尖沙咀美食2024|尖沙咀新開水泥風復古Cafe 尖沙咀又有新cafe啦!最近新開了間朝啡晚酒概念的Cafe & Bar,新店走水泥復古工業風裝潢,並設露台座位打卡,鐘意坐outdoor嘅都有得選擇!食物方面,餐廳白天會提供一系列咖啡飲品以及主食甜品等,晚上則提供一系列特色酒精飲品,例如可以食到芝士焗龍蝦、慢煮安格斯肉眼、蘭王溫泉蛋卡邦尼意粉、椒鹽蛋白茶樹菇以及超邪惡士多啤梨牛角包窩夫等等。一齊同朋友去呢度chill下啦! ▲餐廳裝潢以日式水泥工業風為主調,再搭配復古擺設座椅,設有室外露台座位,舒服寫意。 ▲食物方面,餐廳白天會提供一系列咖啡飲品以及主食甜品等,晚上則提供一系列特色酒精飲品,例如可以食到芝士焗龍蝦、慢煮安格斯肉眼等。特別推介士多啤梨牛角包窩夫,倒上澎拜忌廉果醬,賣相極邪惡! ▲還有椒鹽蛋白茶樹菇、蘭王溫泉蛋卡邦尼意粉、芝士焗龍蝦、香煎石班柳扒墨魚麵等等。 ▲飲品有多款咖啡、奶昔、茶類等選擇,推薦焦糖布丁拿鐵、Freaky Meow、意大利特濃朱古力、Honey Latte、士多啤梨乳酪沙冰等人氣飲品,到了晚上則有多款酒精飲品提供。 aga Restaurant & Bar 地址:尖沙咀厚福街12-12A號藍馬商業大廈5樓營業時間:星期一至日11:45-01:00電話:37550438 / 56259536 (WhatsApp) 圖片來源: @aga.concrete 、 @dean0503_travelol 文字:香港人遊香港...
尖沙咀美食2024|AV主題拉麵!巨根海老湯+一斤奶貝湯1
尖沙咀美食2024|AV主題拉麵!巨根海老湯+一斤奶貝湯 呢間位於尖沙咀嘅拉麵店,以AV為主題!裝修玩味感十足,設有女優攬枕同海報,加上霓虹燈光,有啲日本歌舞技町嘅風格,而且拉麵嘅名稱都配有番號,十分搞鬼又有誠意。番號SSIS嘅巨根海老湯拉麵係櫻花蝦加大赤蝦拉麵,除咗附上兩隻大蝦之外,湯底亦係超濃郁蝦湯。另外使用香港AV女優絵麗奈番號FSDSS嘅一斤奶貝湯拉麵就係勁澎拜嘅蜆肉拉麵,蜆肉份量多得嚟又厚肉兼冇沙,湯底十分鮮甜! ▲巨根海老湯拉麵配粗曲麵($118):兩隻巨根蝦係使用櫻花蝦包住大赤蝦再炸,食到彈牙啖啖蝦肉之外,外層嘅櫻花蝦脆皮令口感更豐富。用蝦湯浸淋大赤蝦再食,吸滿湯後蝦味會更突出。 ▲一斤奶貝湯配直幼拉麵($118):即係蜆肉拉麵,蜆肉份量多得嚟又厚肉兼冇沙,成碗麵用上足足一斤蜆肉,湯底十分鮮甜! ▲廣島蠔湯拉麵($128):湯底有蠔嘅鮮甜味,香氣突出。配上3粒偏大的廣島蠔,啖啖肉。 ▲小鋼炮雞卷($38):雞卷使用嫩滑又彈牙的雞肉,烤至外皮帶微脆,食落肉汁豐富。 ▲環境好有日本歌舞技町嘅風格,有霓虹燈光,又有女優嘅攬枕同Poster。不過小店座位比較少,繁忙時間通常都要等位。 朝日大勝AV ラーメン 地址:尖沙咀漆咸圍2-4號金時商業大廈地下5號舖營業時間:13:00-22:30電話:60614941 文字來源:香港人遊香港/圖片來源:@sa_foodieadventure、@pigfoodiexhk...
