呢間小店以飯堡作為招牌,高峰期曾經試過日賣二百個!當中最吸引嘅就係龍蝦飯堡選用加拿大龍蝦,蒸熟後再剝殼,龍蝦肉質飽滿,脆卜卜嘅紫菜配上煎香咗嘅飯堡,夾住蛋黃醬同漢堡汁,層次豐富,足料又好味! ▲小店提供九款飯堡,分別為鹿兒島和牛飯堡、松葉蟹飯堡、豚角煮糖心蛋飯堡、燒汁赤雞飯堡、牛油果七味三文魚飯堡等,飯堡使用宮城縣嘅珍珠米製成,有單時會將預先壓模冷藏嘅飯糰沾上蛋漿同麵包糠,再落鍋炸到金黃色,再用紫菜包住,食落口感脆卜卜。 ▲龍蝦飯堡 ($118) 嚴選六百克重嘅加拿大龍蝦,蒸熟後剝殼,原隻龍蝦龍蝦肉質飽滿,啖啖肉感覺好爽,脆卜卜嘅紫菜配上煎香咗嘅飯堡,夾住蛋黃醬同漢堡汁,層次豐富,足料又好味! ▲鹿兒島產和牛飯堡 ($68) 以日本和牛漢堡扒製作,油香豐富,入口啖啖肉,好Juicy,夾埋酸瓜同蕃茄食,好Match! ▲除咗飯堡,店內亦有提供多款炸物,好似薯條、魷魚圈同洋蔥圈等等。 京.33 地址:灣仔活道1A號地鋪電話:2947 7333營業時間:星期一至日 12:00-21:00 文字來源:香港人.遊香港/圖片來源:33.kyoto、msvanndiary、fallenone、kyhui1003...
荃灣呢間自家製手作意粉由汁料到配料都可以俾你自由配搭,煮出合你心水嘅口味!自家製手作意粉用日本進口嘅麵粉製作,口感十足,富麵粉香之餘又煙韌有彈性! ▲甫坐下,侍應會先為你送上一杯魚湯,小小的魚湯味道鮮甜,算是打好了第一印象。看看餐牌,小店清一色只賣其招牌手作意粉,但顧客可以自行選擇不同的醬料和配料,自由度高。 ▲煙肉蒜蓉蕃茄+西蘭花 ($48) : 蕃茄汁香甜,有大量煙肉碎,反而西蘭花有點少,而且非常軟身,手作意粉煙煙韌韌且富有蛋香,好味道! ▲本菇忌廉+日式炸雞 ($60) : 本菇忌廉醬汁比起蕃茄醬汁顯得更為濃稠,非常掛麵,入口順滑,可惜日式炸雞炸得稍為過老,沒有肉汁,有少少扣分,但整體而言,這個意粉還是很好味道的! ▲自家製冰茶 (跟餐+$12) : 冰茶帶有橙香,味道不會過於死甜,口感清涼,剛好中和一下忌廉意粉的飽滯感覺。 自家制手作意粉 地址:荃灣青山公路荃灣段382-392號8咪半1樓120號舖電話:3460 4417營業時間:11:00 – 21:00 地址:西環堅尼地城卑路乍街108號地舖電話:27840138 文字來源/圖片來源:香港人.遊香港...
愉景新城翻新之後開了不少新餐廳,呢間上海菜就係其中之一,空間寬敞,裝潢帶點田園風,感覺舒適,招牌燉湯同整體餐點質素都令人滿意,每位客人仲可以用自己專屬嘅小茶壺,揀自己鍾意嘅茶飲,非常貼心! ▲甫坐下,迎來的是茶包,有人蔘烏龍、菊花、普洱和鐵觀音選擇!每人都有自己獨立的小茶壺,每次沖水都只有一小杯份量,保證每次沖茶都可以喝到最熱暖的味道! ▲麻醬腐皮卷 ($52) : 腐皮卷上桌時飄著輕煙,效果十足!腐皮卷內是雲耳絲、蘿蔔絲和芽菜,配上麻醫,入口很滑很香,是很好的開胃菜! ▲厚切川汁醬蹄 ($58) : 雪凍後的豬蹄脂肪就好像啫喱一樣,很有口感,豬蹄肉質紮實,但不會韌,配上醋汁,非常開胃,必點! ▲山東一口牛肉包 ($48) : 牛肉包細細粒好的骰,包身煎得脆邊,包皮厚度適中,不會過厚,餡料味道香濃,不錯! ▲土匪牛肉 ($82) : 醬汁有花椒八角但土匪味不算濃,反而更似辣炒牛肉,牛肉好鬆軟,另有大量翠玉瓜,中和一下吃肉的油膩! ▲有機豆漿浸雜菌 ($72) : 雜菌有木耳、秀珍菇和雞脾菇,吃起來雖然沒有什麼豆漿味,可是汁料好滑身,和雜菌配合起來感覺不錯! ▲龍門海鮮炒飯 ($72) : 海鮮炒飯中有豆粒、帶子粒、蝦粒和雞粒。炒飯夠乾身,粒粒分明,而且不會過咸,很有水準! 龍門一番 上海·紫砂燉湯 地址:荃灣青山公路荃灣段388號中國染廠大廈(8咪半)1樓105號舖電話:2806 1313 文字來源/圖片來源:香港人.遊香港...
