尖沙咀酒店推出西班牙風味菜式,款款菜式經複雜考功力嘅烹調而成,有主打菜式之稱嘅西班牙海鮮飯,選用經蒜蓉牛油烤香嘅美國龍蝦尾、西班牙青口、蜆、炸魷魚圈及西班牙香腸粒。香煎松露雞肝釀雞卷更係表現出廚師功力,廚師先將大烤菇、雞肝及洋蔥切碎,用白蘭地酒炒熟,將打成蓉嘅黑松露醬釀入雞柳中製成雞卷,再攝氏67度慢煮45分鐘,最後煎香而成,雞肉同黑松露味道融合,帶出啖啖雞肉鮮味。 ▲烤龍蝦尾配西班牙海鮮飯,選用美國龍蝦尾,用蒜蓉牛油烤香,另外有西班牙青口、蜆、炸魷魚圈及西班牙香腸粒的番紅花海鮮飯 ▲西班牙焗龍脷柳配蒜片蝦,龍脷柳表面舖滿芝士、番茄醬及黑橄欖後焗8分鐘,令魚肉夾雜醬汁,鮮味十足 ▲西班牙炸油條配黑朱古力醬及黑朱古力雪糕 ▲鮮莓窩夫配雜莓乳酪雪糕 ▲烤伊比利亞豬架,選用黑毛豬架,用58度慢煮2小時再烤香,肉質鮮嫩又多汁 ▲加利西亞雜菜湯,廚師用咗西班牙香腸、馬鈴薯、白豆、白蘿蔔及椰菜等材料連同豬骨熬,味道清爽不油膩,味道清甜 ▲烤肉眼扒配帕德龍椒,選用厚切美國肉眼扒,客人可以選烤扒的生熟程度,醬汁特別用西班牙里奥哈區紅酒及香茅煮成 ▲水果紅酒特飲及水果白酒特飲 ▲香煎蟹餅配熱情果蛋黃醬,用上新鮮蟹肉,混入雞蛋、芥末、麵包糠及紅椒粒製成蟹餅再煎香,淋上熱情果蓉及橙汁製成嘅醬汁,微酸的味道令人胃口大開 ▲香煎松露雞肝釀雞卷,烹調步驟繁複,將大烤菇、雞肝及洋蔥切碎,用白蘭地酒炒熟,加入黑松露醬打成蓉再釀入雞柳中製成雞卷。雞卷以慢煮45分鐘,上碟前再煎香,令肉質鮮美 Uptop Bistro and Bar 地址:尖沙咀漆咸道南117 號珀薈酒店19 樓電話:(852) 2117 3526營業時間:7:00 -10:00 (早餐);12:00-14:30 (下午茶);18:00-22:00(晚餐) 文字來源:香港人遊香港/圖片來源:Uptop Bistro and Bar...
曼谷呢間炭燒海鮮用左日本流水麵concept,係餐桌旁打做一條人工小水道,新鮮既泰國大頭蝦同螃蟹係水道遊水,到食客要夾既時即刻變左炭燒海鮮既食材!除左流水蝦蟹外,佢地仲店準備冰鎮海鮮,重點係呢度炭燒海鮮唔限時食架! ▲餐廳內設置的水道專門給蝦蟹在被炭烤前,不過呢個vip位其實就不設訂座,要食睇你好唔好彩 ▲VIP餐桌就設置在水道旁,想食蝦直接撈 ▲不過唔係張張台都係水道隔離既 ▲全部都係任食,而且仲冇時間限制! ▲仲有大量青口! ▲冰鎮海鮮都好新鮮架! ▲扇貝都好正!甘甜肥美! ▲除左水道既蝦蟹之外,仲有其他海鮮! Taikong Seafood 地址:82 Kanlapaphruak Rd, Khwaeng Bang Khae, Khet Bang Khae, Krung Thep Maha Nakhon 10160 Thailand泰國曼谷新三聘夜市(Sampeng 2 Night Street)內電話: +66(0) 95 269 6425時間:17:00~23:00費用:599泰銖 文字來源: 香港人.遊香港/圖片來源: viralcham...
