位於上環一間時尚生活店,佔地逾4,000多呎,店內結合花藝、家居擺設、生活雜貨、新鮮蔬果、餐廳等等,多元素集於一身!生活店另外一個重點區係時裝部,部分由店主親自設計或從海外入手,其他著名家品品牌如是,包括Tom Dixon、PUEBCO、AREAWARE等等。行到攰攰地仲可以喺自家餐廳試埋特色多國菜,有藍龍蝦班尼迪、法式香煎龍利魚配水瓜㰖、西班牙海鮮燉飯等等。 時裝部 ▲鬼田山,HapiX鬼山田聯乘款,由藝術家鬼山田駐場創作獨一無二的手繪牛仔褸。牛仔褸將以拍賣形式發售。​ ▲AGE韓國人氣帆布鞋品牌!男女合用,擁有獨特螺旋條紋鞋底,有高低鞋筒和黑白色可供選擇。 家品部 ▲TomDixon,充滿工業風的型格燈飾和家居擺設,呢個傢俱品牌從不令人失望 ▲Areaware 為大家帶來趣味十足的禮物和擺設選擇! 鮮花區 ▲店內有多款時令鮮花,店舖更提供免費包裝。 ▲更有多肉盆栽售賣! 自家餐廳 ▲西班牙海鮮燉飯,每粒飯都充滿著濃郁的龍蝦湯,飯面鋪滿了各種海鮮,色香味俱全。 ▲法式香煎龍利魚配水瓜㰖,選用貴價的多佛龍利魚,肉質彈韌鮮甜,絕對值得一試。 ▲藍龍蝦班尼迪,藍龍蝦屬於龍蝦中嘅貴族,配上班尼迪蛋做早餐,真係夠曬矜貴又好味。 文字來源:香港人遊香港/圖片來源:@hapi.fish...
擁有半世紀歷史嘅老牌茶餐廳位於上環,一行入去咖啡室,懷舊嘅氣息撲面而來,好似進入咗六、七十年代嘅香港,充滿歲月痕跡。咖啡室嘅叉燒薑蔥香油撈麵係必叫之選!蜜汁叉燒外層少焦少脆, 肥瘦均勻,食落肉質唔會韌同柴,出前一丁煮得啱啱好,麵條幾彈牙,盡顯半世紀嘅功架!要留意嘅係叉燒薑蔥香油撈麵 12點後先有得食,而且好快賣哂,所以想試就要早啲到!喺懷舊嘅環境進餐別有一番味道! ▲叉燒薑蔥香油撈麵($48):咖啡室嘅招牌之一,一上枱葱香撲鼻,叉燒焦香味亦好濃郁,賣相好靚,顏色鮮艷! ▲ 叉燒大大塊,肥瘦適中,令人流口水!麵條亦幾彈牙! ▲ 鮮牛肉湯米粉($43): 米粉份量適中,湯底係奶白色嘅豬骨湯,配熟生菜和鮮嫩牛肉,好夾! ▲ 脆豬(跟餐+$9):非常香脆,同煉奶香甜配合得宜! ▲ 茶走:茶記必叫! 文字來源:香港人遊香港 / 圖片來源 :@gimmerice_hkfoodie...
Why 50坐落上環,主打一系列三文治同咖啡,環境唔大,但畀人嘅感覺好舒服。除咗因為裝修之外,陣陣咖啡香亦令人好陶醉。 Why 50 最出名係佢哋嘅brunch,朝早瞓過龍都可以嚟嘆個早午餐,真係好寫意!Hey Char Siu齋睇粵拼大家應該都會知道係叉燒, 有冇諗過叉燒同多士都可以match埋一齊?煣合咗中西fusion嘅 Hey Char Siu 以半肥瘦嘅 蜜汁叉燒為主,配上洋蔥同炒蛋,仲有另一個主角多士, 烘到好似BBQ烘麵包咁,兩者加埋居然冇違和感,好有驚喜,可以一試! ▲ Hey Char Siu ($97):半肥瘦嘅叉燒切粒,部分燒到少少脆口,蜜汁多到滿瀉!叉燒放喺多士上中西合壁,味道意想不到嘅夾! ▲ 50 Brekkie ($112): 係平時食到嘅All day breakfast!有牛油果、煙三文魚、沙律、菇、炒蛋多士同火腿,全部都熱辣辣,好香! ▲ 薰衣草latte ($45):呢度嘅咖啡同樣出名,有水準之餘,亦十分香滑! ▲ 店舖以啡色為主調, 舖面不大,昏黃嘅燈光畀人一種悠閒嘅慵懶感,牆上亦掛上香港特色照片作裝飾! 文字來源:香港人遊香港 / 圖片來源 :@kcfoodies__ebp、@clarice_alicemei...