尖沙咀美食2024|京都咖啡店KURASU進駐香港 咖啡迷注意!位於日本京都的精品咖啡品牌KURASU正式插旗香港,位於尖沙咀,是亞洲區第4間分店。新店走日式簡約風,文青打卡最愛!而食物方面主打各種特色咖啡和輕食,包括手沖咖啡、Matcha Latte Espresso、焙茶巴斯克芝士蛋糕及焦糖布甸配雲呢拿雪糕等。依家唔洗去日本都可以飲到日式和風風味嘅精品咖啡啦! ▲日本京都精品咖啡匠人品牌Kurasu的創辦人兼行政總裁為大槻洋三先生,在2013年由一家小型路家居用品網店起家,現在發展至經營實體店和網店,Kurasu的日文單字意思為「生活」或「生活風格」,致力分享京都咖啡文化並提供優質精品咖啡、茶葉和日本沖泡文化。 ▲新店走日式木系簡約風,相信會變成文青人士集中地! ▲KURASU亦提供香港店的特色咖啡及輕食,包括精品手沖咖啡、Matcha Latte Espresso,漸層效果好療癒! ▲而甜品有焙茶巴斯克芝士蛋糕及焦糖布甸配雲呢拿雪糕等。 KURASU 地址:尖沙咀彌敦道118-130號美麗華廣場2期地下G65號舖(美麗華酒店入口旁)營業時間:星期一至日早上八時至晚上九時電話: 2398 8821 圖片來源:kurasu_hk 文字:香港人遊香港...
尖沙咀美食2023|鐵觀音雪糕雞蛋仔+普洱燕麥奶 海港城特色精緻茗茶店 這間位於尖沙咀的茶飲店,主打各式茗茶調飲及茶味輕食,以6大茶底包括綠茶、白茶、茉莉花茶、烏龍、紅茶及普洱作基調。普洱燕麥奶使用帶飽和濃厚茶甘的普洱,配上健康的燕麥奶,兩者配合得宜,帶甜味後勁。除了茶飲之外,更有咸甜輕食提供。鐵觀音雪糕雞蛋仔十分受歡迎,雪糕灑上大量鐵觀音茶粉,與奶味結合後清甜又有回甘滋味,雞蛋仔外脆內軟,蛋香味濃。茶店的另一特色為AI人工智能泡茶器模仿人手泡茶,各位茶控不要錯過啦! ▲位於尖沙咀的茶飲店,主打各式茗茶調飲。與坊間的手搖飲品店不同,此店專售精緻茶葉泡成的茶飲。除了各款創新特色調飲,亦有傳純手泡名茶,例如西湖明前龍井、雲南滇紅金針、福鼎小白茶等等。 ▲清香鐵觀音髒髒雪糕配原味雞蛋仔($68):雪糕灑上大量鐵觀音茶粉,與奶味結合後清甜又有回甘滋味,雞蛋仔外脆內軟,蛋香味濃。 ▲柑橘鴨胸沙律配原味雞蛋仔($88):咸食的雞蛋仔,柑橘的清甜可以中和鴨胸的油膩,再配上大量沙律菜,味道更添清新,而外皮使用雞蛋仔包裹,帶蛋香又飽肚! ▲普洱燕麥奶($45):使用帶飽和濃厚茶甘的普洱作基調,配上健康的燕麥奶,兩者配合得宜,帶甜味後勁。如果點選熱飲,面層更會有香濃奶泡。 ▲丁香肉桂滇紅($55):使用紅茶做茶底,加入肉桂及丁香,香氣十足。 ▲店面環境不算大,有數個座位,走木系清新風格。店內有多款茶包及禮盒發售,亦有介紹6大茶葉的告示,讓客人可以更清晰了解每款茶再作選擇。 活在茶下 地址:尖沙咀海港城海運大廈地下OT G03A號舖營業時間:11:00-21:00訂座電話:98599700 文字來源:香港人遊香港/圖片來源:@eatwithwings、@foodiary.hk...