位於沙頭角鹿頸谷埔村,落小巴都要再行45分鐘,周未當個遠足郊遊,行累了就到呢間隱世士多叫一籠海蜆,一支啤酒,同友人吹下水,以沙灘挖來蜆,吐沙清洗後以竹簍盛載清蒸,加數片薑,成品鮮味十足! ▲海蜆($100)係由附近泥灘挖出,就地取材,加數片薑蒸,已十分鮮甜!加上食時係望住呢個無敵海景,煩惱隨風吹走左! ▲白灼墨魚($110)使用上本地墨魚,切片蘸日本芥辣鮮味十足! ▲鹿頸谷埔呢條郊遊路線非常受歡迎,松記士多係行山客一個checkpoint,呢度既景觀真係無敵呀! ▲白切走地鷄($220/隻):雞味唔算豐富,肉質彈牙 松記士多-海鮮及私房 地址: 粉嶺沙頭角谷埔村營業時間: 11:00–18:00電話: 2679 9148 文字來源:香港人遊香港/圖片來源:@wwwwaiki、@moonmoonmak、@yoyo333520 、mrsfish523...
宵夜食串燒可以話係區區都有,但夠膽用海鮮做主打串燒,呢個都好少見!大埔呢間深宵限定燒海鮮串食得夠豪氣!時令鮑魚同帶子即叫即燒,小編最抵受唔住海鮮串燒到嗞嗞聲同埋佢地既鮮香氣味,再加埋醉蜆烏冬同埋初戀芝士撞棍真係冇得彈呀!店內6月開始已經貼有文宣,多次活動日子都開放俾同路人休息,係間區內良心小店! ▲燒鮑魚(市價)選用鮑魚好厚肉,上面鋪滿蒜容,食落鮮甜 ▲燒北寄貝60起一d都唔覺韌,而且仲爽口彈牙,燒香左北寄貝仲帶出海水鮮味! ▲初戀芝士撞棍($25/2件)其實即係芝士燒響鈴。響鈴本來就香脆無比,索埋燒汁加埋半溶芝士,食落幾juicy! ▲燒芝士巨型啡菇($35),燒大啡菇食起上黎有d似肉扒,口惑柔軟,燒左更顯菇香加上邪惡芝士好似棉披咁鋪上。. ▲唔想食海鮮既話,呢度串燒都有好多選擇! ▲Star-war醉蜆配烏冬($33),上台時仲係熱辣辣,證明star-war真係夠哂熱,蜆仔份量夠多而且富酒香,夠辣又夠酒味! ▲呢個甜品最近勁hit! 彩虹小食串燒專門店 地址:大埔運頭街12-18號美華大廈地舖電話:53177943營業時間:18:00 – 02:00 文字 香港人遊香港/圖片來源:@vicvicliong、@saiyee0709、@hesteryk、@yipyeeeeman、@zozoeats、@zoeinlove...
「芝」味十足!旺角呢間酒店最近推出以芝士做主題嘅自助餐,由前菜到熟食、海鮮到甜品,全部都係芝士!除左基本海鮮,回本必食四式芝士焗龍蝦、即製芝士焗半殼帶子等等,另外熟食仲有流心芝士吉列黑豚豬扒、芝士焗海鮮鍋等!唔好錯過流心芝士撻,焗到半溶嘅芝士撻,食落鹹鹹香香,真係好滿足! ▲The Place「芝味無窮」主題自助餐,滿足一眾芝士控既要求! ▲車打芝士煙肉焗薯 ▲芝士焗半殼帶子係即製,上面有勁多車打芝士! ▲芝士拼盤配自家製芝士醬及麵包 ▲意式水牛芝士蕃茄沙律,水牛芝士質感煙韌,加上蕃茄片清新無比。 ▲四式芝士焗龍蝦 ▲甜品就必食芒果瑞士芝士凍餅,佢既外型整芝士卡通模樣! ▲法式軟心芝士蛋糕,好邪惡呀真係! ▲不過講到自助餐,點可以少左冰上海鮮及即開生蠔? ▲自助餐甜品包括法式軟心芝士蛋糕、芒果瑞士芝士凍餅、日式芝士蛋糕,仲有盆栽意大利芝士蛋糕同蘋果金寶芝士蛋糕等! 「芝味無窮」主題自助餐@香港康得思酒店 地址:旺角上海街555號香港康得思酒店L樓層日期:2018年9月17日至11月30日電話:3552 3028時間:自助午餐(12:00 – 14:30);自助晚餐(18:30 – 21:45)價格:自助午餐-星期一至五:成人 $338、小童及長者 $268/星期六、日及公眾假期:成人 $418、小童及長者 $318自助晚餐-星期一至五:成人 $628、小童及長者 $438/星期六、日及公眾假期:成人 $678、小童及長者 $478 文字來源:香港人.遊香港/圖片來源:香港康得思酒店...