老闆為土生土長的埃及人,主打正宗埃及菜!小店唔只裝飾得好有特色,為保持風味佢地仲堅持前菜嘅豆泥都係用埃及貨,希望做出百分百風味添,鷹咀豆泥帶一點檸檬味加埋一塊熱嘅中東彼得包,味道清新。 ▲老闆兼大廚Chef Mohsen係土生土長埃及人,出身自廚師世家,後生個陣曾經於埃及駐英國大使館做大廚,曾為查理斯王子下廚。 ▲大廚堅持所有豆泥都係用番埃及貨,確保做出百分百當地口味,好似鷹嘴豆、雞心豆、豌豆等,將豆煮熟加入自家製調味料撈成蓉,配埋中東彼得包,夠曬滋味! ▲肉類方面則以燒烤為主,經多種調味料來醃製,入口軟腍,唔會燒得過火! ▲由於店仔細細,所以如果希興趣試嘅話,就最好預先訂位喇! AZIZA EGYPTIAN AND MEDITERRANEAN CUSINE 地址:西環堅尼地城厚和街28號順昌大廈地舖電話:3462 2844 文字來源:香港人.遊香港/圖片來源:foodiephy、iristenteije、eatwithsara0101、macling...
主打日式梳乎厘班戟嘅I Love You Dessert & Bar,對比起其他甜品店,佢只需要平民價就可以食到高質梳乎厘班戟,性價比高,夠曬貼地,日賣千份,近期仲榮登2018米芝蓮小食推介添! ▲原味梳乎厘班戟($29)蛋香味極濃,口感鬆軟,空氣感重,加埋忌廉同蜜糖,口感豐富味道好! ▲梳乎厘班戟有好多唔同口味,例如D24榴槤、紫薯、老薑、忌廉芝士等,亦有班戟拿破崙,亦可加8蚊加一球雪糕。 ▲梳乎厘班戟選用日本新鮮雞蛋,再用煎嘅方法製作出軟綿綿嘅班戟。 ▲由於所有梳乎厘班戟都係即點即做,所以多單起上黎可能等成半個鐘,非繁忙時段都可能要等十至十五分鐘。 I Love You Dessert Bar (已結業) 地址:旺角白布街24號藝興大廈地下3A號舖時間:星期一至四 15:00 – 00:00/ 星期五 15:00 – 01:00/星期六 13:00 – 01:00/星期日 13:00 – 00:00電話:2612 2660 文字來源:香港人.遊香港/圖片來源:eatandsleepy、manqueen906、patriciapatriciaabc、better.with.food...
主打快餐嘅紅磡小店,$30已經可以食到大碗飯,仲有好多款式添,好似無骨雞飯同火燒豬頸肉飯,加多$5仲可以食到牛坑腩飯添,全店一粒味精都唔用,每朝由店主備料煮汁,新鮮好味! ▲無骨雞飯 ($30) : 無骨雞飯用大大隻冰鮮雞髀,食落啖啖肉,雞髀用香茅、斑蘭、南薑及檸檬葉嘅雞水浸熟,入口嫩滑雞味濃,配埋自製雞汁,好岩送飯! ▲泰式火燒豬頸肉飯 ($30) : 豬頸肉醃得入味,燒得岩岩好,肉質軟腍唔會韌。 ▲美國牛肩黑椒飯 ($48) : 牛扒採用酒店級美國Choice級牛肩扒,淨用鹽同胡椒煎香已經好好味,外皮煎得香脆,肉汁夠多,配埋自家製牛燒汁,好惹味! ▲蟹膏濃湯番茄肉碎檬粉 ($42) : 湯頭用大量材料熬成,材料豐富,連蟹肉丸都係自家製,仲有蟹同蜆嘅海鮮食,真係抵到爛! 快食館 (已結業) 地址:紅磡黃埔街24號地下時間:星期一至日 12:00 – 15:00/18:00 – 22:00電話:2673 0638 文字來源:香港人.遊香港/圖片來源:taitodumlovefood、dingdingcharlie、hoiching1120...