亞馬遜森林降臨係天水圍,刺激一班小朋友嘅5官下熱帶雨林氣息。有企係木橋上玩VR森林拎寶石遊戲,小型攀石,穿過森林過程洞穴聞到樹林氣味同時,聽到水聲。穿過後見到一眾兩棲爬行類動物展覽,有青蛙、蜥蝪、烏龜和蛇,了解佢地嘅生活習性,仲會有個領養日拎佢地返屋企 ▲企係木橋上玩VR ,限時內係森林完成尋寶石任務,只要行兩張發票消費滿$200以上就可以玩 ▲小型攀石醬,有專業指導師協助,可以放心比小朋友爬。 ▲場內都有立體熱帶森林動物影相,有鱷魚同埋花豹 ▲森林後面有一眾兩棲爬行類動物比大家觀賞,有青蛙、蜥蝪、烏龜和蛇 「 森」愛 兩棲及爬蟲動物領養 日期:2019年7月13及14日時間:14:00 – 18:00地點:天水圍天華路30 & 33號T Town南地下中庭 兩棲及爬蟲動物講座 日期:7月28日時間:15:00 – 17:00地點:T Town南地下中庭 換領歷險門票詳情*憑3張商場消費發票滿$400,可以玩曬所有場內遊戲各一次日期:7月5日至8月1日時間:13:00-21:00 VR 尋寶遊戲門票開放日期:8月2日至8月31日*憑2張商場消費發票消$200*頭200名換尋寶門票可以得到Dream Island $5 入會券和$100生日派對優惠禮券1張 「森」動歷險記 地址:天水圍天華路30 & 33號T Town 南地下中庭開放時間:13:00-21:00 圖片及文字來源:香港人遊香港...
[博客授權分享:貓媽媽教室] 每次到文化博物館大多是因為參觀當時參展的事題展覽,遺忘了在地下展覽的兒童探知館。唔去唔知原來咁好玩同咁多嘢學!展館分了幾個學習遊戲區可供小朋友體驗農村生活,了解自然生態,漫步米埔沼澤,深入地底世界,了解水中生物,探討考古學家工作等等。貓媽媽非常欣賞佢地透過玩小遊戲嘅方式把知識存入佢地腦袋。實行遊戲中學習,真係事半功倍。玩完後不但女兒學到新事物,自己也長了不少知識。到達探知館門口,貓家姐已經被入邊七彩繽紛的佈置吸引着,要立即衝入去玩。一入門口左手邊有消毒洗手器,小朋友可以先消毒雙手才入去玩。 ▲這個農村生活小館實在太逼真,小朋友不但可以看到摸到以前農夫家裡的物品,還可以穿起農民衣服體驗一下農村生活。貓家姐就是這樣炒吓餸,沖吓茶已經非常滿意。 ▲沿著斜路走上去,第一個checkpoint教你如何捕捉基圍蝦, 旁邊有個「齊來挑選基圍蝦」小遊戲比小朋友親自體驗一下,貓家姐過程中也學會太細隻的蝦BB是要放回水塘裏。 ▲再沿路到達觀鳥遊戲區。可聽聽小白鷺BB的叫聲。這個拼砌鳥兒遊戲也是貓家姐玩極都唔走系列之一!當中小白鷺,紅鸛,鷹,啄木鳥等的頭部,尾部,翅膀,腿部也可以隨意拿走再砌上去。透過呢個遊戲小朋友也可明白到不同的鳥兒為了適應不同的生活,身體各部分的特徵也可以不一樣。 ▲打機時候來了!個個爭住學如何保護中華白海豚。海豚數目越來越少,小朋友可以在遊戲中了解如何透過減低噪音,減少垃圾污染等方法拯救白海豚!隔了幾天,再問貓家姐如果掉垃圾入海中會點,佢都答得出海豚會死啊!估唔到一個小遊戲已足夠令佢入曬腦,好過啊媽講一百次。 ▲另一重頭戲來了!這個特別為小朋友設計的魚缸真係正到暈低。佢地可以捐入魚缸入面的玻璃天窗近距離觀看魚是怎樣游來游去的。每一個小朋友入到去都唔願出番來。貓媽媽真的想入去體驗一吓,但真係捐唔入呀! ▲這個地底世界展示了不同動物住的地下洞穴,啲動物模型都頗真的。這可以讓小朋友了解到原來有些動物的安樂窩是在地底的。這𥚃還有個小小攀石牆給小朋友放吓電。 ▲旁邊便是海底花園區。又係打機時間,遊戲入面小朋友要在珊瑚群入面找出一些指定的海洋生物。 ▲這個「古物修補考功夫」遊戲是要小朋友學習考古學家如果修補一些碎裂的古物。古代人類大多把物件收藏在地下,要了解多一點他們早期的生活便要先把物件修復。小朋友快來幫幫忙吧! ▲「出土文物各就各位」是個簡單遊戲讓小朋友明白地底原來是一層一層的,越古老的文物會藏在越低層的。 ▲玩到咁上下又可以坐低玩吓以前年代的桌上遊戲。聽說還有一個「香江童玩」小展覽展示一些七八十年代的玩具比小朋友試玩。不過最近正在進行番新工程,唯有下次朝聖再玩過了。 ▲這裡還有一個小小圖書館,大多書本也具有教育意義的。不供外借,只可在館內觀看。 ▲放完電仲可以到塲外的牧羊少年開餐,入面的嘢食非常好味,仲有小朋友好like 嘅waffle 食添! 溫馨提示由於香港文化博物館公眾停車場泊車位有限,請參觀人士於繁忙日子(周末及公眾假期),盡量使用公共交通工具前往。乘搭港鐵至車公廟站﹝A出口﹞,再步行約5分鐘;或至沙田站﹝A出口﹞,再步行約15分鐘,便可抵達。 *此文章由貓媽媽教室授權分享,原文網址:大玩文化博物館之兒童探知館 香港文化博物館 地址 : 香港新界沙田文林路一號查詢電話 : 2180 8188開放時間 : 10:00 – 18:00 (星期一、三至五) / 10:00 – 19:00 (星期六、日及公眾假期)*星期二(公眾假期除外)、農曆年初一及二休館*票務處將於閉館前30分鐘關閉 文字整理:香港人.遊香港/文字及圖片來源:貓媽媽教室...