去日本食飯,其中一樣最鍾意做嘅事就係欣賞佢地門口嘅食品模型,唔只精美仲栩栩如生添,真係令人食慾大增呀😋嚟到呢間手作店,你仲可以帶自己專屬食品模型返去添,不過記住佢係睇得唔食得㗎! ▲日本餐廳其中一個特色就係門口總係放滿各種超像真嘅食物模型 ▲由1932年開店而今嘅「元祖食品サンプル屋 合羽橋ショールーム」,係一間食品模型專門店。 ▲店內總共分兩層,第一層放置咗好多現成嘅食物模型以供販賣,好似漢堡扒,天婦羅,甜品,生果,應有盡有 ▲而第二層就係模具工作坊嘅場地,客人可以喺七種指定嘅款式入面揀兩款黎學習,不過想上堂就必須要預約。如果時間唔許可嘅話,佢都有現成嘅套裝俾你地返屋企自製模型,鍾意手作嘅朋友就唔好錯過喇! 元祖食品サンプル屋 合羽橋ショールーム 地址:東京都台東区西浅草3-7-6 文字來源:香港人.歎世界/圖片來源:互聯網...
去咗東京咁多次,已經厭倦咗大城市繁華嘅環境,想嚟一個不同嘅體驗?不妨去川越日歸小旅行。距東京都心,只需30分鐘車程,川越保留咗江戶往日嘅風貌,包括江戶至明治時期,喺川越漫步,就彷如置身於不同時代嘅日本一樣。 ▲由東京都心前往川越非常方便,好似由池袋出發坐東武東上線大約只需31分鐘,由新宿坐西武新宿線則約需43分鐘 ▲走在川越嘅老街上,周圍都可以睇到好多舊式嘅和菓子店,呢度亦被稱為《菓子店橫丁》,佢喺2001年更被日本環境省選為《味道風景百選》之一 ▲著名景點 本丸御殿 係川越城唯一遺留落黎,現存被留下嘅有玄關、大廳以及復原嘅家老集會所,係一座充滿武士沉穩風格嘅建築 ▲冰川神社以求緣份而聞名,每年都有好多情侶係呢度舉辦婚禮,偶爾仲會見到著住日本傳統禮服「白無垢」嘅新娘添!而每年嘅七八月,呢度都會舉辦綁風鈴嘅活動,埸內掛滿唯美色彩嘅風鈴,加上被風吹動嘅嚀噹聲,感覺非常治癒! 佢地仲提供「小江戶景點周遊巴士」同「小江戶巡迴巴士」,一日券價格分別為300Yen同500Yen,詳細路線可以上官方網站查詢 川越 地址:日本琦玉川越市網址:http://www.koedo.or.jp/foreign/chinese_tr/ 文字來源:香港人.歎世界/圖片來源:互聯網...
喜愛到日本購物嘅朋友,可能都會聽過CouCou呢間少女風雜貨店,但原來佢仲有一間姊妹店係專賣愛麗絲雜貨㗎!呢間「水曜日的愛麗絲」就連門口同裝修都非常夢幻,貼合主題,啱曬一班愛麗絲迷啦! ▲水曜日的愛麗絲總共有3間分店,分係位於福岡、渋谷同心齋橋 ▲店舖嘅設計概念源自於經典童話故事「愛麗絲夢遊仙境」,店內外都設有好多門,而入口嘅門更加係迷你版,必須彎低身先可以入去,就好似愛麗絲一樣 ▲店舖總共有三層,每層都有唔同嘅主題,第一層係賣糖果零食為主、第二層係賣飾物、第三層則係手機殼明信片等 ▲由於店舖人氣太高,係假期嘅繁忙時間就有機會有排隊甚至即場攞籌了 水曜日的愛麗絲 地址: 東京都渋谷区神宮前6-28-3カノンビル網址:http://www.aliceonwednesday.jp/ 文字來源:香港人.歎世界/圖片來源:互聯網...
去東京唔行街可以做乜?不如去近郊行下!日原鐘乳洞係位於東京都奧多摩町嘅天然鐘乳洞,亦係關東地區最大級別嘅鐘乳洞,洞中全年都保持於攝氏11度左右,可以感受到冬暖夏涼嘅天氣。 ▲由新宿駅坐JR中央線,再轉搭青梅線,到奥多摩駅只需2小時即可到達,再搭由奥多摩駅開出嘅巴士約35分鐘左右,就可以到達「日原鐘乳洞」 ▲洞內全年平均溫度為11度,行一圈大約需要40分鐘,總長約800米,係關東地區最大級別嘅鐘乳洞 ▲鐘乳洞內有各式各樣嘅鐘乳石,全部都係經歷幾十年至幾百年而形成的。沿著步道行,仲可以欣賞到打喺岩壁上嘅色彩鮮豔嘅燈光,寧靜又帶點神秘。 ▲營業時間根據不同時期而有所變動,如4月1日至11月30日為上午8時至下午5時。12月1日至3月31日為上午8時30分至下午4時30分。12月30日至1月3日則由於是新年期間將不會開放。唔想摸門釘建議出發前再做好資料搜集喇。 日原鐘乳洞 地址: 東京都西多摩郡奥多摩町川野1740 文字來源:香港人.歎世界/圖片來源:互聯網...