尖沙咀美食2023|尖沙咀新開日系復古牛丼專門店 本地著名生活品牌HOW to live well團隊聯乘日本插畫大師原田治人氣品牌OSAMU GOODS開設的首間海外主題餐廳並強勢登陸香港!新店位於尖沙咀,以慢煮熟成牛肉飯為主打,而新店的牆身、餐廳標誌、餐牌、碗碟,亦能發現OSAMU GOODS角色的蹤影,非常療癒。 餐廳參考傳統日式生雞蛋牛丼,研發出自家招牌牛肉飯,採用產自美國的優質牛肉,熟成21日過後再以60度慢煮一小時。不過餐廳款式多元化,客人可以自由組合包括牛肉、豬肉和雞肉在內的各款肉類、主食、汁醬和配料,以$88就食到,等大家一嚐美味! ▲店內裝潢以日系美式復古風格為主調,亦處處能發現 OSAMU GOODS 可愛角色的蹤影。 ▲Slow Cow ​​招牌菜慢煮熟成牛肉飯採用產自美國的優質牛肉,於溫度2-4度及濕度70-75度環境下自家熟成21日。熟成過後再以60度慢煮一小時,因此牛肉口感滑溜軟嫩。而自家製鮮忌廉則是每日新鮮人手製作,味帶微甜,中和味道較濃的牛肉及醬汁,令牛肉飯整體味道更清爽輕盈。 ▲另外有佔整隻牛2%的頂級美國三角脊扒牛肉飯、慢煮熟成牛肉芝士漢堡、自家手打牛肉餅配蕃茄醬洋蔥意粉等。不吃牛的朋友可以選擇慢煮北海道四元豚飯及日式唐揚炸雞沙律小食。 ▲於12月17日,Slow Cow與YAICHI攜手送出每日免費50份「日本鹿兒島A5和牛飯」,當日首50位於Slow Cow即場新登記成為 YAICHI會員的客人,即可免費獲贈「日本鹿兒島A5和牛飯」一份! Slow Cow 地址:尖沙咀河內道18號K11購物藝術館2樓201-B號舖營業時間:12nn – 8pm 文字:香港人遊香港...
尖沙咀美食2023|尖沙咀全新透明星空帳幕餐廳 位於尖沙咀市中心地帶的全新意大利餐廳主打性價比極高的意大利及日本Fusion菜式,推出「冬日三品華麗晝食」以及「冬夜八品豪華盛宴」,菜式包括豪華和牛漢堡包、150日穀飼安格斯西冷、日本A5和牛釜飯、巴馬火腿舞茸釜飯等等。而餐廳最特別之處擁有獨家私隱度極高透明星空帳幕露天座位,客人可以在星空帳幕裡用餐,一邊享受杯中美酒,一邊仰望鬧市的星空,既浪漫又有情調!而餐廳空間劃分成雅座及主廚餐桌區,客人可同主廚彼此交流互動,顯得非常親民! ▲餐廳空間劃分成雅座及主廚餐桌區,食客可與主廚互動,從頭到尾欣賞廚師精心準備菜餚的過程。 ▲戶外的露天平台設有透明帳幕,為客人提供舒適的空調戶外座位和寧靜的氛圍,客人可以在星空帳幕裡用餐,一邊享受杯中美酒,一邊仰望鬧市的星空,非常有情調! ▲「冬日三品華麗晝食」只需HK$168起,就可以品嚐到三道精緻美味的菜式。「冬夜八品豪華盛宴」只需HK$798起就可以嚐盡8道菜。而前菜方面,有即日新鮮刺身配王林蘋果及柚子醋啫喱、赤海蝦配福岡無花果及赤蝦餅以及日式蟹膏配水牛芝士及最中餅。 ▲主菜有利沃內塞式烤穴子、日本A5和牛配味噌大根(+$90升級大份量加日本A5和牛)及日本A5和牛釜飯/巴馬火腿舞茸釜飯。其中巴馬火腿舞茸釜飯選用意大利巴馬火腿製作日本舞茸釜飯,讓火腿獨有的甘香結合日本舞茸菇帶來的香氣,令你每一口都能嚐到鹹香鮮美的口感! ▲甜品方面「冬日三品華麗晝食」可以選擇「意大利松子吉士批」及「鹿兒島紫芋若瑟布甸」。而有「冬夜八品豪華盛宴」則有「四小味甜品」包括鹿兒島紫芋若瑟布甸、Churros(吉拿棒)及 Tiramisu、栗子可麗露及士多啤梨吉士撻。 Stella Kappo 地址:尖沙咀彌敦道100號The One 3樓308號舖營業時間:星期一至日 中午12時至晚上11時(每日下午3時至6時休息)訂座電話:9301 3108 文字:香港人遊香港...
