唔駛飛布吉芭堤雅,留係香港都可以有海景渡假生活!想遠離一下都市既煩惱,又或者希望有個特別而奇妙既旅程,可惜苦無假期,打工仔既心聲我地完全明白!所以今日就介紹香港地區內既海景渡假屋,呢度位於大嶼山塘福,豁然開朗好似世外桃源咁,純潔白色既牆身加上希臘藍既欄杆,加上南中國海完美景緻。係呢度大家可以盡情發呆、望海、睇書,又或者同你愛人一齊渡過,後院仲可以舉辦私人燒烤派對架! ▲香港可以面對一望無際大海既民宿渡假屋都少之有少,面對藍色既南中國海,感覺好治癒 ▲海邊小屋塘福海豚閣外貌十足墾丁南灣既海邊民宿,而且間客房均設有露台、電視、設備齊全廚房! ▲唔好以為就咁book渡假屋冇野做會好悶,只要你要求,渡假屋就會幫你安排水上活動! ▲唔似西貢咁多人,既適合初學者又適合高階者! ▲到合適季節就可以前往就近大嶼山水口泥灘摸蜆! ▲天氣晴朗既晚上仲會見到星星!大家可以舉辦私人燒烤派對,不過bbq既食物同用具就要自己準備喇! ▲不過有時乜都唔做係沙灘行下都頓覺輕鬆寫意! 海邊小屋 – 塘福海豚閣 地址:香港大嶼山塘福村17D預訂及查詢:[email protected]電話:+852 91332676交通:1)東涌站轉大嶼山巴士11,11A,A35或23號巴士然後到塘福村站,下車後步行兩分鐘2)中環6號碼頭然後坐船去梅窩然後轉巴士,你可以選擇坐#1,2或4號巴士然後到塘福村站3)從東涌站乘搭藍色大嶼山的士4)自行駕駛:需要先申請禁區紙 文字來源:香港人.遊香港/圖片來源:@thecovehostel...
[博客授權分享:呀劍萬帥 親子旅遊 攝影札記 ] 室內遊戲派對場地越開越多,由於地舖商場成日加租,近年都開始一一進駐工廈,唔怕你唔方便,最怕你貴,所以好多家長都唔介意地點唔就腳,總之有得玩就乜都得,最近去了這個位於觀塘的新場,原來又唔係太僻喎,又方便又實抵玩! ▲DREAM ROOM 以日系及大自然為設計概念,大量採用森林、海洋、陸洲、高山、小木屋等自然元素為主題 ▲大家入場前可以將行裝放在儲物櫃內(租金$20/按金$80) ▲一入閘身處的就是【露營體驗區】適合 2-6 歲 ▲多個小帳篷俾小朋友可以捐入去創造自己的小天地 ▲枱上面仲有多款唔同類型嘅玩具同 Board Game 任B選擇 ▲另一邊牆上安置了許多玩具齒輪,真係要動動頭腦,真係可以一個拖帶所有齒輪推動 ▲【高山車駅區】適合 2-12 歲,真係可以話係「火車王國」因為房裡面有多條木製路軌,俾小朋友自主建造自己喜愛的路線 ▲仲有想攪Party活動包場都得,因為地方夠大,又有獨立房間,連開放式廚房都有 ▲【海陸遊戲區】適合 6-12 歲,呢個以海陸為主題的波波池,有成千呎咁大,上下兩層遊戲架!仲有氹氹轉飛船,超好玩! ▲DREAM ROOM 特意採用「ZOONO」生物科技消毒及專業消毒洗波機,一定可以放心玩...
[駐場博客 @Starry Starry Tearoom]開聖誕節派對,最好多做一些簡單的finger food,方便朋友拿起就吃,不用擔心吃相狼狽。不過坊間的finger food大多是油膩的煎炸食物,賣相不夠高級吸引。想做點比較有新意又見得人的小食?可以試試做這個芝士洋蔥煙肉焗青口。鮮甜的青口,加入炒香了的洋蔥煙肉,再混合溶化了的芝士,實在是邪惡的美味。做法也不算複雜,在餐桌上一整排放出來非常有豪華感,絕對上得大場面。 材料如下: 青口 12隻洋蔥 1/2個煙肉 3片蒜蓉 3瓣Parmesan Cheese 適量香草(thymes/parsley) 適量黑椒適量 ▲將蒜頭、洋蔥、煙肉和紫蘇葉切成幼末,備用。(我今日用紫蘇葉,代替了平日使用的香草,不喜歡紫蘇葉的話可用回日常的 thyme/ parsley。) ▲用中火先炒香洋蔥,再加入蒜蓉和煙肉碎,仔細炒至香氣溢出後盛起。 ▲青口解凍,用擦洗淨貝殼,然後放入煲滾的水中,略煮2分鐘,撈起瀝乾水份。將洋蔥煙肉末鋪在青口上,然後加入香草。 ▲再鋪上芝士後,灑上黑胡椒。用小焗爐焗大約6-8分鐘,或是預熱180度的焗爐,焗大約6-8分鐘,直至芝士溶化轉色便完成。 小提示: 1。洋蔥煙肉要盡量切得幼細,鋪入青口加上芝士才比較方便,吃的時候也不會配料亂跌。2。喜歡吃辣的可加一點七味粉,味道會更鮮活。 文字/圖片來源 :Starry Starry Tearoom...