屯門人氣章魚燒返黎啦!呢間位於葵芳的章魚燒小店,以前係屯門洪橋勁出名,長期大排長龍。結業2年後,因舊客戶兩兄弟太掛住個味道終於用誠意打動前店主,最後接手經營東山再起。新店現有9款口味章魚燒,即叫即整款款都好吸引,好似超正啖啖明太子,粒粒章魚燒都有超級多明太子係上面再用沙律醬包圍超級多料絕不孤寒,真係名副其實啖啖都明太子,加上章魚粒外脆內軟綿口感超滿足。另一火炙熔岩芝士脆脆,芝士經火炙後芝士味道更香濃突出,加上脆脆粒口感豐富。 ▲超正啖啖明太子($39/8粒) :粒粒章魚燒都有超級多明太子係上面再用沙律醬包圍入口充滿明太子咸香,而章魚粒口感軟綿中間更咬到章魚粒再加大量木魚絲好有口感。 ▲火炙熔岩芝士脆脆/超濃香黑松露(雙拼$35/6粒): 經火炙過的芝士香濃味更突出,加上脆脆粒口感豐富。黑松露醬香濃但不會搶走章走章魚燒味道。 ▲和風蜜糖芥末($30/6粒): 芥末的微微辣加上蜜糖的甜,甜甜辣辣好易入口。 ▲現在有9款味道全時即叫即整,款款都好吸引。 文字:香港人遊香港 / 圖片:her_food、nat.foodseminar、tommykaichun...
葵芳廣場一直都係香港人掃街必去之地!呦呦鹿鳴布丁燒就最啱作為掃街嘅最後一站。佢哋嘅招牌椰爺布丁燒,以新鮮椰青水和椰青肉混合而成,多重口感有層次!夏天最受歡迎就係季節限定嘅榴槤口味,逢星期五到日同公眾假期每日限定30杯,採用100%新鮮榴槤肉,諗起都流哂口水! ▲ 椰爺布丁燒 ($38) 層次分明,入口即溶,食到滿口椰香! ▲ 榴槤布丁燒($38) 採用最當造嘅榴槤肉,唔加任何榴槤醬,絕對真材實料! ▲ 每個布丁燒都用心製作,有質素保證。 ▲ 以漫畫形式呈現布丁燒食用指南。 ▲ 布丁燒印有加油字句。 文字來源:香港人遊香港...
記得元朗岩岩有布丁燒果時,身住大西北既小編收到唔少朋友要幫手買,依家葵廣都有得食喇!雖然佢總共有好多口味,但想食某一款可能都係撞手神,新鮮出爐布丁燒可以熱食,好似原味同朱古力咁,會食到佢滑滑既口感,不過某d口味都係凍食好食d,好似咖啡味咁。 ▲茉莉花茶布丁燒($38) 清香嘅茉莉花茶味加入布丁燒最岩凍你,食落真係滑不溜口! ▲咖啡味布丁燒 ($38)好有四洲果隻咖啡糖feel,如果要凍食就要等出爐一段時間後會放入雪櫃,先可以倒出黎食! ▲抹茶布丁燒 〈若竹〉 ($38) 全部口味最頂層係焦糖,而中間布丁,最底層係輕芝士蛋糕,凍食就可以先嚐焦糖。 ▲凍椰爺布丁燒 ($38)製仔作布丁燒時加入新鮮椰青水同椰青肉,椰青芳香撲鼻。 呦呦鹿鳴布丁燒 地址: 葵芳葵富路7號T6舖葵涌廣場3座呦呦鹿鳴布丁燒 樓3069號t5營業時間: 11:30–21:00 文字來源:香港人.遊香港/圖片來源:@go.chi.so.sa.ma、@flomania.hk、@pitamisha、@kelvinleeyukting...
食得辣既朋友要試喇!呢間葵廣小店主打食辣,秘製Wasabi味的麻辣手撕雞手卷係重中之重既食品,手撕雞撕得細細條,麻辣汁每日製作,兼具麻辣香得過癮。其他麻辣食品分大辣、中辣和小辣三個辣度,比你挑戰一番! ▲大份手撕雞蒿麥麵(HK$35)手撕雞份量都幾多,紅油滲進麵食落都好刺激! ▲秘製Wasabi味麻辣手撕雞手卷(HK$19)食唔到辣既朋友總會覺得刺激到咀都腫,雞肉唔算嫩,不過食落有彈性。 ▲麻辣鳳爪($28)既帶花椒香又麻,買返屋企送酒就最岩。 ▲麻辣牛肚牛腱-HK$30 無辣不歡 地址:葵芳葵富路7號葵涌廣場2樓2019號舖電話:68031280 文字來源:香港人.遊香港/圖片來源:@queenieruby、@yanziyanzi119、@vv829、@yokooooho—————————————————————...
葵廣呢個又逼又舊既商場,不嬲都係美食之聚集次地,為各位吃貨、學生至愛。而呢間更係出旗制勝,完全將夜市手推車搬過黎,好有風味!阿佳拌麵主打台灣拌麵,有不同配料及醬汁選擇 !小編特別推薦香而不膩既肉燥拌麵,肉燥味道極為濃郁,材料有肉燥、魷魚、鹵水溏心蛋、魚蛋、千頁豆腐等,都頗為豐富。 ▲肉燥拌麵($30)材料有肉燥、千頁豆腐、酸蘿蔔及溏心蛋,醬汁仲有沙茶、芝麻、麻辣選擇!肉燥香而不膩,係最受歡迎既食品之一 ▲肉燥拌麵($30)溏心蛋鹵得非常入味,非常流心令其賣相加分,味道亦豐富 ▲古早現燙魷魚25現燙魷魚即是即叫即做,沙茶醬塗上薄層,魷魚表面就掛上鹹中帶甜,味道濃郁鮮美。 ▲貴妃雞捲 ($18)皮已烤得薄脆不肥膩,食落肉感足外皮香 阿佳拌麵 地址:葵芳葵富路7-11號葵涌廣場3樓303F號舖電話:23851486營業時間:12:00 – 23:00 文字來源:香港人.遊香港/圖片來源:@idasheksuetsuet、@nirvanahc、@yanyanb___、@kimlau_foods、@silver_sugar_...