原來發哥係常客!👍 是咁的,話說小編正打算去新界一帶,揾條靚靚行山路線(趕住交稿老總),見時間尚早,搵地方食返個靚早餐先! 經過屏山一帶, 見到有間茶餐廳門口有一大班人等候,即管又攞個籌試下先! 小編叫咗招牌菠蘿包、雞翼豬扒蕃茄通粉、雞翼豬扒芫茜皮蛋米粉、咸牛肉豬仔包…..真係超好味! 呢間冰室出哂名要排隊輪候,不過等候期間,店員優先派發餐牌,幫客人預先入單,所以ㄧ坐低就有得食,不過記住一次過入定啊,如果唔係又要再等過! 佢哋有三間分店,而屛山呢一間 中午一點至兩點係佢哋嘅食飯時間,所以會暫停營業,而三間都係逢星期日都會休息。要留意啊!最最最驚喜係食完之後喺門口仲見到發哥,第一時間箭步衝上去,同發哥合照,打打卡。 店員話畀我聽,原來呢度係發哥經常嚟幫襯嘅地方。今次真係一次過滿足曬兩個願望。 ▲豬扒雞翼蕃茄通粉($44),湯底採用新鮮蕃茄嚟釀製味道濃郁,豬扒煎得啱啱好香口又唔韌,豉油雞翼甜美、雞肉嫩滑 ▲招牌菠蘿包($18)香脆菠蘿包裏面夾雜一舊新鮮嘅牛油,又有新鮮嘅番茄同埋流心蛋,酸酸甜甜嘅配搭令人胃口大增!十分美味! ▲招牌菠蘿包,新界區享負盛名無人不識. ▲雞翼豬扒皮蛋芫茜湯底米粉($41)睇個賣相就已經令人哋口水流,整隻皮蛋好咬口,芫茜湯底十分味美,配搭香煎豬扒再加上嫩滑豉油雞翼簡直係人間嘅美食 ▲招牌蛋沙律多士($21)-外面係爽脆多士,而內層係冰凍沙律再加上嫩滑雞蛋外熱內凍、口感一流 ▲招牌芝士蛋鹹牛肉豬仔包($20)外面係熱辣辣爽脆嘅豬仔包,裏面夾雜免治咸牛肉,再加一塊半溶嘅香滑芝士,ㄧ啖咬落去!嘩!真係好味到難以形容! ▲前:冰花奶茶($20)茶味濃郁、淡奶嫩滑,加上冰花,當吸入口即溶。後:凍檸檬益力多,口味酸酸甜甜、生津解渴,口感一流。 ▲攞個唔少飲食評審獎項 ▲經常都要排隊進入,不過服務員都好有效率,為等候人士先落單,一埋位坐食物就立即奉上-時間夾得啱啱好。 ▲店員說原來發哥是常客,經常都會到訪,牆上亦有發哥用膳相片 ▲發哥原來是常客,如果去幫襯又好彩的話,仲可以野生捕獲發哥添! 華嫂冰室 地址:屏山元朗屏山坑頭村電話:2617 2232 文字/圖片來源:香港人.遊香港 &  小牛牛快樂行山郊遊相集by Chan Keung...