醬、酸瓜醬、燒烤醬,全部落哂都冇問題! ▲外脆內熱波板雞肉腸煙燻 燒烤 等多個工序,係新產品黎! ▲店內香腸選擇眾多,有超過20款! ▲除左熱狗之外,仲有肉醬撈麵、薯條 ▲新店開係尖沙咀,將呢份街坊熱情帶比都市人 文字來源:香港人遊香港 / 圖片來源:@hotdoglink、@jobelle_belle、@sue_and_her_lovelysillyfamily、@youowemeapuff、@mkbowfoodies、@youiamu...
石門京瑞廣場有迷你葵廣之稱,故明思義呢個商場實在卧虎藏龍地隱藏好多小店!呢間小店以光鮮亮潔既店面,加上簡約既招牌、古典花紋吊燈,不過唔係咖啡配意粉,而係以豆製品做主打!而店主取名以「豆腐巴克」,希望將良心同健康既食物打入,所有豆品都係採用加拿大直送高級有機黃豆,絕對高質!嫩滑豆腐花豆味濃郁,甘之如飴,而一口炸豆腐一啖一個,方便食用,外脆內軟豆香味濃。 ▲一口炸豆腐,金黃色外皮非常酥脆,內餡豆腐紮實綿密的,豆香味十足! ▲養顏桃膠系列($28)桃膠加上豆腐花有養顏效果。 ▲三色芋圓($28)口感煙韌紮實簡樸又美味 ▲一口炸芋圓(配煉奶) $22,炸過芋圓香脆 ▲一口炸爆漿芝心丸(5粒) ($18) 文字來源:香港人遊香港 / 圖片來源:@thisis___q、@fattyfoodiee、@lepetitmi.chaeael、@chenglaichiu...
呢間小店係由4名90後開設,佢地4個係好朋友,因一次到四川旅行食到好好味既酸辣粉,於是決定發展鴻圖大計,以豬骨熬製,加上四川地道花椒粉,形成香口美味既出品!不過講到最受歡迎既,都係紫薯手抓餅,餅底酥香不過唔算好油,配料可以揀炒滑蛋、鹹牛肉、拉絲芝士、手打芋泥等,而且仲可以揀沙律醬、千島醬或者蜜糖芥末醬。 ▲ 紫薯手抓餅,形象吸睛,食落又好有紫薯味! ▲ 原味手抓餅配上拉絲芝士、咸牛肉,香氣滿滿! ▲ 椒鹽燒賣 ▲ 咸旦黃雞軟骨 ▲ 酸辣粉可以揀米線,一碗淨粉($22)唔算好大碗,女仔食既加一兩個餸或者小食就夠飽。 ▲ 小店上貼有文宣同香港人加油! 文字來源:香港人遊香港 / 圖片來源:@_eatforhk_、@hayheyman、@sleepytaz206、@foodsponge_hk、@hkdpunishment...
呢間區內小食店係區內開左幾年,一直深受街坊歡迎!除左一般既腸粉燒賣小食之外,仲會有好多新式特別小食,區內打工仔同學生都like爆,加上小店多次嚮應罷工罷市,表示對反送中既支持。當中鹽酥雞同一口牛更參考韓式外賣杯做法,係飲料上面有個小碗裝食物,同款小食仲要有多款小食、飲品任配任搭,岩哂買返屋企一邊煲劇一邊食! ▲一口鹽酥雞杯連飲品($28)一口一舊鹽酥雞,食用方便! ▲一口西冷牛杯連飲品($33),可以揀原味、蒜片、咖哩、辣味,肉汁豐富 ▲炸魚薯條($32)係即叫即整新鮮熱辣辣,而且薯條仲要係用粗薯角!原隻牛油果蜂蜜奶昔係真材實料打成。 ▲芝士熱狗($28)呢個熱加看似平凡,其實佢係用3種芝士整成! ▲椒鹽燒賣,外脆內軟口感! 文字來源:香港人遊香港 / 圖片來源:@immiuchan、@choi__ling、@rubylovesss、@foodie_eatwithme...
