灣仔美食2023|手工烘焙麵包品牌新開型格簡約風Cafe 手工烘焙麵包品牌SOFT THUNDER在2021年進駐堅尼地城後成為人氣麵包專門店,因此落戶灣仔開設首間旗艦Cafe,新店走型格簡約風,由著名室內設計公司操刀,全落地玻璃營造透光寬闊空間。今次與本地咖啡烘焙品牌合作推出自家拼配豆,不得不提有港人至愛的開心果系列,例如開心果醬牛角包、大熱拿破崙筒,仲有首個開心果拿鐵,以 100% 全天然開心果醬製作。而小編率先試咗拿鐵,味道超超超好飲~開心果醬同牛奶好夾,更加突出果仁味,配埋麵包食仲要一啲都唔膩添!如果想打卡又想食好西記得Mark定呢度啦! ▲SOFT THUNDER 旗艦咖啡廳之室內設計由獲獎設計公司ARKAUNIS操刀,加入環太平洋元素,像火山玄武岩、熔岩泡沫金屬、松木等;置於店中央的七米長石製陳列櫃枱是以人手於店內打磨及修飾。店內劃分成兩大用餐區,有偌大的落地玻璃窗透進自然光線,打卡一流。 ▲舊舖堅尼地城的麵包在灣仔cafe亦可以品嚐到。 ▲有港人至愛的開心果系列,例如開心果醬牛角包「Pistachio Croissant」、大熱拿破崙筒「Unicorn Puff」,裡面充滿爆餡開心果醬,勁滿足! ▲葡撻系列都可以係灣仔食到,仲要每日供應,依家仲有「Crème Caramel Danish」,上面係將焦糖雞蛋布甸,下面係酥脆丹麥酥,不過呢個只限堂食喔! ▲Pistachio Latte開心果Latte以 100% 全天然的開心果醬製作,每啖都飲到香濃果仁味。仲有旗艦Cafe新品Mochi Affogato,將自家製麻糬片包裹雲呢拿雪糕球,雪糕淋上朱古力醬及榛子碎,再倒入熱辣辣的意式濃縮咖啡,充滿冷熱交融口感。...
大提琴手變麵包達人! 呢間麵包店由來自拉脫維亞的兩父女合力打理,主打拉脫維亞的裸麥酸種手工麵包。全店都採用天然酵母、無防腐劑、無人工添加劑、純素不含雞蛋牛奶去製造麵包,真係健康到爆。原因係父親街外麵包食到敏感,原為大提琴手都決定轉行做麵包。佢地遵循50-70年代的拉脫維亞古代食譜,將麵粉發酵約35至40小時才去烤焗,絕對正宗又健康。 ▲所有麵包新鮮焗製,使用自家養殖天然酵母。因純天然對身體非常好。 ▲拉脫維亞純裸麥麵包 ($120):密度高,麥味重,無麩質。加入葛縷子,味道似茴香和有微微薄荷清新感覺。 ▲核桃紅莓乾裸麥麵包 ($150 ):加了核桃增加口感。 ▲橄欖拖鞋麵包($80):包皮香脆,味道偏淡但有天然麥香。 ▲玉米麵包($70):使用小麥,味道香甜鬆軟。 ▲除了麵包仲有自家製天然果醬。 Mayse Artisan Bakery 地址:大埔大美督路64號地舖電話:64091966營業時間:10:00-20:00 文字來源: 香港人.遊香港/圖片來源: Mayse Artisan Bakery...
麵包大家食得多,但將麵包放入展示櫃好似藝術品咁展出,唔比自己夾麵包你又見過未?呢間位於跑馬地的麵包小店,白色牆面設計簡約明亮,走極簡主義風,當日限定麵包會好似藝術品咁放係店裡面木質展示櫃。每日只有十款麵包寫係黑板展示,要買麵包直接向店員落單,唔洗自己夾到麵包變晒形。麵包係店主自家烘焙的手工麵包,用天然的有機麵粉,無添加香草精,令麵包口感柔軟。除左麵包,店裡亦有咖啡選擇。 ▲純白色的外牆設計的簡約風格係呢間小台的特色,打卡一流 ▲店內都設計簡單,可以睇到師傅係裡面揉麵粉、做麵包的整個過程 ▲將當日限定麵包款式放係展示櫃展出,令麵包升格為一件藝術品一樣 ▲店內的玉桂卷好受歡迎 ▲每日有咩麵包賣會寫係門口的黑板,但每款都有限量,賣完就會刪走了 ▲食麵包又點少得咖啡,咖啡都值得一試 Proof. 地址:跑馬地晉源街14號地下電話:6542 9788時間:08:00-16:00 (星期一休息) 文字來源:香港人.遊香港/圖片來源:@proof_hkz、nutter1019、camie.foodie...