呢間店喺灣仔同上環都各有一間,雖然位就唔多,但係因為有幾個開放式吧枱位仔,客人可以望住咖啡師沖咖啡,拉近番大家之間嘅距離。呢到最特別嘅應該係拉花,咖啡師除咗會拉一啲可愛特別嘅畫花之外,仲會因應時節拉出符合當下嘅畫花,最啱就係影相打卡。它係一間好提倡環保小店,成日以優惠鼓勵走塑。例如,只要自己帶咖啡杯嚟購物即磨咖啡,就可以享有$10優惠購買。而且,店內仲會出售不鏽鋼飲管同咖啡杯,希望無咖啡杯嘅人都可以加入環保行列。店鋪嘅裝飾都偏向文青風,放置咗唔少關於烘焙同咖啡嘅書,配合埋賞心悅目嘅音樂,真係令人放鬆不少。得閒嘅話,就一個人嚟呢到,享受下一個人嘅時光喇! ▲ Mocha ($35),濃郁嘅抹茶香,帶點甘甜,喺上面拉出可愛嘅畫花,真係吸引到一眾嘅抹茶控嚟呢到朝聖啊! ▲ 地上嘅雨水渠蓋都係店主嘅特別設計,同街外嘅渠蓋有明顯嘅分別,枱上仲畫有「盼自由歸於這裡」嘅圖,提醒一眾手足勿忘初衷。 ▲ 靜雞雞蛋糕,靜雞雞話你知得上環先有架炸,唔好去錯灣仔啊! ▲ 新鮮烘焙嘅pastry,熱辣辣,真係食過番尋味! ▲ 店鋪以Tiffany Blue顏色為主,俾人一種高貴嘅感覺,同朋友打卡影相一流。 The Corner Coffee (灣仔) 地址:灣仔港灣道2號地下電話:6564 3143營業時間:09:00 – 18:00 (星期一至五)、10:00 – 19:00 (星期六至日) The Corner Coffee (上環) 地址:上環皇后大道中378號福陞閣地下22號舖電話:6564 3143營業時間:09:00 – 18:00 (星期一至五)、10:00 – 19:00 (星期六至日) 文字來源:香港人遊香港、圖片來源:@thecornercoffee_hk、@fredadafoodie...
呢間由日本人開設嘅甜品鋪,喺2016年獲 OpenRice 選為最佳甜品餐廳。佢主打抹茶同焙茶雪糕,仲有其他以抹茶為主嘅甜品,包括綠茶芝士蛋糕、綠茶蛋捲等等。呢到嘅抹茶粉唔係普通野嚟架,係來自日本高級嘅京都宇治抹茶粉,可以想像到抹茶味有幾咁濃郁,簡直係抹茶控嘅天堂,抹茶甜品多到揀唔落手!唔鐘意抹茶嘅朋友都唔洗驚,佢會不時提供季節性嘅水果甜品,喺最近堆出咗士多啤梨味嘅甜品,快啲拉埋抹茶控嘅朋友一齊食。 ▲脆米白玉抹茶雪糕 ($54),軟綿綿嘅抹茶雪糕配合埋脆卜卜嘅脆米,一次過食到兩種口感。 ▲三色雪糕窩夫 ($70),一次過滿足哂你三個合味! ▲ Melty Chiffon Cake,以戚風蛋糕為底,灑上大量嘅 Japanese cream,多到傾瀉而出。 ▲Matcha Latte ($40),濃郁嘅抹茶拿鐵,上面仲有隻好可愛嘅龍貓拉花,真係唔捨得飲啊! ▲ Japanese Strawberry Mille Feuille Parfait,採用日本博多甘王草莓,每粒都大大粒,顏色又鮮豔,食落去香甜而多汁,簡直令人為之瘋狂。 Via Tokyo Dessert Cafe (銅鑼灣) 地址:銅鑼灣禮頓道106-126號禮信大廈地下1A-1B號舖電話:12:00 – 23:00營業時間:28951116 文字來源:香港人遊香港/圖片來源:@viatokyocafe、@miss.pyyn、@alittlesunshine_alotoffood...
中村藤吉 最近喺又一城開Pop up store,除咗招牌抹茶甜品好似蕨餅同雪糕外,仲會獨家發售蜜柑抹茶啫喱,配料有自家製蜜柑蓉及白玉丸子,清涼軟滑啱哂今個夏天食,再食埋每日限定供應嘅抹茶蕨餅,充滿茶香 ▲夏季期間限定蜜柑抹茶啫哩。 ▲抹茶焙茶杯裝雪糕。 ▲蕨餅每日新鮮製造,配以醇香黑糖漿。 ▲中村藤吉香港店於又一城開設期間限定店。 中村藤吉期間限定店 地址:九龍塘達之路80號又一城UG樓層Area Q日期:即日至2018年10月3日時間:11:00-22:00 文字來源:香港人.遊香港/圖片來源:中村藤吉...
想食榴槤雪糕,唔一定去老麥嘅,呢間以招牌抹茶軟雪糕打響名堂嘅甜品店,最新就新出馬來西亞貓山王榴槤軟雪糕!雪糕只限旺角同馬鞍山店有售,貓山王全部都係馬來西亞直送,想食啖啖榴槤果肉嘅貓山王軟雪糕,要把握機會啦! ▲鐘意食抹茶嘅朋友可以食埋-抹茶軟雪糕 ▲樹上完熟老樹貓山王榴槤,百分百榴槤果肉製造貓山王軟雪糕。 ▲御前上茶-出品嘅軟雪糕有質素保證。 ▲新出馬來西亞貓山王榴槤軟雪糕($38) 御前上茶指定分店地址: 旺角廣華街13號廣輝大廈地鋪4-5號 馬鞍山新港城3樓千色店CTBEATZ內 文字來源:香港人.遊香港/圖片來源:御前上茶...
啖啖榴槤蓉甜品! 依間酒店推出甜品自助餐,當中有大量大受歡迎的榴槤甜品,如榴槤脆脆芝士餅卷、榴槤班戟及榴槤焦糖燉蛋,仲有即場製作的榴槤刨冰。榴槤以外,亦有大量以綠茶為主題的甜品,確保鍾意榴槤嘅朋友有伴去食Tea! ▲泰國金枕頭榴槤西多士 ▲榴槤脆脆芝士餅卷 ▲榴槤半熟芝士撻,又一必食推介 ▲榴槤焦糖燉蛋 ▲即場製作的榴槤刨冰,除了榴槤亦可選擇放上其他水果 ▲榴槤千層酥 ▲綠茶白朱古心太軟 ▲仲有大量綠茶甜品 ▲而雪糕方面,選擇非常多,而且全部都係Haagen-Dazs ▲餐廳雖以甜品作主題,但亦有量熱食、海鮮、刺身等,選擇非常多。 ▲冰鎮熟凍蝦 ▲冰鎮熟青口 ▲即煮中式粉麵 ▲沙律吧 ▲朱古力噴泉 榴槤綠茶‧甜蜜滋味下午茶自助餐 地點:九龍紅磡都會道7號都會海逸酒店7樓Promenade西餐廳時間:星期六、日及公眾假期(15:30-17:30)價錢:$298/成人;$188/小童 文字及圖片來源:香港人。遊香港...