農夫有機市集+花草café hea 半day!人人都話去到東京一定要shopping,其實搵日遊走東京,完全唔需要理買藥妝呀,買手信呀,反而得到真正旅行既休息!今日介紹呢條Hea遊路線,話唔定可以洗滌你心靈。 👀第一站:農夫有機市集 Farmer’s Market! ▲新鮮蔬果攤位,有機會和農家做面對面接觸,如果你識日文既話,仲可以聽店家介紹這些蔬果培育的過程了解自己所吃食物的來源。 ▲一入市集,映入眼簾就係色彩繽紛既醃漬物與醬料,全部都陳列得非常齊整!而且每罐都係手工製作,以手工製作價格黎講唔算貴,一罐648日幣三罐1800日幣。 ▲呢度除左有農產品之外,都有其他手作產品。 Farmer’s Market 地址:東京都渋谷区神宮前5-53-70 - 青山・國際連合大學前廣場舉辦時間:毎週週六、週日10:00~16:00交通方式:地下鐵東京Metro半藏門線/千代田線/銀座線「表参道站」B2出口徒步5分 👀第二站:花草cafe食個悠閒lunch! 行逛完青山Farmer’s Market後,向表參到方向行約10分鐘,就可以到Aoyama Flower Market TEA HOUSE來!花店裡頭藏了一間玻璃屋,好似一間溫室,而呢個就係食飯既地方。 ▲呢間係連鎖既花店,而南青山呢間就有埋tea hose!店主有個口號 “Living With Flowers Everyday” ▲隨意拍個多士都好靚! ▲大部份食物都係以鮮花入饌! ▲Aoyama Flower Market TEA HOUSE超人氣,假日通常要排隊30~40分鐘左右才,可以趁排隊空檔逛逛店內的花,聞聞花香,享受一下浪漫又氣質的空間與時光吧! Aoyama Flower Market TEA HOUSE 南青山本店 地址:東京都港区南青山5-1-2營業時間:週一~週六11:00~20:00(最後點餐時間19:30)/週六、國定假日11:00~19:00(最後點餐時間18:30)/午餐11:00 ~15:00※限定平日交通方式:地下鐵東京Merto半藏門線/千代田線/銀座線「表参道站」B4出口徒步1分...
日本 ,愛麗絲主題雜貨屋
一齊去愛麗絲夢遊仙境 愛麗絲既粉絲們,當你哋睇到呢篇文時候,千奇唔好尖叫,要冷靜。係日本東京、大阪、名古屋和福岡有開設「水曜日的愛麗絲」雜貨店,裡面有售賣好多《愛麗絲夢遊仙境》既主題商品外,成間店既佈置成愛麗絲的奇幻仙境一樣咁可愛。 ▲雜貨店既門口仿照故事中既吾同大小同、樣式而設計,客人有時要側身入去,體驗愛麗絲夢遊仙境既情境。 ▲每個房間都有吾同既主題,「沒有名字的森林」係其中一個主題,係穿越其他房間既通道,路痴既朋友小心D吾好迷路呀! ▲「紅心皇后的審判所」,主要售賣各種飾品和造型小物。尤其係女仔們最愛既精緻耳環、頭飾和墜飾。 ▲包羅萬有既精美飾品,令少女們著迷到吾捨得走,果然係紅心皇后既本事。 ▲少女逛到肚餓,正正係白女王出埸既時候。「白皇后的廚房」係專門售賣各種愛麗絲相關造型既餅乾糖果,每樣既包裝以夢幻可愛為主,買回去送比親友和好姐妹係不錯既手信。 ▲飲完呢支飲品,身體會唔會縮小架? 水曜日的愛麗絲 東京地址:東京都渋谷區神宮前6-28-3カノンビル營業時間:11:00~20:00交通方式:東京地鐵「明治神宮前」站步行3分鐘/JR「原宿」站步行5分鐘 大阪地址:大阪市中央區西心斎橋2-12-25朝日プラザ心斎橋 1F營業時間:平日11:00~19:30、假日10:00~19:30交通方式:「心斎橋」站7號出口步行6分鐘 名古屋地址:名古屋市中區大須2丁目20-25營業時間:10:00~20:00交通方式:「大須観音」站2號出口步行5分鐘 福岡地址:福岡県福岡市中央區大名1-3-3 NEO大名Ⅱ1F營業時間:平日11:00~20:00、假日10:30~20:00交通方式:「天神」站步行 約10分鐘/「赤坂」站步行10分鐘 文字來源:香港人.歎世界/圖片來源: 水曜日的愛麗絲「水曜日のアリス」...