呢間咖啡店兼賣另一品牌蛋糕同曲奇,有網友就形容佢地既蛋糕同咖啡係perfect Match,但因疫情緣故,大家都係買完返屋企慢慢歎比較安全。尤其係今次新產品花生慕絲加朱古力醬曲奇三文治係獨立包裝,方便帶返去慢慢品嚐,香濃鬆化曲奇夾心一於打孖上有兩層,一層係芳郁既朱古力醬,另一層就係香滑花生慕絲醬,店主仲係ig教路,將曲奇三文治浸入牛奶咖啡中再食,相信更有更一番味道。 ▲花生慕絲+朱古力醬曲奇三文治,同小店出品既咖啡味道非常配調,一齊食用真係perfect match! ▲今次花生慕絲+朱古力醬曲奇三文治係以塑料膠袋獨立包裝,外賣返屋企食更加滋味! ▲花生慕絲+朱古力醬曲奇三文治星期一至日全天候都有得食,大家不妨買多幾個home office時做點心 ▲原味雲尼拿燒焦芝士蛋糕 Original Vanilla Basque Burnt Cheesecake ($48 ):Burnt cheesecake系列係網絡大熱,其實佢係由@hemma.hk 用心製作,佢並未有實體店,所以心血來潮想食佢既蛋糕,只好黎呢個cafe碰碰運氣!以日本蛋入饌,芝士軟心焗到半熟,又充滿蛋香同雲尼拿香氣,而表面則帶有焦糖香。 ▲焙茶燒焦芝士蛋糕 Hojicha Basque Burnt Cheesecake ($48)/ 綠茶燒焦芝士蛋糕 Green Tea Basque Burnt Cheesecake ($48):滑溜creamy cheese夾雜微澀茶口味,令整體冇咁邪惡。Cafe係公佈曲奇新品同時,亦宣布芝士蛋糕系列只限Weekend及公眾假期供應,星期一至五將停止供應。想食既話其實可以直接係@hemma.hk預訂! ▲小店咖啡都非常出色,WHITE($38)泛指所有在ESPRESSO飲料中加入牛奶飲品。 ▲Dirty($40)選用較薄玻璃杯,令人欣賞到咖啡、鮮奶層次融合變化,擁有一冷一熱矛盾感。 文字來源:香港人遊香港 / 圖片來源:@yy_joey、@wilsonark 、@hemma.hk、@ms.v.chihuo、@artistaperfettohk、@marcusjeremydgs、@mrs_chia_omakase、@dawn.c22...
身邊總有個芫茜控打邊爐會落超多芫茜!而近年有唔少品牌同餐廳都推出左芫茜口味既食物,唔知你又試過未?位於全新掃街基地既旺角中心,呢間腸粉專賣小店已姐開業一段時間,其皇牌出品芫茜腸粉,新鮮出爐滑溜溜,成品碧綠吸睛,出左客人前會落超多芫茜,不過推出後就有芫茜控都係覺得唔係好夠味,因此小店落重料打做「芫茜腸粉升級版」,令唔少芫茜控都食得好滿足!值得一提係呢間小店有罷市支持反送中,近月佢地推出咗個廿蚊學生餐,只要係學生,就可以$20學生價食到佢地腸粉。 ▲升級版芫茜皮蛋腸粉 ($32), 先將腸粉米漿加入超多芫茜,蒸熟後芫茜味冇咁重,顏色碧綠吸睛絕對係相機食先。 ▲ 升級版芫茜皮蛋腸粉 ($32),腸粉可以按喜好加入粟米、雞蛋、碎牛、生菜、蜆肉等。 ▲ 升級版芫茜皮蛋腸粉 ($32)加入皮蛋及更多芫荽做配料,芫茜控龐該食得好滿足! ▲ 精選五寶腸($32)呢個係選擇困難症人既出路!乜都有d,有蔥花、粟米、鮮肉、蝦米 ▲ 栗米鮮肉腸 ($26) 腸粉夠皮薄饀多,加埋XO醬一齊食更惹味 ▲凍檸茜特飲 文字來源:香港人遊香港 / 圖片來源:@daydaysteamriceroll、@lottery_001、@wyemilyw、@zahlau、@_love.eating_321、@ladysubeitw...