尖沙咀美食2023|鹿兒島A5和牛火鍋 位於尖沙咀的日式餐廳主打傳統日式Shabu Shabu,以及用日本備長炭燒製的串燒。套餐由師傅精心炮製,以日本備長炭燒製的串燒、海鮮、牡蠣等,配合日本時令生蠔、刺身,以精緻和食料理滿足大家的味蕾。餐廳推出日本鹿兒島A5黑毛和牛火鍋生蠔宴,仲有A5黑毛和牛刺身,選用西冷部分,脂肪雪白幼細,入口即溶!套餐可以任食日本生蠔,暢飲生啤同Sake,一定要試炭燒蟹膏和牛飯團,外面有少少焦飯香,面上的和牛油脂香噴噴,超級滋味。依家訂座滿4位或以上,每2位就會逢送炭燒美國小蜜蜂龍蝦,鍾意食日式料理千萬不要錯過! ▲餐廳推出日本鹿兒島A5黑毛和牛火鍋生蠔宴,搭配清甜昆布湯底。另外有A5黑毛和牛刺身,選用西冷部分,脂肪雪白幼細,油脂比例均勻,質感嫩滑,入口即溶。 ▲▲炭燒串燒拼盤包括鰻魚、雞翼、雞軟骨、翠玉瓜。 ▲套餐可以任食日本生蠔,暢飲生啤同Sake,一定要試炭燒蟹膏和牛飯團,外面有少少焦飯香,面上的和牛油脂香噴噴,超級滋味。 ▲整體套餐款式種類多,非常豐富,食材質素非常高,超級抵食! 蠔埕 地址:尖沙咀彌敦道176號The Nate2樓A號舖港鐵佐敦站 D 出口, 步行約3分鐘電話: 852 6366 4633 (WhatsApp) 限時優惠$598 9:00 p.m.前離座$528 9:15 p.m.後入座 圖片來源: @alaninfinity 、 @wildoyster63664633 文字:香港人遊香港...