今次介紹呢間位於上以比環既一間Cafe, 餐廳位置比較隔涉,距離上環地鐵站大約開十分鐘,仲要開住地圖行先搵到。餐廳主要食英式料理為主,多款英式經典菜都有得食。店內分別設有Bar檯同餐檯,餐廳門口都設有吸煙區同埋有高枱可客人飲住酒傾下計,而餐廳最近仲多左個角落位比客人用MEMO紙比客人寫下意見。餐廳就算假日都有提供Lunch Set & Dinner Set,另外餐廳係可以帶埋狗狗進食嫁,方便愛狗之人又想約埋朋友傾下計,帶埋狗狗黎岩晒啦! ▲All day breakfast($148): 英式早餐係英式料理既其中一樣非常受歡迎既菜式,呢度英式早餐有好多樣小食,分別有烤菇、炒蛋、煙肉、多士、德國腸、沙律、薯餅同埋茄汁豆,真係勁豐富呀! ▲燒雜菜牛扒沙律伴日式芝麻醬:牛排五成熟,燒到岩岩好唔會太生,食落去牛味出晒,食啲咁Heavy既肉,配番個烤蔬菜中和番岩晒。 ▲原隻烤雞: 烤雞既雞皮好脆,而雞肉食落都好滑,唔會好鞋,另外再配埋紫薯薯蓉,食落去有粒粒紫薯粒添,份量大到一個人係食唔晒嫁! ▲雙雙漢堡 配香辣薯格(午市套餐$128):呢個漢堡午餐食真係好豐富,漢堡包之所以叫雙雙,係因為有一塊好厚切既漢堡排,再加脆煙肉,食落去口感係勁豐富,塊牛肉漢堡排係好多汁!另外再配埋薯格,炸到好脆! ▲現時餐廳做緊優惠:頭八位黎食飯嘅客人又提供到20/11或之後向星火/立場等良心機構嘅捐款收據就送出相框+書籤一套。 LLB Bistro 地址:上環荷李活道188號地下 營業時間:星期一至四12:00 – 22:00、星期五至六12:00 – 23:00、星期日12:00 – 22:00 電話:35946790 文字來源:香港人.遊香港 /圖片來源:@llbbistrohk...
上環永樂街有間餐廳專食馬拉菜,叻沙麵同炒粿條最出名,係星期六果陣仲會有小食放題,可以任食馬拉小食加任飲特製飲品添!小食放題岩晒啲去到唔知揀咩食既人,有成10款小食前菜,咩都可以叫黎試下。餐廳門口裝修主調係以灰色水泥顏色配深綠色框邊,會比客人有種新潮有格調既感覺。如果客人坐bar檮仲可以現場睇廚師炮製食物! ▲馬來西亞喇沙($128):碗喇沙材料好多,有大蝦、半隻半熟蛋+馬拉盞醬、炸魚蛋、白魚蛋、魚片、豆卜、通菜,麵底就係蛋麵+米粉兩溝。湯底好濃郁最出色,食落去椰奶味好重,絕對係一個高質既喇沙湯底! ▲炒粿條($118):材料有泰式肉腸、蜆肉、蛋同蝦。泰式肉腸食落去好似比較甜既臘腸咁。 粿條炒到岩岩好,唔會過硬或過淋,調味調得好好,食落去好惹味。 ▲馬來叉燒撈乾麵: 有秘製麵佬到醬汁撈麵食,好惹味,麵質都岩岩好! ▲香蘭蛋布丁:食落去有好濃蛋同椰汁香味,口感亦都好滑! ▲小食放題($288):相中小食有香蘭雞蛋布丁、蝦片伴麵佬到醬、香脆喇沙炸雞、馬來雞沙嗲,飲品係馬來西亞拉菜+青檸疏打。 ▲炸蕃薯條配蛋黃醬,分別有紫薯條同埋番薯條。 麵佬到 地址:上環永樂街148號南和行大廈地下4號舖營業時間:星期一至六12:00 – 15:00/18:00 – 21:00電話:31040288 文字來源:香港人.遊香港/圖片來源:@meannoodles...