呢間喺銅鑼灣嘅中菜館,由水上人主理,主打平價嘅海鮮菜式,好似糯米炒奄仔蟹就係招牌菜,糯米炒得粒粒爽彈分明,全部都吸盡奄仔蟹蟹油,而且蟹膏份量足,食落好有油香!至於老闆得意之作蠔仔雞蛋仔係改良自炸蠔餅,雞蛋仔蛋漿中加入木薯粉同埋香葱,食落有蛋香之餘每粒都有珍珠蠔肉,正👍🏻 ▲鮮甜肥美的鮑魚配上蛋絲炒飯。 ▲這家剛剛開張的小炒店「雄館」,-由水上人主理。 ▲奄仔蟹鮮甜爆羔,糯米吸收咗蟹汁鮮甜仍然可以做到煙韌。 ▲雄館首創蠔仔雞蛋仔,食落有傳統雞蛋仔嘅香脆,而且還坳有蠔仔鮮味。 雄館特式小廚 地址:銅鑼灣渣甸街渣甸中心7樓電話:3618 8713時間:11:00 – 22:00 文字來源:香港人.遊香港/圖片來源:雄館特式小廚...
即日起荃灣如心廣場嘅海景酒店推出海鮮自助晚餐,有好豐富嘅即席烹調嘅海鮮煲,頭盤都有辣味魷魚、泰酸辣蝦湯、泰式咖喱炒蟹、海龍皇素翅和原隻粉絲扇貝。每一位去食都送一份芝士白汁焗半邊波士頓龍蝦配香煎法國鴨肝,龍蝦鮮甜爽脆,法國鴨肝外香內滑。有8個人或以上人數,仲會有一公斤至尊巨型肉眼扒。 ▲入座後,先會有份芝士白汁焗半邊龍蝦配香煎法國鴨肝 ▲原隻粉絲扇貝任夾嚟食 ▲即製海鮮煲 ▲火焰燒珍寶蠔,要排隊拎 ▲10公斤至尊巨型肉眼扒,快d約埋朋友儲夠8個人去食 ▲有燒味肉類選擇 ▲有好多款甜品選擇 「極級美食」自助晚餐 日期:即日起訂座電話:2280 2868地址:香港荃灣楊屋道8號如心海景酒店暨會議中心9樓價錢:$428/成人 ; $358/小童或長者(星期一至四)$478/成人 ; $388/小童或長者 (星期五、日及公眾假期)*另加一服務費 文字來源:香港人.遊香港/圖片來源:香港人遊香港、如心海景酒店暨會議中心...
鮮甜粥底海鮮鍋! 夾公仔就試得多,旺角呢間粥底火鍋店有部夾生猛海鮮機, 夾到上黎仲可以加料即食,好鬼過引! 而餐廳有多個火鍋套餐選擇,當中手臂咁長的美顏花膠和大大盤的海鮮拼盤最吸引。花膠厚身彈牙,海鮮新鮮到上枱時仲識郁。龍蝦、鮑魚、奄仔蟹、貴妃蚌等加入粥底中即變做生滖海鮮粥,超鮮甜! ▲黑松露有米粥鍋套餐($398/每位) ,粥底質感綿滑,還加入了香菇和黑松露,令粥底充滿了黑松露香味。跟海鮮拼盤和十款火鍋配料。海鮮拼盤有乳龍蝦、鮑魚、奄仔蟹、貴妃蚌、沙白、手切牛肉。 ▲乳龍蝦彈牙爽口仲有膏。 ▲鮑魚好新鮮,上枱時仲識郁,煮熟後入口軟腍。 ▲奄仔蟹肉質嫩滑得黎又結實又鮮甜。 ▲貴妃蚌鮮味十足而且夠厚肉。 ▲沙白乾淨無沙夠肉地。 ▲花膠大大塊又長又厚身,入口彈牙有咬口充滿骨膠原。 ▲手切牛肉脂肪分佈均勻,肉味濃厚。 ▲黃金炸魚皮新鮮炸起非常脆,味道不會太鹹好惹味。 ▲即炸紫菜響鈴外脆內酥,中間包住紫菜有多重口感,而且完全不感到油。 ▲即炸順德魚腐外邊香脆,內裡有魚肉香。 ▲新鮮鵝腸一點都不肥,煮熟後仲好爽口。 ▲新鮮雞子份量夠多,外脆內腍入口完全沒有腥味。 ▲鳥結糖外表像真度高,真的會以為是鳥結糖。其實是以蝦膠和墨魚膠做,入口好彈牙。 ▲手打蝦丸彈牙有蝦味。 ▲野菜盤。 ▲六款混醬有芫荽、蔥、辣椒粒、蒜蓉、菜脯粒、炸蒜蓉。 阿爺粥品手工涮涮鍋 地址: 旺角登打士街43H號登打士廣場3樓電話號碼: 25278383 文字及圖片來源:香港人.遊香港...