Pizza餐 主打健康不加牛油起酥油1
尖沙咀美食2023|尖沙咀超抵食$74一人8吋Pizza餐 主打健康不加牛油起酥油 【尖沙咀美食】近年大眾都開始注重健康飲食,為此不少人都戒掉了快餐。不過最近尖沙咀新開的這間Pizza店,就可以讓各位食得放心又滿足,因為他們主打健康pizza,堅持不使用牛油及起酥油,而是採用較健康的橄欖油,餅底亦是以天然大米酵素及麥芽酵母發酵。另一重點是價錢超親民!只需要$74就可以食到一個8吋Pizza餐,包括Pizza、薯條、沙律同飲品,另加多2元更可以有牛肉餡餅。當中印度咖喱雞Pizza就最惹味,雞肉份量多,肉質嫩滑。餡餅亦是餐廳的另一主打,同樣超抵食,一人餐都只是$59! 餡餅烤得脆卜卜,更加入多種蔬菜。追求健康又忍不住想食快餐的話,這間餐廳絕對是不二之選。#Pizza #健康飲食 #尖沙咀Pizza ▲Bombay Chicken Crusti Pizza(單點$52):印度咖喱雞Pizza就最惹味,以蕃茄醬做底,加上咖喱,味道濃郁,雞肉份量多,肉質嫩滑。 ▲Crusti pizza combo($74):一個8吋Pizza餐,包Pizza、薯條、沙律同飲品。圖為精選香腸Pizza,餅底是薄脆的,抹上蒜蓉醬做底,有蘑菇及翠肉瓜做配料,食起來清新! ▲Juicy Beef Mince Crusta(單點$39/套餐$59):餅底薄脆,底層充滿免治牛肉,而且亦配上大量蔬菜,面層更有一層薯蓉,食起來健康又滿足。 ▲Potato Fritters($20,左圖):用切成絲的薯仔炸成,口感酥脆!Sweet Potato Fries($20, 右圖)套餐可選配蕃薯條,食起來帶微甜,咬口比較綿密厚實。 ▲面門以藍白風格為主。於尖沙咀鬧市的物價而言,實在是性價比超高! Crusta 地址:尖沙咀赫德道1-3號利威商業大廈地下1號舖營業時間:11:30-21:30訂座電話:28080880 文字來源:香港人遊香港/圖片來源:@crustafoods、@eatwith4feipor...
尖沙咀美食2023|尖沙咀傳統韓國菜餐廳
尖沙咀美食2023|尖沙咀傳統韓國菜餐廳 去韓國旅行都知有一個地方叫梨泰院,而剛好香港都有一間「梨泰園」!呢間「梨泰園」是韓國人開設的,店主非常親民,係呢度可以食到最正宗嘅傳統韓國菜,而小編最鍾意食嘅就係醬油蟹!而呢度嘅醬油蟹暫時係小編吃過最好食的,醬油蟹尺寸比一般餐廳大,醬汁偏甜,蟹肉非常鮮美,蟹殼入面有好多橙色甜膏,用來送飯食簡直一流!如果同朋友聚餐可以叫土豆排骨湯,一鍋裡足足有五六舊大骨,仲痴住好多肉,湯底亦偏辣夠曬惹味,有興趣的話約朋友試下啦! ▲餐廳裝潢保留韓國傳統風貌,牆身有古代畫作。入去進食的話,每人都配有小菜,總共有6款。 ▲必食正宗醬油蟹,尺寸比一般餐廳大,醃得非常入味,醬汁偏甜,蟹肉非常鮮美。 ▲蟹殼入面有好多橙色甜膏,加埋甜醬汁用來送飯食簡直一流! ▲如果同朋友聚餐可以叫土豆排骨湯,一鍋裡足足有五六舊大骨,仲可以另加配料例如年糕、辛拉麵、生菜等。 梨泰園韓國餐廳 地址:尖沙咀柯士甸路14-18C號僑豐大廈地下18A號舖營業時間:星期一至日11:30 – 21:00 圖片&文字:香港人遊香港...
尖沙咀美食2023|日本過江龍!奇跡之梳乎厘班戟 日本原料即叫即做 必試原味+榛子焦糖香蕉1
這間來自日本的人氣Cafe,最有名的必定是招牌菜「奇跡之梳乎厘班戟」!三件厚身班戟加上各式口味配料,單從賣相就已經十分吸引,口感更是軟綿順滑,充滿空氣感而且味道香濃!原味最能品嚐到原始蛋香及牛奶香,兩者融合得宜,不會互搶風頭,口味不會過甜,只使用自家製楓糖來提味。喜歡甜味的朋友不妨另試榛子朱古力焦糖香蕉味,有榛子粒增添口感⋯⋯