上環商場打造左夏日霓虹燈泳池磚牆打卡,場內有本地攝影師嘅超現實主義攝影改圖作品展睇,展出20多張香港生活主題。係呢個展內嘅天花板係海洋水面,地板仲有鯊魚出沒互動,令你置身海洋水底之中。 ▲夏日霓虹燈泳池磚牆 ▲水母投映牆打卡 ▲超現實香港生活作品《食甜品要選時間地點嗎?》,坐係沙灘椅打卡感愛夏日吃貨滋味 ▲除咗甜品,仲有《我眼中只有雪條》 ▲夢幻水世界裝置天花下睇超現實主義香港生活相展 ▲天花係水底仰視效果,地面有鯊魚出沒,只要觸碰鯊魚,鯊魚會比反應 信德中心「SUMMER DREAMING」 日期:2019年6月28日至8月22日時間:上午10時至晚上10時地點:信德中心二樓中庭 文字來源:香港人遊香港/圖片來源:信德中心...
店主將健康飲食文化帶比大家,等大家食得營養均衡,蛋白質、碳水化合物同蔬菜分佈比例都有計算過!食物都係由海鹽、冷壓油等食材整成。店鋪品味自然清新,好有home feel,以開放式櫃臺比食客睇睇即將放入口既食物係咩樣,基本上所有食材都係以健康為主,每次黎食物選擇都唔少,款式百變仲會定時因食材同季節而改變。 ▲呢店店面光鮮明潔,一盤盤食材已經擺哂係玻璃樓面! ▲duck breast with reddish係好多人既心水!鴨皮烤得微焦,肉嫩入味 ▲海鹽焗秋葵,食落香脆又美味 ▲1 carbs + 1 protein + 1 hot veggie + 2 cold veggie + garnish($83) : Curry chicken 係用炆焗方式代替傳統烹煮,加香料減少用油。 ▲要趕溫書做功課冇時間食飯,黎呢度食又快又健康呀! 文字來源:香港人.遊香港 / 圖片來源:@yuwooter、@zoiesfitnessjourney、@thelittleadventurer_hk、@alittlebitof_spice...
呢間燒鳥店每日都由師傅將三黃雞拆肉去骨,每隻雞足足可以拆到20個唔同部位出黎燒,連雞心、雞甲狀腺呢D比較冷門嘅部份都可以試到。唔同部位嘅雞串都要用唔同時間同火喉去燒,所以真喺好考廚師嘅技術。必試推介係燒雞肉球,肉球非啖啖肉常Juicy,裏面有少少雞軟骨,食落有少少脆口,配埋蛋黃漿汁就更惹味! ▲各式各樣嘅雞肉串燒!雞腿、雞翼、雞頸、雞肝、雞尾、雞皮。所有串燒一律$45,作為前菜最適合不過,全部做到肉嫩多汁,完美無瑕。 ▲惹味燒雞翼($45)燒雞翼預先去骨,外皮脆肉滑 ▲即叫即燒嘅串燒,香噴噴、又多汁,真係人見人愛啊! Yardbird 地址︰上環永樂街154-158號地下時間︰18:00- 00:00,逢星期日休息電話︰25479273 文字來源:香港人.遊香港/圖片來源:Yardbird...
最近上環開咗間摩登墨西哥餐廳,主打墨西哥菜同埋特式Tequila,一入到餐廳佈置成個《玩轉極樂園》咁樣,好多佈置都有墨西哥風格,食物方面,主菜燒春雞皮脆肉嫩,皮上佈滿香草,內裡雞肉滲入淡淡香味,鮮嫩無比!其他經典小食墨西哥脆餅、招牌卷餅 Trump Taco都好出色!餐廳仲有款陳皮浸泡嘅招牌Tequila,配埋摩登墨西哥菜,夠哂特別! ▲餐廳由來自墨西哥瓜達拉哈拉的大廚Jose-Alfonso-Rodriguez主理,嚴選優質食材炮製現代墨西哥佳餚。 ▲烤洋蔥粉的經典牛油果醬HK78-配香脆自家製墨西哥脆餅。 ▲燒春雞-HK228。 ▲室內設計讓客人仿如置身陽光燦爛的墨西哥,享受正宗菜式以外的地道風味。 Te Quiero Mucho 地址︰上環皇后大道中286號香港奧公館酒店地下及1樓時間︰06:30 – 23:00電話︰3423 3290 文字來源:香港人.遊香港/圖片來源:Te Quiero Mucho...