呢間位於天后的地道茶餐廳已經營超過半世紀,但水準仍然超班!馳名的滑蛋菠蘿包及滑蛋叉燒飯是招牌菜,菠蘿包超邪惡,脆脆的菠蘿包烘得熱辣辣,夾住厚身滑蛋,蛋重蛋香味⋯⋯
呢間宵夜食店獲米芝蓮推介﹐以鑊氣小炒而聞名,小編尤其對拔絲咕嚕肉最深刻印象,酸酸甜甜以山楂汁煮成濃稠,掛上鬆脆可口肉塊,帶有拔絲效果。燒乳鴿亦係台台必點菜式!燒乳鴿外皮薄香脆,食落清鮮肉香,肉嫰多汁! ▲咕嚕肉酸甜汁係佢既亮點;香脆外表包著鬆化肉質! ▲花甲蒸水蛋,選用花甲大大隻食落鮮嫩無比 ▲燒乳鴿肉細皮香,嫩滑又juicy ▲龍蝦+煎米粉底-龍蝦啖啖肉,煎米粉底口感鬆化,最適合宵夜送酒! 聚興家 地址︰太子砵蘭街418號地下電話︰2392 9283 文字來源: 香港人.遊香港/圖片來源:@wtforkshouldieat、@travellifeisperfect、@xiang.lian、@calvinnnchan...
呢間大角咀小店經歷幾次搬鋪,食物都keep住水準,鐘意食咖哩既朋友,可以試下佢地獨家泡製既港式咖哩麵,有湯麵又有乾撈,賣相的確麻麻但係味道真心夾!小編推薦食咖哩撈麵,因為無論你叫咩麵,都可以掛滿香濃既咖喱醬汁! ▲咖哩雞扒撈丁,平時食開芝士撈丁今次可以試下d冇咁溜既! ▲咖喱牛腩撈粗($55),喱腩撈粗係街坊果果食完都話正,呢度咖喱迎合香港人口味,其實配牛腩最夾! ▲咖哩豬扒撈丁 ▲除左撈麵同湯麵之外,呢度都會有好多小食好似咖喱魚蛋咁。 金鑽喱美食 地址:大角咀大全街20號地下A5鋪電話: 2392 8968 / 5204 0604 文字來源: 香港人.遊香港/圖片來源: @hkrickylam、@winnic、@kidmin...
識食一定食海鮮煲仔飯!食店好少會有海鮮煲仔飯供應,因為以海鮮來做煲仔難度極高,要拿捏時間準確,才可避免海鮮過熟,師傅表示為此特別訂製了共 9 個爐頭的電爐來煮煲仔飯。生米落水後,再放上粉絲,然後再加入海鮮配料。海鮮煲仔飯有金銀蒜粉絲開邊蝦、陳皮鮑魚仔、粉絲象拔蚌等不同口味,連辣酒東風螺煲仔飯也有。 ▲餐廳自稱全港首創海鮮煲仔飯,呢個陳皮鴛鴦鮑魚煲仔飯($88),用上鮑片同新鮮鮑魚,陳皮香更帶鮑魚鮮! ▲金銀蒜粉絲開邊蝦煲仔飯($84),開邊蝦呢個選擇都好受歡迎!金銀蒜包括有生蒜同炸蒜,蒜味香口。開邊蝦都算新鮮。 ▲豉汁帶子煲仔飯($88),豉汁惹味地帶出帶子味道,撈飯亦非常惹味! ▲呢度煲仔飯火喉好夠,鐘意食飯焦就正喇! 銓滿記餐廳小廚 地址:旺角新填地街419號萬福大廈地下電話:3760 8855營業時間:07:00 – 00:00 文字來源: 香港人.遊香港/圖片來源: @foodmagnets、@mr_foodie__、@esthernok...
呢個特厚西多士又係一長洲名物,以厚厚既外型見稱,西多士餡可揀藍莓、花生醬、朱古力或綠茶,表面超多煉奶,加上大舊牛油咪話唔邪惡!揀綠茶醬取代花生醬,入口又有另外一種韻味! ▲厚西多係由兩塊厚麵包製成,厚多士蛋漿恰到好處,食落脆口,配上煉奶表面真心邪惡! ▲綠茶西多士 ($22 厚西多$35) 綠茶口味最多女仔揀! ▲食呢個特厚多士都係揀返花生味最啱數! ▲厚西多咁大份量,緊係同朋友開心share 啦! 紅點 RedPoint 地址:長洲新興街65號地下電話:29810303營業時間:08:00 – 21:00 文字及圖片來源:香港人遊香港、圖片來源:@tomato_c_hing...
荃灣區餐廳轉得都幾快,不過有一間位置唔係上佳既港式雲吞麵做左10幾廿年,全因出品啱街坊口味,佢地既雲吞,冇因為希望嘩眾取寵地包到好大,一粒擺入口到啱啱好!而雲吞麵湯底,係用曬乾蝦殼、大地魚、白豆、陳皮等材料熬幾個鐘,可以話係正宗傳統港式味道。 ▲會做即炸鯪魚球既麵店比較少,鯪魚球一碟有8個,粒粒都好似乒乓波咁大,所配蜆芥既薑絲、蔥絲同蜆都好足料。鯪魚球炸得金黃香脆,食落都幾彈牙! ▲水餃麵,蝦肉比例相稱,內餡蝦肉彈牙,加上豬肉、筍、木耳唔會好膩,而且水餃皮薄而不爛,真正皮薄餡靚! ▲一碗雲吞麵有六隻雲吞,不過就唔係好大粒。 ▲爽滑鯇魚皮,魚皮到半生熟都幾考功夫,要做到又爽又脆又滑都幾難得。 彬記粥麵專家 地址:荃灣大陂坊6A號地下電話:24140670營業時間:14:00 – 01:30 文字來源:香港人遊香港/圖片來源:@rt_foodies、@stelliewong、@rayhowm、@mydailyfoodhk...
自從啟田街市重開,仲加入食街之後呢間手工燒賣一直都大受歡迎,燒賣係每日用人手工現場包,size亦比平日較大粒,同來貨既口感唔同,鮮魚肉味蒸熟後加埋豉油、辣油,十分惹味。 ▲燒賣($15/6粒)魚肉餡即日整,比平日燒賣更大粒,都算抵食! ▲墨魚汁燒賣($15/6粒)實在係另類既暗黑料理,一樣係即日手工製造,特前別加入濃郁鮮味墨魚汁拌入粒粒爽口墨魚肉。 ▲燒賣王子自開業來都得到唔少街坊支持,仲開到凌晨2點,ot收工返去仲食到! ▲椒鹽手工燒賣 ($10/4粒)即叫即炸,成品再再加椒鹽!咬落酥香脆口,椒鹽鹹香滋味! 燒賣王子 地址:藍田啓田道50號啓田市場地下1079號舖營業時間:07:00 – 02:00 文字來源:香港人遊香港 /圖片來源:@chanchanfooddiary、@aptxran54、@hungergame_hk、@jap_n_go...