#沖繩料理搬過黎11月係小編工作最忙碌既時間,想行開下去旅行都唔得!金鐘呢間酒店就好貼心咁將沖繩料理搬過黎,同Hilton集團酒店合作,沖繩直送Agu 豚肉、海葡萄都有得食!廚師每晚仲即席切全條油甘魚同鹽烤沖繩直送牛肉,除左沖繩美味之外,今次自助餐都有其他環球美食食架!唔駛去旅行都有正野食! ▲雖然今次以沖繩為主題,但係都唔少得自助餐必食-冰鎮海鮮,有齊青口、波士頓龍蝦、長腳蟹蟹腳、海蟹等,真係好受歡迎架,refill不消一會兒,已經被食客搶食一空! ▲即席現炸沖繩特色天婦羅:魷魚、沖繩紅薯及沖繩苦瓜都成為天婦羅的素材,沖繩版既天婦羅外層較厚,因為師傅先將麵漿調味,令食材炸過後口感提升。 ▲紫薯忌廉凍湯 ,擁有迷人淡紫色,咋看以為係糖水,飲落口感質感幼滑,唔算好濃稠,湯中亦帶有紫薯甜味。 ▲沖繩料理-海葡萄沙律 ▲沖繩料理-紫菜玉子燒 ▲每晚7點半,大廚即席現切沖繩當造魚穫刺身,每日既刺身係油脂甘香既油甘魚。 ▲而8時15分則送上傳統鹽烤沖繩直送牛肉,日本優質牛肉豐腴脂香真係令人好難忘,小編唾液同牛肉溢出既牛脂混為一體,係味蕾上頂級既享受。 ▲甜品方面,食客可以係甜品櫃任揀,小編最推介呢個沖繩之選-紅豆白玉。綿密既紅豆浸著可愛既白玉團子,紅豆比一般甜,不過同軟糯既白玉團子配住一齊食就相當合拍喇! 咖啡園-味遊沖繩自助餐 限定日期: 2017年11月1日至24日預訂: 致電 (852) 2822 8890 或瀏覽ConradDining.com作網上預訂地址: 香港金鐘道88號太古廣場香港港麗酒店大堂低座價目: 自助午餐成人港幣$368元* | 小童港幣$258元* (星期一至五)成人港幣$448元* | 小童港幣$298元* (星期六及日)自助晚餐成人港幣$598元* | 小童港幣$378元* (星期一至四)成人港幣$668元* | 小童港幣$398元* (星期五、六及日) 文字/圖片來源:香港人.遊香港...